[បរទេស] ត្រឹមតែ ៤ ថ្ងៃបន្ទាប់ពីការដាក់លក់ជាផ្លូវការនៅ Jimny Nomade នៅក្នុងប្រទេសជប៉ុន ពេលនេះ ក្រុមហ៊ុនផលិតរថយន្ត Suzuki បាននិយាយថាខ្លួនបានទទួលបានការបញ្ជាទិញទុកមុនប្រហែល ៥០ ០០០ គ្រឿង ព្រមទាំងប្រកាសផ្អាកទទួលកក់ជាបណ្តោះអាសន្ន ដោយសារតម្រូវការច្រើន លើពីសមត្ថភាពផលិតបច្ចុប្បន្នរបស់ខ្លួន។

គួរឲ្យដឹងថា ការចែកចាយរថយន្ត Suzuki Jimny 5-door លើកដំបូងនៅក្នុងប្រទេសជប៉ុន គ្រោងធ្វើឡើងនៅថ្ងៃទី ៣ ខែមេសា ប៉ុន្តែដើម្បីបំពេញតម្រូវការដ៏ធំនាពេលបច្ចុប្បន្ន ក្រុមហ៊ុន Suzuki អាចនឹងលុបចោលព្រឹត្តិការណ៍ដែលបានគ្រោងទុកពីមុនទាំងអស់សម្រាប់ Jimny Nomade នៅក្នុងប្រទេសជប៉ុនផងដែរ។

ជាមួយគ្នានេះ ក្រុមហ៊ុនផលិតរថយន្តរបស់ប្រទេសជប៉ុនមួយនេះ ក៏បាននិយាយថា ខ្លួននឹងធ្វើបច្ចុប្បន្នភាពពេលវេលានៃការបើកទទួលការបញ្ជាទិញទុកមិនឡើងវិញ និងពិចារណាលើការផលិតឲ្យបានឆាប់នាពេលខាងមុខ ៕

ផ្ទាំងផ្សាយពាណិជ្ជកម្ម

[បរទេស] ក្រុមហ៊ុនផលិតរថយន្ត Suzuki ប្រចាំនៅទីផ្សារប្រទេសជប៉ុន បានធ្វើការប្រកាសថា ក្រុមហ៊ុនទទួលបានការបញ្ជាទិញទុកមុននៅរថយន្ត Suzuki Jimny Nomad ប្រភេទទ្វារ ៥ ចំនួនដល់ទៅ ៤ម៉ឺនគ្រឿង ត្រឹមរយៈពេល ២ថ្ងៃប៉ុណ្ណោះ ។

គួរឲ្យដឹងថា Suzuki Jimny ម៉ូដែល Nomade ប្រភេទទ្វា ៥ នៅទីផ្សារប្រទេសជប៉ុន គ្រោងនឹងដាក់លក់នៅខែមេសា ឆ្នាំ ២០២៥ ជាមួយតម្លៃលក់ចាប់ពី ១៧ ២០០ ដុល្លារ ៕

Suzuki Jimny Nomad ត្រូវបានបំពាក់ជាមួយប៉ាណា ប៉ាណាមុខតុបតែងជាមួយក្រូម៉េ និងកាងខាងមុខចស្រដៀងទៅនឹងម៉ូដែលទ្វារ ៣ អបសងខាងចង្កៀងមុខប្រភេទ LED អំពូលកាត់អ័ព្ទមានរាងមូល ។ ផ្នែកខាងក្នុងត្រូវបានបំពាក់ដោយអេក្រង់កំសាន្ត touchscreen ទំហំ ៩អ៉ីញ អាចភ្ជាប់មុខងារ Apple CarPlay/Android Auto ។

រថយន្តនេះ ដំណើរការដោយម៉ាស៊ីនសាំងចណុះ ១,៥ លីត្រ ទំហំ ៤ស៊ីឡាំង អាចផលិតកម្លាំងបាន ១០៣ សេះ និងកម្លាំងរមួល ១៣៤ ញ៉ូតុនម៉ែត្រ ភ្ជាប់ដោយជម្រើសប្រអប់លេខដៃ ៥វគ្គ និងប្រអប់លេខអូតូ ៤វគ្គ ប្រភេទបើកបរប៉ុង ២ part-time 4WD system ៕

ផ្ទាំងផ្សាយពាណិជ្ជកម្ម