ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 503

មិនធម្មតា! ត្រឹម ៨ខែ Xpeng ផលិតឡានអគ្គិសនីបាន ១០០ ០០០គ្រឿង

អាជីវកម្មរថយន្តអគ្គិសនីបែប Startup ភាគច្រើនដែលលេចឡើងពីប្រទេសចិន ក្នុងប៉ុន្មានឆ្នាំចុងក្រោយនេះ នឹងបរាជ័យដោយជៀសមិនរួច ប៉ុន្តែក្រុមហ៊ុនមួយហាក់ដូចជាកំពុងដំណើរការ និងបង្ហាញពីភាពខ្លាំងទៅខ្លាំងរបស់ខ្លួន គឺ Xpeng។ ជាក់ស្តែង ក្រុមហ៊ុនផលិតរថយន្តនេះ បានផលិតរថយន្តទី ២០០ ០០០គ្រឿង របស់ខ្លួនហើយ។

ក្រុមហ៊ុនផលិតរថយន្តរបស់ចិន Xpeng ត្រូវបានបង្កើតឡើងនៅក្នុងឆ្នាំ ២០១៤ និង បានផលិតរថយន្តផលិតដំបូងបង្អស់របស់ខ្លួននៅក្នុងខែធ្នូ ឆ្នាំ ២០១៨ ។

Xpeng បានចំណាយពេលរហូតដល់ខែតុលា ឆ្នាំ ២០២១ មុនពេលដែលខ្លួនបានផលិតរថយន្តចំនួន ១០០ ០០០ គ្រឿង ប៉ុន្តែឥឡូវនេះត្រឹមតែ ៨ ខែក្រោយមក វាបានផលិតរថយន្តអគ្គិសនី ចំនួន ១០០ ០០០ គ្រឿងទៀត ទោះបីជាឧស្សាហកម្មរថយន្ត កំពុងបន្តប្រឈមមុខនឹងការរឹតបន្តឹងទាក់ទងនឹងជំងឺកូវីដ១៩ និង កង្វះខ្សែសង្វាក់ផ្គត់ផ្គង់ក៏ដោយ។

នាយកប្រតិបត្តិ និងជាប្រធានក្រុមហ៊ុន Xpeng លោក He Xiaopeng បាននិយាយថា៖

ការឈានដល់ដំណាក់កាលនៃការដឹកជញ្ជូនរថយន្តចំនួន ២០០ ០០០គ្រឿងរបស់យើង តំណាងឲ្យការជឿទុកចិត្តរបស់អតិថិជន ២០០ ០០០នាក់។ រាល់ការដឹកជញ្ជូនទាំងអស់ សុទ្ធតែតំណាងឲ្យការជឿទុកចិត្តដែលយើងទទួលបានពីអតិថិជនរបស់យើង ហើយវាគឺជាជំហានខិតទៅជិតការផ្លាស់ប្តូររបស់យើងទៅកាន់អនាគតដ៏ឆ្លាតវៃ និងបៃតងជាងមុន។

Xpeng ត្រូវបានគេរំពឹងថា នឹងបន្តកើនឡើងក្នុងរយៈពេល ១២ ខែខាងមុខនេះ។ កាលពីខែវិច្ឆិកាឆ្នាំមុន វាបានបង្ហាញនូវប្រភេទ Crossover អគ្គិសនី G9 ដែលជាម៉ូដែលដំបូងគេត្រូវបានអភិវឌ្ឍតាំងពីដើមមក ដើម្បីលក់ទាំងនៅក្នុងទីផ្សារប្រទេសចិន និងទីផ្សារអន្តរជាតិ។

G9 ក៏ជារថយន្តដំបូងពីក្រុមហ៊ុន Xpeng ដែលបំពាក់ដោយប្រព័ន្ធបើកបរពាក់កណ្តាលស្វ័យប្រវត្តិ XPILOT 4.0 ដោយក្នុងនោះមានឧបករណ៍ចាប់សញ្ញា LiDar ២ នៅក្រោមចង្កៀងមុខ, កាមេរ៉ាខាង 8-million-pixel front binocular camera និង កាមេរ៉ាចំហៀង 2.9-million-pixel side camera ផងដែរ៕

ផ្ទាំងផ្សាយពាណិជ្ជកម្ម

តាមពិត Ford Bronco មិនបានដណ្ដើមភ្ញៀវពី Jeep Wrangler ឡើយ

[ទីផ្សារបរទេស] នាពេលកន្លងមកមានការលើកឡើងថារថយន្ត Ford Bronco បានជួយឲ្យ Ford ដណ្ដើម​បាន​អតិថិជន​ពី​រថយន្ត Jeep Wrangler។ ប៉ុន្តែតាមការសិក្សាថ្មីបង្ហាញថារថយន្ត SUV Off-Road មានការកើនឡើងទំហំទីផ្សារទៅវិញ​ទេ។

ការសិក្សារបស់ S&P Global Mobility បាន​បង្ហាញថា​ខណៈពេលដែលចំនួនលក់របស់ Ford Bronco មានការកើនឡើង​ក្នុង​រយៈពេល៩ខែចុងក្រោយ ចំនួនលក់របស់ Jeep Wrangler មិនបានធ្លាក់ចុះនោះទេ។ ត្បិតថា Bronco បាន​កើន​ឡើង​ចំណែក​ទីផ្សារ​ដល់ ៦% ប៉ុន្តែ Jeep Wrangler នៅតែអាចរក្សាចំណែកបានចន្លោះពី ៧% ទៅ ៩% ។

នេះអាចបញ្ជាក់បានថាទីផ្សាររថយន្ត SUV Off-Road នៅតែមានចន្លោះដែលអាចកើនឡើងបាន ហើយ​វា​អាចឲ្យ Jeep មាន​ការ​ទុកចិត្តបាន ព្រោះថារថយន្ត Wrangler មិនមានគូប្រកួតប្រជែងចំៗច្រើនឆ្នាំមកហើយ។

ទីផ្សាររថយន្តនេះដែរ ក៏កំពុងតែមានការសង្កេតយ៉ាងដិតដល់ពីសំណាក់ Volkswagen ថាតើវាមានទំហំធំកម្រិតណា។ កន្លងមក Volkswagen បាន​បង្ហាញចំណាប់អារម្មណ៍ក្នុងការផលិតរថយន្ត SUV ផ្ដោតលើការ Off-Road តាមរយៈម៉ាក Scout៕

ផ្ទាំងផ្សាយពាណិជ្ជកម្ម

Ford បង្ហាញចេញឡាន Very Gay Ranger Raptor ជាការគាំទ្រសហគមន៍ស្រឡាញ់ភេទដូចគ្នា

[ទីផ្សារបរទេស] ក្រុមហ៊ុន Ford បានបង្ហាញចេញរថយន្ត “Very Gay Raptor” ថ្មីមួយទៀត ឈ្មោះថា Very Gay Ranger Raptor ដែលបានផលិតឡើងចេញពីរថយន្ត Ranger Raptor ជំនាន់ទីពីរ។

រថយន្តពិសេសនេះមានប្រើប្រាស់ពណ៌ឥន្ធនូ ដែលវានឹងបង្ហាញវត្តមានក្នុងកម្មវិធី Goodwood Festival of Speed ដែល​បង្ហាញ​ពីការគាំទ្រដល់សហគមន៍ LGBTQ+ រួមជាមួយការអបអរសាទរដល់ការប្រកាសចេញរថយន្ត Ranger Raptor ថ្មី​សម្រាប់​ទីផ្សារអឺរ៉ុបផងដែរ។

គួរដឹងថារថយន្ត Very Gay Raptor នេះបានបង្កើតឡើងដំបូងកាលពីឆ្នាំ២០២១ ដែលជាការឆ្លើយតបរបស់ Ford ទៅកាន់​មតិ​អវិជ្ជមាន​លើ​បណ្ដាញ​សង្គម។ នៅលើរថយន្តនេះបានប្រើប្រាស់ម៉ាស៊ីន Twin-Turbo ចំណុះ៣,០លីត្រ ប្រភេទ EcoBoost ដែល​ផលិត​កម្លាំងបាន ២៨៤សេះ សម្រាប់ប្រភេទលក់នៅអឺរ៉ុប។

សូមទស្សនាវីដេអូខាងក្រោម ៖

ផ្ទាំងផ្សាយពាណិជ្ជកម្ម

ក្រុមហ៊ុនរថយន្តអគ្គិសនី Tesla ត្រូវអតិតបុគ្គលិកប្តឹងដោយសារបានបំពានច្បាប់សហព័ន្ធ

[បរទេស] ក្រុមហ៊ុនផលិតរថយន្តអគ្គិសនី Tesla ត្រូវ​បាន​អតីត​បុគ្គលិក​ពីរ​នាក់​ប្តឹង​ដោយ​អះអាង​ថា​ការ​ផ្លាស់​ប្តូរ​របស់​ក្រុមហ៊ុន​ផលិត​រថយន្ត​ដើម្បី​បញ្ឈប់​បុគ្គលិក​ប្រហែល ១០ ភាគរយ​បាន​បំពាន​ច្បាប់​សហព័ន្ធ។

លោក John Lynch និង Daxton Hartsfield បានធ្វើការនៅរោងចក្រអាគុយរបស់ក្រុមហ៊ុន Tesla នៅជិត Reno រដ្ឋ Nevada អស់រយៈពេលប្រហែល ៥ ឆ្នាំ ហើយស្ថិតក្នុងចំណោមបុគ្គលិកជាង ៥០០ នាក់ដែលថ្មីៗនេះត្រូវបានអនុញ្ញាតឲ្យទៅធ្វើការនៅកន្លែងនោះ។ ពួកគេបានអះអាងថា Tesla មិនបានគោរពតាមតម្រូវការនៃការជូនដំណឹងរយៈពេល ៦០ ថ្ងៃក្រោមច្បាប់ស្តីពីការកែតម្រូវបុគ្គលិក និងការជូនដំណឹងអំពីការបណ្តុះបណ្តាលឡើងវិញ (ច្បាប់ព្រមាន) ហើយកំពុងស្វែងរកស្ថានភាពសកម្មភាព ខណ​​​​ៈពេលអ្នកផ្សេងទៀតដែលបាត់បង់ការងារដោយមិនបានរំពឹងទុកក្នុងខែឧសភា និងខែមិថុនា។

នៅក្នុងពាក្យបណ្ដឹងដែលបានដាក់កាលពីថ្ងៃអាទិត្យនៅក្នុងតុលាការសហព័ន្ធនៅទីក្រុង Austin រដ្ឋតិចសាស់ លោក Lynch និយាយថាគាត់ត្រូវបានជូនដំណឹងនៅថ្ងៃទី ១០ ខែមិថុនាថាគាត់ត្រូវបានបញ្ឈប់ពីការងារភ្លាមៗ ហើយលោក Hartsfield ត្រូវបានជូនដំណឹងនៅថ្ងៃទី ១៥ ខែមិថុនាថាគាត់ក៏បានបាត់បង់ការងារផងដែរ។ ជាមួយគ្នានេះ យោងតាមគេហទំព័រ Bloomberg បានឲ្យដឹងថា មេធាវីការងារតំណាងឲ្យកម្មករ Shannon Liss-Riodan បាននិយាយថា “ក្រុមហ៊ុន Tesla បានចាប់ផ្តើមបញ្ឈប់មនុស្សដោយមិនយកចិត្តទុកដាក់ចំពោះទង្វើ WARN” ។

គួរឲ្យដឹងថា នៅដើមខែមិថុនា  លោក Elon Musk បានផ្ញើអ៊ីមែលទៅក្រុមការងាររបស់ក្រុមហ៊ុនថាគាត់ចង់ដកបុគ្គលិកផលិតរថយន្ត ១០នាក់ក្នុងចំណោមបុគ្គលិក ១០០ ០០០ នាក់នៅជុំវិញពិភពលោក ដោយសារតែមាន “អារម្មណ៍មិនល្អ” អំពីសេដ្ឋកិច្ច។ រឿងនេះបានកើតឡើងភ្លាមៗបន្ទាប់ពីលោក បានប្រាប់ឲ្យបុគ្គលិក Tesla ទាំងអស់ត្រឡប់ទៅការិយាល័យវិញ និងបញ្ឈប់ការងារពីខាងក្រៅ ដោយកត់សម្គាល់ថាបុគ្គលិកត្រូវចំណាយពេលយ៉ាងហោចណាស់ ៤០ ម៉ោងនៅក្នុងការិយាល័យរៀងរាល់សប្តាហ៍៕

ផ្ទាំងផ្សាយពាណិជ្ជកម្ម

រថយន្ត Peugeot 408 ប្រភេទ Coupe Crossover ចេញផ្លូវការ ជាមួយការឌីស្សាញយ៉ាងទាន់សម័យ

[ទីផ្សារបរទេស] ក្រុមហ៊ុនផលិតរថយន្ត Peugeot បានធ្វើការដាក់បង្ហាញចេញជាផ្លូវការនៅរថយន្ត Peugeot 408 ឆ្នាំ២០២៣ ប្រភេទ Coupe Crossover ជាមួយការចេញលក់ជាផ្លូវការនៅអឺរ៉ុប និងចិននៅដើមឆ្នាំ ២០២៣។

សម្រាប់រថយន្ត Peugeot 408 ឆ្នាំ២០២៣ ប្រភេទ Crossover នេះបានប្រើប្រាស់គ្រោងឆ្អឹង EMP platform មានប្រវែងតួខ្លួនសរុប ៤ ៦៨៧ ម.ម​ ទទឹង ១ ៨៥៩ ម.ម កំពស់ ១ ៤៧៨ ម.ម និងប្រវែងគន្លាតកង់មុខ-ក្រោយ ២ ៧៨៧ ម.ម ។

សម្រាប់ការរចនាបានប្រើប្រាស់នូវភាសានៃការរចនា “Lion Soul Aesthetics” ដោយបានបំពាក់ជាមួយប៉ាណាខាងមុខត្រូវបានរចនាថ្មី អមជាមួយនឹងចង្កៀងបំភ្លឺពេលថ្ងៃប្រភេទ LED, ថាសកង់ស្ព័រទំហំ ២០ អ៊ីញ និងចង្កៀងខាងក្រោយប្រភេទ LED ឲ្យឈ្មោះថា “Lion’s Claw LED” រាងស្លីម ភ្ជាប់ជាមួយនឹងឡូហ្គោសត្វតោថ្មី។

ផ្នែកខាងក្នុងប្រើប្រាស់ការរចនាបែប i-Cockpit ដោយសង្កត់ធ្ងន់ទៅលើភាពប្រណីតនៃរថយន្តលក្ខណៈគ្រួសារ និងមានបំពាក់ជាមួយកុងទ័រព័ត៌មានឌីជីថល 3D ទំហំ ១០ អ៊ីញ និងអេក្រង់កំសាន្ត touchscreen ទំហំ ១០ អ៊ីញ ជាមួយនឹងប្រព័ន្ធ Focal Premium Hi-Fi, ឧបករណ៍បំពងសំឡេងចំនួន ១០ចំនុច, ប្រព័ន្ធបន្សុទ្ធខ្យល់ AQS, កាំមេរ៉ា ៣៦០ ដឺក្រេ និងដំបូលកញ្ចក់ប្រភេទ Panoramic roofផងដែរ។

រថយន្តនេះត្រូវបានបំពាក់ដោយម៉ាស៊ីនចំណុះ ១,២ លីត្រ PureTech ទំហំ ៣ស៊ីឡាំង ផលិតកម្លាំងបាន ១២៨ សេះ និងកម្លាំងរមួល ២៣០ ញ៉ូតុនម៉ែត្រ ប៉ុង១ វិលកង់ខាងមុខ ភ្ជាប់ជាមួយប្រអប់លេខអូតូ ៨វគ្គ ។ លើសពីនេះ រថយន្តនេះក៏មានជម្រើសម៉ាស៊ីន Hybrid និង Plug-in Hybrid ផងដែរ៕

ផ្ទាំងផ្សាយពាណិជ្ជកម្ម

Ford ចេញម៉ូដែលពិសេសថ្មីនៃ Ford Equator Extreme Edition Sport

[ទីផ្សារបរទេស] កាលពីថ្ងៃទី ២១ ខែមិថុនា ឆ្នាំ ២០២២ កន្លងទៅនេះ ក្រុមហ៊ុនផលិតរថយន្ត Ford បានធ្វើការដាក់បង្ហាញចេញនៅម៉ូដែលពិសេសនៃរថយន្ត Ford Equator Extreme Edition Sport ជាមួយនឹងការបញ្ជាទិញជាមុននៅក្នុងប៉ុន្មានថ្ងៃខាងមុខនេះ នៅក្នុងទីផ្សារប្រទេសចិន។

សម្រាប់រថយន្ត Ford Equator Extreme Edition Sport មានប្រវែងតួខ្លួនសរុប ៤ ៦៣០ ម.ម ទទឹង ១ ៩៣៥ ម.ម កំពស់ ១ ៧០៦ ម.ម និងប្រវែងគន្លាតកង់មុខ-ក្រោយ ២ ៧២៦ ម.ម​។ ម៉ូដែលពិសេសនេះ ត្រូវបានរចនាឡើងក្រោមគោលគំនិតនៃ “Extreme Design Fashion” ដោយមានតួខ្លួនពីរពណ៌ជាមួយនឹងដំបូលពណ៌ខ្មៅ ចង្កៀងមុខប្រភេទ Full LED ដែលបំភ្លឺច្បាស់ជាងមុន ចង្កៀងកាត់អ័ព្ទ LED ៤ គ្រាប់ ប៉ាណាមុខពណ៌ខ្មៅឲ្យឈ្មោះថា “Rock Layer Grille” រួមជាមួយនឹងកាងខាងមុខថ្មី កញ្ចក់ចំហៀងខ្មៅ ថាសកង់ស្ព័រទំហំ ២០ អ៊ីញពណ៌ខ្មៅ។

ខណៈផ្នែកខាងក្រោយត្រូវបានសម្គាល់ដោយឡូហ្គោ EQUATOR ពណ៌ខ្មៅ និង SPORT ពណ៌លឿង កាងខាងក្រោយដែលរចនាថ្មី និងចង្កៀងខាងក្រោយប្រភេទ LED រចនាអូសកាត់ពីផ្នែកម្ខាងទៅផ្នែកម្ខាង។

ចំពោះនៅផ្នែកខាងក្នុងត្រូវបានរចនាយ៉ាងប្រណីត និងផាសុកភាពដោយតុបតែងជាមួយកៅអី ៣ជួរ មាន ៧កៅអី ភ្ជាប់មកជាមួយអេក្រង់កំសាន្ត touchscreen ទំហំ ១២,៣ អ៊ីង គាំទ្រមុខងារ Carlife/Huawei HiCar, ប្រព័ន្ធ TAI 3.0 ដ៏ឆ្លាតវៃរបស់រថយន្តជាមួយនឹងប៊ូតុងនៅកុងទ័រកណ្តាល, ដំបូល​កញ្ចក់ sunroof ​ពីរ​ជាន់ និង​កន្លែង​ដាក់​ដៃ​ដាច់ដោយឡែក​សម្រាប់​កៅអី​ជួរ​កណ្តាល។

ចូលទៅកាន់ផ្នែកម៉ាស៊ីនវិញ រថយន្ត Ford Equator Extreme Edition Sport ដំណើរការដោយម៉ាស៊ីនសាំង ចំណុះ ១,៥ លីត្រ EcoBoost turbocharged ទំហំ ៤ ស៊ីឡាំង ផលិតកម្លាំងបាន ១៧០ សេះ និងកម្លាំងរមួល ២៦០ ញ៉ូតុនម៉ែត្រ ភ្ជាប់ជាមួយប្រអប់លេខអូតូ ៧ វគ្គ។

មិនត្រឹមតែប៉ុណ្ណោះ រថយន្តម៉ូដែលពិសេសនេះ ក៏បានភ្ជាប់មកជាមួយប្រព័ន្ធជំនួយការបើកបរឆ្លាតវៃ Ford Co-Pilot360 គាំទ្រមុខងារ online OTA update  ពោងសុវត្ថិភាពចំនួន ៦គ្រាប់ និងមុខងារជាង ២០ ផ្សេងទៀតផងដែរ៕

ផ្ទាំងផ្សាយពាណិជ្ជកម្ម

មានមិនដល់ ៣ម៉ឺនដុល្លារ ក៏អាចទិញជិះបានឡាន SUV អគ្គិសនីថ្មីរបស់ Honda លក់នៅប្រទេសអាស៊ីនេះ

[ទីផ្សារបរទេស] រថយន្តអគ្គិសនី e:NP1 ដែលជារថយន្តសហការផលិតរវាង Honda និងក្រុមហ៊ុនចិន GAC (GAC Honda) បានបង្ហាញចេញតម្លៃលក់ដំណាក់កាលដំបូង ដែលមានតម្លៃចាប់ពីប្រមាណ ២៦ ០០០ដុល្លារ ដល់ប្រមាណ ៣០ ៥០០​ដុល្លារ ប៉ុណ្ណោះ។

Honda e:NP1 គឺជារថយន្តមួយក្នុងចំណោមសែស្រឡាយរថយន្ត “e:N” ដែលគ្រោងបង្កើត​ឡើង​ក្នុង​ប្រទេសចិន ដោយរថយន្តនេះ​មាន​ប្រវែង ៤៣៩០ម.ម មានទទឹង ១៧៩០ម.ម និងមានកម្ពស់ ១៥៦០ម.ម ជាមួយប្រវែងពីកង់មុខទៅកង់ក្រោយគឺ ២៦១០ម.ម។

ផ្នែកខាងក្នុងនៃរថយន្តនេះមានបំពាក់ដោយកុងទ័រជាអេក្រង់ LCD ទំហំ ១០,២៥អ៉ីញ និងមានអេក្រង់កម្សាន្តនៅចំ​កណ្ដាល​ដែល​មាន​ទំហំ ១៥,២អ៉ីញ មានបំពាក់ដោយបច្ចេកវិទ្យាថ្មីៗជាច្រើន ដែលដំណើរការ​ដោយ​ប្រព័ន្ធ​ប្រតិបត្តិការ e:N OS។ រថយន្ត​នេះ​មាន​នូវ​បច្ចេកវិទ្យា Honda Sensing 360 ដែលជាជំនួយការបើកបរដ៏វៃឆ្លាត មាន​មកជាមួយ​នូវ​រលក​រ៉ាដា ៥ម.ម នៅផ្នែក​ខាង​មុខ និងផ្នែកចំហៀងនៃរថយន្ត ដើម្បីទទួលបានការដឹងញៀន​ ៣៦០ដឺក្រេតែម្ដង ហើយវាជាប្រព័ន្ធដែលមាន​ប្រើ​ដំបូងគេសម្រាប់​រថយន្ត Honda នៅប្រទេសចិន។

Honda e:NP1 ដែលលក់នៅប្រទេសចិន មានចែកចេញជាពីរប្រភេទ ដែលមានបំពាក់ម៉ូទ័រអគ្គិសនីមួយដូចគ្នា ដោយទីមួយ​មាន​អាគុយ​ចំណុះ ៥៣,៦kWh អាចបើកបរបានចម្ងាយ ៤២០គ.ម និងទីពីរមានអាគុយចំណុះ ៦៨,៨kWh អាច​បើកបរបាន​ចម្ងាយ ៥១០គ.ម៕

ផ្ទាំងផ្សាយពាណិជ្ជកម្ម

ឡានវ៉ែន៧កៅអី តម្លៃ១ម៉ឺនដុល្លារស្ដើង បង្ហាញវត្តមាននៅចិន

[ទីផ្សារបរទេស] ក្រុមហ៊ុន SAIC-GM-Wuling (SGMW) របស់ចិន បានប្រកាសចេញ​រថយន្ត​វ៉ែន​តម្លៃ​ធូរថ្លៃមួយម៉ូដែលឈ្មោះ​ថា Wuling Jiachen ជារថយន្ត៧កៅអី និងមានតម្លៃលក់ចន្លោះ​ពី ១០ ២០០ដុល្លារ ទៅ ១៤ ៨០០ដុល្លារ ប៉ុណ្ណោះ។

រថយន្ត Wuling Jiachen មានចែកចេញជាប្រាំប្រភេទផ្សេងៗគ្នា ដោយមានជម្រើសពណ៌​ខាងក្រៅ​ចំនួន​បួន ហើយ​មាន​អតិថិជន​គោលដៅគឺជាគ្រួសារដែលមានសមាជិកច្រើន។ រថយន្តនេះមានប្រវែង ៤៧៨៥ម.ម ទទឹង ១៨២០ម.ម និងកម្ពស់ ១៧៦០ម.ម ជាមួយ​ប្រវែងពីកង់មុខទៅកង់ក្រោយគឺ ២៧៦០ម.ម។

ផ្នែកខាងក្នុងនៃរថយន្ត​មាន​បំពាក់ដោយអេក្រង់ទំហំ ១០,២៥អ៊ីញ នៅចំកណ្ដាល រួមជាមួយចង្កូត​រថយន្ត​ដែល​អាច​បញ្ជា​លើ​មុខងារ​ជាច្រើន។ នៅចំកណ្ដាល​ក៏​មាន​ជា​កន្លែងដាក់កែវទឹកចំនួនពីរ, មានប្រអប់ដាក់ឥវ៉ាន់ចំនួនពីរ និងមាន​រន្ធ USB ចំនួន​មួយ​ផងដែរ។ លើ​ផ្នែកសុវត្ថិភាព Wuling Jiachen មាន​មកជាមួយពោងសុវត្ថិភាពចំនួន៤, មុខងាររក្សាលំនឹងអេឡិចត្រូនិក និងមានប្រព័ន្ធ​ចង្កូត Nexteer ជាដើម។

រថយន្តនេះដែរ មានប្រើប្រាស់ប្រព័ន្ធប្រតិបត្តិការ Ling OS ដែល​អាច​បញ្ជា​ពី​ចម្ងាយដើម្បី​បើក​ម៉ាស៊ីនត្រជាក់, មានមុខងារ​បញ្ជា​មុខងារ​ដោយសំឡេង, មានមុខងារដែលចូលរថយន្តដោយមិនបាច់ចុចសោ, មានប៊ូតុងចុចបញ្ឆេះ ឬពន្លត់ និងមានហ្វ្រាំង​ដៃ​អេឡិច​ត្រូនិក​ផងដែរ។

Wuling Jiachen មានមកជាមួយនូវម៉ាស៊ីន ១,៥លីត្រ ប្រភេទ Turbocharged អាចផលិតកម្លាំងបាន ១៤៧សេះ ភ្ជាប់ជា​គូ​នឹង​ប្រអប់លេខ CVT ចំនួន៨វគ្គ ដែលម៉ាស៊ីននេះមានកម្រិតស៊ីប្រេង ៧,២លីត្រ ក្នុង១០០គីឡូម៉ែត្រ៕

ផ្ទាំងផ្សាយពាណិជ្ជកម្ម

រថយន្ត Ford Ranger ស៊េរីថ្មីឆ្នាំ២០២៣ ត្រូវបានដាក់សម្ពោធជាផ្លូវការនៅប្រទេសកម្ពុជា

ក្រុមហ៊ុន អ អិម អេ (ខេមបូឌា) ម.ក ដែលជាក្រុមហ៊ុននាំចូល និងចែកចាយផ្ដាច់មុខនូវរថយន្ត Ford គ្រប់ប្រភេទក្នុងទីផ្សារប្រទេសកម្ពុជាបានប្រារព្ធពិធីសម្ពោធជាផ្លូវការនៃរថយន្ត Ford Ranger ស៊េរីថ្មីឆ្នាំ ២០២៣ ដែលកម្មវិធីនេះបានប្រារព្ធធ្វើឡើងនៅ ដឹ ព្រេមៀ សេនធ័រ​ សែនសុខ។

កម្មវិធីនេះត្រូវបានបែងចែកជា ២ ផ្នែក ពេលព្រឹកជាកម្មវិធីបើកបរសាកល្បង ដែលអតិថិជនទាំងអស់អាចអញ្ជើញចូលរួមបើកបរសាកល្បងជាមួយរថយន្ត Ford Ranger ស៊េរីថ្មីឆ្នាំ ២០២៣ ជាច្រើនគ្រឿងទាំងប្រភេទ Ford Ranger XLT និង Ford Ranger Wildtrak ជាមួយនឹងអ្នកជំនាញបច្ចេកទេស Ford និងទទួលបានការរៀនពីវគ្គបណ្តុះបណ្តាលស្តីពីការបើកបរដែលធ្វើឲ្យលោកអ្នកទទួលបានបទពិសោធន៏បើកបរដ៏ថ្មីស្រឡាងជាមួយនឹងបច្ចេកវិទ្យាយ៉ាងច្រើនលើសពីការរំពឹងទុក។

សម្រាប់កម្មវិធីពេលល្ងាចគឺជាពិធីសម្ពោធជាផ្លូវការនៃរថយន្តនេះដែលបានអញ្ជើញចូលរួមពីសំណាក់ភ្ញៀវកិត្តិយស និងអតិថិជន Ford ផងដែរ។

កម្មវិធីនេះក៏មានវត្តមានដ៏ខ្ពង់ខ្ពស់ពី ឯកឧត្តម ឈួន ដារ៉ា រដ្ឋលេខាធិការនៃក្រសួងពាណិជ្ជកម្ម លោក Benjamin V. Wohlauer ភារធារីនៃស្ថានទូតអាមេរិកប្រចាំព្រះរាជាណាចក្រកម្ពុជា លោកស្រី Dianne Craig អគ្គនាយិកាគ្រប់គ្រងក្រុមទីផ្សារអន្តរជាតិនៃក្រុមហ៊ុន Ford Motor Company លោកស្រី Yukontorn Wisadkosin អគ្គនាយិកាគ្រប់គ្រងទីផ្សារអាស៊ាននៃក្រុមហ៊ុន Ford Motor Company លោក Kevin Whitcraft អគ្គនាយកនៃក្រុមហ៊ុន អ អិម អេ (គ្រុប) លោក ងន សាំង អគ្គនាយកនៃក្រុមហ៊ុន អ អិម អេ (ខេមបូឌា) គណៈគ្រប់គ្រង និងបុគ្គលិកនៃក្រុមហ៊ុន អ អិម អេ (ខេមបូឌា) និងក្រុមហ៊ុន Ford Motor Company និងបណ្តាមិត្តអ្នកសារព័ត៌មានជាច្រើន។

លោក ងន សាំង អគ្គនាយកនៃក្រុមហ៊ុន អ អិម អេ (ខេមបូឌា)

ឆ្លៀតក្នុងឱកាសនេះដែរ លោក ងន សាំង អគ្គនាយកនៃក្រុមហ៊ុន អ អិម អេ (ខេមបូឌា) ក៏បានថ្លែងសុន្ទរកថានៅក្នុងអង្គពិធីនេះដែរ ដែលលោកបានមានប្រសាសន៍ថា៖ “រថយន្ត Ford មានភាពល្បីល្បាញទូទំាងប្រទេសកម្ពុជា នឹងត្រូវបានប្រជាជនខ្មែរទទួលស្គាល់ដោយសារគុណភាព សុវត្ថិភាព និងបច្ចេកវិទ្យាទំនើបៗនៃរថយន្ត Ford។ អាស្រ័យហេតុនេះហើយទើបរថយន្ត Ford បានទទួលចំណាត់ថ្នាក់លេខ ១ ក្នុងចំណែកទីផ្សាររថយន្តថ្មីនៅប្រទេសកម្ពុជាអស់រយៈពេលជាច្រើនឆ្នាំជាប់ៗគ្នា។ ហើយមួយផ្នែកធំនៃ​សមិទ្ធិផលនេះបានមកពីការលក់រថយន្ត Ford Ranger ហើយសម្រាប់ថ្ងៃនេះក្រុមហ៊ុននឹងនាំយកអ្វីដែលថ្មីមកជូនដល់អតិថិជនទាំងអស់គ្នា ដែលក្រុមហ៊ុននឹងធ្វើពិធីសម្ពោធជាផ្លូវកា​រខ្នាតធំពុំធ្លាប់មាននៅប្រទេសកម្ពុជាសម្រាប់រថយន្ត Ford Ranger ស៊េរីថ្មីឆ្នាំ ២០២៣ ដែលត្រូវបានផ្លាស់ប្តូររូបរាងថ្មីទាំងស្រុង។ ”

លោកស្រី Dianne Craig អគ្គនាយិកាគ្រប់គ្រងក្រុមទីផ្សារអន្តរជាតិនៃក្រុមហ៊ុន Ford Motor Company

លោកស្រី Dianne Craig អគ្គនាយិកាគ្រប់គ្រងក្រុមទីផ្សារអន្តរជាតិនៃក្រុមហ៊ុន Ford Motor Company ក៏បានអញ្ជើញចូលរួមក្នុងកម្មវិធីនេះនឹងបានមានប្រសាសន៍ថា៖ “ រថយន្ត Ford Ranger គឺជាដៃគូដ៏ជឿជាក់មួយរបស់ម្ចាស់អាជីវកម្មខ្នាតតូច កសិករ គ្រួសារ អ្នកផ្សងព្រេង និងអាជីវកម្មនានានៅតាមទីផ្សារបណ្តាប្រទេសជាង ១៨០ នៅជុំវិញពិភពលោក។ ទីផ្សារមួយក្នុងចំណោមនោះគឺព្រះរាជាណាចក្រកម្ពុជាដែលមានចំណែកទីផ្សារខ្ពស់គួរឲ្យកត់សម្គាល់។ ពួកយើងពិតជាមានមោទនភាពចំពោះលទ្ធផលនេះ ហើយសម្រាប់រថយន្ត Ford Ranger ស៊េរីថ្មីឆ្នាំ២០២៣ នេះពួកយើងរំពឹងថានឹងមានកំណើនខ្ពស់ជាងមុននៅក្នុងចំណែកទីផ្សារដោយសារតែនេះរថយន្ត Pickup ខ្នាតកណ្តាលនេះបានបំពាក់ដោយប្រព័ន្ធជើងក្រោមហាប់ណែន ធន់រឹងមាំ​ ប្រព័ន្ធសុវត្ថិភាព និងបច្ចេកវិទ្យាទំនើបៗជំនាន់ចុងក្រោយលើសដៃគូប្រកួតប្រជែង។”

លោក Benjamin V. Wohlauer ភារធារីនៃស្ថានទូតអាមេរិកប្រចាំព្រះរាជាណាចក្រកម្ពុជា

លោក Benjamin V. Wohlauer ភារធារីនៃស្ថានទូតអាមេរិកប្រចាំព្រះរាជាណាចក្រកម្ពុជា ក៏បានសម្តែងនូវការកោតសរសើរមកកាន់ក្រុមហ៊ុន អ អិម អេ (ខេមបូឌា) ផងដែរ ដែលលោកបានមានប្រសាសន៍ថា៖ “ក្នុងនាមជាមន្រ្តីការទូតសហរដ្ឋអាមេរិកប្រចាំនៅព្រះរាជាណាចក្រកម្ពុជា ខ្ញុំពិតជាសេចក្តីសោមនស្សរីករាយនៅពេលបានឃើញការគាំទ្រយ៉ាងពេញទំហឹងនៃផលិតផលអាមេរិក ជាក់ស្តែងគឺរថយន្ត Ford តែម្តង។ គួរបញ្ជាក់ផងដែរថាទំនាក់ទំនងសេដ្ឋកិច្ចរវាងព្រះរាជាណាចក្រកម្ពុជា និងសហរដ្ឋអាមេរិកមាន ភាពរឹងមាំ ដោយសារកត្តាជាច្រើនដូចជា៖ ទំនាក់ទំនងការទូត ការវិនិយោគ និងការគាំទ្រទៅលើផលិតផលអាមេរិក។ ពួកយើងពិតជាសង្ឃឹមថានឹងអាចឃើញម៉ាកយីហោផលិតផលអាមេរិក និងផលិតផលអាមេរិកបន្ថែមទៀតក្នុងប្រទេសកម្ពុជា តួយ៉ាងដូចជារថយន្ត Ford ដែលត្រូវបានបើកបរពាសពេញផ្ទៃប្រទេស។ ”

ឯកឧត្តម ឈួន ដារ៉ា រដ្ឋលេខាធិការនៃក្រសួងពាណិជ្ជកម្ម

ឯកឧត្តម ឈួន ដារ៉ា រដ្ឋលេខាធិការនៃក្រសួងពាណិជ្ជកម្ម បានមានប្រសាសន៍ថា៖ “យើងសង្ឃឹមថាការដាក់សម្ពោធជាផ្លូវការនៃរថយន្ត Ford Ranger ស៊េរីថ្មីឆ្នាំ២០២៣ នេះគឺផ្តល់នូវសារៈសំខាន់ មិនត្រឹមតែជាប្រយោជន៍ដល់ក្រុមហ៊ុនប៉ុណ្ណោះទេ តែក៏ផ្តល់ប្រយោជន៍ដល់កិច្ចសហប្រតិបត្តិការរវាងកម្ពុជា និងសហរដ្ឋអាមេរិក ផ្នែកពាណិជ្ជកម្ម ហើយក៏ដូចជាបណ្តាប្រទេសជាច្រើនដែលពាក់ព័ន្ធដែលបានមកវិនិយោគនៅកម្ពុជាយើងនេះផងដែរ។”

គួរបញ្ជាក់ផងដែរថានេះជាកម្មវិធីសម្ពោធរថយន្តដែលធំជាងគេពុំធ្លាប់នៅឯប្រទេសកម្ពុជា ដែលត្រូវបានប្រារព្ធឡើងរហូតដល់ទៅ ៧អគារ និងមានអតិថិជនចូលរួមយ៉ាងច្រើនកុះកររហូតដល់ជាង ៦ ០០០នាក់។ គេជឿជាក់ថារថយន្តនេះនឹងមកបន្តតំណែងពីរថយន្ត Ford Ranger ស៊េរីមុនដែលឈរជើងជារថយន្ត Pickup ថ្មីដែលលក់ដាច់ជាងគេក្នុងទីផ្សារប្រទេសកម្ពុជា ដោយសារតែរថយន្តនេះមាននូវភាពឆ្លាតវៃ ធន់រឹងមាំ និងទំនើបអស្ចារ្យលើសគេ៕

ផ្ទាំងផ្សាយពាណិជ្ជកម្ម

Hyundai បញ្ចេញរូបភាព Teaser នៃរថយន្ត​អគ្គិសនី​ដ៏ប្រណិត Hyundai Ioniq 6 មុន​ពេល​បង្ហាញខ្លួនជាផ្លូវការ

[បរទេស] ក្រុមហ៊ុនផលិតរថយន្ត Hyundai បានធ្វើការដាក់បញ្ចេញនៅរូបភាព Teaser របស់រថយន្ត Hyundai Ioniq 6 ដែលជារថយន្តអគ្គិសនីប្រណិតដែល​អាច​ប្រកួត​ប្រជែង​ជាមួយ​នឹង​រថយន្ត Tesla Model 3 ព្រម​ទាំង​រថយន្ត Porsche Taycan និង Audi e-tron គ្រោងនឹងមកដល់ក្នុងប៉ុន្មានខែខាងមុខនេះ។

តាមរូបភាព Teaser បង្ហាញពីការរចនាដែលបង្កប់នៅក្នុង DNA នៃ Prophecy Concept ដែលបានបង្ហាញក្នុងខែមីនា ឆ្នាំ ២០២០ ដោយបង្ហាញពី ថាសកង់ទំហំធំ និងកាង spoiler ខាងក្រោយរចនាបែប duck-tail។ បន្ថែមពីនេះ ព័ត៌មានលម្អិតនៃការរចនាផ្នែកខាងក្រៅសំខាន់ៗផ្សេងទៀតនៃ Ioniq 6 គឺចង្កៀងមុខ និងចង្កៀងខាងក្រោយដែលមានភីកសែលស្រដៀងទៅនឹង Ioniq 5 និង Staria ថ្មីជាដើម។

ជាមួយគ្នានេះ​ Hyundai Ioniq 6 ដែលជារថយន្តអគ្គិសនីថ្មីប្រើប្រាស់នៅគ្រោងឆ្អឹង Hyundai E-GMP platform ដើម្បីគាំទ្ររថយន្តអគ្គិសនីជាពិសេសដូចគ្នាដែលប្រើជាមួយរថយន្ត Ioniq 5, Kia EV6 និង Genesis GV60 ។

ក្រុមហ៊ុន Hyundai គ្រោងនឹងបញ្ចេញរថយន្តអគ្គិសនីថ្មីចំនួន ៣ តាមរយៈម៉ូដែលរបស់ Ioniq របស់ខ្លួនក្នុងរយៈពេល ៤ ឆ្នាំខាងមុខ ដោយបីដំបូងគឺ Ioniq 5, 6 និង 7 ជាមួយនឹងលេខគូសម្រាប់រថយន្តប្រភេទ sedan និងលេខសេសសម្រាប់រថយន្តប្រភេទផ្សេង៕

ផ្ទាំងផ្សាយពាណិជ្ជកម្ម
1...502503504...1,085ទំព័រ 503 នៃ 1,085

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com