ក្រុមហ៊ុន Sony កំពុងស្វែងរកដៃគូបច្ចេកវិទ្យាថ្មីៗ ដើម្បីជួយក្នុងការចូលប្រឡូកទៅក្នុងទីផ្សាររថយន្តអគ្គិសនី ក្រោមក្រុមហ៊ុន Sony Mobility Inc. ដែលនឹងចាប់ផ្តើមនៅនិទាឃរដូវ ឆ្នាំ ២០២២។

ដំណឹងនេះត្រូវបានចែករំលែកទៅកាន់សារព័ត៌មាន Reuters ដោយនាយកប្រតិបត្តិក្រុមហ៊ុន Sony ដែលបាននិយាយថា គោលដៅរបស់ពួកគេគឺ “ផ្លាស់ប្តូររថយន្តពី ម៉ាស៊ីនដឹកជញ្ជូន ទៅជាកន្លែងសម្រាប់កម្សាន្ត”។

លោក Izumi Kawanishi ដែលទទួលបន្ទុកផ្នែក AI Robotics របស់ក្រុមហ៊ុន Sony ហើយនឹងទទួលបន្ទុកលើក្រុមហ៊ុន Sony Mobility Inc. ឆាប់ៗនេះ បាននិយាយថា អ្វីដែលកំពុងកើតឡើងជាមួយរថយន្តអគ្គិសនីនាពេលបច្ចុប្បន្ននេះ គឺស្រដៀងគ្នាទៅនឹងការបំប្លែងទូរសព្ទទៅជាស្មាតហ្វូន ដោយមានជំនួយពីបច្ចេកវិទ្យាព័ត៌មាន ដូចកាលទសវត្សរ៍ឆ្នាំ ២០០០” ។

គួរឲ្យដឹងថា ថ្មីៗនេះក្រុមហ៊ុន Sony បានដាក់បង្ហាញគំរូរថយន្តអគ្គិសនី Vision-S 02 នៅក្នុងកម្មវិធី CES 2022 ក្រោយពីបង្ហាញចេញនូវរថយន្តអគ្គិសនី Vision-S 01 កាល CES 2020។

គំរូរថយន្តទាំងពីរនេះត្រូវបានបង្កើតឡើងដោយ Magna Steyr នៅប្រទេសអូទ្រីស ដែលមានបទពិសោធន៍ច្រើន។ ក្រុមហ៊ុនផ្សេងទៀតដែលជួយក្នុងការរចនា និងអភិវឌ្ឍរថយន្ត Sony រួមមាន Bosch, Valeo និង Almotive ផងដែរ៕

ផ្ទាំងផ្សាយពាណិជ្ជកម្ម

[ទីផ្សារបរទេស] រថយន្ត Suzuki Celerio ស៊េរីឆ្នាំ២០២២  បានធ្វើការចេញលក់ជាផ្លូវ ជាមួយតម្លៃចាប់ពី ៧,០៧០ដុល្លារ សម្រាប់ទីផ្សារនៅក្នុងប្រទេសវៀតណាម។

សម្រាប់រថយន្ត Suzuki Celerio មានប្រវែង ៣,៦៩៥ មម, កម្ពស់ ១,៥៥៥, ទទឹង ១,៦៥៥ មម និងប្រវែងគម្លាតពីកង់មុខ-ក្រោយ ២,៤៣៥ មម។

បន្ថែមពីនេះវាបានមពាក់នូវ ប៉ាណាមុខថ្មី, អំពូលកាត់អ័ព្ទ, អេក្រង់ប្រព័ន្ធកម្សាន្ត ទំហំ ៧ អ៊ីញ ភ្ជាប់ជាមួយនឹង Apple CarPlay, Android Auto ជាមួយនឹង Smartphone navigation ។

រថយន្ត Suzuki Celerio ប្រើប្រាស់ម៉ាស៊ីសាំង K10C ចំណុះ ១,០ លីត្រ ផលិតកម្លាំង ៦៥សេះ ។ ខណៈដែល option CNG ផលិតកម្លាំង ៥៦សេះ និងកម្លាំងរមួល ៨២.‌១ញ៉ូតុនម៉ែត្រ។

ដោយទ្បែកកម្រិតនៃការប្រើប្រាស់សាំងនៃរថយន្ត Suzuki Celerio ដោយស៊ីសាំង ៣,៧ លីត្រ សម្រាប់ការបើកបរចម្ងាយ ១០០គីទ្បូម៉ែត្រ។

យ៉ាងណាមិញចំពោះរថយន្ត Suzuki Celerio មានតម្លៃចាប់ពី ៧ ០០០ដុល្លារ សម្រាប់ទៅផ្សារប្រទេសថៃ៕

ប្រភព៖ Tinmoi

ផ្ទាំងផ្សាយពាណិជ្ជកម្ម

[ទីផ្សារបរទេស] ក្រុមហ៊ុន Honda បានធ្វើការបញ្ចេញនូវម៉ូតូ Wave Alpha 110 ស៊េរីឆ្នាំ២០២២ សម្រាប់ទីផ្សារក្នុងប្រទេសវៀតណាម។

សម្រាប់ម៉ូតូ Honda Wave Alpha 110 ប្រើប្រាស់ម៉ាស៊ីនទំហំ ១ស៊ីទ្បាំង ចំណុះ ១១០ សេសេ ជាមួយប្រព័ន្ធស្អំប្រេង air-cooled ផលិតកម្លាំង ៨,២ សេះ និងកម្លាំង ៨,៤ ញ៉ូតុនម៉ែត្រ ភ្ជាប់ជាមួយនឹងចង្កឹះលេខ ៤ វគ្គ ។ បន្ថែមពីនេះកម្រិតនៃការប្រើប្រាស់សាំងត្រឹមតែ ១,៩ លីត្រប៉ុណ្ណោះអាចជិះបានចម្ងាយ ១០០ គីឡូម៉ែត្រ។

យ៉ាងណាមិញចំពោះម៉ូតូ Honda Wave Alpha 110  មានតម្លៃ ៧៩០ ដុល្លារសម្រាប់ទីផ្សារនៅក្នុងប្រទេសវៀតណាម៕

ប្រភព៖ greatbiker

ផ្ទាំងផ្សាយពាណិជ្ជកម្ម

[ទីផ្សារបរទេស] ក្រុមហ៊ុន BMW ដែលជាម៉ាករថយន្តប្រណិតរបស់អាឡឺម៉ង់កំពុងបញ្ចប់ការលក់រថយន្តដែលប្រើប្រាស់ម៉ាស៊ីន V12 ដែលមានអាយុកាលរយៈពេល ៣៦ ឆ្នាំ ជាមួយនឹងការផ្លាស់ប្តូរក្នុងការអភិវឌ្ឍន៍ម៉ាស៊ីនតូចជាងមុន ដើម្បីទៅរករថយន្តអគ្គិសនីសុទ្ធវិញ។

បច្ចុប្បន្ននេះ BMW ផ្តល់ជូនម៉ាស៊ីន V12 តែមួយគត់នៅក្នុងត្រកូល 7 Series រួមមាន M760i xDrive និង long-wheelbase M760Li xDrive ដែលជាម៉ាស៊ីនសាំង ៦,៦ លីត្រ twin-turbocharged ផលិតកម្លាំង ៦១០ សេះ និង កម្លាំងរមួល ៨០០ ញ៉ូតុនម៉ែត្រ បញ្ជូនថាមពលទៅកាន់កង់ទាំងបួនជាមួយនឹងប្រព័ន្ធ xDrive អាចបង្កើនល្បឿនពី ០-១០០ គីឡូម៉ែត្រក្នុងមួយម៉ោងត្រឹមតែ ៣,៨ វិនាទី។

សម្រាប់រថយន្ត BMW 7 Series បច្ចុប្បន្ន​ដែល​មាន​លេខ​តួ G11 និង G12 នឹង​ត្រូវ​ឈប់​ផលិត​នៅ​ខែ​មិថុនាខាងមុខនេះ មុន​នឹង​ចាប់​ផ្ដើម​ផលិត​រថយន្តជំនាន់​ថ្មី​ដោយ​ប្រើ​លេខ​តួ G70 ក្នុង​ខែ​កក្កដាបន្ត​ដោយមិនមានជម្រើសម៉ាស៊ីន V12 ទៀតទេ ហើយ M760i xDrive និង M760Li xDrive នឹងក្លាយជារថយន្ត BMW ចុងក្រោយដែលបំពាក់ម៉ាស៊ីន V12 ចេញរោងចក្រ។

បន្ថែមពីនេះម៉ាស៊ីនដ៏ធំបំផុតដែលនឹងត្រូវបានដំឡើងនៅក្នុងរថយន្ត BMW 7 Series ស៊េរីថ្មី លេខតួ G70 នឹងក្លាយជាម៉ាស៊ីន Twin-Turbo V8 ចំណុះ ៤,៤លីត្រ នៅតែមិនមែនជាម៉ាស៊ីនខ្លាំងបំផុតក្នុងត្រកូល 7 Series នោះទេ។ ប៉ុន្តែមានពាក្យចចាមអារ៉ាមថា រថយន្តនេះនឹងក្លាយជារថយន្តប្រភេទ Plug-in Hybrid បំពាក់ជាមួយម៉ាស៊ីនទំហំ ៦ស៊ីឡាំង ឬប្រើប្រាស់អគ្គិសនីសុទ្ធ។

ទន្ទឹមនឹងនេះរថយន្ត Rolls-Royce ដែលជាផ្នែកមួយរបស់ BMW Group បន្តធ្វើទីផ្សារម៉ាស៊ីន V12 របស់ខ្លួន រួមទាំងប្រភេទ Wraith និង Dawn បំពាក់ម៉ាស៊ីនចំណុះ ៦,៦ លីត្រ ហើយ Phantom, Ghost និង Cullina ត្រូវបានបំពាក់ដោយម៉ាស៊ីនចំណុះ ៦,៧៥ លីត្រ ហើយវាមិនទាន់ដឹងថាពេលណាម៉ូឌែលទាំងពីរនឹងត្រូវដកចេញពីត្រកូល Rolls-Royce នោះទេ។ ប៉ុន្តែ​វា​ត្រូវ​បាន​គេ​រំពឹង​ថា​នឹង​កើត​ឡើង​មិន​លើស​ពី​ឆ្នាំ ២០៣០ ឡើយ៕

 ប្រភព៖ Sanook

ផ្ទាំងផ្សាយពាណិជ្ជកម្ម