ចំនួនលក់ឡានអគ្គីសនី និង PHEV នៅចិន ហក់ឡើងដល់ ៤៤ម៉ឺនគ្រឿង កាលខែកក្កដា

August 23, 2022

[ទីផ្សារបរទេស] កាលពីខែកក្កដាកន្លងទៅ មានរថយន្តប្រើថាមពលថ្មី (អគ្គិសនី និង PHEV) ចំនួន ៤៤០ ៤០០គ្រឿង បានបញ្ចេញលក់លើទីផ្សារប្រទេសចិន ដែលជាការកើនឡើង ១១២,៣% ធៀបនឹងខែកក្កដា ឆ្នាំ២០២១។

ក្នុងនោះរថយន្តអគ្គិសនីមានចំនួន ៣៣៧ ៣០០គ្រឿង ខណៈដែលរថយន្ត PHEV មានចំនួន ១០៣ ១០០គ្រឿង ហើយក្រុមហ៊ុន BYD អាចលក់រថយន្តថាមពលថ្មីបានសរុប ១៣៩ ១១៩គ្រឿង កាលពីខែកក្កដា ជាការកើនឡើង ៦,៩៣% ធៀបនឹងខែមិថុនា ឯក្រុមហ៊ុន Wuling លក់ចេញបាន ៣៧ ៧៩៥គ្រឿង ថយចុះ ១០,៨៧% និង GAC លក់ចេញបាន ២៣ ១០៤គ្រឿង កើនឡើង ៦,៣៩%។

រថយន្ត Hongguang Mini EV ជារថយន្តអគ្គិសនីដែលលក់ដាច់ជាងគេ តាមពីក្រោយដោយរថយន្តរបស់ BYD មានរថយន្ត Yuan Plus, Dolphin និង Han EV ផងដែរ។

ងាកមកមើលរថយន្តប្រភេទ PHEV វិញ តំណែងលេខមួយបានទៅលើ BYD Song Plus និងតាមពីក្រោយដោយរថយន្ត BYD Han, BYD Qin Plus PHEV៕

ផ្ទាំងផ្សាយពាណិជ្ជកម្ម

៥ ចំណុចដែលអ្នកគ្រប់គ្នាតែងត្រូវការក្នុងពេលទិញរថយន្តភីកអាប់ ហើយចំណុចពិសេសទាំងនោះគឺមាននៅលើរថយន្ត Maxus T90

August 23, 2022

រថយន្តភីកអាប់ជាយានជំនិះមួយដ៏ល្អសម្រាប់ការធ្វើដំណើរផ្លូវoff-road, ការដឹកជញ្ផូន និងសម្រាប់ប្រើប្រាស់ជាលក្ខណៈគ្រួសារ។ សម្រាប់អ្នកបើកបរមួយចំនួន រថយន្តភីកអាប់គឺជាដំណោះស្រាយដ៏ប្រសើរសម្រាប់ការងារដឹកជញ្ផូន, ការដើរលេងកម្សាន្ត និងអ្វីៗគ្រប់យ៉ាងតាមតម្រូវការរបស់ពួកគេ។ ទោះជាយ៉ាងណាក៏ដោយ ប្រសិនបើអ្នកកំពុងពិចារណារកទិញរថយន្តភីកអាប់ ហើយអ្នកមានជម្រើសជាច្រើននាពេលបច្ចុប្បន្នជាមួយនឹងម៉ាករថយន្តថ្មីៗជាច្រើននៅក្នុងប្រទេសកម្ពុជា។ ប៉ុន្តែអ្នកមិនប្រាកដចិត្តថាមួយណាជាជម្រើសដ៏ល្អ វាគឺជាការជ្រើសរើសដ៏ត្រឹមត្រូវសម្រាប់អ្នកឬអត់ទេ ដូច្នេះលោកអ្នកអាចសាកល្បងក្រឡេងមើលរថយន្តថ្មីគឺ Maxus T90 ដែលជារថយន្តភីកអាប់ខ្នាតកណ្តាល ដែលមានការរចនាយ៉ាងល្អ តម្លៃសមរម្យ និងអត្ថប្រយោជន៍ជាច្រើន។ ថ្ងៃនេះយើងនឹងបង្ហាញអំពីលក្ខណៈពិសេស៥ចំណុចដែលអ្នកត្រូវតែគិតគូរក្នុងអំឡុងពេលអ្នកទិញរថយន្តភីកអាប់ ហើយចំណុចសំខាន់ៗទាំងអស់នេះមាននៅលើ Maxus T90 ទាំងអស់។

កម្លាំង និងតម្លៃ: រថយន្តភីកអាប់ភាគច្រើនបំពាក់ជាមួយម៉ាស៊ីនចំនួន៤ស៊ីឡាំង អាចជាប្រភេទម៉ាស៊ីនម៉ាស៊ូត ឬសាំង។ ពួកគេក៏ភ្ជាប់មកជាមួយជម្រើសនៃប្រភេទប៉ុង១ ឬប៉ុង២។ នៅពេលជ្រើសរើសអំពីទំហំម៉ាស៊ីន លោកអ្នកនឹងត្រូវគិតអំពីតុល្យភាពរវាងតម្លៃ កម្លាំងសេះ និងកម្រិតស៊ីប្រេងឥន្ធនៈផងដែរ។ ដូច្នេះហើយរថយន្ត Maxus T90 ផ្តល់ឱ្យអ្នកនូវជម្រើសដ៏ល្អនៃប្រភេទប៉ុង២ 4×4 និងប្រភេទម៉ាស៊ូតចំណុះ 2.0T តួបូភ្លោះ(Bi-Turbo) ជាមួយនឹងប្រអប់លេខអូតូស្វ័យប្រវត្តិ៨វគ្គ ដែលផ្តល់ថាមពល ១៦០kW និងកម្លាំងរមួល ៥០០Nm។ ប្រសិនបើលោកអ្នកបើកបរក្នុងស្ថានភាពផ្លូវឆ្ងាយជាញឹកញាប់ ជម្រើសប៉ុង២គឺជម្រើសដ៏ឆ្លាតវៃនិងល្អបំផុត ហើយរថយន្ត Maxus T90 មានចំណុចទាំងអស់នេះដែលអ្នកត្រូវការពីរថយន្តភីកអាប់ ជាមួយនឹងតម្លៃ Maxus T90 ចាប់ពី ៤៦ ៩៩០ដុល្លារ និងបង់ប្រចាំខែត្រឹមតែ ៤៣២ដុល្លារប៉ុណ្ណោះ។

កម្លាំងអូសទាញ និងការសន្សំសំចៃ: គ្រប់រថយន្តភីកអាប់ទាំងអស់គឺមានសមត្ថភាពក្នុងការផ្ទុកបន្ទុកធ្ងន់ ហើយការដឹងពីទម្ងន់ឬបន្ទុកនៃការប្រើប្រាស់ដែលអ្នកត្រូវការដើម្បីដឹកជញ្ផូន នោះវាអាចជួយកំណត់បានថា តើអ្នកត្រូវការរថយន្តភីកអាប់ខ្នាតកណ្តាល ឬខ្នាតធំ។ ឧទាហរណ៍ បើយោងតាមរថយន្ត New Maxus T90 វាមានសមត្ថភាពអូស ៣,៥តោន ហើយអ្នកបើកបរអាចប្តូរររបៀបនៃបើកបរតាមបែបបទផ្លូវផ្សេងៗដូចជា 2H, 4H, AUTO និង 4L ជាមួយនឹងមុខងារសន្សំសំចៃ Eco, Power និង Normal ដែលអាចផ្តល់នូវការគ្រប់គ្រងការបើកបរបានយ៉ាងល្អ។ Maxus T90 បានបំពាក់នូវមុខងារសន្សំសំចៃ និងផ្តល់នូវកម្លាំងអូសទាញគ្រប់គ្រាន់សម្រាប់ការប្រើប្រាស់ប្រចាំថ្ងៃ។

ប្រព័ន្ធសុវត្ថិភាព: នៅពេលទិញរថយន្តថ្មីណាមួយការវាយតម្លៃលើប្រព័ន្ធសុវត្ថិភាពគឺតែងតែជាការពិចារណាដ៏សំខាន់មួយ។ មុនពេលអ្នកបើកបររថយន្តភីកអាប់ អ្នកត្រូវតែសិក្សាស្រាវជ្រាវបន្ថែមអំពីមុខងារសុវត្ថិភាពផងដែរ ហើយរថយន្ត Maxus T90 ផ្តល់នូវអ្វីដែលអ្នកគ្រប់គ្នាត្រូវការទាំងអស់ដូចជា មុខងារជំនួយការបើកបរ, ប្រព័ន្ធហ្វ្រាំងដៃអេឡិចត្រូនិច, ប្រព័ន្ធជំនួយពេលចុះចំណោត, កាំមេរ៉ាខាងក្រោយជាមួយសេនស័រជំនួយការចតរថយន្ត, ប្រព័ន្ធផ្តល់ដំណឹងពីការបើរបរខុសគន្លងផ្លូវ, ប្រព័ន្ធផ្តល់សញ្ញាពីសម្ពាធកង់, ពោងសុវត្ថិភាពខាងមុខ និងចំហៀង, ការផ្តល់ដំណឹងពីខ្សែក្រវ៉ាត់សុវត្ថិភាព, សញ្ញាពេលបើកបរហួសល្បឿនកំណត់ និងមុខងារច្រើនទៀត។ ជាពិសេស Maxus T90 បានទទួលពានរង្វាន់ផ្កាយប្រាំពីវិទ្យាស្ថាន ANCAP ដែលធានាសុវត្ថិភាពអ្នកបើកបរ និងអ្នករួមដំណើរបានយ៉ាងល្អ។

ភាពប្រណិតនៃកាប៊ីនខាងក្នុង: ឥឡូវនេះ អ្នកទិញរថយន្តថ្មីភាគច្រើនគឺត្រូវការរថយន្តភីកអាប់ដែលផ្តល់នូវលក្ខណៈប្រណិត ពីព្រោះរថយន្តភីកអាប់មិនមែនសម្រាប់តែការដឹកជញ្ជូនទំនិញ និងសម្រាប់អ្នកធ្វើការងារប៉ុណ្ណោះទេ ប៉ុន្តែវាក៏សម្រាប់ការធ្វើដំណើរជាលក្ខណៈគ្រួសារផងដែរ។ ដូច្នេះហើយ ពួកគេចង់បានរថយន្តភីកអាប់ថ្មីដែលភ្ជាប់មកជាមួយជម្រើសដ៏ប្រណិត ដូចជា ប្រព័ន្ធព័ត៌មានកម្សាន្ត, កុងទ័រឌីជីថល, កៅអីអេឡិចត្រូនិចបែបស្ព័រ, កញ្ចក់ចំហៀងអេឡិចត្រូនិច, ដំបូលលើsunroof, ប្រព័ន្ធ Bluetooth, Apple CarPlay, កៅអីពូកស្បែកនិងដៃចង្កូតស្បែក ហើយមុខងារនិងប្រណិតភាពទាំងអស់នោះគឺមាននៅលើ Maxus T90។ ប្រសិនបើអ្នកចង់បានផាសុកភាពខ្ពស់ក្នុងការបើកបររថយន្តភីកអាប់នោះ Maxus T90 នឹងក្លាយជាដៃគូបើកបរដ៏ល្អរបស់អ្នក។

ប្រវែងនិងភាពធំទូលាយ: តើអ្នកត្រូវការទំហំធំប៉ុនណាពីរថយន្តភីកអាប់ ទាំងផ្នែកខាងក្នុងនិងផ្នែកខាងក្រៅ? ខណៈពេលដែលអ្នកទិញជាច្រើនតែងតែរំពឹងថារថយន្តភីកអាប់គឺមានតូចដោយសារតែគេតម្រូវការតែការដឹកជញ្ផូនប៉ុណ្ណោះ។ ប៉ុន្តែរថយន្ត Maxus ផ្តល់នូវការរំពឹងទុកមួយយ៉ាងល្អជាមួយភាពធំទូលាយ នឹងកម្ពស់ខ្ពស់ពីដីប្រវែង ២២០mm, ប្រវែងបណ្តោយ ៥ ៣៦៥mm, ប្រវែងទទឹង ១ ៩០០mm, កម្ពស់ ១ ៨០៩mm និងគម្លាតពីកង់មុខទៅកង់ក្រោយប្រវែង ៣ ១៥៥mm ដែលផ្តល់កន្លែងធំទូលាយយ៉ាងផាសុកភាពនៅក្នុងកាប៊ីន។ អំពីកន្លែងផ្ទុកទំនិញវិញវាមានប្រវែងបណ្តោយ ១ ៥១០mm, ប្រវែងទទឹង ១ ៤៨៥mm និងខ្ពស់ ៥៣០mm ដែលផ្តល់ឱ្យអ្នកនូវកន្លែងទំហំគ្រប់គ្រាន់សម្រាប់ការដឹកជញ្ជូនទំនិញរបស់អ្នក។

ចំណុចសំខាន់ទាំងប្រាំខាងលើនឹងផ្តល់ឱ្យអ្នកនូវការសម្រេចចិត្តដ៏ល្អមួយមុនពេលអ្នកទិញរថយន្តភីកអាប់ថ្មី បូករួមទាំងលក្ខណៈពិសេសទាំងអស់នោះ រថយន្ត Maxus T90 ក៏ផ្តល់នូវការធានារយៈពេល៣ឆ្នាំ ឬ ១០០,០០០Km ផងដែរដើម្បីផ្តល់ទំនុកចិត្តកាន់តែខ្ពស់ដល់អ្នកប្រើប្រាស់រថយន្តភីកអាប់នេះ។ ប្រសិនបើអ្នកចាប់អារម្មណ៍លើម៉ូដែលថ្មីនេះ លោកអ្នកអាចអញ្ជើញទៅទស្សនារថយន្តនៅអគារតាំងបង្ហាញរថយន្តដើម្បីបើករសាកល្បងជាមួយបទពិសោធន៏ថ្មី និងកាន់តែពិសេសគឺការមកដល់ស្តុកថ្មីទិញភ្លាមបានភ្លាម។

សម្រាប់ពត៍មានលម្អិតលោកអ្នកអាចទំនាក់ទំនងទីប្រឹក្សាផ្នែកលក់របស់យើងខ្ញុំតាមរយៈលេខទូរស័ព្ទដូចខាងក្រោម:

លោកទឿន 017 786 662
កញ្ញាស្រីណែត 089 566 653
លោក សុភួន 089 777 919

ផ្ទាំងផ្សាយពាណិជ្ជកម្ម

Porsche 911 មានតែមួយគ្រឿងក្នុងលោក លក់ដេញថ្លៃបានដល់ ៣,៦លានដុល្លារ

August 23, 2022

[ទីផ្សារបរទេស] កាលពីសប្ដាហ៍មុន Porsche បានបង្ហាញចេញរថយន្តពិសេសឈ្មោះថា “Sally Special” ជារថយន្តផលិតតាមរថយន្តក្នុងគំនូរជីវចល Cars ដ៏ល្បីល្បាញរបស់ផលិតកម្ម Pixar។

រថយន្តពិសេសនេះ បានផលិតនៅលើរថយន្ត 911 GTS ដោយមានប្រើប្រាស់ពណ៌ផ្ដាច់មុខ, យ៉ាន់កង់ពិសេស ជាមួយផ្លាកសញ្ញា និងមាននិម្មិតសញ្ញា Sally នៅលើរូបរាងរបស់រថយន្តផងដែរ។

រថយន្ត “Sally Special” នេះត្រូវបានដាក់ដេញថ្លៃក្នុងកម្មវិធី Monterey កាលពីថ្មីៗនេះ ដែលអាចលក់ចេញបានរហូតដល់ ៣,៦លានដុល្លារ ហើយតម្លៃនេះគឺស្មើនឹងគុណ២៥ នៃតម្លៃរបស់រថយន្ត 911 Carrera GTS ធម្មតា ដែលរថយន្តនេះជាមធ្យមមានតម្លៃចាប់ពី ១៤២ ៦០០ដុល្លារ។

អ្នកឈ្នះពីការដេញថ្លៃនេះ ក្រៅពីទទួលបានរថយន្ត ក៏ទទួលបាននូវកង់សម្រាប់បើកបរលើផ្លូវប្រណាំង រួមទាំងគ្រឿងបន្ថែមពិសេសៗដទៃទៀតដែលមានម៉ាក Porsche ផងដែរ។ ទឹកប្រាក់ដែលបានពីការដេញថ្លៃនេះ នឹងបានទៅដល់មូលនិធិចំនួនពីរគឺមូលនិធិ Girls Inc. និងមូលនិធិ USA for UNHCR៕

ផ្ទាំងផ្សាយពាណិជ្ជកម្ម

ឡានកំពូលល្បឿនស៊េរីថ្មីរបស់ Bugatti នឹងលែងប្រើម៉ាស៊ីន១៦ស៊ីឡាំង

August 22, 2022

[ទីផ្សារបរទេស] អ្នកស្នងតំណែងរថយន្ត Bugatti Chiron នឹងមិនមានបំពាក់ម៉ាស៊ីន Quad-Turbocharged ចំណុះ៨,០លីត្រ ១៦ស៊ីឡាំង ដ៏ល្បីល្បាញតទៀតនោះទេ។

ថ្មីៗនេះ Bugatti បានបង្ហាញចេញរថយន្ត W16 Mistral នៅឯកម្មវិធី Monterey Car Week និងបានបញ្ជាក់ថាវាជាម៉ូដែលចុងក្រោយដែលនឹងប្រើប្រាស់ម៉ាស៊ីន១៦ស៊ីឡាំង។ ដោយឡែក Bugatti នឹងផ្លាស់ប្ដូរមកប្រើប្រាស់ម៉ាស៊ីនទំហំតូចជាងមុនលើរថយន្តនាពេលអនាគតរបស់ខ្លួន។

លក្ខណៈសម្បត្តិរបស់ម៉ាស៊ីនថ្មីដែលប្រើលើរថយន្ត Bugatti នាពេលអនាគត នៅមិនទាន់មានការបញ្ជាក់នៅឡើយទេ ប៉ុន្តែគេដឹងថាវានឹងមានលាយឡំជាមួយថាមពលអគ្គិសនី។ អាចសន្និដ្ឋានបានថាចំនួនស៊ីឡាំងនឹងមានតិចជាងមុន ចំនួន Turbo ក៏តិចជាងមុន ហើយវានឹងមានចំណុះតូចជាងម៉ាស៊ីន ១៦ស៊ីឡាំងនាពេលបច្ចុប្បន្ន។ ម៉ាស៊ីននេះដែរក៏អាចនឹងផលិតកម្លាំងបានតិចជាងមុន ដោយសារវានឹងទទួលបានជំនួយពីប្រព័ន្ធម៉ាស៊ីន Hybrid។

ប្រធានផ្នែកឌីហ្សាញរបស់ Bugatti បានឲ្យតម្រុយថារថយន្តម៉ូដែលថ្មីនឹងកាន់តែអស្ចារ្យជាងរថយន្ត Mistral ដោយលោកមិនបាននិយាយអ្វីច្រើនឲ្យលម្អិតជាងនេះឡើយ៕

ផ្ទាំងផ្សាយពាណិជ្ជកម្ម

Volkswagen នឹងលក់តែឡានអគ្គិសនីសុទ្ធចាប់ពីឆ្នាំ២០២៤ លើទឹកដីមួយនេះ

August 22, 2022

[ទីផ្សារបរទេស] ក្រុមហ៊ុន Volkswagen បានប្រកាសថាចាប់ពីឆ្នាំ២០២៤តទៅ ខ្លួននឹងលក់តែរថយន្តអគ្គិសនីប៉ុណ្ណោះសម្រាប់ទីផ្សារប្រទេសន័រវេស ខណៈដែលប្រទេសនេះគឺជាទីផ្សារឈានមុខគេមួយផ្នែករថយន្តអគ្គិសនី។

ក្នុងឆមាសដំបូងនៃឆ្នាំ២០២២ រថយន្តអគ្គិសនីដែលលក់ដាច់ជាងគេគឺ Tesla Model Y និងតាមពីក្រោយយ៉ាងកៀកដោយរថយន្ត Volkswagen ID.4 ជាមួយរថយន្ត Škoda Enyaq។ ចាប់អារម្មណ៍ផងដែរថាការលក់របស់រថយន្ត Tesla Model 3 មានការថយចុះគួរឲ្យកត់សម្គាល់នៅពីប្រទេសន័រវេស ទំនងជាវត្តមានរបស់គូប្រជែងថ្មីៗ និងការចេញលក់រថយន្ត Model Y ជាដើម។

ក្រៅពីរថយន្ត ID.4 ហើយនោះ Volkswagen ក៏មានលក់រថយន្ត ID.3 និង ID.5 នៅក្នុងប្រទេសន័រវេសផងដែរ។ រំលឹកថា ID.4 ធ្លាប់ជារថយន្តអគ្គិសនីលក់ដាច់ជាងគេនៅប្រទេសន័រវេសកាលពីពីរឆ្នាំមុន ប៉ុន្តែក្រោយពីរថយន្តអគ្គិសនីថ្មីបង្ហាញវត្តមានជាហូរហែធ្វើឲ្យរថយន្តនេះបាត់បង់ចំណែកទីផ្សារ។

ដោយឡែក រថយន្ត ID.Buzz ដែលត្រៀមចេញលក់លើទីផ្សារប្រទេសន័រវេសនាឆ្នាំក្រោយនេះ មានអ្នកកុម្ម៉ង់ទិញអស់បាត់ទៅហើយលើទឹកដីអឺរ៉ុប ដោយមានប្រទេសន័រវេសទិញយកច្រើនជាងគេ៕

ផ្ទាំងផ្សាយពាណិជ្ជកម្ម

Bentley ចេញរថយន្តថ្មីមានកម្លាំងខ្លាំងបំផុតក្នុងប្រវត្តិសាស្រ្តរបស់ក្រុមហ៊ុន ផលិតត្រឹម ១៨គ្រឿង

August 22, 2022

ជាលើកដំបូងក្នុងរយៈពេលដ៏យូររថយន្តរបស់ Bentley ក្នុងការបង្ហាញចេញនូវរថយន្តដែលមានរូបរាងខុសប្លែកពីម៉ូឌែលមុនៗជាមួយការបង្ហាញចេញនូវរថយន្ត Bentley Mulliner Batur ប្រភេទ Coupe ថ្មីនៅទីក្រុង Monterey រដ្ឋកាលីហ្វ័រញ៉ា ក្នុងសប្តាហ៍នេះ។

រថយន្ត Bentley Mulliner Batur ទទួលបាននូវការឌីស្សាញថ្មី ជាមួយរសជាតិថ្មី និងបានទម្លាក់នូវចង្កៀងមុខរាងមូលពងក្រពើដែលជាអត្ថសញ្ញាណនៃរថយន្ត Bentey មកបំពាក់នូវចង្កៀងថ្មីដែមាន អំពូលភ្លើងបីប្រភេទ LED។ បន្ថែមជាមួយប៉ាណាថ្មីដែលមើលទៅកាន់តែកាច រួមបន្ថែមជាមួយថាសកង់ទំហំ ២២អ៊ីង និងភ្លើងខាងក្រោយឌីស្សាញស្លីមជាងមុន។

The Batur ត្រូវបានបង្កើតឡើងដោយនាយកផ្នែករចនា Andreas Mindt និងក្រុមរបស់គាត់នៅ Bentley ។ លោក Mindt បានចូលរួមជាមួយ Bentley ក្នុងឆ្នាំ២០២១ បន្ទាប់ពី២៥ ឆ្នាំនៅក្រុមហ៊ុនផលិតរថយន្តផ្សេងទៀតដូចជា Volkswagen Group ដែលធ្វើការជាមួយម៉ាកដូចជា VW និង Audi ។

ស្រដៀងទៅនឹង E-Tron ដែរ Mulliner Batur នឹងបង្ហាញពីរចនាប័ទ្មរបស់ Bentley នៅពេលដែលក្រុមហ៊ុនផលិតរថយន្តនេះបានផ្លាស់ប្តូរទៅជាការផលិតអគ្គិសនីដែលជាផ្នែកនៃយុទ្ធសាស្រ្ត “Beyond100” របស់ខ្លួន ដែលសង្ឃឹមថានឹងមានអគ្គិសនីសុទ្ធនៅត្រឹមឆ្នាំ ២០៣០។

ផ្នែកខាងក្នុងរបស់ Batur មិនខុសគ្នាខ្លាំងដូចផ្នែកខាងក្រៅនោះទេ។ ត្រូវបានបំផុសគំនិតដោយ Bacalar កាលពីឆ្នាំមុន កាប៊ីនរក្សាបាននូវអត្តសញ្ញាណ Bentley-esque របស់ខ្លួនជាមួយនឹងគ្រឿងបរិក្ខាដែលបានធ្វើការអភិវឌ្ឍន៍ស្របតាមរចនាប័ទ្មដែលអតិថិជននីមួយៗពេញចិត្ត។ បន្ថែមពីនេះក៏មាននូវជម្រើសវត្ថុធាតុដើមចំនួន ៣ជម្រើសផងដែរនៅផ្នែកខាងក្នុង Batur នេះ ដោយមាន Scottish, Italian leather និង Dinamica Faux។ កម្រាលជើងត្រូវបានផលិតចេញពីសសៃអំបោះកែច្នៃឡើងវិញ ជំនួសអោយនូវការប្រើសមាសធាតុកាបូន ដែល Bentley បាននិយាយថាវារក្សាបាននូវស្ថេរភាពនៃការប្រើប្រាស់។ ប្រសិនបើពុំគ្រប់គ្រាន់នោះទេ Bentley ក៏ផ្តល់នូវកន្លែងប៊ូតុងចាប់ផ្តើមដំណើរការម៉ាស៊ីនផលិតពីមាសទំហំ ១៨ការ៉ាត់ផងដែរ។

រថយន្ត Mulliner Batur ដំណើរការដោយម៉ាស៊ីនចំណុះ ៦,០លីត្រ W12 អាចផលិតកម្លាំងបាន ៧១០សេះ និងកម្លាំងរមួល ១ ០០០ញ៉ូតុនម៉ែត្រ។ ដែលវារថយន្តដែលមានថាមពលខ្លាំង ដែលក្រុមហ៊ុនពុំដែលផលិត ហើយប្រើនូវប្រព័ន្ធបូម Air Suspension កម្រិតខ្ពស់បំផុត ដែលបានបន្ថែមនូវ Active anti-roll ប្រភេទអេឡិចត្រូនិច, ប្រព័ន្ធ Limited-slip differential ប្រភេទអេឡិចត្រូនិច និងប្រព័ន្ធចង្កូតវិលកង់ទាំង៤ Four-Wheel Steering។

Bentley នឹងផលិតរថយន្ត Mulliner Batur នេះឡើងត្រឹមចំនួន ១៨គ្រឿងប៉ុណ្ណោះ ដោយក្នុងមួយគ្រឿងៗមានក្នុងតម្លៃប្រហែល ២លានដុល្លារ ប៉ុន្តែគួរអោយស្តាយរថយន្តទាំងនេះប្រហែលជាមួយមានម្ចាស់រួចអស់ទៅហើយ។ ហើយការផលិតរថយន្តនេះនឹងចាប់ផ្តើមនៅដើមឆ្នាំ ២០២៣ បន្ទាប់ពីការធ្វើតេស្តចុងក្រោយត្រូវបានបញ្ចប់៕

ផ្ទាំងផ្សាយពាណិជ្ជកម្ម

ម៉ូដែលពិសេស Mitsubishi Triton S-Limited Edition ២០២២ បង្ហាញខ្លួននៅប្រទេសថៃ

August 22, 2022

[ទីផ្សារបរទេស] ក្រុមហ៊ុនផលិតរថយន្ត Mitsubishi បានធ្វើការដាក់បង្ហាញចេញនៅរថយន្ត Mitsubishi Triton S-Limited Edition ស៊េរីឆ្នាំ ២០២២ ដែលជាម៉ូដែលពិសេសទទួលបានការបំផុសគំនិតក្នុងការរចនាពិសេសជាមួយក្រុមហ៊ុន Café Racer ជាមួយនឹងតម្លៃលក់ចាប់ពី ២៤ ២៧៣ ដុល្លារ ដល់ ២៥ ៩៣៧ ដុល្លារ នៅក្នុងទីផ្សារប្រទេសថៃ។

ម៉ូដែលពិសេស Mitsubishi Triton S-Limited ត្រូវបានសហការរចនាជាមួយក្រុមហ៊ុន The Café Racer របស់ប្រទេសអង់គ្លេសដែលទទួលបានការពេញនិយមជុំវិញពិភាពលោក ដែលមានតុបតែងជាមួយស្គីកគ័រពណ៌ក្រហមនៅលើគម្រប់ម៉ាស៊ីន ផ្នែកចំហៀង និងឃ្លុបទ្វារខាងក្រោយ។ លើសពីនេះ Mitsubishi Triton S-Limited Edition ២០២២ ក៏ត្រូវបានតុបតែងជាមួយពណ៌ខ្មៅរលោងដូចជា ប៉ាណាមុខ, ថាសកង់ស្ព័រទំហំ ១៨ អ៊ីញ, គម្របកញ្ចក់ខាងក្រៅ និងដៃទ្វារ។

រីឯនៅផ្នែកខាងក្នុង ត្រូវបានបំពាក់ជាមួយកៅអីស្បែកជាមួយថ្នេដេរពណ៌ក្រហម អាចលៃតម្រូវតាមរយៈថាមពលអេឡិចត្រូនិច ៨ ទិសដៅសម្រាប់អ្នកបើកបរ លក្ខណៈពិសេសបន្ថែមរួមមានការដេរពណ៌ក្រហមនៅលើប្រអប់លេខ ដៃចង្កូត និងបន្ទះទ្វារ ខណៈដែលគ្រឿងបរិក្ខាស្តង់ដារផ្សេងទៀតរួមមាន កុងទ័ព័ត៌មានអំពីការបើកបរ 3D animation TFT និងអេក្រង់កំសាន្ត touchscreen ទំហំ ៨ អ៊ីញ ភ្ជាប់មុខងារ Apple CarPlay និង Android Auto និង ASTC (Active Stability & Traction Control) ជាដើម។

ចូលទៅកាន់ផ្នែកម៉ាស៊ីន រថយន្តនេះត្រូវបានបំពាក់ដោយម៉ាស៊ីនម៉ាស៊ូតចំណុះ ២,៤ លីត្រ ទំហំ ៤ ស៊ីឡាំង Turbo អាចផលិតកម្លាំងបាន ១៨១ សេះ និងកម្លាំងរមួល ៤៣០ ញ៉ូតុនម៉ែត្រ ភ្ជាប់ជាមួយប្រអប់លេខអូតូ ៦ វគ្គ និងក៏មានជម្រើសប្រអប់លេខដៃ ៦ វគ្គ ប្រព័ន្ធបើកបរប៉ុង ១៕

ផ្ទាំងផ្សាយពាណិជ្ជកម្ម

ច្បាប់ថ្មី ធ្វើអោយ Hyundai Motor ពិចារណាពន្លឿនការសាងសង់រោងចក្ររថយន្តអគ្គិសនីនៅសហរដ្ឋអាមេរិករបស់ខ្លួន

August 22, 2022

[សហរដ្ឋអាមេរិក] ច្បាប់ថ្មីរបស់សហរដ្ឋអាមេរិក ដែលមិនរាប់បញ្ចូលរថយន្តអគ្គិសនីដែលបានដំឡើងនៅខាងក្រៅអាមេរិកខាងជើងពីឥណទាន បានធ្វើអោយក្រុមហ៊ុន Hyundai Motor Co ពិចារណាក្នុងការចាប់ផ្តើមការសាងសង់រោងចក្រអគ្គិសនី និងអាគុយនៅសហរដ្ឋអាមេរិករបស់ខ្លួនមកពេលកំណត់។

ក្រុមហ៊ុន Hyundai Motor បាននិយាយកាលពីខែឧសភាថា ខ្លួននឹងចាប់ផ្តើមសាងសង់រោងចក្រថ្មីរបស់ខ្លួននៅ Georgia នៅដើមឆ្នាំ២០២៣ ដើម្បីសម្រេចបាននូវផលិតកម្មនៅក្នុងពាក់កណ្តាលដំបូងនៃឆ្នាំ២០២៥ ជាមួយនឹងសមត្ថភាពផលិតរថយន្តអគ្គិសនីប្រចាំឆ្នាំ ៣០០ ០០០គ្រឿង។ ប៉ុន្តែប្រភពឧស្សាហកម្មរថយន្តមិនស្គាល់អត្តសញ្ញាណមួយបាននិយាយថា Hyundai Motor ឥឡូវនេះកំពុងពិចារណាចាប់ផ្តើមការសាងសង់នៅចុងឆ្នាំនេះ ដើម្បីចាប់ផ្តើមផលិតកម្មនៅឆមាសទីពីរនៃឆ្នាំ២០២៤។

ប្រធានាធិបតីសហរដ្ឋអាមេរិក Joe Biden កាលពីថ្ងៃអង្គារបានអនុម័តច្បាប់ស្តីពីការប្រែប្រួលអាកាសធាតុ ពន្ធ និងសុខភាព ជាមួយកញ្ចប់ថវិការ ៤៣០ពាន់លានដុល្លារ។ ដែលច្បាប់ថ្មីបានបញ្ចប់នូវឥណទានពន្ធប្រហែល ៧០ភាគរយនៃរថយន្តអគ្គិសនី ៧២ម៉ូដែលដែលមានសិទ្ធិពីមុន ជាលទ្ធផល រថយន្តអគ្គិសនីដែលលក់ដោយក្រុមហ៊ុន Hyundai Motor, Kia Corp, Toyota និងរថយន្តផ្សេងទៀត លែងមានសិទ្ធិទទួលបានឥណទានពន្ធទៀតហើយ។

រដ្ឋមន្ត្រីការបរទេសកូរ៉េខាងត្បូង លោកស្រី Park Jin បានសម្តែងការព្រួយបារម្ភចំពោះច្បាប់ថ្មីរបស់សហរដ្ឋអាមេរិក អំឡុងពេលការហៅទូរស័ព្ទជាមួយរដ្ឋមន្ត្រីការបរទេសអាមេរិក លោក Antony Blinken កាលពីសប្តាហ៍មុន នេះបើយោងតាមមន្ត្រីក្រសួងការបរទេស៕

ផ្ទាំងផ្សាយពាណិជ្ជកម្ម

ឡានអគ្គិសនីកម្លាំង ១២០០សេះ បង្ហាញវត្តមានជាផ្លូវការ ជាមួយតម្លៃជិត ២៥ម៉ឺនដុល្លារ

August 20, 2022

[ទីផ្សារបរទេស] ក្រុមហ៊ុន Lucid បានបង្ហាញចេញជាផ្លូវការនូវរថយន្តអគ្គិសនីលំដាប់កំពូលថ្មីម៉ូដែល Lucid Air Sapphire ក្នុងកម្មវិធី Monterey Car Week ដែលវានឹងជាគូប្រជែងដ៏ខ្លាំងក្លាមួយរបស់រថយន្ត Tesla Model S Plaid។

រថយន្តនេះមានបំពាក់ម៉ូទ័រអគ្គិសនីបីដូចជា Model S Plaid ដែរ ដោយមានម៉ូទ័រអគ្គិសនីចំនួនពីរនៅផ្នែកខាងក្រោយ និងមួយទៀតនៅផ្នែកខាងមុខ រួមបញ្ចូលគ្នាអាចផលិតកម្លាំងបានជាង ១២០០សេះ ប៉ុន្តែក្រុមហ៊ុន Lucid មិនបានបញ្ចេញលក្ខណៈសម្បត្តិលម្អិតនៅឡើយទេ។ ទោះយ៉ាងណា Lucid បាននិយាយថា Air Sapphire នេះគឺជារថយន្ត Sedan កម្លាំងខ្លាំងដាច់គេក្នុងលោក។

ការដាក់បន្ថែមម៉ូទ័រអគ្គិសនីទីបី អាចឲ្យរថយន្ត Air Sapphire ស្ទុះពី ០ ដល់ ៩៦គ.ម/ម៉ ក្នុងពេលមិនដល់២វិនាទី និងអាចស្ទុះដល់ ១៦០គ.ម/ម៉ ក្នុងពេលក្រោម៤វិនាទី ហើយអាចរត់ក្នុងចម្ងាយ ៤០០ម៉ែត្រ ដោយប្រើពេលមិនដល់៩វិនាទីឡើយ។

រថយន្ត Air Sapphire នឹងត្រូវផលិតក្នុងចំនួនកំណត់មួយ ដោយនឹងមានតម្លៃចាប់ពី ២៤៩ ០០០ដុល្លារ លើទឹកដីសហរដ្ឋអាមេរិក ហើយការកក់ទុកនឹងបើកទទួលចាប់ពីថ្ងៃទី២៣ ខែសីហា ជាមួយការដឹកជញ្ជូនរំពឹងថានឹងចាប់ផ្ដើមឆ្នាំក្រោយនេះ៕

ផ្ទាំងផ្សាយពាណិជ្ជកម្ម

ឡាន Aston Martin ស៊េរីថ្មី មានផលិតត្រឹម២៤៩គ្រឿង ទោះមានលុយក៏មិនអាចទិញបាន

August 20, 2022

[ទីផ្សារបរទេស] ក្នុងកម្មវិធី Monterey Speed Week ក្រុមហ៊ុន Aston Martin បានប្រកាសចេញរថយន្តម៉ូដែលថ្មីមួយឈ្មោះថា V12 Vantage Roadster ជារថយន្តដែលផលិតមានកំណត់ត្រឹម ២៤៩គ្រឿង ប៉ុន្តែរថយន្តទាំងអស់សុទ្ធតែមានម្ចាស់រួចទៅហើយ។

រថយន្ត V12 Vantage Roadster នេះមានប្រើប្រាស់ម៉ាស៊ីន Twin-Turbo ចំណុះ៥,២លីត្រ របស់ក្រុមហ៊ុន Aston Martin ផ្ទាល់ ដែលម៉ាស៊ីនប្រភេទនេះតែងប្រើប្រាស់លើរថយន្តធំៗរបស់ម៉ាកមួយនេះ មានដូចជារថយន្ត DB11 និងរថយន្ត DBS Superleggera ជាដើម។

ម៉ាស៊ីន១២ស៊ីឡាំងនេះ មានសមត្ថភាពអាចផលិតកម្លាំងបាន ៦៩០សេះ ដើម្បីបញ្ចូនថាមពលទៅកង់ខាងក្រោយ តាមរយៈប្រអប់លេខស្វ័យប្រវត្តិ ZF ចំនួន៨វគ្គ។ ការស្ទុះពី ០ ដល់ ១០០គ.ម/ម៉ ប្រើប្រាស់ពេល ៣,៥វិនាទី ខណៈដែលល្បឿនអតិបរមារបស់វាគឺ ៣២២គ.ម/ម៉។

ដោយឡែកចំពោះតម្លៃលក់ ក៏ដូចជាកាលបិរច្ឆេទដឹកជញ្ជូនអតិថិជន មិនទាន់មានការបញ្ជាក់ពីក្រុមហ៊ុន Aston Martin នៅឡើយទេ ប៉ុន្តែក្រុមហ៊ុនបានបញ្ជាក់ថារថយន្តទាំង ២៤៩គ្រឿង សុទ្ធតែមានអ្នកទិញយករួចអស់ទៅហើយ៕

ផ្ទាំងផ្សាយពាណិជ្ជកម្ម