ក្រុមហ៊ុន Chery បានបើកលក់មុននូវរថយន្ត SUV ប្រភេទ off-road plug-in hybrid ម៉ូឌែល Jetour Zongheng G700 របស់ខ្លួននៅឯកម្មវិធី Chengdu Auto Show ឆ្នាំ 2025 ដោយតម្រូវឲ្យកក់ប្រាក់ចំនួន 700 យន់ឬស្មើនិងប្រមាណ 98 ដុល្លារ។ ចំណុចពិសេសឈ្នះអស់មាសត្រូវរបស់រថយន្តនេះគឺអាចជិះក្នុងទឹកបានក្នុងរយៈពេល ៤០នាទី ជាមួយនឹងកាប៊ីនដែលធន់នឹងទឹក។ ចំណែកឯតម្លៃផ្លូវការមិនទាន់ត្រូវបានប្រកាសនៅពេលនេះទេ។ គួរបញ្ជាក់ផងដែរថា Zongheng គឺជាស៊េរីរថយន្ត off-road ថ្មីមួយក្រោមយីហោ Jetour។
រថយន្ត Jetour Zongheng G700 រក្សាបាននូវការរចនាខាងក្រៅបែបប្រអប់ដ៏បុរាណ និងបំពាក់មកជាមួយកង់សាគួរនៅខាងក្រោយ ដូចទៅនឹងរថយន្ត SUV សម្រាប់បើកបរក្រៅផ្លូវ (off-road) ទូទៅដែរ។ ក្រៅពីនេះ វាក៏មានទំពក់អូស (towing hooks) ចំនួន២ នៅផ្នែកខាងមុខ និងខាងក្រោយ។ រថយន្ដនេះបានបំពាក់មកជាមួយប្រព័ន្ធជំនួយការបើកបរទំនើប (advanced driving assistance system) Falcon 500 របស់ក្រុមហ៊ុន Chery មានសមត្ថភាពបើកបរដោយស្វ័យប្រវត្តិ (NOA) ក្នុងល្បឿនលឿន និងសមត្ថភាពជំនួយក្នុងការចូលចត។
បើមើលពីរូបរាងខាងក្រៅរបស់ Jetour Zongheng G700 មើលទៅកាចហើយហាប់ណែនស័ក្ដិសមជារថយន្ដប្រភេទ Off-Road ។ សម្រាប់ទំហំរូបរាងខាងក្រៅរថយន្ដនេះមានប្រវែងតួខ្លួសរុប ៥ ១៩៨មម ទទឹង ២ ០៥០មម កម្ពស់ ១ ៩៥៦មម ខណៈប្រវែងគម្លាតកង់មុខក្រោយ ២ ៨៧០មម និងមានកម្ពស់ពីដីអតិបរមា ៣២០មម មានសមត្ថភាពជិះកាត់ទឹកបានជម្រៅអតិបរមា ៩៧០មម។ ក្រុមហ៊ុនបានអះអាងថា រថយន្ត Jetour Zongheng G700 អាចបើកបរក្នុងទឹកបានរយៈពេល ៤០ នាទី ក្នុងល្បឿនយានយន្តអតិបរមា 4.5knots។ កាប៊ីនរបស់នេះក៏ធន់នឹងសម្ពាធទឹករហូតដល់ 20kPa និងលំហូរទឹក ៥ម៉ែត្រ/វិនាទីផងដែរ។
ចូលមកដល់មកម្រិតសមត្ថភាពវិញម្ដង Jetour Zongheng G700 បំពាក់មកជាមួយប្រព័ន្ធ hybrid Kunpeng super-performance CDM-O របស់ក្រុមហ៊ុន Chery ដំណើរដោយម៉ាស៊ីនចំណុះ 2.0 រួមបញ្ចូលជាមួយម៉ូទ័រអគ្គិសនី២ អាចផលិតកម្លាំងបាន ៥៦០ គីឡូវ៉ាត់ (៧៥១ សេះ) និងកម្លាំងបង្វិលជុំ ៧៩៥ញ៉ូតុនម៉ែត្រ។ សម្រាប់ម៉ាស៊ីនចំណុះ 2.0 មានសមត្ថភាពអាចកម្លាំងអតិបរមាបាន ១៥៥ គីឡូវ៉ាត់ (២០៨ សេះ), កម្លាំងបង្វិលបាន ៣៤០ញ៉ូតុនម៉ែត្រ។ Jetour Zongheng G700 អាចបង្កើនល្បឿនពី ០ ទៅ ១០០ គីឡូម៉ែត្រក្នុងមួយម៉ោងប្រើ ៤.៦ វិនាទី។ ឃើញមាឌធំកាចចឹងតែ អត្រាស៊ីប្រេងត្រឹម ១.៣៩ លីត្រ ក្នុង ១០០គីឡូម៉ែត្រ ដោយសារវារថយន្ដប្រភេទ PHEV។
Jetour Zongheng G700 ក៏បានបំពាក់មកជាមួយអាគុយ 4C Shenxing ផ្គត់ផ្គង់ដោយក្រុមហ៊ុន CATL រថយន្ត អាចបើកបរបានចម្ងាយ ១ ៤០០គីឡូម៉ែត្រពេលប្រើអគ្គិសនីសាំង។ សម្រាប់ល្បឿននៃការសាកថ្មវិញក៏មិនធម្មតា អាចសាកពី ៣០% ទៅ ៨០% ប្រើពេលតែ១០នាទី។
ចំពោះផ្នែកខាងក្នុងរថយន្ត ការរចនាទ្វារបែបប្រអប់បានបង្កើតភាពរឹងមាំ ប្រើប្រាស់ស្បែក/suede ជាមួយនឹងការតុបតែងដោយដែក/rivet លេងបន្ដែមជាមួយការរចនារន្ធម៉ាស៊ីនត្រជាក់រាងការ៉េ, បំពាក់ជាមួយអេក្រង់កម្សាន្ដទំហំ ១៥.៦ អុីញ។ អ្វីកាន់តែពិសេសនៅតាបឡូបបានបំពាក់មកជាមួយអេក្រង់ទំហំ ៣៥.៤ អុីញ។ គ្រឿងបរិក្ខារពេញនិយមផ្សេងទៀតរួមមានអេក្រង់បំពាក់ពិដានខាងក្រោយទំហំ ១៧.៣ អុីញ និងទូទឹកកកមានសីតុណ្ហភាពចាប់ពី -៦℃ ដល់ ៥០℃។ កៅអីក៏គាំទ្រមុខងារបញ្ចេញខ្យល់ (ventilation), កម្តៅ (heating) និងម៉ាស្សា៕
Zeekr គឺជាយីហោលំដាប់ខ្ពស់ដែលត្រូវបានបង្កើតឡើងដោយក្រុមហ៊ុន Geely Automobile ក្នុងឆ្នាំ ២០២១។ កន្លងមក ក្រុមហ៊ុននេះធ្លាប់បានលក់តែរថយន្តអគ្គិសនីសុទ្ធប៉ុណ្ណោះ។ ទោះជាយ៉ាងណាក៏ដោយ Zeekr បានដើរតាមនិន្នាការរីកចម្រើនសម្រាប់រថយន្តបែប plug-in hybrid នៅក្នុងប្រទេសចិន។ ដើម្បីឲ្យអស្ចារ្យជាងគេទើបក្រុមហ៊ុន Zeekr បានបំពាក់អាគុយទំហំធំបំផុតលើម៉ូឌែល 9X ដែលធ្វើឲ្យរថយន្តនេះក្លាយ PHEV បំពាក់មកជាមួយអាគុយធំដំបូងបង្អស់របស់យីហោនិងនៅលើភពលោក។ រថយន្ដនេះបានចាប់ផ្តើមបើកទទួលការបញ្ជាទិញមុននៅក្នុងកម្មវិធី Chengdu Auto Show 2025។ 
ចំពោះផ្ទៃខាងក្នុងរបស់រថយន្ត Zeekr 9X ផ្ដល់ជូនជាមួយជម្រើស៣ពណ៍ក្នុងនោះរួមមាន៖ ពណ៌ខៀវចាស់ (deep blue) ពណ៌ត្នោតខ្ចី (beige) និងពណ៌ត្នោតចាស់ (brown)។ រថយន្តនេះភ្ជាប់មកជាមួយកៅអីស្តង់ដារចំនួនប្រាំមួយ (រចនាប្លង់បែប 2+2+2)។ កុងសូលកណ្តាលរបស់វាមានអេក្រង់ធំ២ទំហំ ១៦ អុីញ។ អ្វីដែលគួរឱ្យចាប់អារម្មណ៍នោះគឺ អតិថិជនអាចបដិសេធមិនយកអេក្រង់បន្ថែមសម្រាប់អ្នកដំណើរខាងមុខបាន ដើម្បីកាត់បន្ថយតម្លៃរថយន្ត 9X បានចំនួន 5 000យន់ ឬស្មើប្រមាណ ៧០០ដុល្លារ។ រថយន្ត Zeekr 9X ក៏បានបំពាក់មកជាមួយមុខងារ (head-up display) ទំហំ ៤៧ អុីញប្រភេទ augmented reality។ ហើយដែលខ្វះបាននៅកៅអីអ្នកដំណើរនៅផ្នែកខាងក្រោយក៏បានបំពាក់មកជាមួយអេក្រង់ទំហំ ១៧អុីញកម្រិត 3Kនៅលើពិដាន។
រថយន្ត XC70 នេះ ត្រូវបានផលិតឡើងនៅលើគ្រោងឆ្អឹង SMA មានប្រវែងសរុប ៤ ៨១៥ ម. ទទឹង ១ ៨៩០ ម.ម កម្ពស់ ១ ៦៥០ ម.ម និងប្រវែងគម្លាតកង់ ២ ៨៩៥ ដំណើរការដោយម៉ាស៊ីនចំណុះ ១.៥លីត្រ turbocharged អាចផលិតកម្លាំងបាន ១៦១សេះ រួមជាមួយម៉ូទ័រអគ្គិសនីចំនួន ៣ អាចផលិតកម្លាំងបាន ៨០, ១៤៣ និង ២០៩សេះ។
សម្រាប់អ្នកដែលចាប់អារម្មណ៍លើរថយន្ត Forester ក្រៅពីម៉ូឌែល Wilderness តម្លៃបានកើនឡើងតិចតួចប៉ុណ្ណោះសម្រាប់ម៉ូឌែលភាគច្រើន។ ក្នុងនោះមានការដំឡើងតម្លៃចំនួន៣០ដុល្លារ ត្រូវបានអនុវត្តចាប់ពីម៉ូឌែលមូលដ្ឋានមានតម្លៃ ៣១ ៤៤៥ រហូតដល់ម៉ូឌែល Touring ដែលមានតម្លៃខ្ពស់បំផុតដល់ ៤៣ ០៤៥ ដុល្លារ។ ចំណែកឯម៉ូឌែល Premium មានតម្លៃ ៣៤ ៨៣៥ដុល្លារ, Sport មានតម្លៃ ៣៧ ៥៥៥ដុល្លារ និង Limited មានតម្លៃ ៣៩ ១៤៥ដុល្លារ។ សម្រាប់ម៉ូឌែលឆ្នាំ ២០២៦ ទាំងអស់បានបំពាក់មកជាមួយមុខងារ Blind-spot monitor និង rear cross-traffic alert ឥឡូវនេះក៏មានមុខងារ lane-keeping assist ផងដែរ។
សម្រាប់បច្ចេកវិទ្យា Digital Key អនុញ្ញាតឱ្យអ្នកប្រើប្រាស់ទូរស័ព្ទ iPhone និង Android អាចដោះសោ និងបញ្ឆេះរថយន្តរបស់ពួកគេបានដោយស្វ័យប្រវត្តិ ខណៈដែលទូរស័ព្ទរបស់ពួកគេនៅតែដាក់ក្នុងហោប៉ៅ ឬកាបូប។ 
ក្រៅពីនេះ ក្រុមហ៊ុន Alef Aeronautics ផ្ទាល់ ក៏មានផែនការផលិតម៉ូឌែល Model Zero និង Model A ដែលជាម៉ូឌែលសម្រាប់ធ្វើពាណិជ្ជកម្ម និងមានសមត្ថភាពខ្ពស់ជាងនេះផងដែរ៕
