ក្រុមហ៊ុន Toyota បង្ហាញឯកសារប៉ាតង់ Stout ជារថយន្តភីកអាប់ខ្នាតតូចថ្មីនាពេលអនាគត

September 21, 2022

[បរទេស] កាលពីថ្ងៃទី ១៥ ខែកញ្ញា ឆ្នាំ ២០២២ កន្លងទៅនេះ ក្រុមហ៊ុនផលិតរថយន្ត TOYOTA បានធ្វើការបង្ហាញចេញនៅឯកសារប៉ាតង់មួយដែលមានឈ្មោះថា Stout ថ្មី ដែលធ្លាប់ជារថយន្តភីកអាប់ខ្នាតតូចមួយដែលត្រូវបានដាក់បង្ហាញតាំងពីឆ្នាំ ១៩៥៤ ដល់ឆ្នាំ ២០០០ ។

ជាមួយគ្នានេះ ការចុះបញ្ជីប៉ាតង់បែបនេះ មិនមានការបញ្ជាក់ទេ ថាក្រុមហ៊ុន toyota ពិតជានឹងផលិតរថយន្តភីកអាប់នេះ ប៉ុន្តែលទ្ធភាពនៃការផលិតរថយន្តភីកអាប់ខ្នាតតូចពិតជាគួរឱ្យចាប់អារម្មណ៍ណាស់ ប្រសិនបើពួកគេចង់ចូលទៅក្នុងទីផ្សារភីកអាប់នៅពេលអនាគត។

Toyota បានចាប់ផ្តើមងាកទៅកាន់ការផលិតរថយន្តផ្នែករថយន្ត Pick-up ខ្នាតតូចនេះ ដោយមានគោលបំណងប្រកួតប្រជែងជាមួយម៉ូដែលដូចជា Ford Maverick, Fiat Toro, Renault Oroch, Chevrolet Montana និង Hyundai Santa ជាដើម។

មកទល់ពេលនេះ មិនទាន់មានព័ត៌មានលម្អិតត្រូវបានគេបញ្ជាក់នៅឡើយទេ។ ទោះបីជាគំរូនេះ ត្រូវបានប្រើប្រាស់គ្រោងឆ្អឹង TNGA platform ដូចគ្នាទៅនឹងរថយន្ត Corolla ដើម្បីផលិតរថយន្តភីកអាប់ជាមួយនឹងបច្ចេកវិទ្យាថ្មី ឬប្រហែលជាបន្ថែមម៉ូទ័រអគ្គិសនីផងដែរ។

បើទោះបីជារហូតមកដល់ពេលនេះពួកគេមិនបានបញ្ជាក់ឲ្យច្បាស់លាស់ក៏ដោយ ប៉ុន្តែក្នុងចំណោមពាក្យចចាមអារ៉ាមជាច្រើន ដោយឥឡូវនេះមានការពិតមួយបានចាប់អារម្មណ៍ពីវិទ្យាស្ថានជាតិនៃកម្មសិទ្ធិឧស្សាហកម្ម ដោយមានយោងតាមឯកសារដែល Windshield បានបង្ហាញពីក្រុមហ៊ុនផលិតរថយន្តជប៉ុននេះបានចុះបញ្ជីឈ្មោះ Stout ៕

ផ្ទាំងផ្សាយពាណិជ្ជកម្ម

រថយន្ត Mitsubishi ASX ស៊េរីឆ្នាំ ២០២៣ ប្រភេទ Crossover បង្ហាញខ្លួនជាផ្លូវការ

September 21, 2022

[ទីផ្សារបរទេស] ក្រុមហ៊ុនផលិតរថយន្ត Mitsubishi បានធ្វើការដាក់បង្ហាញចេញនៅរថយន្ត Mitsubishi ASX ស៊េរីឆ្នាំ ២០២៣ គ្រោងនឹងចេញលក់ជាផ្លូវការនៅក្នុងទីផ្សារប្រទេសអាឡឺម៉ង់ និងទីផ្សារនៅអឺរ៉ុបផ្សេងទៀតនៅខែមិនា ឆ្នាំ ២០២៣។

Mitsubishi ASX ស៊េរីឆ្នាំ ២០២៣ បានប្រើប្រាស់នៅគ្រោងឆ្អឹង CMF-B platform មានប្រវែងតួខ្លួនសរុប ៤២២៨ មម ទទឹង ១៧៩៧ មម កំពស់ ១៥៧៣ មម។ រថយន្តនេះ បានភ្ជាប់មកជាមួយប៉ាណាមុខត្រូវបានរចនាថ្មី ចង្កៀងមុខ LED ជាមួយនឹងអំពូលបំភ្លឺពេលថ្ងៃ។ វាក៏ភ្ជាប់មកជាមួយតួដំបូលពណ៌ខ្មៅ ឬពីរពណ៌ និងថាសកង់ស្ព័ររចនាថ្មីទាំងស្រុងផងដែរ ។

នៅខាងក្នុងកាប៊ីន បំពាក់ដោយកុងទ័រព័ត៌មានឌីជីថលទំហំ ១០,២៥ អ៊ីញជាមួយនឹងមុខងារ 3D navigationសម្រាប់អេក្រង់កណ្តាល អ្នកអាចជ្រើសរើសរវាងអេក្រង់កំសាន្តផ្តេកទំហំ ៧ អ៊ីញ ឬអេក្រង់បញ្ឈរទំហំ ៩,3 អ៊ីញ ដែលអាចភ្ជាប់មុខងារ Apple CarPlay ឬ Android ។ កៅអីខាងក្រោយអាចបត់បានដែលផ្តល់កន្លែងធំទូលាយ ឬកន្លែងដាក់ឥវ៉ាន់បានកាន់តែច្រើន។

ចូលទៅកាន់ផ្នែកម៉ាស៊ីនវិញ រថយន្ត Mitsubishi ASX ស៊េរីឆ្នាំ ២០២៣ មានម៉ាស៊ីនជាច្រើនប្រភេទសម្រាប់ជ្រើសរើស រួមមាន៖

ម៉ាស៊ីនចំណុះ ១,០ លីត្រ ទំហំ ៣ ស៊ីឡាំង កម្លាំង ៩០ សេះ និងកម្លាំងរមួល ១៦០ ញ៉ូតុនម៉ែត្រ ប្រអប់លេខដៃ ៦ វគ្គ។
ម៉ាស៊ីនចំណុះ ១,៣ លីត្រ ទំហំ ៤ ស៊ីឡាំង Mild Hybrid កម្លាំង ១៣៨ សេះ និងកម្លាំងរមួល ២៦០ ញ៉ូតុនម៉ែត្រ ប្រអប់លេខដៃ ៦ វគ្គ។
ម៉ាស៊ីនចំណុះ ១,៣ លីត្រ ទំហំ ៤ ស៊ីឡាំង Mild Hybrid កម្លាំង ១៥៦ សេះ និងកម្លាំងរមួល ២៧០ ញ៉ូតុនម៉ែត្រ ប្រអប់លេខអូតូ ៧ វគ្គ។
ម៉ាស៊ីនចំណុះ ១,៦ លីត្រ ទំហំ ៤ ស៊ីឡាំង Hybrid កម្លាំង ១៤១ សេះ និងកម្លាំងរមួល ១៤៨ ញ៉ូតុនម៉ែត្រ ប្រអប់លេខដៃ ៦ វគ្គ ផ្គួបជាមួយអាគុយទំហំ ១,៣ គីឡូវ៉ាត់ម៉ោង។
ម៉ាស៊ីនសាំងចំណុះ ១,៦ លីត្រ Plug-in hybrid កម្លាំង ១៦០ សេះ និងកម្លាំងរមួល ១៤៤ ញ៉ូតុនម៉ែត្រ ផ្គួបជាមួយអាគុយទំហំ ១០,៥ គីឡូវ៉ាត់ម៉ោង អាចបើករបានចម្ងាយ ៤៧-៤៩ គីឡូម៉ែត្រដោយថាមពលអគ្គិសនី។

ទាក់ទងនឹងប្រព័ន្ធសុវត្ថភាពវិញ រថយន្តបានភ្ជាប់មកជាមួយ ប្រព័ន្ធហ្រ្វាំងសុវត្ថភាព, ប្រព័ន្ធផ្តល់សញ្ញាពេលរថយន្តចាកគន្លង, ប្រព័ន្ធកំណត់ល្បឿន, ប្រព័ន្ធជំនួយពេលចូលចតជាដើម៕

ផ្ទាំងផ្សាយពាណិជ្ជកម្ម

Renault ប្រកាសចេញឡានវ៉ែនអគ្គិសនី សាកម្ដងជិះបាន ២៤០គ.ម

September 20, 2022

[ទីផ្សារបរទេស] រថយន្តអគ្គិសនីមិនមែនតែជានិន្នាការថ្មីខាងផ្នែករថយន្តអ្នកដំណើរទូទៅនោះទេ ប៉ុន្តែវាក៏ជានិន្នការថ្មីមួយសម្រាប់ផ្នែករថយន្តពាណិជ្ជកម្មធុនស្រាល ដោយមួយរយៈចុងក្រោយនេះក្រុមហ៊ុនរថយន្តកាន់តែច្រើននាំគ្នាប្រកាសចេញរថយន្តវ៉ែនប្រើប្រាស់ថាមពលអគ្គិសនីសុទ្ធ។

រថយន្តវ៉ែនថ្មីចុងក្រោយគេនេះគឺជាផលិតផលរបស់ក្រុមហ៊ុន Renault មានឈ្មោះថា Trafic Van E-Tech Electric ដែលជាសមាជិកថ្មីនៃរថយន្ត E-Tech។ រថយន្តនេះត្រូវបានផលិតផ្អែកតាមរថយន្ត Trafic ជំនាន់ទីបួន ដោយវាមានរូបរាងក្រៅស្រដៀងគ្នា។

ចំពោះផ្នែកថាមពលវិញ វាមានប្រើប្រាស់ម៉ូទ័រអគ្គិសនីមួយដែលអាចផលិតកម្លាំងបាន ១២១សេះ ដែលកម្លាំងនេះហាក់ខ្សោយជាងរថយន្ត Trafic ដែលប្រើម៉ាស៊ីនម៉ាស៊ូតបន្តិច។ ចំពោះការសណ្ដោងវិញវាអាចទ្រាំទ្រនឹងទម្ងន់ ៧៥០គីឡូក្រាម និងផ្ទុកបានទម្ងន់ ១១០០គីឡូក្រាម។

រថយន្ត Trafic Van E-Tech Electric នេះប្រើប្រាស់អាគុយចំណុះ ៥២kWh ដូចនឹងរថយន្ត Master E-Tech ដែរ ដែលអាចឲ្យវាបើកបរបានចម្ងាយ ២៤០គីឡូម៉ែត្រ ហើយអាគុយរបស់វាគាំទ្រការសាកកម្លាំង ៧kW, ២២kW និង ៥០kW ផងដែរ។

ដោយឡែក ទាក់ទងនឹងតម្លៃ និងកាលបរិច្ឆេទចេញលក់ មិនទាន់មានការបញ្ជាក់ពីក្រុមហ៊ុន Renault នៅឡើយទេ។ យ៉ាងណារថយន្ត Trafic Van ប្រភេទអគ្គិសនី រំពឹងថានឹងមានចេញតាមពីក្រោយដោយរថយន្ត Trafic សម្រាប់អ្នកដំណើរធម្មតា ដែលធ្លាប់បានបង្ហាញវត្តមានជារថយន្ត Concept ឈ្មោះ Hippie Caviar Hotel កាលពីឆ្នាំ២០២១៕

ផ្ទាំងផ្សាយពាណិជ្ជកម្ម

Kia Sorento ស៊េរីឆ្នាំ២០២៣ ប្រភេទ PHEV តម្លៃទាបបំផុតចាប់ពីជាង ៥ម៉ឺនដុល្លារ

September 20, 2022

[ទីផ្សារបរទេស] ក្រុមហ៊ុន Kia បានប្រកាសចេញតម្លៃលក់សម្រាប់រថយន្ត Sorento ស៊េរីឆ្នាំ២០២៣ ប្រភេទ PHEV ដោយវានឹងមានតម្លៃខ្ពស់ជាងមុន ពេលចេញលក់លើទីផ្សារសហរដ្ឋអាមេរិក។

រថយន្តស៊េរីថ្មីនេះ បានលុបបំបាត់ចោលនូវប្រភេទ SX ដោយមានតែប្រភេទ SX-P មួយតែប៉ុណ្ណោះ ជាមួយតម្លៃចាប់ផ្ដើមពី ៥១ ១៨៥ដុល្លារ។ ងាកទៅមើលប្រភេទ SX-P កាលពីស៊េរីឆ្នាំ២០២២ គឺមានចាប់ពី ៤៩ ០៦៥ដុល្លារ មិនដល់ ៥ម៉ឺនដុល្លារឡើយ ខណៈដែលប្រភេទ SX ពីមុនមានតម្លៃចាប់ពី ៤៦ ១៦៥ដុល្លារ។

Kia Sorento PHEV SX-P ស៊េរីឆ្នាំ២០២៣ មានមកជាមួយមុខងារពិសេសៗមួយចំនួនដូចជាមានវាំងននការពារកម្ដៅថ្ងៃសម្រាប់កញ្ចក់ខាងក្រោយ, មុខងារសុវត្ថិភាពដូចជាបច្ចេកវិទ្យាទប់ស្កាត់ការប៉ះទង្គិច, មុខងារជំនួយដល់ការរក្សាគន្លងផ្លូវ, មុខងារឲ្យដំណឹងអ្នកបើកបរឲ្យផ្ដោតអារម្មណ៍លើការបើកបរ, មុខងារទប់ស្កាត់ការប៉ះទង្គិចពីខាងមុខ និងមានអេក្រង់ដែលអាចមើលទិដ្ឋភាពជុំវិញជាដើម។

រថយន្តនេះដែរ ក៏មាននូវកៅអីអង្គុយខាងមុខដែលអាចបញ្ចេញកម្ដៅបាន, មានគូថរថយន្តបើកតាមបែបអេឡិចត្រូនិក, មានប្រព័ន្ធសំឡេង Bose ចំនួន១២គ្រាប់, មានដំបូលកញ្ចក់វែង និងមានអេក្រង់កម្សាន្តទំហំ ១០,២៥អ៊ីញ។

ចំពោះម៉ាស៊ីនវិញ វាប្រើម៉ាស៊ីន Turbocharged ចំណុះ១,៦លីត្រ ៤ស៊ីឡាំង ដែលអាចផលិតកម្លាំងសរុបបាន ២៦១សេះ និងប្រើប្រអប់លេខស្វ័យប្រវត្តិ៦វគ្គ។ ប្រព័ន្ធកម្លាំងអគ្គិសនីលើរថយន្តនេះ អាចឲ្យវាបើកបរដោយប្រើថាមពលអគ្គិសនីសុទ្ធបានចម្ងាយ ៥១,៥គីឡូម៉ែត្រ និងប្រើពេល ៣,៥ម៉ោង ដើម្បីសាកភ្លើងពេញ៕

ផ្ទាំងផ្សាយពាណិជ្ជកម្ម

Honda BR-V ២០២៣ និង Honda HR-V ២០២៣ ទទួលបានលទ្ធផលផ្កាយ ៥ ក្នុងការធ្វើតេស្តសុវត្តិភាពពី Asian NCAP

September 20, 2022

[បរទេស] រថយន្ត Honda BR-V ស៊េរីឆ្នាំ ២០២៣ និង Honda HR-V ស៊េរីឆ្នាំ ២០២៣ បានទទួលការវាយតម្លៃសុវត្ថិភាពពីអង្គភាពវាយតម្លៃ Asian NCAP ជាមួយការទទួលបាននូវចំណាត់ថ្នាកកម្រិតផ្កាយ៥ ។

សម្រាប់ការធ្វើតេស្តសុវត្ថិភាពនេះដែរ រថយន្ត Honda BR-V បានទទួលពិន្ទុសរុប ៧៧,០២/១០០៖

ការការពារអ្នកដំណើរពេញវ័យ ២៦,៩៨/៣២ ពិន្ទុ
ការពារអ្នកដំណើរវ័យក្មេង ៤៤,៥៣/៥១ ពិន្ទុ
ការការពារអ្នកថ្មើរជើង ឬអ្នកជិះកង់ចំនួន ១៦,៥០/២១ ពិន្ទុ
ប្រព័ន្ធជំនួយអ្នកបើកបររបស់រថយន្តសរុប ៨,១០/១៦ ពិន្ទុ

សម្រាប់ការធ្វើតេស្តសុវត្ថិភាពនេះដែរ រថយន្ត Honda HR-V បានទទួលពិន្ទុសរុប ៨១,៣៨/១០០៖

ការការពារអ្នកដំណើរពេញវ័យ ២៨/៣២ ពិន្ទុ
ការពារអ្នកដំណើរវ័យក្មេង ៤៥,៤៣/៥១ ពិន្ទុ
ការការពារអ្នកថ្មើរជើង ឬអ្នកជិះកង់ចំនួន ៨/១៦ ពិន្ទុ
ប្រព័ន្ធជំនួយអ្នកបើកបររបស់រថយន្តសរុប ១៩,៥០/២១ ពិន្ទុ

ក្រុមហ៊ុន Honda Thailand ក៏បានបង្ហាញផងដែរថា នាពេលបច្ចុប្បន្ននេះ ការលក់សរុបនៃរថយន្ត Honda HR-V ស៊េរីឆ្នាំ ២០២៣ នៅក្នុងប្រទេសចំនួន ៩ ក្នុងតំបន់អាស៊ីអាគ្នេយ៍ មានចំនួនសរុបជាង ២៥ ០០០ គ្រឿង ចន្លោះខែវិច្ឆិកា ឆ្នាំ ២០២១ ដល់ថ្ងៃទី ៣១ ខែកក្កដា ឆ្នាំ ២០២២។

សម្រាប់រថយន្ត Honda BR-V ស៊េរីឆ្នាំ ២០២៣ មានលក់ក្នុងប្រទេសថៃ មានតម្លៃចន្លោះពី ២៤ ៧៦៦ ដុល្លារ ដល់ ២៦ ៣៣៦ ដុល្លារ និងរថយន្ត Honda HR-V ស៊េរីឆ្នាំ ២០២៣ មានតម្លៃចាប់ពី ២៦ ៤៩៨ ដុល្លារ ដល់ ៣១ ៩១២ ដុល្លារ៕

ផ្ទាំងផ្សាយពាណិជ្ជកម្ម

Haval JOLION ស៊េរីឆ្នាំ ២០២២ ទទួលបានលទ្ធផលផ្កាយ ៥ ក្នុងការធ្វើតេស្តសុវត្តិភាពពី ANCAP

September 20, 2022

[បរទេស] រថយន្តប្រើម៉ាស៊ីនសាំង Haval JOLION ស៊េរីឆ្នាំ ២០២២ របស់ក្រុមហ៊ុនផលិតរថយន្ត Great Wall Motors បានទទួលការវាយតម្លៃសុវត្ថិភាពពីអង្គភាពវាយតម្លៃ ANCAP ជាមួយការទទួលបាននូវចំណាត់ថ្នាកកម្រិតផ្កាយ៥ នៅក្នុងប្រទេសអូស្រ្តាលី។

សម្រាប់ការធ្វើតេស្តសុវត្ថិភាពនេះដែរ រថយន្ត Haval JOLION បានទទួលពិន្ទុទៅលើការ៖

ការការពារអ្នកដំណើរពេញវ័យ ៣៤,៥៣/៣៨
ការពារអ្នកដំណើរវ័យក្មេង ៤១,១៨/៤៩
ការការពារអ្នកថ្មើរជើង ឬអ្នកជិះកង់ចំនួន ៣៥,០៥/៥៤
ប្រព័ន្ធជំនួយអ្នកបើកបររបស់រថយន្តសរុប ១៤,៨៧/១៦

សុំបញ្ជាក់ផងដែរថា សម្រាប់ការធ្វើតេស្តនេះ ចំពោះតែម៉ូដែលម៉ាស៊ីនសាំងចំណុះ ១,៥ លីត្រ ដែលលក់នៅក្នុងប្រទេសអូស្ត្រាលី និងនូវែលសេឡង់តែប៉ុណ្ណោះ។ ខណៈ ម៉ូដែលម៉ាស៊ីនកូនកាត់ hybrid នៅមិនទាន់បានធ្វើតេស្តនៅឡើយទេ។ លើសពីនេះ រថយន្ត Haval JOLION ដែលលក់នៅប្រទេសអូស្ត្រាលី ត្រូវបានបំពាក់ដោយពោងសុវត្ថិភាពកណ្តាលរវាងកៅអីខាងមុខ (Center airbag) ផងដែរ។

គួរឲ្យដឹងថា សម្រាប់រថយ្ត Haval JOLION បច្ចុប្បន្នមានលក់នៅប្រទេសអូស្ត្រាលីក្នុងតម្លៃចន្លោះពី ១៨ ៩៤៨ ដុល្លារ ដល់ ២៧ ៣៣៩ ដុល្លារ៕

ផ្ទាំងផ្សាយពាណិជ្ជកម្ម

តុលាការកំពូលរបស់ប្រទេសថៃសម្រេចឲ្យក្រុមហ៊ុន Toyota ត្រូវបង់ពន្ធនាំចូលចំនួន ២៧២ លានដុល្លារ

September 20, 2022

[បរទេស] កាលពីពេលថ្មីៗនេះ តុលាការក្នុងប្រទេសថៃបានសម្រេចថា ក្រុមហ៊ុន Toyota ប្រចាំនៅប្រទេសថៃ ត្រូវតែបង់ពន្ធបន្ថែមចំនួន ២៧១,១១ លានដុល្លារ បន្ទាប់ពីខ្លួនបាននាំចូលគ្រឿងបន្លាស់ដែលមិនត្រូវបានកាត់បន្ថយពន្ធ។

យោងរតាមរបាយការណ៍របស់ Reuters បានឲ្យដឹងថា ក្រុមហ៊ុន Toyota បាននាំចូលគ្រឿងបន្លាស់ពីប្រទេសជប៉ុននៅពេលផលិតរថយន្ត Prius នៅប្រទេសថៃរវាងឆ្នាំ ២០១០ និង ២០១២។ នៅឆ្នាំ ២០១៩ តុលាការបានសំរេចថាគ្រឿងបន្លាស់ដែលនាំចូលទាំងនេះគួរតែត្រូវបានចាត់ទុកជា “knock-down kit” ដែលមានន័យថាពួកគេត្រូវបង់អត្រាពន្ធ ៨០% ធៀបនឹងពន្ធ ៣០% សម្រាប់គ្រឿងបន្លាស់រថយន្តក្រោមកិច្ចព្រមព្រៀងភាពជាដៃគូសេដ្ឋកិច្ចជប៉ុន-ថៃ (JTEPA)។

ក្នុងខែនេះ តុលាការកំពូលរបស់ប្រទេសថៃបានតម្កល់សាលក្រមឆ្នាំ ២០១៩។ ក្នុងនោះ ក្រុមហ៊ុន Toyota បាននិយាយថា ខ្លួនបាននឹងកំពុងបង់ពន្ធទាបដោយផ្អែកលើ JTEPA សម្រាប់គ្រឿងបន្លាស់ ប៉ុន្តែបានបញ្ជាក់ថា ខ្លួននឹងគោរពតាមសេចក្តីសម្រេចចុងក្រោយនេះ។ ពន្ធនេះជំពាក់លើរថយន្ត Prius ជាង ២០ ០០០ គ្រឿងដែលត្រូវបានផលិតនៅរោងចក្រ Gateway របស់ Toyota ។

នៅក្នុងយុគសម័យដែលរថយន្តប្រើថាមពលអគ្គីសនីនឹងក្លាយជារថយន្តដ៏ពេញនិយម ហើយត្រូវបានគេដឹងថារថយន្ត Prius ជំនាន់ទី ៥ ជិតបង្ហាញខ្លួន ដោយត្រូវបានគេអះអាងថារថយន្តជំនាន់ថ្មីនេះនឹងផ្អែកលើគ្រោងឆ្អឹង Europe-specific E3 platform ដែលរួមបញ្ចូលគ្នានៅស្ថាបត្យកម្ម GA-C architecture នៃរថយន្ត Corolla និង C-HR ជាមួយនឹងស្ថាបត្យកម្មអគ្គិសនី bZ។ ហើយក្រុមហ៊ុន Toyota ជឿជាក់ថារថយន្តប្រភេទ Plug-in hybrid នឹងដើរតួយ៉ាងសំខាន់សម្រាប់រយៈពេលប៉ុន្មានទសវត្សរ៍ខាងមុខនេះ៕

ផ្ទាំងផ្សាយពាណិជ្ជកម្ម

RAM បង្ហាញគំរូភីកអាប់អគ្គិសនី Ram Revolution EV Concept មុនពេលបង្ហាញខ្លួនជាផ្លូវការ

September 20, 2022

[បរទេស] ក្រុមហ៊ុនផលិតរថយន្ត General Motors បានធ្វើការដាក់បង្ហាញចេញនៅវីដេអូ teaser នៃគំរូភីកអាប់អគ្គិសនី Ram ដែលរំពឹងថាមានឈ្មោះ Ram Revolution EV Concept។ ក្នុងនោះ នៅក្នុងបទសម្ភាសន៍ជាមួយសារព័ត៌មាន Detroit Free Press នាយកប្រតិបត្តិ Ram លោក Mike Koval Jr. បានបង្ហាញថា ក្រុមហ៊ុននឹងបង្ហាញម៉ូដែលនេះ នៅមុនថ្ងៃនៃកម្មវិធី Los Angeles Auto Show ពោលនៅថ្ងៃទី ១៦ ខែវិច្ឆិកា ឆ្នាំ ២០២២។

គំរូនេះត្រូវបានគេគ្រោងនឹងដាក់បង្ហាញមើលជាមុនដែលនឹងបង្ហាញខ្លួននៅឆ្នាំបន្ទាប់។ ក្នុងនោះ Ram បានសាកល្បងម៉ូដែលនេះអស់រយៈពេលជាច្រើនខែ ហើយប្រើប្រាស់ជាមួយគ្រោងឆ្អឹងថ្មី STLA Frame platform ដែលត្រូវបានរចនាឡើងសម្រាប់រថយន្តភីកអាប់ខ្នាតធំ និងរថយន្ត SUV ដែលមានអាគុយទំហំ ១៥៩ ដល់ ២០០ គីឡូវ៉ាត់ម៉ោង ដែលអាចបើកបរចម្ងាយ ៨០០ គីឡូម៉ែត្រ ។

ក្រុមហ៊ុនក៏បានចង្អុលបង្ហាញថាម៉ូដែលទាំងនោះនឹងមានបច្ចេកវិទ្យា 400V និង 800V ក៏ដូចជាម៉ូទ័រអគ្គិសនីដែលមានកម្លាំងចាប់ពី ២០១ សេះ ដល់ ៤៤៣ សេះ។ សម្រាប់ ម៉ូដែលបើកបរវិលកង់ទាំងអស់គឺត្រូវបានផ្តល់ឲ្យម៉ូដែលនេះមានកម្លាំងសរុបរហូតដល់ ៨៨៥ សេះ។

ទន្ទឹងនឹងនេះ លោក Koval Jr. គាត់បានប្រាប់កាសែតថា Ram នឹង “រុញច្រាន” ដៃគូប្រកួតប្រជែងកាន់តែខ្លាំង។ លោកបានបន្តទៀតថា គំរូផលិតកម្មនឹងជាភីកអាប់ដ៏ត្រឹមត្រូវមួយសម្រាប់អតិថិជនរបស់ខ្លួន។

ក្រៅពីនិយាយអំពីរថយន្តភីកអាប់អគ្គិសនី នាយកប្រតិបត្តិបាននិយាយអំពីព័ត៌មានអំពីរថយន្តភីកអាប់ធុនធ្ងន់ “ធំ” សម្រាប់ពិព័រណ៍រដ្ឋតិចសាស់។ ព្រឹត្តិការណ៍នោះចាប់ផ្តើមនៅថ្ងៃទី ៣០ ខែកញ្ញា ហើយកើតឡើងតែប៉ុន្មានថ្ងៃបន្ទាប់ពីក្រុមហ៊ុន Ford បង្ហាញរថយន្ត F-Series Super Duty ដែលបានរចនាឡើងវិញនៅថ្ងៃទី ២៧ ខែកញ្ញា៕

ផ្ទាំងផ្សាយពាណិជ្ជកម្ម

មកដឹងពីលក្ខណៈពិសេសនៃរថយន្ត GAC ទាំង ២ម៉ូដែល ដែលទើបសម្ភោធដាក់លក់ហើយ

September 20, 2022

[ទីផ្សារក្នុងស្រុក] ក្រុមហ៊ុន TH Group ដែលជាក្រុមហ៊ុននាំចូលផ្តាច់មុខ និងចែកចាយរថយន្ត GAC គ្រប់ប្រភេទនៅក្នុងទីផ្សារប្រទេសកម្ពុជា បានរៀបចំនូវព្រឹត្តិការណ៍នៃការបើកបរសាកល្បង និងសម្ភោធជាផ្លូវការនៃរថយន្តស៊េរីថ្មី ២ម៉ូឌែលរបស់ខ្លួន ដោយរួមមាន រថយន្ត GAC GS3 និង GAC GS8 ស៊េរីឆ្នាំ ២០២៣ ដែលបានធ្វើឡើងនៅឯ ដឺ ព្រេមៀ សេនធ័រ សែនសុខ។

កម្មវិធីនេះបានប្រព្រឹត្តឡើងនៅថ្ងៃទី ១៥ ខែកញ្ញា ឆ្នាំ ២០២២ ដោយមានការចូលរួមពីសំណាក់គណៈគ្រប់គ្រងក្រុមហ៊ុន GAC បុគ្គលិក អតិថិជន អ្នកសារព័ត៌មាន ក៏ដូចជា Influencers និងតារាល្បីៗជាច្រើនរូបទៀត។ ដោយកម្មវិធីនេះត្រូវបានបែងចែកជា ២ផ្នែកគឺពេលព្រឹកជាការបើកបរសាកល្បង និងពេលល្ងាចជាពិធីសម្ពោធជាផ្លូវការ។

ជាមួយការសម្ភោធថ្មីនេះ យើងឃើញថារថយន្តទាំង ២ម៉ូឌែលនេះ ទទួលបាននូវការបំពាក់មកជាមួយលក្ខណៈពិសេសជាច្រើនដូចជា៖

រថយន្ត GAC GS3 សេរ៊ីថ្មី ២០២៣

ជារថយន្តប្រភេទ SUV ខ្នាតតូចប្រភេទ ៥ កៅអី ដែលត្រូវបានរចនាឡើងប្រកបដោយភាពស៊ីវីល័យ និងទាន់សម័យ ដោយបានបំពាក់មកជាមួយប៉ាណាប្រភេទក្រូម៉េត្រួតស៊ីគ្នា ដែល GAC អោយឈ្មោះថា Flying Dynamic 3.0 និងអមសងខាងដោយចង្កៀងមុខប្រើប្រាស់អំពូលគុជ ប្រភេទ LED។ ផ្នែកជំហៀងបានភ្ជាប់មកជាមួយថាសកង់ប្រភេទអាលុយមីញ៉ូមទំហំ ១៨អ៊ីញ និងផ្នែកខាងក្រោយប្រើប្រាស់នូវអំពូលប្រភេទ ជាមួយការរចនាស្តុបក្រោយ អោយឈ្មោះថា Light & shadow taillight។

សម្រាប់ផ្នែកខាងក្នុងត្រូវបានឌីស្សាញឡើងដោយផ្តោតទៅលើប្រណិតភាព និងផាសុកភាព ជាមួយការប្រើប្រាស់នូវស្បែក រំលេចជាមួយពណ៌ដ៏ពេញនិយមមួយជុំរថយន្ត។ បន្ថែមជាមួយ ដៃចង្កូតប្រភេទអេឡិចត្រូនិច, កុងទ័រព័ត៌មានប្រភេទ LCD ទំហំ ៧អ៊ីញ, អេក្រង់កំសាន្តប្រភេទ touchscreen ទំហំ ១០,២៥ អ៊ីញ ភ្ជាប់ដោយមុខងារ Bluetooth និង Apple Carplay, ដំបូលបើកប្រភេទ Sunroof រួមជាមួយប្រព័ន្ធសុវត្ថិភាពដែលទទួលបានចំណាត់ថ្នាក់ផ្កាយ ៥ ពី CNCAP ដែលមាននូវប្រព័ន្ធដូចជា៖

ពោងសុវត្ថិភាពផ្នែកខាងមុខ
សេនស័រជំនួយពេលចតរថយន្ត
ប្រព័ន្ធហ្វ្រាំងសុវត្ថិភាព ABS, EBD, ESP
ប្រព័ន្ធហ្វ្រាំងដៃអេឡិចត្រូនិច EPB និងជំនួយពេលឈប់ស្តុប Auto Hold
ប្រព័ន្ធជំនួយពេលឡើង-ចុះចំណោទ
ប្រព័ន្ធវាស់សម្ពាធខ្យល់កង់រថយន្ត TPMS
ប្រព័ន្ធកំណត់ល្បឿនពេលបើកបរ
កាំមេរ៉ាមើលក្រោយ

រថយន្ត GAC GS3 សេរ៊ីឆ្នាំ២០២៣ ដំណើរការដោយម៉ាស៊ីនជំនាន់ថ្មី ប្រភេទម៉ាស៊ីនសាំងចំណុះ ១,៥ លីត្រ Turbo មានកម្លាំងខ្លាំង ១៦៩ សេះ ភ្ជាប់ជាមួយប្រអប់លេខ ៦វគ្គស្វ័យប្រវត្តិ និងមានកម្រិតស៊ីសាំង ៥,៦លីត្រក្នុងរយៈចម្ងាយ ១០០គីឡូម៉ែត្រ។

រថយន្ត GAC GS8 ជំនាន់ថ្មី ២០២៣

ជាកំពូលរថយន្តប្រភេទ SUV ខ្នាតធំ ដែលត្រូវបានរចនារូបរាងរចនាថ្មីទាំងស្រុងសម្រាប់សេរ៊ីថ្មី២០២៣ ដោយបានរួមបញ្ចូលនៅរចនាបទប្រពៃណីបែបចិន ជាមួយរចនាបទនាពេលអនាគត។

សម្រាប់រូបរាងផ្នែកខាងក្រៅត្រូវបានឌីស្សាញឡើងរាងជ្រុងៗ និងភ្ជាប់ដោយបា៉ណាមួយផ្ទាំងយ៉ាងធំ លាតសន្ធឹងសឹងតែពេញផ្ទៃខាងមុខ អមដោយចង្កៀងមុខសងខាងប្រភេទ LED ចំនួន ៤គ្រាប់ធំៗ ភ្ជាប់ជាមួយមុខងារទំនើប និងសំបូរបែបដូចជាបិត បើកភ្លើង និងទម្លាក់ ហ្វា កូដបានដោយស្វ័យប្រវត្តិ និងអំពូលបភ្លឺពេលថ្ងៃប្រើប្រាស់ជាមួយអំពូល LED ជាងរាងបញ្ឍរ ២ឆ្នូតយ៉ាងទាក់ទាញ។ ផ្នែកចំហៀងវិញបានបំពាក់មកជាមួយថាសកង់ប្រភេទ Alloywheel ទំហំរហូតដល់ទៅ ២០អុីញ និងផ្នែកខាងក្រោយភ្ជាប់ជាមួយចង្កៀងខាងក្រោយប្រភេទ LED រចនាជារាងបញ្ឈរ។

ប្រណិតភាព ផាសុកភាព និងភាពធំទូលាយ ត្រូវបានដាក់បញ្ចូលទៅកាន់ផ្នែកខាងក្នុង ដោយបានប្រើប្រាស់នូវគ្រឿងបរិក្ខា និងប្រើប្រាស់ទំនើបៗ និងប្រកបដោយគុណភាពខ្ពស់ ជាក់ស្តែងបានប្រាស់ស្បែកប្រណិតទៅលើដៃទ្វា តាបឡូ ដៃចង្កូត កៅអី និងកន្លែងសំខាន់ៗ។

សម្រាប់កៅអីសម្រាប់អ្នកបើកបរ ភ្ជាប់ជាមួយមុខងារបញ្ជាដោយថាមពលអេឡិចត្រូនិចបាន ៨របៀប រួមជាមួយមុខងារសារ៉េកល់ឆ្អឹង និងកៅអីអ្នករួមដំណើរខាងមុខបាន ៤របៀប និងមានមុខងារពិសេសមានខ្យល់ត្រជាក់, កុងទ័រឌីជីថលបង្ហាញព័ត៌មានទំហំធំ ១០,១ អ៊ីញ, អេក្រង់កំសាន្តប្រភេទ Touch Screen ទំហំធំ ១៤,៦ អ៊ីញ ភ្ជាប់ដោយមុខងារ Apple Carplay និង Android Auto, កន្លែងសាកថ្មទូរស័ព្ទឥតខ្សែ, កៅអីជួរទីពីរ អាចធ្វើការសារ៉េទៅមុខ-ក្រោយ, ដំបូលបើកទំហំធំប្រភេទ Panoramic sunroof, ឧបករណ៌បំពងសម្លេង ១០ចំណុច ម៉ាក Alphine ដ៏ល្បីរបស់ជប៉ុន, ប្រព័ន្ធម៉ាសុីនត្រជាក់ ៣តំបន់ ចែកដាច់ចេញពីគ្នា និងប្រព័ន្ធសុវត្ថិភាព និងជំនួយការបើកបរដូចជា៖

ពោងសុវត្ថិភាពមួយជុំរថយន្ត
ប្រព័ន្ធហ្វ្រាំងសុវត្ថិភាព ABS, EBD, ESP
ប្រព័ន្ធហ្វ្រាំងជំនួយពេលចាប់ហ្វ្រាំង និងកាត់បន្ថយកម្លាំងម៉ាសុីន
ប្រព័ន្ធជំនួយពេលចុះ ឬឡើងចំណោត
ប្រព័ន្ធហ្វ្រាំងដៃអេឡិចត្រូនិច EPB និងជំនួយពេលឈប់ស្តុប Auto Hold
ប្រព័ន្ធជំនួយមើលពេលចូលចតរថយន្តកម្រិត HD
Sensors ចំនួយពេលចូលចត
កាំមេរ៉ា ៥៤០ដឺក្រេ កម្រិត HD អាចមើលពីឧបសគ្គមួយជុំរថយន្ត
ប្រព័ន្ធកំណត់ល្បឿនថេរ និងបន្ថែមបន្ថយល្បឿនតាមរថយន្តខាងមុខស្វ័យប្រវត្តិ
ប្រព័ន្ធចាប់យកស្លាកសញ្ញាចរាចរណ៌
ប្រព័ន្ធផ្តល់ដំណឹងពេលមានឧបសគ្គនៅខាងមុខ
ប្រព័ន្ធចាប់ហ្វ្រាំងស្វ័យប្រវត្តិពេលមានឧបសគ្គបន្ទាន់
ប្រព័ន្ធផ្តល់ដំណឹងពេលរថយន្តចាកចេញពីគន្លងផ្លូវ
ប្រព័ន្ធរក្សាគន្លងផ្លូវជំនួយក្នុងការបើកបរ

រថយន្ត GAC GS8 ឆ្នាំ២០២៣ ដំណើរការដោយម៉ាសុីនសាំង GDI ចំណុះ ២,០លីត្រ អាចផលិតថាមពលកម្លាំងបាន ២៤៨សេះ កម្លាំងរមួល ៤០០ញ៉ូតុនម៉ែត្រ ប៉ុង២ ភ្ជាប់ដោយប្រអប់លេខ ៨វគ្គស្វ័យប្រវត្តិ។

សូមបញ្ជាក់ផងដែរថា សម្រាប់នៅលើទីផ្សារប្រទេសកម្ពុជា រថយន្ត GAC GS3 ស៊េរីឆ្នាំ ២០២៣ មានតម្លៃ ២៩ ៩៩៩ ដុល្លារ និងរថយន្ត GAC GS8 ស៊េរីថ្មីឆ្នាំ ២០២៣ ជាមួយនឹងតម្លៃ ៦២ ៥០០ដុល្លារ។ ដូច្នេះសម្រាប់ព័ត៌មានលម្អិតបន្ថែមទៀត សូមទំនាក់ទំនងទៅកាន់៖

ផ្នែកលក់៖ 095 999 029
ហ្វេសប៊ុកផ្លូវការ៖ https://www.facebook.com/gacmotorcambodia
Telegram : me/GACMotorCambodia
អគារតាំងបង្ហាញរថយន្តទាំង ២ទីតាំង៖
- អគារ #711 មហាវិថីសហព័ន្ធរុស្សី សង្កាត់ទឹកថ្លា ខណ្ឌសែនសុខ ក្រុងភ្នំពេញ
- អគារ #11 មហាវិថីសហព័ន្ធរុស្សី សង្កាត់កាកាប ខណ្ឌពោធិ៍សែនជ័យ ក្រុងភ្នំពេញ

ផ្ទាំងផ្សាយពាណិជ្ជកម្ម

Baojun បញ្ចេញវីដេអូ teaser នៃរថយន្តអគ្គិសនីខ្នាតតូចដែលមានរូបរាងស្រដៀង Ford Bronco

September 20, 2022

[បរទេស] ក្រុមហ៊ុន Baojun ដែលជាក្រុមហ៊ុនបុត្រសម្ព័ន្ធនៃក្រុមហ៊ុនបណ្តាក់ទុនរួមគ្នា SAIC-GM-Wuling (SGMW) នៅក្នុងប្រទេសចិន បានធ្វើការដាក់បង្ហាញរូបភាព teaser នៃរថយន្តអគ្គិសនី SUV ដែលមិនទាន់បញ្ចេញឈ្មោះ រួមបញ្ចូលគ្នានៅរចនាបថបែប Off-Road ។

រថយន្តអគ្គិសនីនេះមានរូបរាងបែបប្រអប់ជ្រុង ស្រដៀងទៅនឹងរថយន្ត Ford Bronco ខ្នាតតូច។ ទោះយ៉ាងណាក៏ដោយ វាមានទំហំតូចខ្លាំង ដែលមានទំហំតូចជាងរថយន្ត Suzuki Jimny ផងដែរ។

នៅផ្នែកខាងមុខ មានប៉ាណាឲ្យឈ្មោះថា Honda-style grille ដែលមានចង្កៀង LED រាងជាជ្រុងចំនួន ៤។ លក្ខណៈផ្សេងទៀតរួមមាន កាងការពារជំនួយបើកបរលើផ្លូវពិបាក ឬ Off-Road ខណៈ ផ្នែកខាងក្រោយមានចង្កៀង LED ត្រូវបានរចនាយ៉ាងទំនើប។

សម្រាប់វីដេអូ teaser នេះត្រូវបានបង្ហាញក្នុងអំឡុងពេលនៃការដាក់លក់នៅលើទីផ្សារនៃរថយន្ត Baojun KiWi ស៊េរីឆ្នាំ ២០២៣ ដែលជាម៉ូដែរអាប់ដេតរបស់ E300។ ជាមួយគ្នានេះ Baojun ក៏បានចែករំលែកវីដេអូនេះនៅលើទំព័រផ្លូវការរបស់ពួកគេនៅលើបណ្តាញសង្គមចិន Weibo ហើយរំពឹងថានឹងប្រើប្រាស់គ្រោងឆ្អឹងរបស់ខ្លួនជាមួយ Baojun KiWi និង Wuling Hongguang Mini EV ទោះបីជាមិនទាន់មានការបញ្ជាក់ក៏ដោយ។

បើនិយាយពីថាមពលវិញ ប្រព័ន្ធផ្សព្វផ្សាយក្នុងស្រុកបានបង្ហាញថា រថយន្តនេះអាចបំពាក់ជាមួយម៉ូទ័រអគ្គិសនីចំនួន២ ដែលផ្តល់នៅកម្លាំង ១០៨ សេះ ផ្គួបជាមួយអាគុយពី KiWi Plus ទំហំ ៣១,៩ គីឡូវ៉ាត់ម៉ោង អាចបើកបរបានចម្ងាយ ៣០០ គីឡូម៉ែត្រក្នុងការសាកថ្មម្តង។

គួរបញ្ជាក់ផងដែរថា យោងតាមគេហទំព័រ Car News China រថយន្តអគ្គិសនីនេះត្រូវបានគេរំពឹងថានឹងបង្ហាញខ្លួនជាគំរូរថយន្តនៅក្នុងកម្មវិធី Guangzhou Auto Show នៅខែវិច្ឆិកានេះ។ សម្រាប់ការដាក់បង្ហាញជាផ្លូវការមានពាក្យចចាមអារ៉ាមថានឹងចាប់ផ្តើមនៅក្នុងប្រទេសចិនក្នុងត្រីមាសទីមួយនៃឆ្នាំ ២០២៣ ៕