ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 614

Ram ហៅរថយន្តភីកអាប់របស់ខ្លួនចំនួន ១៧០,០០០ គ្រឿង ត្រលប់មកវិញ ព្រោះបញ្ហាផ្លិតទឹក

[ទីផ្សារបរទេស] ក្រុមហ៊ុនផលិតរថយន្ត RAM បានធ្វើការហៅរថយន្តភីកអាប់របស់ខ្លួនចំនួនជាង ១៧០,០០០ គ្រឿងដោយសារតែបញ្ហាជាមួយផ្លិតទឹកកញ្ចក់របស់ពួកគេមិនដំណើរការ។

យោងតាមរដ្ឋបាលសុវត្ថិភាពចរាចរណ៍ផ្លូវជាតិ (NHTSA) ការប្រមូលមកវិញដោយសារតែដៃរបស់ផ្លិតទឹកដំណើរការមិនបាមត្រឹមត្រូវ និងមិនដំណើរការនៅពេលដែលអ្នកបើកបរចុចបើកវា។ ក្រុមហ៊ុនផលិតរថយន្តបានចាប់ផ្តើមស៊ើបអង្កេតបញ្ហានេះនៅថ្ងៃទី ១៧ ខែវិច្ឆិកា ឆ្នាំ ២០២១ បន្ទាប់ពីបានសង្កេតឃើញការកើនឡើងនៃការទាមទារការធានាដែលត្រូវបានធ្វើឡើងអំពីផ្លឹតទឹកដែលមិនដំណើរការ។

ពាក់ព័ន្ធនឹងការ​ប្រមូល​មក​វិញ​នេះបាន​ប៉ះ​ពាល់​ដល់រថយន្ត​ចំនួន ១៧១ ៧៨៩ គ្រឿង ដោយរួមមានម៉ូឌែល៖

  • ម៉ូដែល Ram 2500 ចំនួន ១០៧,៨៦៤ គ្រឿង ដែលត្រូវបានផលិតនៅចន្លោះថ្ងៃទី ២៧ ខែមេសា ឆ្នាំ ២០១៩ ដល់ថ្ងៃទី ៩ ខែមីនា ឆ្នាំ ២០២០
  • ម៉ូដែល Ram 3500 Cab Chassis ចំនួន ៨,០០៧ គ្រឿង
  • ម៉ូដែល Ram 4500/5500 Cab Chassis ចំនួន ១៧,០០៧ គ្រឿង
  • ម៉ូដែល Ram 3500 ចំនួន ៣៨,៧៨៦ គ្រឿង ដែលបានលផលិតនៅថ្ងៃទី ២៧ ខែមេសា ឆ្នាំ ២០១៩ និងថ្ងៃទី ៩ ខែមីនា ឆ្នាំ ២០២០
  • ម៉ូដែល Ram 3500 Cab Chassis ដែលត្រូវបានផលិតចាប់ពីថ្ងៃទី ៣០ ខែមេសា ឆ្នាំ ២០១៩ ដល់ថ្ងៃទី ២៦ ខែកុម្ភៈ ឆ្នាំ ២០២០ ទាំងអស់ផងដែរ។

ជាមួយគ្នានេះដែរ ក្រុមហ៊ុន Fiat Chrysler Automobiles U.S. បានបញ្ជាក់ថា ខ្លួននឹងចាប់ផ្តើមជូនដំណឹងដល់អ្នកចែកចាយ និងម្ចាស់រថយន្តអំពីការប្រមូលមកវិញនៅថ្ងៃទី ១៨ ខែមីនា។ អតិថិជននឹងត្រូវបានណែនាំឲ្យយករថយន្តរបស់ពួកគេទៅកាន់ក្រុមហ៊ុនចែកចាយក្នុងស្រុក ដើម្បីធ្វើការត្រួតពិនិត្យ។ ក្នុងនោះ FCA ក៏នឹងសងសំណងដល់ម្ចាស់ទាំងឡាយណាដែលបានចំណាយប្រាក់ពីមុន ដើម្បីដោះស្រាយបញ្ហានេះផងដែរ៕

ផ្ទាំងផ្សាយពាណិជ្ជកម្ម

Honda Click 160 ដាក់លក់ជាផ្លូវការ សម្រាប់ទីផ្សារនៅ​ក្នុងប្រទេស​ឥណ្ឌូនេស៊ី

[ទីផ្សារបរទេស] ទីបំផុត Honda Click 160 ឬ Vario 160 ត្រូវបានប្រកាសចេញលក់ជាផ្លូវការសម្រាប់ទីផ្សារនៅ​ក្នុងប្រទេស​ឥណ្ឌូនេស៊ី​ ជាមួយការអាប់ដេតរូបរាងថ្មីកាន់ស្ព័រ។

សម្រាប់ការឌីហ្សាញនៃម៉ូតូ Honda Click 160 ឬ Vario 160 ត្រូវបានឌីស្សាញជាមួយរូបរាងថ្មីកាន់តែស្ព័រ នឹងបានបំពាក់មកជាមួយនូវចង្កៀងប្រភេទ LED, កុងទ័រឌីជីថលប្រភេទ LCD, រន្ធសាកប្រភេទ USB និង Smart key ព្រមទាំងបានបំពាក់ស្តង់ដាកមកនូវប្រព័ន្ធហ្វាំ្រង ABS និងហ្វ្រាំងឌីសនៅខាងមុខ និងខាងក្រោយផងដែរ។

ចំពោះថាមពលម៉ាស៊ីននៃម៉ូតូ Honda Click 160 ឬ Vario 160 បានប្រើប្រាស់ម៉ាស៊ីន eSP + ចំណុះ ១៥៧ សេសេ ទំហំ ១ស៊ីទ្បាំង ផលិតកម្លាំង ១៥,៣ សេះ និងកម្លាំងរមួល ១៣,៨ ញ៉ូតុនម៉ែត្រ ដោយការបើកបរចម្ងាយ១០០គ.ម ស៊ីសាំងប្រហែល ២,១លីត្រ។

សម្រាប់ទីផ្សារ​ឥណ្ឌូនេស៊ី​ ម៉ូតូ Honda Click 160 ឬ Vario 160 ត្រូវបានដាក់លក់ជាមួយជម្រើស ២ម៉ូឌែលគឺ CBS មានតម្លៃចាប់ពី ១ ៨០០ដុល្លារ និង ABS មានតម្លៃចាប់ពី ២ ០០០ដុល្លារ៕

ផ្ទាំងផ្សាយពាណិជ្ជកម្ម

ក្រុមហ៊ុន BMW, Kia, Nissan, GM និង Toyota បង្ហាញវីដេអូ Teaser ពាណិជ្ជកម្ម សម្រាប់ព្រឹត្តិការណ៍ Super Bowl ២០២២

[ទីផ្សារបរទេស] ក្រុមហ៊ុនផលិតរថយន្តជាច្រើនបានបញ្ជាក់ថាពួកគេនឹងចាក់ផ្សាយពាណិជ្ជកម្មក្នុងអំឡុងពេលព្រឹត្តិការណ៍ Super Bowl LVI ដែលប្រព្រឹត្តទៅនៅថ្ងៃអាទិត្យទី ១៣ ខែកុម្ភៈ រួមទាំងដូចជា General Motors, Kia, BMW, Nissan និង Toyota ។

វីដេអូរបស់ BMW សម្រាប់ព្រឹត្តិការណ៍ Super Bowl ២០២២ ក្រុមហ៊ុនផលិតរថយន្តអាឡឺម៉ង់បានធ្វើការអញ្ជើញអតីតអភិបាលរដ្ឋ California លោក Arnold Schwarzenegger ធ្វើការសំដែងជាព្រះ Zeus ដែលទំនងជាសំដៅទៅលើការផលិតរថយន្តអគ្គិសនីថ្មីរបស់ BMW ដូចជា iX និង i4។ សម្រាប់ពេលនេះ យើងទើបតែទទួលបានតែវីដេអូ Teaser ប៉ុណ្ណោះ ប៉ុន្តែវីដេអូពេញលេញនឹងចេញផ្សាយនៅចុងខែនេះ។

វីដេអូរបស់ Nissan ក្រុមហ៊ុន Nissan បានផ្តល់សញ្ញានៃការវិលត្រឡប់របស់ខ្លួនទៅកាន់ការផ្សាយពាណិជ្ជកម្ម Super Bowl ជាមួយនឹងពាណិជ្ជកម្មថ្មីមួយដែលមានឈ្មោះថា “Thrill Driver” ដែលត្រូវបានបង្កើតឡើងជាការចាក់បញ្ចាំងភាពយន្តបែប action-packed និងបែបកំប្លែង ជាមួយម៉ូដែល Z sport coupe ថ្មីរបស់ម៉ាក។

វីដេអូរបស់ General Motors ក្រុមហ៊ុន General Motors ក៏នឹងចាក់ផ្សាយពាណិជ្ជកម្មក្នុងអំឡុងពេល Super Bowl សម្រាប់រយៈពេលបីឆ្នាំជាប់ៗគ្នាផងដែរ។ ក្នុងនោះត្រូវបានបរាជ័យក្នុងការផ្តល់ព័ត៌មានលម្អិតអំពីពាណិជ្ជកម្ម ប៉ុន្តែដោយសារថាពាណិជ្ជកម្មពីរដែលបានចាក់ផ្សាយកាលពីឆ្នាំមុនគឺផ្តោតលើរថយន្តអគ្គិសនីរបស់ខ្លួន យើងរំពឹងថានឹងមិនខុសគ្នាសម្រាប់ឆ្នាំ ២០២២ នេះទេ។

វីដេអូរបស់ Kia ក្រុមហ៊ុនផលិតរថយន្ត Kia បានបញ្ជាក់ថាខ្លួននឹងផ្សាយពាណិជ្ជកម្មក្នុងអំឡុងពេល Super Bowl LVI ពីរបីសប្តាហ៍មុន នឹងមាន ៦០ វិនាទី ហើយពាណិជ្ជកម្មទី ១៣ របស់ក្រុមហ៊ុននឹងចាក់ផ្សាយក្នុងអំឡុងពេលព្រឹត្តិការណ៍ Super Bowl ។ ថ្ងៃនេះ យើងទទួលបានវីដេអូ​ teaser ១៥ វិនាទីដែលបង្ហាញពីឆ្កែមនុស្សយន្ត Kia EV6 និងចង់ដឹងចង់ឃើញ “ដែលចាប់ផ្តើមដំណើរស្វែងរកដៃគូពិតរបស់ខ្លួន”។

ជាមួយនឹងក្រុមហ៊ុនផលិតរថយន្តចំនួន ៥ ដែលត្រូវបានបញ្ជាក់រួចហើយសម្រាប់ព្រឹតិ្តការណ៍ Super Bowl ឆ្នាំនេះ នឹងមានការចូលរួមច្រើនជាងឆ្នាំមុន នៅពេលដែលក្រុមហ៊ុនផលិតរថយន្តចំនួន ៣ កំពុងតែបញ្ជាំងនូវវីដេអូពាណិជ្ជកម្មគឺ Stellantis, GM និង Toyota ។ ក្នុងកំឡុងព្រឹតិ្តការណ៍ Super Bowl ២០២០ មានក្រុមហ៊ុនផលិតរថយន្តចំនួន ៦ បានធ្វើការផ្សាយពាណិជ្ជកម្ម និងក្នុងឆ្នាំ ២០១៨ មានក្រុមហ៊ុនរថយន្តចំនួន ១១ ដែលបានផ្សាយពាណិជ្ជកម្ម នៃព្រឹត្តិការណ៍ដ៏ធំនេះ៕

ផ្ទាំងផ្សាយពាណិជ្ជកម្ម

Bentley នឹងចាប់ផ្តើមសាកល្បងឡានអគ្គិសនីដំបូងបង្អស់ នៅចុងឆ្នាំនេះ ហើយគ្រោងចេញនៅឆ្នាំ២០២៥

[ទីផ្សារបរទេស] ថ្មីៗនេះក្រុមហ៊ុន Bentley បានប្រកាសពីគម្រោងក្នុងការបង្ហាញរថយន្តអគ្គិសនីចំនួន ៥ ម៉ូដែល ហើយឥឡូវនេះនាយកប្រតិបត្តិក្រុមហ៊ុនផលិតរថយន្តអង់គ្លេសខាងលើ គឺលោក Adrian Hallmark បានបង្ហាញព័ត៌មានលម្អិតមួយចំនួនអំពីវាហើយ។

ថ្លែងទៅកាន់សារព័ត៌មាន Autocar លោក Hallmark បាននិយាយថា រថយន្តអគ្គិសនីដំបូងបង្អស់របស់ក្រុមហ៊ុន នឹងចាប់ផ្តើមសាកល្បងនៅចុងឆ្នាំ ២០២២ នេះ។ លោកបានបន្ថែមថា ការរចនាផ្នែកខាងក្រៅ គឺប្រហែល ៨០-៨៥% រួចរាល់ហើយ ខណៈដែលក្រុមហ៊ុនមានការងារមួយចំនួនទៀតដែលត្រូវធ្វើ ដើម្បីកែលម្អបន្ថែមទៀតនូវអ្វីដែលបានសម្រេចចិត្តរួចហើយ។

ជាមួយគ្នានេះដែរ ផ្នែកខាងក្នុងនៃរថយន្តអគ្គិសនីដំបូងបង្អស់របស់ Bentley ក៏បានរួចរាល់ ៩៥% ហើយវានឹងផ្តោតខ្លាំងទៅលើភាពប្រណីត។

យ៉ាងណាមិញ ថ្វីបើលោក Hallmark មិនបានបញ្ជាក់ និងបកស្រាយពីពាក្យចចាមអារ៉ាមដែលនិយាយថា រថយន្តអគ្គិសនីដំបូងរបស់ក្រុមហ៊ុន Bentley នឹងជាប្រភេទ Crossover លោកបានបង្ហើបថា វានឹងមានការឌីហ្សាញពិសេស ជាងការរចនាបច្ចុប្បន្ន៕

ប្រភព ៖ carscoops

ផ្ទាំងផ្សាយពាណិជ្ជកម្ម

គួរឲ្យស្តាយ! ឡាន Chevrolet តម្លៃ ១ម៉ឺនដុល្លារស្តើង នឹងត្រូវបញ្ចប់ជីវិតហើយ

[ទីផ្សារបរទេស] រថយន្ត Chevrolet Spark បានឈានដល់ទីបញ្ចប់នៃជីវិតរបស់វា នៅលើដងផ្លូវនៃអាមេរិក បន្ទាប់ពីក្រុមហ៊ុនផលិតរថយន្តនេះបានបញ្ជាក់ថា ផលិតកម្មនៃរថយន្តប្រភេទ Hatchback តម្លៃសមរម្យខាងលើ នឹងត្រូវបញ្ចប់នៅរដូវក្តៅនេះតែម្តង។

យោងតាមប្រភពព័ត៌មានច្បាស់ការណ៍បានឲ្យដឹងថា ផលិតកម្មនៃរថយន្ត Chevrolet Spark នឹងត្រូវបន្តដល់ខែសីហា ឆ្នាំ២០២២ ហើយវានឹងលែងមានបន្តទៀតក្នុងត្រកូលរថយន្ត Chevrolet។

គួរឲ្យដឹងថា Chevrolet Spark គឺជារថយន្តដែលមានតម្លៃធូរថ្លៃបំផុតនៅអាមេរិក ជាមួយនឹងតម្លៃខ្លួនចាប់ពី ១៣ ៦០០ដុល្លារ។ ការសម្លាប់រថយន្តខាងលើមានន័យថា រថយន្ត Chevrolet Trax នឹងក្លាយជាម៉ូដែលធូរថ្លៃបំផុតជំនួសវិញ ជាមួយនឹងតម្លៃខ្លួនចាប់ពី ២១ ៤០០ដុល្លារ។

យ៉ាងណាមិញ ការបញ្ឈប់ផលិតកម្មនៃរថយន្ត Chevrolet Spark មិនមែនជារឿងចម្លែក និងគួរឲ្យភ្ញាក់ផ្អើលអ្វីនោះទេ ដោយសារតែចំនួនលក់នៃរថយន្តនេះមានតិចតួចបំផុត ក្នុងរយៈពេលប៉ុន្មានឆ្នាំចុងក្រោយនេះ។ ក្នុងនោះ Chevrolet បានលក់ដាច់រថយន្ត Spark ចំនួនត្រឹមតែ ២៤ ៤៦០គ្រឿងប៉ុណ្ណោះ នៅសហរដ្ឋអាមេរិក កាលពីឆ្នាំមុន ថយចុះពី ៣៣ ៤៨០គ្រឿង កាលពីឆ្នាំ២០២០៕

ប្រភព ៖ carscoops

ផ្ទាំងផ្សាយពាណិជ្ជកម្ម

Lexus RX ស៊េរី២០២៣ នឹងមានជម្រើស Hybrid រហូតដល់៣ប្រភេទ មានទាំងប្រភេទសាកភ្លើងបានទៀត

[ទីផ្សារបរទេស] Lexus ត្រូវបានគេរំពឹងថានឹងប្រកាសចេញរថយន្ត RX ជំនាន់ថ្មីនៅក្នុងឆ្នាំ២០២២នេះ ដែលនឹងបង្ហាញខ្លួនជាមួយរូបរាងថ្មីនិងដាក់លក់ជាស៊េរីឆ្នាំ២០២៣ ហើយពេលនេះប្រភពចេញពីជប៉ុនបានឲ្យដឹងថា RX ជំនាន់ថ្មីនឹងមានជម្រើស Hybrid រហូតដល់៣ប្រភេទ។

រថយន្ត SUV ជំនាន់ថ្មីនេះនឹងមានជាប្រភេទ RX 500h ជាប្រភេទខ្ពស់ជាងគេ ដែលចូលមកជំនួស RX 450h ពីមុន ហើយប្រភេទមួយនេះគឺជាប្រភេទ PHEV ដែលមានម៉ាស៊ីនចំណុះ ២,៤លីត្រ Turbocharged គួបផ្សំជាមួយម៉ូទ័រអគ្គិសនីចំនួនមួយ។

បន្ទាប់មកទៀតគឺ RX 450h+ ដែលមានប្រើម៉ាស៊ីន ២,៥លីត្រ ជាមួយម៉ូទ័រអគ្គិសនីមួយ ហើយមួយប្រភេទទៀតគឺ RX 350h ដែលវាមានលក្ខណៈសម្បត្តិដូចជា NX 350h ជំនាន់ថ្មីដែរគឺមានម៉ាស៊ីន ២,៥លីត្រ គួបផ្សំជាមួយម៉ូទ័រអគ្គិសនីមួយ។ យ៉ាងណាប្រភពមិនបានបញ្ជាក់អំពីកម្លាំងសេះនៃ Hybrid ទាំងបីប្រភេទនេះឡើយ។

បន្ថែមពីនេះ RX ជំនាន់ថ្មីនឹងជំនួសម៉ាស៊ីន ៣,៥លីត្រ ៦ស៊ីឡាំង ដោយម៉ាស៊ីន Turbocharged ចំណុះ២,៤លីត្រ វិញ ដូចដែលមានលើរថយន្ត Lexus NX ជំនាន់ថ្មី ដែលម៉ាស៊ីនប្រភេទនេះអាចផលិតកម្លាំងបាន ២៧៥សេះ និងបានបំពាក់លើ NX 350៕

ផ្ទាំងផ្សាយពាណិជ្ជកម្ម

ឡានភីកអាប់អគ្គិសនីរបស់ Ford អាចផ្ដល់ថាមពលឲ្យផ្ទះមួយបានរហូតដល់៣ថ្ងៃ

[ទីផ្សារបរទេស] រថយន្ត F-150 Lightning មានតម្លៃចាប់ផ្ដើមមិនដល់៤ម៉ឺនដុល្លារឡើយនៅសហរដ្ឋអាមេរិក ប៉ុន្តែបើចង់បានអាគុយទំហំធំជិះបានឆ្ងាយ អតិថិជនត្រូវចំណាយលុយយ៉ាងតិច ៧២ ៤៧៤ដុល្លារ។

ប្រសិនបើវិនិយោគលើប្រភេទអាគុយធំនេះ អតិថិជននៅអាមេរិកអាចប្រើរថយន្តភីកអាប់អគ្គិសនីនេះសម្រាប់ផ្គត់ផ្គង់ថាមពលដល់ផ្ទះបានរហូតដល់៣ថ្ងៃ ជាមួយមុខងារ Ford Intelligent Backup Power ដែលធ្វើឲ្យរថយន្តនេះអាចដើរតួដូចជាឧបករណ៍ផ្ទុកភ្លើងយ៉ាងអ៉ីចឹង។

ក្រុមហ៊ុន Ford បានសហការជាមួយក្រុមហ៊ុនសូឡារ Sunrun ដើម្បីប្រែក្លាយរថយន្តអគ្គិសនីភីកអាប់នេះទៅជា Power Bank សម្រាប់ផ្ទះមួយខ្នងបាន។ នេះជាចំណុចពិសេសដែលទើបមានជាលើកដំបូងលើរថយន្តភីកអាប់ ហើយ For សន្យាថាអាគុយទំហំ ១៣១kWh នៃរថយន្ត F-150 Lightning អាចផ្ដល់ថាមពលបានដល់ ៩,៦kW។

បើគិតជាមធ្យម ពលរដ្ឋអាមេរិកប្រើប្រាស់ថាមពលប្រមាណ ៣០kWh ក្នុងមួយថ្ងៃ ដែលមានន័យថា F-150 Lightning ប្រភេទអាគុយធំអាចផ្គត់ផ្គង់ថាមពលដល់ផ្ទះមួយបានយូរបំផុតគឺរហូតដល់ ៣ថ្ងៃ។

ដើម្បីអាចទទួលបានមុខងារពិសេសនេះ អតិថិជនត្រូវដំឡើងប្រព័ន្ធ Home Integration System របស់ក្រុមហ៊ុន Sunrun ដែលអនុញ្ញាតឲ្យរថយន្តអគ្គិសនីនេះរក្សាទុកថាមពល យ៉ាងណាមិនទាន់មានការបញ្ជាក់ពីតម្លៃនៃការដំឡើងនៅឡើយទេ៕

ផ្ទាំងផ្សាយពាណិជ្ជកម្ម

Mercedes ផ្អាកការបញ្ជាទិញ G-Class ថ្មីនៅអឺរ៉ុប ប៉ុន្តែនៅតែទទួលយកការបញ្ជាទិញនៅសហរដ្ឋអាមេរិក

[ទីផ្សារបរទេស] កាលពីថ្ងៃទី ១៧ ខែមករា ឆ្នាំ ២០២២ ក្រុមហ៊ុនផលិតរថយន្ត Mercedes-Benz បានបញ្ឈប់ជាបណ្តោះអាសន្ននៅការបញ្ជាទិញថ្មីសម្រាប់ G-Class នៅក្នុងទ្វីបអឺរ៉ុប ប៉ុន្តែនៅតែទទួលការកុម្ម៉ង់ធម្មតាសម្រាប់សហរដ្ឋអាមេរិក។

បើយោងតាមរបាយការណ៍ MB Passion Blog ការចេញផ្សាយនោះបាននិយាយថានេះអាចមកពីការចែកចាយ G-Class មួយចំនួនប្រហែលជាមិនត្រូវបានធ្វើឡើងរហូតដល់ត្រីមាសទី ៤ ឆ្នាំ ២០២៤ ។ ក្នុងនោះក្រុមហ៊ុន Mercedes-Benz និយាយថា សម្រាប់អតិថិជនដែលបានបញ្ជាទិញ G-Class មួយចំនួនកំពុងត្រូវបានការជូនដំណឹងដែលត្រូវរង់ចាំរហូតដល់ត្រីមាសទីមួយនៃឆ្នាំ ២០២៥។

នៅពេលត្រូវបានសួរអំពីបញ្ហានេះ អ្នកនាំពាក្យក្រុមហ៊ុន Mercedes-Benz នៅសហរដ្ឋអាមេរិកបានប្រាប់យើងថា “យើងអាចបញ្ជាក់បានថាអ្នកចែកចាយដែលបញ្ជាទិញនៅតែបើកសម្រាប់ G-Class” សម្រាប់ទីផ្សារសហរដ្ឋអាមេរិក។

ក្នុងពេលជាមួយគ្នានេះ តាមប្រភពមួយនៅក្នុងប្រទេសហូឡង់ថា ការបញ្ជាទិញនឹងត្រូវបើកឡើងវិញនៅចន្លោះខែមីនា និងឧសភា ហើយថាពួកគេត្រូវបានផ្អាក ដោយសារក្រុមហ៊ុនកំពុងផ្លាស់ប្តូរកញ្ចប់ដែលមានជាមួយ G-Class ។

នៅក្នុងកម្មវិធី Munich Motor Show កាលពីឆ្នាំមុន ក្រុមហ៊ុន Mercedes-Benz បានបង្ហាញគំរូរថយន្ត EQG Concept ដែលជាគំរូនៃរថយន្តអគ្គិសនីសុទ្ធនៃរថយន្ត G-Class នាពេលអនាគត។ រថយន្ត​ដែល​បង្ហាញ​នោះ​មាន​​ការឌីស្សាញស្ទើរតែដូច​គ្នា​នឹង​រថយន្ត G-Class ដែល​ដើរ​ដោយ​ថាមពលចំហេះក្នុង ដែល​មានប៉ាណាខាងមុខធ្វើពីអាលុយមីញ៉ូម៕

ផ្ទាំងផ្សាយពាណិជ្ជកម្ម

កាន់តែសង្ហា! Lexus បង្ហាញរូបភាពថ្មីនៃរថយន្តអគ្គិសនីទីមួយ RZ 450e

[ទីផ្សារបរទេស] ជាច្រើនខែមកនេះ ក្រុមហ៊ុនផលិតរថយន្ត Lexus បាននឹងកំពុងសាកល្បង RZ 450e ហើយឥឡូវនេះក្រុមហ៊ុនបានបញ្ចេញរូបភាពថ្មីនៃរថយន្តអគ្គិសនីនាពេលអនាគតរបស់ខ្លួន។ ខណៈ រូបភាពចុងក្រោយបំផុតបង្ហាញថាប្រភេទ Crossover អគ្គិសនីនេះមានភាពទាក់ទាញជាង Toyota bZ4X ទៅទៀត។

ដោយចាប់ផ្តើមពីផ្នែកខាងមុខ រថយន្តនេះមានភ្ជាប់មកជាមួយប៉ាណាដែលបិទជុំវិញ, ចង្កៀងមុខរាងស្លីម ជាមួយនឹងអំពូលបំភ្លឺពេលថ្ងៃ swoosh-style។ បន្ថែមជាមួយចំណុចលេចធ្លោគួរឲ្យកត់សម្គាល់ផ្សេងទៀត រួមមានតួខ្លួនបែប dynamic bodywork និងកន្លែងសាកថ្មនៅលើកាតាប៊ូខាងមុខ។

ចំពោះផ្នែកខាងក្រោយវិញគឺមានការឌីស្សាញយ៉ាងទាក់ទាញ ជាពិសេសបានបំពាក់មកជាមួយចង្កៀងក្រោយអូសជាខ្សែបន្ទាត់ពីផ្នែកម្ខាងទៅម្ខាង ដែលស្ថិតនៅក្រោមកាង spoiler ខាងក្រោយ និងកាងក្រោយពណ៌ខ្មៅផងដែរ។

គួរបញ្ជាក់ផងដែរថា ក្រុមហ៊ុន Lexus នៅតែរក្សាព័ត៌មានលម្អិតអំពីលក្ខណៈបច្ចេកទេស ប៉ុន្តែក្រុមហ៊ុនបានបញ្ជាក់ពីមុនថា RZ នឹងក្លាយជារថយន្តអគ្គិសនីដំបូងគេបង្អស់របស់ពួកគេ។ ខណៈពេលដែរ ម៉ូដែលនេះនឹងប្រើប្រាស់ជាមួយគ្រោងឆ្អឹង e-TNGA platform ដូចគ្នាទៅនឹង bZ4X។ Toyota នឹងត្រូវបានផ្តល់ជូនដល់រថយន្តនេះជាមួយនឹងកញ្ចប់ថាមពលអាគុយ ៧១,៤ គីឡូវ៉ាត់ម៉ោង និង ៧២,៨ គីឡូវ៉ាត់ម៉ោង ក៏ដូចជាម៉ូទ័រចំនួន១ និងចំនួន២ ដែលអាចផលិតបានកម្លាំងរហូតដល់ ២១៥ សេះ ។

ផ្ទាំងផ្សាយពាណិជ្ជកម្ម

ត្រឹមតែ ១ខែ Mitsubishi Outlander PHEV ស៊េរីឆ្នាំ២០២២ ទទួលបានការកក់ទុកមុនចំនួន ៩ពាន់គ្រឿង

[ទីផ្សារបរទេស] ក្រុមហ៊ុន Mitsubishi ប្រទេសជប៉ុន បានធ្វើការប្រកាសពីចំនួននៃការលក់រថយន្ត Outlander PHEV ស៊េរីឆ្នាំ២០២២ បានចំនួន ៩,០០០ គ្រឿងត្រូវបានកក់រួចហើយចាប់តាំងពីការបង្ហាញចេញនៅថ្ងៃទី ១៦ ខែធ្នូ ឆ្នាំ ២០២១ ដែលខ្ពស់ជាងចំនួនបីដងនៃគោលដៅដែលបានកំណត់នៅចុងខែមករាឆ្នាំ ២០២២ ។

បើក្រឡេកទៅមើល​ប្រជាប្រិយភាព​នៅលើទីផ្សារប្រទេស​អូស្ត្រាលី​ក៏​មិន​តិច​ដែរ ដោយសារតែជម្រើសម៉ាស៊ីនប្រភេទ PHEV ដែលទទួលបានការកក់ទុកបានប្រហែល ៧,០០០ ដល់ ៨,០០០ គ្រឿងដែលត្រូវបានគេចាត់ទុកថាស្ថិតក្នុងកម្រិតមួយជិតនឹងការលក់នៅក្នុងប្រទេសជប៉ុន។

បន្ថែមពីនេះក្រុមហ៊ុន Mitsubishi ថាអតិថិជនដែលបានបញ្ជាទិញរថយន្តប្រភេទ SUV ក្នុងអំឡុងពេលនេះ​អាច​ចំណាយ​ពេល​ដល់​ទៅ​ប្រាំ​ខែ​ដើម្បី​ទទួលបានរថយន្ត ដោយសារ​កង្វះ​បន្ទះ​ឈីប​ដែល​ត្រូវ​ការ​ក្នុង​ការ​ផលិត​វា។

សម្រាប់រថយន្ត Mitsubishi Outlander PHEV មានបំពាក់អាគុយទំហំ ២០គីឡូវ៉ាត់ ដែលផ្តល់ចម្ងាយបើកបរដោយថាមពលអគ្គិសនីសុទ្ធ ៨៧គីឡូម៉ែត្រ។ មិនតែប៉ុណ្ណោះ រថយន្តនេះក៏អាចជិះបានកាន់តែឆ្ងាយជាងមុនទៀតផង ដោយសារតែការបំពាក់ធុងសាំងធំជាងមុន។ បន្ថែមពីនេះ រថយន្ត SUV នេះក៏មានជម្រើសម៉ាស៊ីនសាំងចំណុះ ២,៤លីត្រ ទំហំ ៤ស៊ីឡាំង មានកម្លាំង ១២៦សេះផងដែរ។

ចំពោះផ្នែកប្រព័ន្ធសុវត្ថិភាពវិញ Mitsubishi Outlander PHEV មានបំពាក់បច្ចេកវិទ្យា MI-PILOT driver assistance technology ក៏ដូចជាមុខងារ Adaptive Cruise Control (ACC) និង Lane Keep Assist (LKA) ផងដែរ៕

ប្រភព៖ sanook

ផ្ទាំងផ្សាយពាណិជ្ជកម្ម
1...613614615...1,085ទំព័រ 614 នៃ 1,085

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com