[ទីផ្សារបរទេស] ក្រុមហ៊ុន Volkswagen នឹង​អាច​ផលិត​រថយន្ត​អគ្គិសនី​បាន ១ លាន​គ្រឿង​ក្នុង​មួយ​ឆ្នាំ​ នៅក្នុង​ប្រទេស​ចិន ក្នុង​ឆ្នាំ ២០២៣។ នេះ​បើ​តាម​ការ​លើក​ឡើង​របស់​នាយក​ប្រតិបត្តិ​នៃ​ម៉ាក Volkswagen Passenger Cars លោក Ralf Brandstaetter ប្រាប់ទៅកាន់សារព័ត៌មាន Nikkei កាល​ពី​ថ្ងៃ​ពុធ ដែល​ជំរុញ​ដោយ​រោងចក្រ​ថ្មី​មួយ​នៅ​ខេត្ត Anhui។

រោងចក្រខាងលើដែលជាការបណ្តាក់ទុនរួមគ្នាជាមួយក្រុមហ៊ុន Anhui Jianghuai Automobile Co (JAC) របស់ប្រទេសចិន គ្រោងនឹងផលិតរថយន្តអគ្គិសនីចំនួន ៣០០ ០០០ គ្រឿងក្នុងមួយឆ្នាំ ដោយការផលិតនឹងចាប់ផ្តើមនៅឆ្នាំ ២០២៣។

លោក Brandstaetter បាននិយាយថា រួមជាមួយនឹងការផលិតពីរោងចក្របណ្តាក់ទុនរួមគ្នាពីរបន្ថែមទៀត មួយជាមួយ FAW Group និងមួយទៀតជាមួយ SAIC Motor វាគួរតែនាំមកនូវសមត្ថភាពផលិតសរុបដល់ ១លានគ្រឿង។

គួរឲ្យដឹងថា ក្រុមហ៊ុនផលិតរថយន្តអាល្លឺម៉ង់ខាងលើ បានលក់រថយន្តអគ្គិសនី ត្រកូល ID របស់ខ្លួនចំនួន ៧០ ៦២៥ គ្រឿង នៅក្នុងប្រទេសចិន កាលពីឆ្នាំមុន ដោយខុសពីគោលដៅរបស់ខ្លួនក្នុងការលក់រថយន្តពី ៨០ ០០០ ទៅ ១០០ ០០០ គ្រឿង ដោយការផលិតក៏រងផលប៉ះពាល់ដោយសារការផ្ទុះឡើងនៃជំងឺកូវីដ១៩ ក្នុងតំបន់ បន្ថែមពីលើបញ្ហាបន្ទះឈីប ផងដែរ៕

ប្រភព ៖ carscoops

ផ្ទាំងផ្សាយពាណិជ្ជកម្ម

[ទីផ្សារបរទេស] រថយន្តប្រភេទ ស្ព័រ នៅមិនទាន់អស់ផ្លូវដើរនៅឡើយទេ បើទោះបីជាតម្រូវការទីផ្សារបច្ចុប្បន្នកំពុងតែងប់ងល់ជាមួយនឹងរថយន្តប្រភេទ SUV និង ភីកអាប់ក៏ដោយ។ ដោយអ្នកប្រើប្រាស់នៅតែអាចជ្រើសរើសរថយន្តស្ព័រដ៏គួរឲ្យទាក់ទាញ និងមានតម្លៃសមរម្យ។ ខាងក្រោមនេះគឺជារថយន្តស្ព័រ ឡូយៗទាំង ៦ម៉ូដែលមានតម្លៃខ្ទង់ ៣ម៉ឺនដុល្លារ ដែលអ្នកអាចពិចារណាទិញបាន(តម្លៃនៅលើទីផ្សារបរទេស)៖

១) Chevrolet Camaro ៖ ប្រើម៉ាស៊ីនចំណុះ ២,០​ លីត្រ  turbocharged I4 ផលិតកម្លាំងបាន ២៧៥ សេះ មានតម្លៃចាប់ពី ២៥ ០០០ ដុល្លារ

២) Ford Mustang ៖ ប្រើម៉ាស៊ីនចំណុះ ២,៣ លីត្រ turbocharged I4 ផលិតកម្លាំងបាន ៣១០​ សេះ មានតម្លៃចាប់ពី ២៧ ២០៥ ដុល្លារ

៣) Mazda MX-5 Miata ៖ ប្រើម៉ាស៊ីន SkyActiv-G ចំណុះ ២,០ លីត្រ naturally aspirated ផលិតកម្លាំងបាន ១៨១ សេះ មានតម្លៃចាប់ពី ២៦ ៨៣០ ដុល្លារ

៤) Honda Civic Si ៖ ប្រើម៉ាស៊ីនចំណុះ ១,៥ លីត្រ turbocharged I4 ផលិតកម្លាំងបាន ២០២ សេះ​ មានតម្លៃចាប់ពី ២៧ ៣០០ ដុល្លារ

៥) Toyota GR 86 ៖ ប្រើម៉ាស៊ីន aspirated ទំហំ ៤ស៊ីឡាំង​ ប្រភេទ Boxer ផលិតកម្លាំងបាន ២៣៥ សេះ មានតម្លៃចាប់ពី ២៧ ៧០០​ ដុល្លារ

៦) Hyundai Elantra N ៖ ប្រើម៉ាស៊ីនចំណុះ ២,០ លីត្រ turbocharged I4 ផលិតកម្លាំងបាន ២៧៦ សេះ មានតម្លៃចាប់ពី ៣១ ៩០០ ដុល្លារ

ផ្ទាំងផ្សាយពាណិជ្ជកម្ម

[ទីផ្សារបរទេស] ក្រុមហ៊ុន GM បានប្រកាសអំពីលទ្ធផលនៃការលក់រថយន្តជាសកលក្នុងឆ្នាំ ២០២១ ជាមួយចំនួនសរុប ៦ ២៩១ ០០០ គ្រឿង ដែលបានថយចុះ ៧,៨ភាគរយ ស្មើនឹងចំនួន ៦ ៨២៩ ០០០គ្រឿង បើប្រៀបធៀបទៅនឹងឆ្នាំមុន ដែលបណ្តាលមកពីបញ្ហាកង្វះខាតបន្ទះឈីប។

សម្រាប់ការលក់នៅលើទីផ្សារក្នុងឆ្នាំ ២០២១ ប្រទេសចិនបានវ៉ាដាច់អាមេរិកខាងជើង ហើយបានក្លាយជាទីផ្សារលក់ដ៏ធំបំផុតជាលើកដំបូងក្នុងរយៈពេលបីឆ្នាំ។ ទោះជាយ៉ាងណាក៏ដោយ កំណត់ត្រាឆ្នាំ ២០២១ របស់ប្រទេសចិនត្រឹមតែ ២ ៨៩២ ០០០គ្រឿងប៉ុណ្ណោះ។ ហើយវាថយចុះមកត្រឹម ០,៣% ស្មើរ ២៩១ ០០០គ្រឿង ប្រៀបធៀនទៅនឹងឆ្នាំមុន។

បន្ថែមពីនេះទីផ្សារអាស៊ីប៉ាស៊ីហ្វិក មជ្ឈិមបូព៌ា និងអាហ្រ្វិក រួមទាំងប្រទេសចិន លក់បានសរុប ៣ ៣២៤ ០០០គ្រឿងក្នុងឆ្នាំ ២០២១ វាបន្តធ្លាក់ចុះមកត្រឹម ៣,២% ធៀបនឹងឆ្នាំមុន បានចំនួន ៣ ៤៣៤ ០០០គ្រឿង។

ដោយទ្បែកចំពោះការលក់រថយន្តនៅអាមេរិកខាងជើងក្នុងឆ្នាំ ២០២១ បានត្រឹមតែ ២ ៥៧៣ ០០០ គ្រឿងប៉ុណ្ណោះ។ ហើយនេះ​ជា​ឆ្នាំ​ទី​ ៥ ជាប់​ៗគ្នា​នៃ​កំណើន​អវិជ្ជមាន​ដែល​ធ្លាក់​ចុះ ១២% ធៀប​នឹង​ឆ្នាំ​មុនបានចំនួន ២ ៩២៤ ០០០គ្រឿង។

សូមបញ្ជាក់ថា ក្នុងចំណោមរថយន្តថ្មី ២ ៥៧៣ ០០០គ្រឿងដែលបានលក់នៅអាមេរិកខាងជើងមានចំនួន ២ ២១៨ ២២៨ គ្រឿងត្រូវបានលក់នៅសហរដ្ឋអាមេរិក។ វាបានបន្តធ្លាក់ចុះ ១២,៩% បើប្រៀបធៀងទៅនឹងចំនួនលក់ឆ្នាំមុន ២ ៥៤៧ ៣៣៩ គ្រឿង។

លើសពីនេះម៉ាកយីហោ Chevrolet នៃរថយន្តភីកអាប់ Silverado ក៏បានធ្លាក់ចុះ ១០,៨% ផងដែរ មកនៅត្រឹម ៥៩២ ៧៦៥ គ្រឿង។ ហើយម៉ាកយីហោ Cadillac រថយន្ត Escalade បានកើនឡើង ៦៥% បានចំនួន ៤០ ៥០៥ គ្រឿង ហើយរថយន្ត sedan CT4 កើនឡើង ៤៨,៤% បានចំនួន ៧ ២៥៣គ្រឿង៕

ប្រភព៖ response.jp

ផ្ទាំងផ្សាយពាណិជ្ជកម្ម

[ទីផ្សារបរទេស] ក្រុមហ៊ុន Toyota បានប្រកាសត្រៀមចេញលក់ជាផ្លូវការនៃរថយន្ត Toyota Veloz និង Toyota Avanza ស៊េរីឆ្នាំ ២០២២ សម្រាប់ទីផ្សារក្នុងប្រទេសថៃនាថ្ងៃទី ២៤ ខែកុម្ភៈ ឆ្នាំ២០២២នេះ។

សម្រាប់រថយន្ត Toyota Veloz និង Avanza ស៊េរីឆ្នាំ២០២២ ត្រូវបានបង្ហាញខ្លួនក្នុងប្រទេសឥណ្ឌូនេស៊ី នាខែវិច្ឆិកា ឆ្នាំ២០២១កន្លងទៅ ជាមួយការប្រើប្រាស់នៅគ្រោងឆ្អឹង DNGA របស់ក្រុមហ៊ុន Daihatsu។

ផ្នែកខាងក្នុងនៃរថយន្តបានផ្តល់នូវភាពទូលាយ និងកៅអី ៣ជួរ ដោយអាចផ្ទុកនូវសមាជិកចំនួន ៧នាក់។ ក្នុងនោះដែរនៅជួរទី២ អាចធ្វើការបត់រាបស្មើរធ្វើជាកន្លែងសម្រាប់ធ្វើការសម្រាកបានផងដែរ។ រីឯកុងទ័របង្ហាញមានរចនាដោយមានលក្ខណៈស្តង់ដា រួមជាមួយអេក្រង់កម្សាន្តទំហំរហូតដល់ ៩អ៊ីញ។ លើសពីនេះម៉ូឌែល Veloz បានបំបាក់បន្ថែមថ្មីជាមួយកៅអីប្រភេទស្បែក, ភ្លើងលម្អ Ambient lighting, អេក្រង់កម្សាន្តនៅជាប់នឹងដំបូលសម្រាប់អ្នកដំណើរផ្នែកខាងក្រោយ, ម៉ាស៊ីនត្រជាក់ស្វ័យប្រវត្តិ, កន្លែងសាកថ្មឥតខ្សែ, សែនស័រសម្រាប់ជំនួយដល់ការបើកបរ និងប្រព័ន្ធសុវត្តិភាព TSS ស្តង់ដារ។

រថយន្ត Toyota Veloz  ប្រើប្រាស់ម៉ាស៊ីនសាំងចំណុះ ១,៥ លីត្រ ទំហំ ៤ ស៊ីទ្បាំង ផលិតកម្លាំង ១០៦ សេះ និងកម្លាំងរមួល ១៣៧ ញ៉ូតុនម៉ែត្រ ជាមួយនឹងជម្រើសប្រអប់លេខដៃ ៥ វគ្គ និងអូតូ  CVT ។

យ៉ាងណាមិញចំពោះរថយន្ត Toyota Veloz ស៊េរីឆ្នាំ ២០២២ មិនទាន់បានបង្ហាញអំពីតម្លៃនៅទ្បើយទេ ដោយរង់ចាំការប្រកាសជាផ្លូវកានៅថ្ងៃទី ២៤ ខែកុម្ភៈ ឆ្នាំ២០២២៕

ប្រភព៖​ sanook

ផ្ទាំងផ្សាយពាណិជ្ជកម្ម

[ទីផ្សារបរទេស] ក្រុមហ៊ុន Yamaha បានធ្វើប្រកាសចេញលក់នូវម៉ូតូ NMAX 155 ស៊េរីឆ្នាំ ២០២២ ប្រភេទ Scooter ជាមួយនឹងការអាប់ដេតពណ៌ថ្មី សម្រាប់ទីផ្សារប្រទេសឥណ្ឌូនេស៊ី​​។

សម្រាប់ម៉ូតូ Yamaha NMAX 155 ស៊េរីឆ្នាំ ២០២២ មានជម្រើស ៣ ពណ៍ ដូចជា៖ Matte Blue Matte Blue, Matte Green Green និង Shiny Red Metallic Red។

ចំពោះការឌីហ្សាញនៃម៉ូតូ Yamaha NMAX 155 បំពាក់នូវចង្កៀងមុខ-ក្រោយ LED, កុងទ័រឌីជីថល រួមជាមួយនឹងប្រព័ន្ធ Y-Connect ដើម្បីភ្ជាប់ទៅកាន់ស្មាតហ្វូន។ បន្ថែមពីនេះប្រអប់ផ្ទុកឥវ៉ាន់ទំហំធំ, ប្រព័ន្ធសោពីចម្ងាយ និងរន្ធសាកថ្មទូរស័ព្ទ ព្រមទាំងបំពាក់នូវប្រព័ន្ធហ្វាំ្រង ABS មុខ-ក្រោយ ផងដែរ។

ដោយទ្បែកម៉ូតូ Yamaha NMAX 155 ប្រើប្រាស់ម៉ាស៊ីនទំហំ ១ ស៊ីទ្បាំង ជាប្រព័ន្ធស្អំប្រេង air-Cooled ចំណុះ ១៥៥ សេសេ ផលិតកម្លាំង ១៥ សេះ និងកម្លាំងរមួល ១៤,៤ ញ៉ូតុនម៉ែត្រ ភ្ជាប់ជាមួយនឹងប្រអប់លេខអូតូ CVT ។ សូមបញ្ជាក់ថា Yamaha NMAX 155 មិនទាន់បានបង្ហាញអំពីតម្លៃរបស់ម៉ូតូនេះនៅទ្បើយទេ៕

ប្រភព៖ greatbiker

ផ្ទាំងផ្សាយពាណិជ្ជកម្ម