[ទីផ្សារបរទេស] ក្រុមហ៊ុន SYM បានធ្វើការបង្ហាញនូវម៉ូតូ KRB BT 125 ស៊េរីឆ្នាំ២០២២ ប្រភេទ Scooter ជាមួយនឹងរូបរាងស្អាត រឹងមាំ អ្វីដែលពិសេសនោះគឺបំពាក់នូវប្រព័ន្ធហ្វាំ្រង ABS កាន់តែទំនើបខ្លាំងជាងម៉ូតូផ្សេងៗ។

សម្រាប់ម៉ូតូ SYM KRB BT 125 បំពាក់នូវចង្កៀងមុខ LED ជាមួយនឹងភ្លើងជួយបំភ្លឺពេលថ្ងៃ, កុងទ័រឌីជីថល និងព្រមទាំងមានប្រព័ន្ធហ្វាំ្រង ABS ផងដែរ។

បន្ថែមពីនេះ SYM KRB BT 125 មានទំហំប្រវែង ១,៨៥៥ មម, ទទឺង ៧៥៥ មម, កម្ពស់ ១,០៩០ និងកម្ពស់ពីដីមកកែបម៉ូតូ ៧៨០ មម។ ហើយធុងសាំងរបស់វាអាចផ្ទុកបានដល់ចំណុះ ៥,៥ លីត្រ ផងដែរ។

ម៉ូតូ SYM KRB BT 125 ប្រើប្រាស់ម៉ាស៊ីនទំហំ ១ស៊ីទ្បាំង ជាប្រព័ន្ធស្អំប្រេង air-coolded ចំណុះ ១២៥ សេសេ ផលិតកម្លាំង ៧,៣ សេះ និងកម្លាំងរមួល ១០,៧ ញ៉ូតុនម៉ែត្រ ភ្ជាប់ជាមួយនឹងប្រអប់លេខអូតូ CVT។

សូមបញ្ជាក់ថាក្រុមហ៊ុន SYM  ដែលជាផលិតម៉ូតូមកពីតៃវ៉ាន់ក្នុងការបង្ហាញម៉ូតូថ្មីរបស់ខ្លួន ស្របពេលជាមួយនឹងការតាំងពិរពណ៌ EICMA ដែលធ្វើឡើងនៅទីក្រុង Milan ប្រទេសអ៊ីតាលី កាលពីកន្លងទៅនេះ៕

ប្រភព៖ ardiantoyugo

ផ្ទាំងផ្សាយពាណិជ្ជកម្ម

[ទីផ្សារបរទេស] ជាច្រើនឆ្នាំជាប់ៗគ្នា ទីផ្សារអាស៊ីអាគ្នេយ៍គឺជាទីផ្សារមួយដែលប្រើប្រាស់នូវរថយន្តភីកអាប់ច្រើនជាងគេ ដោយក្នុងនោះមាន Toyota Hilux, Isuzu D-Max និងFord Ranger ។ ខណៈពេល Hilux និង D-Max គ្រប់គ្រង​តំណែង​​ក្នុង​រយៈពេល​ជាច្រើន​ឆ្នាំ​ចាប់ពី​ឆ្នាំ ២០១៧ ដល់​បច្ចុប្បន្ន។

យោងតាមគេហទំព័រ Focus2move បានធ្វើការនូវប្រមូលទិន្នន័យលក់ពីទីផ្សារក្នុងតំបន់អាស៊ីអាគ្នេយ៍ (អាស៊ាន) រួមមានប្រ៊ុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន ថៃ និងវៀតណាម។ ក្នុង​នោះ ម៉ូដែល​រថយន្ត​លក់​ដាច់​បំផុត​ទាំង ១០ នៅ​អាស៊ាន​ក្នុង​ឆ្នាំ ២០២១ រួម​ទាំង​ម៉ូដែល​ជប៉ុន ៧ ម៉ូដែល ម៉ាឡេស៊ី ២ ម៉ូដែល និង​អាមេរិក ១ ម៉ូឌែល។ ខាងក្រោមនេះជារថយន្តទាំង១០ដែលលក់ដាច់ជាងគេនៅក្នុងតំបន់អាស៊ីអាគ្នេយ៍៖

១. Toyota Hilux  លក់រថយន្តបានចំនួន ១៧៦,០៦២ គ្រឿង ចំណែកទីផ្សារ ៦,២%

២. Isuzu D-Max លក់រថយន្តបានចំនួន ១៦៣,១៣៧ គ្រឿង ចំណែកទីផ្សារ ៥,៦%

៣. Honda City  ដោយលក់រថយន្តបានចំនួន ៨៨,៥៩០ គ្រឿង ដែលមានចំណែកទីផ្សារ ៣%

៤. Mitsubishi Xpander លក់រថយន្តបានចំនួន ៨៥,២៩៦ គ្រឿង  ដែលមានចំណែកទីផ្សារ ២,៩%

៥. Toyota Vios  លក់​រថយន្តបាន​ចំនួន ៨៥,០៤៧ គ្រឿង ដែល​មាន​ចំណែក​ទីផ្សារ ២,៩%

៦. Perodua Myvi  លក់រថយន្តបានចំនួន ៨២,៣៥១ គ្រឿង ដែលមានចំណែកទីផ្សារ ២,៨%

៧. Toyota Rush លក់រថយន្តបានចំនួន ៦៨,៦៨៧ គ្រឿង ដែលមានចំណែកទីផ្សារ ២,៤%

៨. Ford Ranger លក់រថយន្តបានចំនួន ៦៧,៥៧៥ គ្រឿង ដែលមានចំណែកទីផ្សារ ២,៣%

៩. Perodua Axia លក់រថយន្តបានចំនួន ៦៧,២៦៧ គ្រឿង ដែលមានចំណែកទីផ្សារ​ ២,៣%

១០. Toyota Fortuner លក់រថយន្តបានចំនួន ៦៤,០៩៣ គ្រឿង ដែលមានចំណែកទីផ្សារ ២,២%

ផ្ទាំងផ្សាយពាណិជ្ជកម្ម

[ទីផ្សារបរទេស] ដំណឹងចចាមអារ៉ាមនិងរូបភាពបានលេចចេញកាលពីថ្មីៗនេះ បាននិយាយថាក្រុមហ៊ុន Tank ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនរថយន្តចិន Great Wall Motor កំពុងអភិវឌ្ឍន៍​រថយន្ត SUV ខ្នាតតូចដើម្បីប្រកួតប្រជែងនឹងរថយន្ត Suzuki Jimny ដែលរថយន្តនោះមានឈ្មោះថា Tank 100។

យ៉ាងណាក្ដីផ្អែកតាមប្រភពពីសារព័ត៌មានចិនបានឲ្យដឹងថារូបភាពនៃរថយន្ត Tank 100 ដែលបានចែកចាយ​តាមវិបសាយ​គឺ​គ្រាន់តែ​ជា​រូបភាព​ Render តែប៉ុណ្ណោះ ហើយរូបភាពដែលបានចែករំលែកតៗគ្នាគឺជារូបភាពដែលបានចេញផ្សាយតាំងពីឆ្នាំមុនមកម្ល៉េះ។

អ្នកផលិតរូបភាពនេះឡើង បាននឹកស្រមៃដល់រថយន្ត Suzuki Jimny ស៊េរីថ្មី និងបានប្រើប្រាស់​កម្មវិធីកាត់ត​ដើម្បីបន្ថែមផ្នែកមួយចំនួនដែលជាអត្តសញ្ញាណរបស់ក្រុមហ៊ុនរថយន្ត Tank។

ក្រុមហ៊ុន Tank នាពេលនេះ​មាន​ផលិតផលរថយន្តចំនួនពីរគឺ Tank 300 និង Tank 500 ដោយរថយន្ត Tank 300 ត្រូវបានចាត់ទុកជាគូប្រជែងរបស់ Ford Bronco ខណៈដែលរថយន្ត Tank 500 ត្រូវបានចាត់ទុកជាគូប្រជែងរបស់ Toyota Land Cruiser៕

ផ្ទាំងផ្សាយពាណិជ្ជកម្ម