រថយន្ត Ford Ranger Raptor ស៊េរីថ្មីឆ្នាំ ២០២៣ ត្រូវបានដាក់សម្ពោធជាផ្លូវការនៅប្រទេសកម្ពុជា

August 20, 2022

កាលពីថ្ងៃទី ១៩ ខែសីហា ឆ្នាំ២០២២ កន្លងទៅនេះ ក្រុមហ៊ុន អ អិម អេ (ខេមបូឌា) ម.ក បានបង្កើតនូវមហាព្រឹត្តិការណ៍ដ៏ធំសម្បើមជាថ្មីម្តងទៀតប្រចាំឆ្នាំ នោះគឺការប្រារព្ធពិធីសម្ពោធជាផ្លូវការនៃរថយន្ត Ford Ranger Raptor ស៊េរីថ្មីឆ្នាំ ២០២៣ ដែលកម្មវិធីនេះបានប្រារព្ធធ្វើឡើងនៅ ដឹ ព្រេមៀ សេនធ័រ សែនសុខដែលមានភ្ញៀវកិត្តិយសអញ្ជើញចូលរួមប្រមាណជាង ៣ ០០០ នាក់។

ឆ្លៀតក្នុងឱកាសនេះដែរ លោក ងន សាំង អគ្គនាយកនៃក្រុមហ៊ុន អ អិម អេ (ខេមបូឌា) ក៏បានថ្លែងសុន្ទរកថានៅក្នុងអង្គពិធីនេះដែរ ដែលលោកបានមានប្រសាសន៍ថា៖ “រាជរដ្ឋាភិបាលកម្ពុជា បានទទួលស្គាល់ក្រុមហ៊ុន RMA ជា ក្រុមហ៊ុនដំបូងបំផុត ដែលនាំចូលរថយន្តមានស្តង់ដារសុវត្ថិភាពខ្ពស់ មកកាន់ទីផ្សារកម្ពុជាដែលក្នុងនោះដែរគឺរថយន្តម៉ាក Ford ដែលមានភាពល្បីល្បាញខ្លាំងបំផុត និងបានទទួលចំណែកទីផ្សាររថយន្តថ្មីលេខ ១ នៅប្រទេសកម្ពុជាអស់រយៈពេលជាច្រើនឆ្នាំជាប់គ្នា ហើយថ្ងៃនេះដែរក្រុមហ៊ុននឹងនាំយកអ្វីដែលកាន់តែថ្មីជូនដល់អតិថិជននោះគឺរថយន្តFord Ranger Raptor ស៊េរីថ្មីឆ្នាំ ២០២៣ ដែលជារថយន្តភីកអាប់អាចជំនះបានគ្រប់ឧបសគ្គនៃការបើកបរ។”

កម្មវិធីនេះប្រារព្ធឡើងក្នុងគោលបំណងដើម្បីឲ្យអតិថិជនយល់ជ្រាបកាន់តែច្បាស់ពីវត្តមាននៃកំពូលរថយន្តភីកអាប់ Off-Road Performance មួយនេះជាមួយនឹងរូបរាងថ្មីទាំងស្រុង និងទទួលបានបទពិសោធន៍ដ៏អស្ចារ្យនៃការបើកបរសាកល្បងរថយន្ត Ford Ranger Raptor ស៊េរីថ្មីឆ្នាំ ២០២៣ នេះដោយផ្ទាល់ជាមួយនឹងអ្នកជំនាញបច្ចេកទេសFord ដើម្បីសាកល្បងនូវមុខងារដ៏ថ្មីស្រឡាង ប្រព័ន្ធសុវត្ថិភាព និងបច្ចេកវិទ្យាជំនាន់ចុងក្រោយដែលបានបំពាក់នៅលើរថយន្តនេះ ជាពិសេសនោះគឺអតិថិជនពេញចិត្តជាមួយនឹងកម្លាំងម៉ាស៊ីននៃរថយន្ត Ford Ranger Raptor ស៊េរីថ្មីឆ្នាំ ២០២៣

ដែលម៉ាស៊ីនជំនាន់ថ្មីនេះជាប្រភេទម៉ាស៊ីនសាំង Twin-Turbo 3.0L V6 EcoBoost ដែលអាចផលិតកម្លាំងសេះបានរហូតដល់ទៅ ៣៩២សេះ និងកម្លាំងរមួលកង់រហូតដល់ទៅ ៥៨៣ញ៉ូតុនម៉ែត្រ ដែលផ្តល់នូវសន្ទុះដ៏ខ្លាំងគ្មានគូប្រៀប។ មិនតែប៉ុណ្ណោះនៅមានមុខងារជាច្រើនទៀតដែលបានទាក់ចិត្តអតិថិជនបន្ទាប់ពីបានធ្វើតេស្តសាកល្បងរួចមកដូចជា៖

ប្រព័ន្ធគ្រប់គ្រងការបើកបរគ្រប់ស្ថានភាពផ្លូវរហូតដល់ 7 ជម្រើសរួមមាន៖ ផ្លូវធម្មតា ស្ព័រ រអិល ភក់ ខ្សាច់ BAJA (ផ្លូវឧបសគ្គ) និងផ្លូវមានថ្ម
ប្រព័ន្ធកំណត់សម្លេងរថយន្ត (Exhaust Mode) ដែលអាចកំណត់សម្លេងរថយន្តបាន ៤ ជម្រើសដូចជា៖ ស្ងាត់ ធម្មតា បែបស្ព័រ និងបែប BAJA Mode (ដែលសម្រាប់ការបើកបរលើផ្លូវមានឧបសគ្គ) បូករួមជាមួយនឹងការបំពាក់ជូននូវបំពង់ស៊ីមុំាង ២ ធ្វើឲ្យរថយន្តនេះមានរូបរាង និងការបញ្ចេញសម្លេងដូចទៅនឹងរថយន្តស្ព័រអញ្ចឹង
ប្រព័ន្ធកំណត់ការប្រើប្រាស់បូមរថយន្ត (Suspension Mode) ដែលអាចកំណត់បូមរថយន្តទន់ ឬរឹងទៅតាមស្ថានភាពផ្លូវ ជាពិសេសគឺបានបំពាក់នូវបូម Fox Live Valve Shocks ទំហំ ២,៥អុីញ
ប្រព័ន្ធកំណត់ការប្រើប្រាស់ចង្កូតរថយន្ត (Steering Mode) ដែលអាចកំណត់ចង្កូតរថយន្តធូរ ឬតឹងទៅតាមស្ថានភាពផ្លូវ

អ្វីដែលអតិថិជនមានការភ្ញាក់ផ្អើល និងពេញចិត្តខ្លាំងមួយទៀតនោះគឺ ប្រអប់លេខអេឡិចត្រូនិចជំនាន់ថ្មី ១០ វគ្គអូតូ (E-Shifter) បូករួមជាមួយនឹង Paddle Shift ដែលអាចថែមថយលេខនៅនឹងដៃចង្កូតពិតជាធ្វើឲ្យការចូលរលូនខ្លាំងមែនទែន
បំពាក់ជូននូវប្រព័ន្ធគ្រប់គ្រងប៉ុងអេឡិចត្រូនិចជំនាន់ថ្មី (2H, 4H, 4L, 4A)

អ្វីដែលកាន់តែអស្ចារ្យនោះគឺរថយន្ត Ford Ranger Raptor ស៊េរីថ្មីឆ្នាំ ២០២៣ បានបំពាក់ប្រព័ន្ធជំនួយចូលចតដោយស្វ័យប្រវត្តបែបអក្សរ (P), (T) និងប្រព័ន្ធជំនួយចាកចេញពីចំណតដោយស្វ័យប្រវត្ត ដែលវានឹងដំណើរការហ្វ្រាំង ហ្គ៊ែរ ចង្កូត និងការចូលលេខពីប្រអប់លេខអេឡិចត្រូនិចដោយខ្លួនឯង និងអ្នកបើកបរអាចទស្សនាប្រព័ន្ធកាមេរ៉ាសុវត្ថិភាព ៣៦០ ដឺក្រេកម្រិតខ្ពស់ជុំវិញរថយន្ត នៅលើអេក្រង់ Touchscreen ១២ អុីញបានយ៉ាងងាយស្រួល
ក្រៅពីនេះគឺនៅមានប្រព័ន្ធសុវត្ថិភាព និងបច្ចេកវិទ្យាជំនាន់ចុងក្រោយជាច្រើនទៀតដែលអាចឲ្យរថយន្តនេះជំនះបានគ្រប់ឧបសគ្គនៃការបើកបរ និងស័ក្តិសមជាកំពូលរថយន្តភីកអាប់ Off-Road Performance

រថយន្ត Ford Ranger Raptor ស៊េរីថ្មីឆ្នាំ ២០២៣ មានវត្តមាននៅទីផ្សារព្រះរាជាណាចក្រកម្ពុជាជាមួយនឹងជម្រើសពណ៌យ៉ាងច្រើនសម្បូររហូតដល់ទៅ ៨ ជម្រើសរួមមាន៖ ពណ៌ក្រហម ទឹកក្រូច ខៀវ ខ្មៅ ប្រផេះស្ងួត ប្រផេះរលោង ទឹកប្រាក់ និងពណ៌ស។ ជាមួយនឹងតម្លៃពិសេសត្រឹមតែជាង ៧ ម៉ឺនដុល្លាតែប៉ុណ្ណោះ។ សម្រាប់ព័ត៌មានបន្ថែមលោកអ្នកអាចអញ្ជើញទៅសាកសួរ និងបើកបរសាកល្បងរថយន្ត Ford Ranger Raptor ស៊េរីថ្មីឆ្នាំ ២០២៣ នៅតាមបណ្តាសាខាអគារតាំងបង្ហាញរថយន្ត Ford និងទំនាក់ទំនងទៅតាមលេខទូរស័ព្ទដូចខាងក្រោម៖

អគារតាំងបង្ហាញរថយន្ត Ford សាខា ផ្លូវព្រះមុនីវង្ស ដែលស្ថិតនៅអគារលេខ 444 ផ្លួវព្រះមុនីវង្ស ជាប់ទូតវៀតណាម លេខទូរស័ព្ទទំនាក់ទំនង៖ 078 999 773
អគារតាំងបង្ហាញរថយន្ត Ford សាខា ទឹកថ្លា ដែលស្ថិតនៅតាមបណ្តោយផ្លូវទៅព្រលានយន្តហោះ លេខទូរស័ព្ទទំនាក់ទំនង៖ 095 939 939
អគារតាំងបង្ហាញរថយន្ត Ford សាខា ទួលសង្កែ ដែលស្ថិតនៅលើផ្លូវ 105 ជិតផ្សារសាំហាន់ លេខទូរស័ព្ទទំនាក់ទំនង៖ 078 935 935
អគារតាំងបង្ហាញរថយន្ត Ford Trade-In ដែលស្ថិតនៅតាមបណ្តោយផ្លូវទៅព្រលានយន្តហោះ លេខទូរស័ព្ទទំនាក់ទំនង៖ 077 722 999
អគារតាំងបង្ហាញរថយន្ត Ford សាខា ខេត្តសៀមរាប ដែលស្ថិតនៅអគារលេខ 593 តាមបណ្តោយផ្លូវជាតិលេខ 6A លេខទូរស័ព្ទទំនាក់ទំនង៖ 077 666 357 | 088 9 666 357
អគារតាំងបង្ហាញរថយន្ត Ford សាខា ខេត្តកំពង់ចាម ដែលស្ថិតនៅអគារលេខ 940 តាមបណ្តោយផ្លូវជាតិលេខ 7 ភូមិបឹងស្នាយ សង្កាត់សំបូមាស ក្រុងកំពង់ចាម លេខទូរស័ព្ទទំនាក់ទំនង៖ 078 999 883 | 088 3 999 883។

ផ្ទាំងផ្សាយពាណិជ្ជកម្ម

Suzuki Alto K10 បង្ហាញខ្លួនជាផ្លូវការក្នុងប្រទេសឥណ្ឌា ជាមួយតម្លៃចាប់ពីខ្ទង់ ៥ ០០០ ដុល្លារប៉ុណ្ណោះ

August 20, 2022

[ទីផ្សារបរទេស] ក្រុមហ៊ុនផលិតរថយន្ត Suzuki បានធ្វើការដាក់បង្ហាញចេញនៅរថយន្ត Suzuki Alto K10 ជាផ្លូវការក្នុងប្រទេសឥណ្ឌាជាមួយនឹងការអាប់ដេតរូបរាងថ្មីកាន់តែទំនើបជាមួយនឹងតម្លៃលក់ចន្លោះពី ៤ ៩៨៤ ដុល្លារ ដល់ ៧ ៣០៨ ដុល្លារ។

សម្រាប់រថយន្ត Suzuki Alto K10 ផលិតឡើងដោយស្ថាបត្យកម្ម Heartect Alto K10 មានប្រវែងសរុប ៣ ៥៣០ ម.ម ទទឹង ១ ៤៩០ ម.ម កំពស់ ១ ៥២០ ម.ម និងប្រវែងគន្លាតកង់មុខក្រោយ ២ ៣៨០ ម.ម។ ផ្នែកខាងក្រៅត្រូវបានរចនាកាន់តែទំនើបជាងមុន ដោយបំពាក់ជាមួយប៉ាណាមុខមួយផ្ទាំងធំរចនាជាសំណាញ់ Honeycomb អបដោយចង្កៀងមុខប្រភេទ Halogen និងថាសកង់ស្ព័រទំហំ ១៣ អ៊ីញ។

រីឯនៅផ្នែកខាងក្នុងត្រូវបានបំពាក់ដោយអេក្រង់កុងទ័រព័ត៌មានឌីជីថល និងអេក្រង់កំសាន្ត touchscreen ទំហំ ៧ អ៊ីញ ភ្ជាប់មុខងារ Apple CarPlay និង Android Auto, ឧបករណ៍បំពងសម្លេងចំនួន ៤ ចំនុច និងប្រព័ន្ធសុវត្ថិភាពមានដូចជា ពោងសុវត្ថិភាពពីរ, ប្រព័ន្ធហ្វំា្រងសុវត្ថភាព ABS, EBD, សេនស័រជំនួយពេលចូលចត និងប្រព័នចាក់សោទ្វារដោយស្វ័យប្រវត្តិជាដើម។

ចូលទៅកាន់ផ្នែកម៉ាស៊ីនវិញ រថយន្តនេះដំណើរការដោយម៉ាស៊ីនចំណុះ ១,០ លីត្រ ប្រភេទ K-Series ដែលផលិតកម្លាំងបាន ៦៦ សេះ និងកម្លាំងរមួល ៨៩ ញ៉ូតុនម៉ែត្រ ភ្ជាប់ជាមួយប្រអប់លេខដៃ ៥ វគ្គ និងប្រអប់លេខអូតូប្រភេទ AGS៕

ផ្ទាំងផ្សាយពាណិជ្ជកម្ម

Lamborghini Urus ទទួលបានម៉ូឌែលថ្មី ទម្ងន់ស្រាល និងល្បឿនលឿនជាងមុន ជាមួយកម្លាំង ៦៥៧សេះ

August 20, 2022

ក្រុមហ៊ុន Lamborghini បានធ្វើការបញ្ចេញជាផ្លូវការនូវរថយន្ត Urus Performante ដែលត្រូវរចនាឡើងដើម្បីផ្តល់នូវសម្ថភាពកាន់តែអស្ចារ្យ និងរូបរាងកាន់តែប្លែកនៃរថយន្ត Super SUV របស់ក្រុមហ៊ុន Lamborghini ទៅកាន់កម្រិតបន្ទាប់ទៀត។

រថយន្ត Lamborghini Urus Performante ទទួលបាននូវលក្ខណៈពិសេសថ្មីដូចជា កាងមុខឌីស្សាញដ៏អំណាច, គម្រប់ម៉ាស៊ីន និង Splitter ផលិតឡើងពីកាបូន និងមានរន្ធខ្យល់ខាងមុខពណ៌ខ្មៅ ដែលជួយអោយសម្រស់កាន់អំណាច និងជួយអោយលំហូខ្យល់ចូលទៅជំនួយម៉ាស៊ីនកាន់តែត្រជាក់។ បន្ថែមជាមួយ Air curtains ថ្មី និងកាតាប៊ូ, Diffuser និងកាងក្រោយ ផលិតពីកាបូន, កាងខ្យល់ធំជាងមុនដែលជួយបង្កើននូវកម្លាំងសង្កត់ប្រសើរជាងមុន ៣៨ភាគរយ និងស៊ីម៉ាំងបែបស្ព័រ Akrapovič titanium។ ហើយអតិថិជនក៏អាចធ្វើការកុម្មង់នូវដំបូលខាងលើផលិតឡើងពីកាបូន ដូចទៅនឹង Huracán Performante និង Super Trofeo បានផងដែរ។

បើប្រៀធៀបជាមួយម៉ូឌែលធម្មតា រថយន្តនេះបានបំពាក់នូវដែករ៉ឺស័រថ្មី ជួយអោយរថយន្តមានកម្ពស់ទាបជាងចំនួន ២០មីលីម៉ែត្រ ហើយបំពាក់ដោយថាសកង់ទម្ងន់ស្រាលទំហំ ២២-២៣អ៊ីញ។ សម្រាប់ផ្នែកខាងក្នុង រថយន្តនេះត្រូវបានបំពាក់ស្តង់ដារមកជាមួយកៅអីប្រភេទ Alcantara ពណ៌ខ្មៅ បន្ថែមជាមួយការតុបតែងនូវ anodized ប្រភេទអាលុយមីញ៉ូមពណ៌ខ្មៅ និងដៃចង្កូតស្ព័រ Flat-bottomed leather/Alcantara។

Lamborghini បានផ្តល់អោយ Urus Performante នូវថាមពលកម្លាំងខ្លាំងជាងម៉ូឌែលធម្មតា ដោយម៉ាស៊ីនចំណុះ ៤,០លីត្រ V8 បានធ្វើការអភិវឌ្ឍន៍ថ្មីអាចផលិតកម្លាំងបាន ៦៥៧សេះ និងកម្លាំងបង្វិល ៨៥០ញ៉ូតុនម៉ែត្រ ដោយបង្កើនកម្លាំងច្រើនជាងមុន ១៦សេះ និងអាចជួយអោយស្ទុះពីល្បឿន ០-១០០គ.ម/ម៉ ចាយពេល ៣,៣វិនាទី និងមានកម្លាំងអតិបរមា ៣០៦គ.ម/ម៉។

គួរបញ្ជាក់ផងដែរ រថយន្តនេះមានទម្ងន់ស្រាលជាងម៉ូឌែលមុនចំនួន ៤៧គីឡូក្រាម ដែលទទួលបានពីគ្រឿងដែលបានបំពាក់ផលិតឡើងពីកាបូន។ ហើយការដឹកជញ្ជូនគ្រោងនឹងចាប់ផ្តើមនៅចុងឆ្នាំនេះ ហើយតម្លៃចាប់ផ្តើមពី ២៦០ ៦៧៦ដុល្លារ នៅសហរដ្ឋអាមេរិក ហើយនៅ អ៊ឺរ៉ុបមានតម្លៃចាប់ពី ២១៩ ៣៣៩ដុល្លារ ខណៈនៅចក្រភពអង់គ្លេសមានតម្លៃចាប់ពី ២០១ ៣៩៤ដុល្លារ៕

ផ្ទាំងផ្សាយពាណិជ្ជកម្ម

ម៉ូដែលពិសេស Range Rover SV Carmel តម្លៃជាង ៣០មុឺនដុល្លារ មានតែ ១៧គ្រឿងប៉ុណ្ណោះ

August 20, 2022

[ទីផ្សារបរទេស] ក្រុមហ៊ុនផលិតរថយន្ត Jaguar Land បានធ្វើការដាក់បង្ហាញរថយន្តនៅម៉ូដែលពិសេស Range Rover SV Carmel Edition ត្រូវបានរចនាឡើងជាពិសេសសម្រាប់ទីផ្សារអាមេរិកខាងជើង និងបានផលិតឡើងដោយ SV Bespoke ជាមួយចំនួនកំណត់ត្រឹមតែ ១៧ គ្រឿងប៉ុណ្ណោះ ដោយដាក់បង្ហាញផ្តាច់មុខនៅកម្មវិធី Monterey Car Week។

សម្រាប់ម៉ូដែលនីមួយៗមានតម្លៃ ៣៤៥ ០០០ ដុល្លារ។ ខណៈ ការរចនានៅផ្នែកខាងក្រៅរបស់ម៉ូដែលពិសេសមានផ្តាច់មុខជាមួយពណ៌ Satin Bronze នឹងថាសកង់ទំហំ ២៣ អ៊ីញ ដែលមានលក្ខណៈស៊ីគ្នានឹងពណ៌ Satin Bronze និងភ្លើង SV Bespoke ដែលបំភ្លឺមកដីនៅពេលយប់ជាដើម។

រីឯនៅផ្នែកខាងក្នុងមានបំពាក់ជាមួយកៅអីខាងមុខប្រភេទ Liberty Blue និងកៅអីផ្នែកខាងក្រោយ Caraway ខណ្ឌដោយកុងសូលកណ្តាល ហើយកៅអីអ្នកដំណើរខាងក្រោយមានប៉ាក់ Carmel Edition បន្ថែម Club Table ដែលដើរដោយថាមពលអគ្គិសនី កន្លែងដាក់ដបទឹក និងធុងទឹកកករួមបញ្ចូលគ្នាជាមួយ SV-etched Dartington Crystal glassware។

រថយន្តនេះដំណើរការដោយម៉ាស៊ីនចំណុះ ៤,៤ លីត្រ V8 អាចផលិតកម្លាំងបាន ៥២៣ សេះ និងកម្លាំងរមួល ៧៤៩ ញ៉ូតុនម៉ែត្រ ភ្ជាប់ជាមួយប្រអប់លេខអូតូ ៨ វគ្គ ប្រព័ន្ធបើកបរប៉ុង ២ វិលកង់ទាំងអស់ជាស្តង់ដារ៕

ផ្ទាំងផ្សាយពាណិជ្ជកម្ម

កម្មវិធីតាំងបង្ហាញរថយន្តអន្តរជាតិក្រុងហ្សឺណែវ រំសាយបួនឆ្នាំជាប់គ្នា

August 19, 2022

[ទីផ្សារបរទេស] កម្មវិធីតាំងបង្ហាញរថយន្តអន្តរជាតិទីក្រុងហ្សឺណែវ ត្រូវបានរំសាយចោលជាថ្មីលើកទីបួន ប៉ុន្តែនឹងមានការរៀបចំកម្មវិធីតាំងបង្ហាញរថយន្តផ្ដាច់មុខនៅឯទីក្រុងដូហា ប្រទេសកាតា ក្នុងឆ្នាំ២០២៣។

ដើមឡើយអ្នករៀបចំកម្មវិធីមានគម្រោងថានឹងរៀបចំការតាំងបង្ហាញនៅឯប្រទេសស្វីស ចាប់ពីថ្ងៃទី១៤ ខែកុម្ភៈ ដល់ថ្ងៃទី១៩ ខែកុម្ភៈ ឆ្នាំ២០២៣ ខណៈដែលកម្មវិធី Geneva International Motor Show Qatar នឹងត្រូវរៀបចំឡើងនៅខែវិច្ឆិកា ឆ្នាំ២០២៣។ ប៉ុន្តែពេលនេះមានតែកម្មវិធី Geneva International Motor Show Qatar ប៉ុណ្ណោះ ដែលសម្រេចថានឹងធ្វើឡើង។

ការរំសាយចោលការតាំងបង្ហាញរថយន្តដ៏ធំនេះ ក៏ដោយសារភាពមិនច្បាស់លាស់នៃសេដ្ឋកិច្ចពិភពលោក រួមទាំងបញ្ហាភូមិសាស្ត្រនយោបាយ ក៏ដូចជាហានិភ័យទាក់ទងនឹងការផ្ទុះជំងឺរាតត្បាតផងដែរ។ ដូចនេះអ្នករៀបចំកម្មវិធីបានសម្រេចថាផ្ដោតសំខាន់តែលើកម្មវិធីនៅទីក្រុងដូហាប៉ុណ្ណោះសម្រាប់ឆ្នាំ២០២៣។

ការរំសាយចោលនេះដែរគឺជាការរំសាយចោលឆ្នាំទីបួនហើយសម្រាប់ការតាំងបង្ហាញរថយន្តនៅទីក្រុងហ្សឺណែវ ប្រទេសស្វីស ចំណែកកម្មវិធី Geneva International Motor Show Qatar នឹងត្រូវធ្វើឡើងនៅមជ្ឈមណ្ឌលតាំងពិព័រណ៌ក្រុងដូហា ដោយកម្មវិធីនេះគ្រោងប្រារព្ធឡើងរៀងរាល់ពីរឆ្នាំម្ដង៕

ផ្ទាំងផ្សាយពាណិជ្ជកម្ម

ឌីស្សាញមិនសំចៃដៃ! MG7 ចេញផ្លូវការ សម្រាប់ទីផ្សារប្រទេសចិន

August 19, 2022

បន្ទាប់ពីបានបង្ហាញរូបភាព Teaser អស់មួយរយៈពេលហើយ នាពេលនេះ ក្រុមហ៊ុន SAIC បានធ្វើការបង្ហាញចេញនូវរថយន្ត the all-new MG7 សម្រាប់ទីផ្សារប្រទេសចិនជាផ្លូវការ ហើយនឹងក្លាយជាសមាជិកទីមួយនៃ Black Label Series ដែលនឹងផ្តោតទៅលើទីផ្សារបែប Styling និងភាពស្ព័រផងដែរ។

រថយន្តនេះមានប្រវែងសរុប ៤ ៨៨៤មីលីម៉ែត្រ, ទទឹង ១ ៨៨៩មីលីម៉ែត្រ និងកម្ពស់ ១ ៤៤៧មីលីម៉ែត្រ។ ក្រឡេកទៅមើលការឌីស្សាញផ្នែកខាងក្រៅមានភាព ទាន់សម័យ និងស្ព័រខ្លាំង ដោយមានការឌីស្សាញនូវប៉ាណាក្រូម៉េដែលអាចបើកដើម្បីអោយខ្យល់ចូលបាន ព្រមទាំងភ្ជាប់ទៅកាន់ចង្កៀងមុខដែលជាប្រភេទ LED ផងដែរ។ ហើយផ្នែកជំហៀងបានឌីស្សាញដំបូលជាបែប Coupe-Style និងប្រើប្រាស់កញ្ចក់អត់ស៊ុម Frameless ផងដែរ។

ចូលទៅកាន់ផ្នែកខាងក្រោយវិញ គឺកាន់តែទាក់ទាញ ដែលអាចនិយាយបានថាជាចំណុចដ៏ទាក់ទាញបំផុតនៃរថយន្ត MG7 នេះ ព្រោះថាវាបានប្រើប្រាស់នូវអំពូលមួយខ្សែអូសកាត់ពីឆ្វេងដល់ស្តាំ បន្ថែមជាមួយកាងខ្យល់ និងបំពងស៊ីម៉ាំង ២គូរអមសងខាង បន្ថែមជាមួយស្លាបក្រោយ Active Rear Wing ដូចរថយន្ត Porsche Panamera ផងដែ។

ចំពោះផ្នែកខាងក្នុងកាប៊ីន រថយន្តនេះភ្ជាប់មកជាមួយអេក្រង់ភ្លោះបញ្ឈដ៏ទំនើបទំហំ ៣៣អ៊ីញ បែងចែកជាអេក្រង់កម្សាន្ត និងកុងទ័រព័ត៌មានឌីជីថល, ភ្លើងលម្អ, កៅអីស្ព័រ និងដំបូលបើកប្រភេទ Panoramic sunroof ។

the all-new MG7 ទទួលបាននូវជម្រើសម៉ាស៊ីនចំហេះក្នុងចំនួន ២ប្រភេទ និងប្រភេទកូនកាត់ PHEV មួយប្រភេទដែលទំនងនឹងចេញតាមក្រោយនាឆ្នាំក្រោយ។

ម៉ូឌែល 300 VTGI ដំណើរការដោយម៉ាស៊ីនចំណុះ ១,៥លីត្រ Turbocharged អាចផលិតកម្លាំងបានចំនួន ១៨៣សេះ និងកម្លាំងរមួល ៣០០ញ៉ូតុនម៉ែត្រ បញ្ជូនថាមពលទៅកាន់ប៉ុងមុខ តាមរយៈប្រអប់លេខ DCT ៧វគ្គស្វ័យប្រវត្តិ។
ម៉ូឌែល 405 VTGI Trophy ដំណើរការដោយម៉ាស៊ីនចំណុះ ២,០លីត្រ អាចផលិតកម្លាំងបាន ២៥៤សេះ និងកម្លាំងរមួល ៤០៥ញ៉ូតុនម៉ែត្រ បញ្ជូនថាមពលទៅកាន់ប៉ុងមុខ តាមរយៈប្រអប់លេខ ZF ៩វគ្គស្វ័យប្រវត្តិ។

គេពុំទាន់ដឹងនៅឡើយនោះទេថាតើ MG នឹងធ្វើការនាំយកម៉ូឌែលនេះទៅកាន់ទីផ្សារផ្សេងៗទៀត ក៏ប៉ុន្តែឪកាសនៃរថយន្តប្រភេទចំហេះក្នុង ICE គឺតែងតែមានសម្រាប់ប្រទេសចិន ខណៈទីផ្សារអឺរ៉ុប និងអាមេរិចផ្តោតទៅលើរថយន្តអគ្គិសនី។ សម្រាប់រថយន្តនឹងត្រូវផលិតឡើងដោយក្រុមហ៊ុន SAIC MG ហើយចំពោះតម្លៃនឹងប្រកាសនាពេលចេញលក់នាមុនដំណាច់ឆ្នាំនេះ៕

ផ្ទាំងផ្សាយពាណិជ្ជកម្ម

Toyota bZ1X ទំនងជាឈ្មោះរបស់រថយន្ត Aygo អគ្គិសនី

August 19, 2022

[ទីផ្សារបរទេស] កាលពីចុងឆ្នាំ ២០២១ កន្លងទៅ ក្រុមហ៊ុន Toyota Motor Corporation បានធ្វើការដាក់បង្ហាញចេញនៅរថយន្តអគ្គិសនីជាង ៣០ ម៉ូដែល រួមទាំងម៉ូដែល Lexus ថ្មីជាង ៣០ ដែលពួកគេនិយាយថានឹងត្រូវបានដាក់បញ្ចេញជាបណ្តើរៗនៅត្រឹមឆ្នាំ ២០៣០។ ក្នុងនោះ Toyota បានបង្ហាញម៉ូដែលអគ្គិសនី (BEV) ច្រើនជាង ១៧ ម៉ូដែល ហើយរថយន្ត Aygo អគ្គិសនី ក៏នឹងទទួលបាននូវឈ្មោះថ្មី។

របាយការណ៍ថ្មីមួយបង្ហាញថា រថយន្តអគ្គិសនីនៃ Aygo អាចត្រូវបានគេហៅថាជារថយន្តអគ្គិសនីតូច Toyota bZ1 ឬ Toyota bZ1X។ បច្ចុប្បន្ននេះ យើងមិនមានព័ត៌មានច្បាស់លាស់ណាមួយសម្រាប់រថយន្តប្រភេទ Crossover ខ្នាតតូច bZ1X មើលទៅដូចជា Toyota កំពុងបន្តបញ្ចេញរថយន្តអគ្គិសនីជាប្រភេទ Crossover ថ្មី bZ4x ។

ទន្ទឹមនឹងនេះ លោក Akio Toyoda ប្រធានក្រុមហ៊ុន Toyota Motor Company បាននិយាយថា នេះគឺជារថយន្ត SUV តូចបំផុតនៅក្នុងស៊េរី bZ ដែលនឹងត្រូវបានបំពាក់ដោយអាគុយអគ្គិសនី (EV) តូចមួយជាមួយនឹងផ្ទៃខាងក្នុងប្រកបដោយផាសុកភាព ដែលត្រូវបានរចនាឡើងសម្រាប់ទីផ្សារជប៉ុន និងអឺរ៉ុប។

ជាមួយគ្នានេះ យោងតាមគេហទំព័រ Automotive News បានរាយការណ៍ថាToyota កំពុងអភិវឌ្ឍន៍គ្រោងឆ្អឹងរថយន្តអគ្គិសនីថ្មីមួយដែលមានឈ្មោះថា E3 ដោយត្រូវបានបង្កើតឡើងដោយផ្អែកលើ TNGA GA-C និង e-TNGA នឹងបំពេញតម្រូវការរថយន្តតូចៗ។

គួរបញ្ជាក់ផងដែរថា រថយន្តអគ្គិសនី Toyota bZ1X នឹងក្លាយជារថយន្ត SUV តូចបំផុតនៅក្នុងស៊េរី bZ រំពឹងថាភ្ជាប់ជាមួយអាគុយទំហំ ៣៥ គីឡូវ៉ាត់ម៉ោង ដល់ ៤៥ គីឡូវ៉ាត់ម៉ោង ដែលអាចបើកបរបានចម្ងាយប្រហែល ៣០០ គីឡូម៉ែត្រក្នុងការសាកថ្មម្តង ហើយត្រូវបានគេរំពឹងថាមានតម្លៃលក់ចាប់ពី ១៦ ៣០០ ដល់ ២២ ០០០ ដុល្លារអាមេរិក៕

ផ្ទាំងផ្សាយពាណិជ្ជកម្ម

ប្រធានាធិបតីឥណ្ឌូនេស៊ីចង់ឱ្យ Tesla ផលិតរថយន្តអគ្គិសនីនៅក្នុងប្រទេសរបស់ខ្លួន

August 19, 2022

[ឥណ្ឌូនេស៊ី] ប្រធានាធិបតីឥណ្ឌូនេស៊ីលោក Joko Widodo បានធ្វើការជំរុញឱ្យក្រុមហ៊ុនផលិតរថយន្តអគ្គិសនី (EV) Tesla ផលិតរថយន្តរបស់ខ្លួនក៏ដូចជាអាគុយនៅក្នុងប្រទេសឥណ្ឌូនេស៊ី នេះបើយោងតាមការអត្ថាធិប្បាយដែលបានធ្វើឡើងទៅកាន់ Bloomberg News កាលពីថ្ងៃព្រហស្បតិ៍។

លោក Jokowi ដែលជាប្រធានាធិបតីប្រទេសឥណ្ឌូនេស៊ីត្រូវបាននិយាយនៅក្នុងបទសម្ភាសន៍មួយថាប្រទេសឥណ្ឌូនេស៊ីចង់បាន “ប្រព័ន្ធអេកូឡូស៊ីដ៏ធំនៃរថយន្តអគ្គិសនី” ជាជាងការទាញយកធនធានធម្មជាតិរបស់ខ្លួនដើម្បីផលិតអាគុយ។ លោកក៏បាននិយាយដែរថាប្រទេសឥណ្ឌូនេស៊ីកំពុងពិចារណាដាក់ពន្ធលើការនាំចេញនីកែលនៅឆ្នាំនេះ ដើម្បីបង្កើនប្រាក់ចំណូលដោយវាអាចនឹងចាប់ផ្តើមឡើងត្រីមាសទីបី។

គួរបញ្ជាក់ផងដែរ ប្រធានាធិបតី និងមន្ត្រីរដ្ឋាភិបាលជាន់ខ្ពស់របស់ប្រទេសឥណ្ឌូនេស៊ីបានជួបប្រជុំគ្នាជាមួយស្ថាបនិកក្រុមហ៊ុន Tesla លោក Elon Musk កាលពីដើមឆ្នាំនេះដោយក្នុងអំឡុងពេលនោះដែលលោកបានស្នើសុំឱ្យ លោក Elon Musk ចាត់ទុកប្រទេសអាស៊ីអាគ្នេយ៍ជាមជ្ឈមណ្ឌលផលិតរថយន្ត បន្ថែមពីលើការផលិតត្រឹមអាគុយ។

លោក Luhut Pandjaitan រដ្ឋមន្ត្រីជាន់ខ្ពស់ឥណ្ឌូនេស៊ី ដែលត្រួតពិនិត្យកិច្ចពិភាក្សាជាមួយក្រុមហ៊ុន Tesla កាលពីដើមខែនេះបានប្រាប់ប្រព័ន្ធផ្សព្វផ្សាយថាក្រុមហ៊ុនអាមេរិកបានឈានដល់កិច្ចព្រមព្រៀងដែលមានតម្លៃប្រហែល ៥ ពាន់លានដុល្លារ ដើម្បីទិញផលិតផលនីកែលពីក្រុមហ៊ុនកែច្នៃនីកែលដែលប្រតិបត្តិការចេញពី Morowali របស់ឥណ្ឌូនេស៊ីនៅកោះ Sulawesi។ ហើយលោក Luhut បានបន្ថែមថា ក្រសួងរបស់គាត់កំពុងស្ថិតក្នុងការចរចាជាមួយក្រុមហ៊ុន Tesla ប៉ុន្តែថាលោក Musk “រវល់ជាមួយបញ្ហាក្នុងស្រុក ទាក់ទងនឹង Twitter” ។

គួរបញ្ជាក់ផងដែរថា ក្រុមហ៊ុនដែលបានវិនិយោគ ឬបានប្រកាសពីគម្រោងវិនិយោគរបស់ខ្លួនក្នុងការផលិតរថយន្តអគ្គិសនីក្នុងប្រទេសឥណ្ឌូនេស៊ីរួមមានក្រុមហ៊ុនជប៉ុន Toyota Motor Corp, Mitsubishi Motors Corp និង Hyundai Motor Group របស់កូរ៉េខាងត្បូង។ ព្រមទាំង SGMW Motor Indonesia ដែលជាផ្នែកមួយនៃក្រុមហ៊ុនបណ្តាក់ទុនរួមគ្នារបស់ SAIC Motor Corp Ltd, General Motors Co និង Wuling Motors មានរោងចក្រដំឡើងរថយន្តអគ្គិសនីនៅក្នុងប្រទេសឥណ្ឌូនេស៊ីផងដែរ៕

ផ្ទាំងផ្សាយពាណិជ្ជកម្ម

ម៉ូដែលពិសេស Mitsubishi Triton Phantom PLUS ២០២២ បន្ថែមរូបរាងកាន់តែទាក់ទាញ

August 19, 2022

[ទីផ្សារបរទេស] ក្រុមហ៊ុនផលិតរថយន្ត Mitsubishi បានធ្វើការដាក់បង្ហាញចេញនៅម៉ូដែលពិសេស Mitsubishi Triton Phantom PLUS ស៊េរីឆ្នាំ ២០២២ ថ្មី ជាមួយនឹងតម្លៃលក់ចាប់ពី ៣១ ១១២ ដុល្លារនៅក្នុងប្រទេសម៉ាឡេស៊ី ។

Mitsubishi Triton Phantom PLUS ត្រូវបានផលិតឡើងនៅលើមូលដ្ឋាននៃម៉ូដែល 2.4 AT Premium 4×4 ភ្ជាប់មកជាមួយឧបករណ៍ខាងក្រៅបន្ថែមពីម៉ូដែលធម្មតា។ បានបំពាក់អំពូលភ្លើង LED នៅលើដំបូល, កាងខាងមុខ-ខាងក្រោយតុបតែងដោយពណ៌ក្រហម, ប្រព័ន្ធជំនួយឃ្លុបក្រោយ, របាំងការពារនៅផ្នែកខាងក្រោយដែលមានឡូហ្គោ “PHANTOM”, ឡូហ្គោ “PHANTOM PLUS” និងថាសកង់ស្ព័រពណ៌ខ្មៅទំហំ ១៨ អ៊ីញ ស្រោបជាមួយនឹងសំបកកង់ប្រភេទ All-terrain tires។

ខណៈពេលដែលគ្រឿងបរិក្ខានៅផ្នែកខាងក្នុងដូចគ្នានឹងម៉ូដែលធម្មតា ប៉ុន្តែលើសពីនេះទៀត កៅអីស្ព័រត្រូវបានស្រោបដោយស្បែកទន់ ជាមួយឡូហ្គោ PHANTOM PLUS និងកាំមេរ៉ាមុខ Driving Video Recorder។

Mitsubishi Triton Phantom PLUS ភ្ជាប់មកជាមួយឧបករណ៍ស្តង់ដារដូចជា អេក្រង់កំសាន្ត touchscreen ភ្ជាប់មុខងារ Apple CarPlay និង Android Auto, កញ្ចកការពារចំណាំងផ្លាតដោយស្វ័យប្រវត្តិ, ប្រព័ន្ធម៉ាស៊ីនត្រជាក់ដោយស្វ័យប្រវត្តិ និងរន្ធសាក USB ជាដើម។

ម៉ូដែលពិសេសនេះ ដំណើរការដោយម៉ាស៊ីនម៉ាស៊ូតចំណុំ ២,៤ លីត្រ ទំហំ ៤ ស៊ីឡាំង អាចផផលិតកម្លាំងបាន ១៨១ សេះ និងកម្លាំងរមួល ៤៣០ ញ៉ូតុនម៉ែត្រ ភ្ជាប់ជាមួយប្រអប់លេខអូតូ ៦ វគ្គ ជាមួយ Sport Mode និងមុខងារ Easy Select 4WD all-wheel drive mode ជាមួយនឹងរបៀបបើកបរ off-road ចំនួនបួនសម្រាប់ជ្រើសរើសដូចជា Gravel, Mud, Sand និង Rock៕

ផ្ទាំងផ្សាយពាណិជ្ជកម្ម

Hyundai ប្រកាសតម្លៃឡាន Santa Cruz ឆ្នាំ២០២៣ និងថែមម៉ូឌែលថ្មីលេងខ្លួនពណ៌ខ្មៅ Santa Cruz Night

August 19, 2022

ក្រុមហ៊ុន Hyundai បានបង្ហាញចេញនូវម៉ូឌែលថ្មី Santa Cruz Night ឆ្នាំ២០២៣ ផលិតឡើងផ្អែកលើម៉ូឌែល Santa Cruz AWD SEL។

ចំណុចដ៏លេចធ្លោនៃផ្នែកខាងក្រៅរបស់ ម៉ូឌែល Santa Cruz Night ឆ្នាំ២០២៣ នេះបានបំពាក់ផ្តាច់មុខនូវប៉ាណា និងថាសកង់ទំហំ ២០អ៊ីញពណ៌ខ្មៅ បន្ថែមជាមួយស៊ុមត្រឡោកកញ្ចក់ និងដៃទ្វាពណ៌ខ្មៅ, កាងផ្នែកខាងមុខ និងខាងក្រោយឌីស្សាញយ៉ាងទាន់សម័យ និងឈ្មាន់ជំហៀងពណ៌ខ្មៅផងដែរ។

ផ្នែកខាងក្នុង ក្រុមហ៊ុន Hyundai មិនបាននិយាយអ្វីច្រើនអំពីឡានដឹកទំនិញនោះទេ ប៉ុន្តែដោយសារតែវាផ្អែកលើម៉ូឌែល SEL ម៉ូឌែលនេះទំនងនឹងបំពាក់ដោយកុងទ័រប្រភេទឌីជីថលទំហំ ១០,២៥ អ៊ីញ និងអេក្រង់កម្សាន្តទំហំ ៨អ៊ីញ ភ្ជាប់ដោយមុខងារ Android Auto និង Apple CarPlay, កៅអីខាងមុខភ្ជាប់ដោយមុខងារកំដៅ និងអាចសារ៉េបាន ៨ទិសដៅ, កន្លែងសាកថ្មឥតខ្សែ និងដំបូលបើកផងដែរ។

សម្រាប់ប្រព័ន្ធសុវត្ថិភាព គេរំពឹងថានឹងមានប្រព័ន្ធជំនួយអ្នកបើកបរជាច្រើនរួមមាន Forward Collision-Avoidance Assist with Pedestrian Detection, Blind-Spot Collision-Avoidance Assist, Rear Cross-Traffic Collision-Avoidance Assist, Lane Keeping Assist, Lane Following Assist, Safe Exit Warning, និង Rear Occupant Alert។

ក្រៅពីម៉ូឌែល Night ម៉ូឌែល SEL Premium ក៏ទទួលបាននូវការអាប់ដេតជាមួយប្រព័ន្ធកម្សាន្តទំហំ ១០,២៥អ៊ីង ដែលមានមុខងារ GPS navigation និងមុខងារ Intelligent Speed Limit Assist និង Smart Cruise Control ជាមួយនឹង Stop & Go ផងដែរ។ បន្ថែមជាមួយមុខងារ Blind-Spot Collision-Avoidance Assist, Rear Cross-Traffic Collision-Avoidance Assist និង Safe Exit Warning។

រថយន្ត Santa Cruz Night មានតម្លៃ ៣៥ ៨១០ដុល្លារ ត្រូវបានបំពាក់ដោយម៉ាស៊ីនស៊ីឡាំង ៤ ចំណុះ ២,៥ លីត្រ turbocharged ដែលមានកម្លាំង ២៨១សេះ និងកម្លាំងបង្វិល ៤២១ញ៉ូតុនម៉ែត្រ ភ្ជាប់ជាមួយប្រអប់លេខ ៨វគ្គស្វ័យប្រវត្តិ និងប្រព័ន្ធបើកបរប៉ុងពីរ។

សូមបញ្ជាក់ផងដែរថា រថយន្ត Santa Cruz ឆ្នាំ២០២៣ មានតម្លៃចាប់ពី ២៥ ៤៥០ដុល្លារ ដោយមានការកើនឡើងនូវតម្លៃចំនួន១ ០១០ដុល្លារ មុនគិតអំពីតម្លៃនៃការដឹកជញ្ជូន ១ ២៩៥ដុល្លារ៕