[ទីផ្សារបរទេស] យោងតាមបណ្តាញសង្គម Twitter របស់លោក Jim Farley នាយកប្រតិបត្តិ ក្រុមហ៊ុន Ford បានបង្ហោះថា តារាភាពយន្តហូលីវូដ Dwayne Johnson (The rock) កំពុងតែរង់ចាំយ៉ាងអន្ទះសារចំពោះរថយន្ត Ford F-150 Lightning ” តាមមើលទៅគាត់បានបញ្ជាទិញវាតាំងពីការកក់លើកដំបូង”។ តារាសម្តែងវ័យ ៤៩ ឆ្នាំរូបនេះក៏បានលើកឡើងផងដែរថាគាត់ជាម្ចាស់ រថយន្ត Ford F-350 Super Duty ហើយតែងតែចាប់អារម្មណ៍លើរថយន្តភីកអាប់ Ford ផងដែរ។

ក្រៅពី Dwayne Johnson នៅមានតារាម្នាក់ទៀតដែលបច្ចុប្បន្នកំពុងចាប់អារម្មណ៍យ៉ាងខ្លាំងចំពោះ រថយន្ត Ford F-150 Lightning គឺលោក Arnold Schwarzenegger ហើយ លោក Jim Farley បាននិយាយថា “Arnold Schwarzenegger មានការរំភើបនៅពេលដែលខ្ញុំត្រូវបានអញ្ជើញឱ្យចូលរួមក្នុងទទួលយកបទពិសោធន៍ផ្ទាល់នៅលើរថយន្ត Ford F-150 Lightning” ។

សម្រាប់ Ford F-150 Lightning គឺជារថយន្តភីកអាប់អគ្គិសនីសុទ្ធដំបូងបង្អស់របស់ក្រុមហ៊ុនផលិតរថយន្តអាមេរិក ជាមួយនឹងតម្លៃចាប់ផ្តើម ៣៩ ៩៧៤ ដុល្លារ ហើយនៅពេលអនុវត្តការលើប្រាក់លើកទឹកចិត្តពីរដ្ឋាភិបាលចំនួន ៧,៥០០ ដុល្លារ ធ្វើអោយអតិថិជនត្រូវចំណាយត្រឹមតែ ៣២ ៤៧៤ ដុល្លារប៉ុណ្ណោះ។

រហូតមកដល់ពេលនេះ ក្រុមហ៊ុន Ford បានទទួលការបញ្ជាទិញជាមុនជាង ២០០ ០០០ គ្រឿងសម្រាប់ F-150 Lightning ដែលបង្ហាញពីភាពទាក់ទាញដ៏អស្ចារ្យនៃរថយន្តភីកអាប់អគ្គិសនីនេះ។

ទោះជាយ៉ាងណាក៏ដោយ បញ្ហានេះបានធ្វើឱ្យក្រុមហ៊ុន Ford ផ្អាកការបញ្ជាទិញជាបណ្តោះអាសន្ននូវ F-150 Lightning ដោយសារតែចំនួនអ្នកទិញច្រើន និងមិនគ្រប់សម្រាប់ផលិត៕

ផ្ទាំងផ្សាយពាណិជ្ជកម្ម

[ទីផ្សារបរទេស] ម៉ូតូ Yamaha Fazzio 125 Hybrid ដែលទើបតែដាក់លក់នៅក្នុងប្រទេសឥណ្ឌូនេស៊ី បានទទួលនូវការលក់ចេញដល់ចំនួន ១០០០ គ្រឿង ដោយប្រើពេលត្រឹមតែ ៥ម៉ោង ដោយវាបានបានបង្ហាញនូវដ៏ល្អក្នុងការឈានទៅរកការជោគជ័យដ៏ខ្លាំងក្លានាពេលអនាគត។

លទ្ធផលនេះគឺជាការចាប់ផ្តើមដ៏ល្អមួយសម្រាប់ Yamaha ក្នុងចេញលក់ម៉ូតូនេះ បន្ទាប់ពីម៉ូឌែល Fino កំពុងឈានជើងចេញពីទីផ្សារ បន្ទាប់ពីជំនួសថ្មីដោយ Fazzio ដែលត្រូវបានឌីស្សាញថ្មីកាន់តែស្ព័រ និងសន្សំសំចៃ ដែលជំរុញអោតអតិថិជនកាន់តែចាប់អារម្មណ៍។

សម្រាប់ម៉ូតូ Yamaha Fazzio 125 Hybrid បានបំពាក់មកជាមួយចង្កៀងមុខ LED, កុងទ័រឌីជីថល អាចភ្ជាប់ទៅកម្មវិធី Y-Connect នៅលើទូរស័ព្ទ, ប្រព័ន្ធសោរពីចម្ងាយឆ្លាតវៃ, រន្ធសាកថ្មស្មាតហ្វូន និងប្រអប់ផ្ទុកឥវ៉ាន់នៅក្រោមកៅអីទហំ ១៧,៨ លីត្រផងដែរ។

ម៉ូតូ Yamaha Fazzio 125 Hybrid ប្រើប្រាស់ម៉ាស៊ីន Bluecore ចំណុះ ១២៥ សេសេ ផលិតកម្លាំង ៨,៣ សេះ និងកម្លាំងរមួល ១០,៦ ញ៉ូតុនម៉ែត្រ ដំណើរការជាមួយនឹងប្រព័ន្ធ Electric Power Assist Start ដើម្បីធ្វើឱ្យការបង្កើនល្បឿនអំឡុងពេលចាប់ផ្តើមមានភាពល្អប្រសើរ និងរលូនជាងមុន។

នៅលើទីផ្សារប្រទេសឥណ្ឌូនេស៊ី ម៉ូតូ Yamaha Fazzio 125 Hybrid មានតម្លៃចាប់ពី ១ ៥១៧ដុល្លារឡើងទៅ៕

ប្រភព៖ greatbiker

ផ្ទាំងផ្សាយពាណិជ្ជកម្ម

[ទីផ្សារបរទេស] ក្រុមហ៊ុន Honda បានធ្វើការបញ្ចេញនូវម៉ូតូម៉ូឌែល Genio ស៊េរីឆ្នាំ២០២២ ប្រភេទ Scooter ជាមួយនឹងពណ៍ថ្មី និងរូបរាងស្អាត ងាយស្រួលធ្វើដំណើរក្នុងទីក្រុង សម្រាប់ទីផ្សារនៅក្នុងប្រទេសឥណ្ឌូនេស៊ី។

សម្រាប់ម៉ូតូ Honda Genio  នឹងមានពណ៌ស ខ្មៅ ក្រហម និងត្នោត រួមជាមួយនឹងគំរូរូបរាងនៅលើម៉ូតូ ដែលត្រូវបានចាត់ទុកថាជា retro ។ ខណៈពេលដែលស៊ុមគឺជា eSAF ទម្ងន់ស្រាល ប៉ុន្តែមានភាពធន់ខ្ពស់ ហើយកង់ខាងមុខ-ក្រោយមានទាំងទំហំ ១៤ អ៊ីង។

បន្ថែមពីនេះ Honda Genio បានបំពាក់នូវចង្កៀងភ្លើង LED, U-Box នៅក្រោមកៅអីម៉ូតូ សម្រាប់ទុកដាក់អីវ៉ាន់ផ្សេងៗ ជាមួយនឹងរន្ធសាកថ្មស្មាតហ្វូន និងកុងទ័រឌីជីថល។ ព្រមទាំង មានប្រព័ន្ធហ្វ្រាំង CBS ដែលធ្វើឲ្យមានតុល្យភាពរវាងហ្វ្រាំងនៅកង់ខាងមុខ-ក្រោយ ផងដែរ។

ម៉ូតូ Honda Genio ប្រើប្រាស់ម៉ាស៊ីនទំហំ ១ស៊ីទ្បាំង ចំណុះ ១១០ សេសេ ផលិតកម្លាំង ៩សេះ និងកម្លាំងរមួល ៩,៣ ញ៉ូតុនម៉ែត្រ។ ហើយម៉ាស៊ីនរបស់វាដូចគ្នាទៅនឹងម៉ូតូ Scoopy ផងដែរ។

យ៉ាងណាមិញចំពោះម៉ូតូ Honda Genio សេ៊រីឆ្នាំ២០២២ មិនទាន់មានសារព័ត៌ណាបង្ហាញអំពីតម្លៃនៅទ្បើយទេ៕

 ប្រភព៖ greatbiker

ផ្ទាំងផ្សាយពាណិជ្ជកម្ម

[ទីផ្សារបរទេស] ក្រុមហ៊ុន Dongfeng ប្រទេសចិននឹងធ្វើការ​ដឹក​ជញ្ជូនរថយន្ត​ DFSK Glory 560 ចំនួន ១០០ ​គ្រឿង​ដំបូង ទៅកាន់អតិថិជន ​ក្នុង​ខែ​មករា​ឆ្នាំ២០២២នេះ។

ក្រុមហ៊ុន EV Halyconic បានប្រកាសថានឹងត្រៀមខ្លួនរួចជាស្រេចក្នុងការចែកចាយរថយន្តប្រភេទ SUV ស៊េរីថ្មី DFSK Glory 560 ចំនួន ១០០ គ្រឿងដំបូងដល់អតិថិជនថៃក្នុងខែមករានេះដើម្បីគាំទ្រសេវាកម្មក្រោយពេលលក់ជាមួយនឹងកញ្ចប់ថែទាំដោយឥតគិតថ្លៃរយៈពេល ៥ ឆ្នាំ ឬ ១០០០,០០០ គីឡូម៉ែត្រ។

ចំពោះការឌីហ្សាញខាងក្រៅវិញ រថយន្ត DFSK Glory 560 បានបំពាក់ដោយចង្កៀងមុខ អំពូលបំភ្លឺពេលថ្ងៃ ចង្កៀងកាត់អ័ព្ទខាងមុខ និងក្រោយប្រភេទ LED, ដំបូលបើកខាងលើ Panoramic Sunroof និងយ៉ាន់ស្ព័រទំហំ ១៧ អ៊ីញ។ បន្ថែមពីនេះរថយន្ត DFSK Glory 560 ក៏បំពាក់នូវអេក្រង់ប្រព័ន្ធកម្សាន្ត HD ៨ អ៊ីញ, ប្រព័ន្ធ GPS, ប្រព័ន្ធហ្វ្រាំងដៃអគ្គិសនី និងKeyless Entry។

លើសពីនេះរថយន្ត DFSK Glory 560 ក៏បានបំពាក់នូវប្រព័ន្ធសុវត្ថិភាពដូចជា៖ EPS Stability Control, TCS Traction Control Styem, EBA Brake Assis, ABS/EBD Braking Styem, Park Sensor, Dual Front Airbags និងប្រព័ន្ធព្រមានសម្រាប់ខ្សែក្រវ៉ាត់កៅអីខាងមុខផងដែរ។

រថយន្ត DFSK Glory 560 ប្រើប្រាស់ម៉ាស៊ីន​សាំង ១,៥លីត្រ Turbo ផលិតកម្លាំង ១៥០ សេះ និងកម្លាំងរមួល ២២០​​ ញ៉ូតុនម៉ែត្រ រត់ដោយកង់ខាងមុខ ជាមួយប្រអប់លេខអូតូ CVT ។ យ៉ាងណាមិញចំពោះ DFSK Glory 560 ស៊េរីឆ្នាំ២០២២ មានតម្លៃចាប់ពី ២២ ៦៨៥ ដុល្លារឡើងទៅ៕

ប្រភព៖ Sanook

ផ្ទាំងផ្សាយពាណិជ្ជកម្ម