[ទីផ្សារបរទេស] រថយន្ត Mini Cooper SE បានបិទបញ្ចប់ទំព័រឆ្នាំ២០២១ របស់ក្រុមហ៊ុន Mini ជារថយន្តពេញនិយមជាងគេ ដែលបង្ហាញថា Mini សម្រេចចិត្តមិនខុសនោះទេក្នុងការផ្លាស់ខ្លួនទៅជាក្រុមហ៊ុនរថយន្តអគ្គិសនីសុទ្ធនៅក្នុងឆ្នាំ២០៣០។

ចំនួនលក់របស់ Mini នៅទូទាំងពិភពលោកបានកើនឡើង ៣,៣% ដែលមានសរុប ៣០២ ១៤៤គ្រឿង ប៉ុន្តែអ្វីដែលរីកចម្រើនខ្លាំង​ជាងគេគឺរថយន្តប្រើថាមពលអគ្គិសនីដែលមានកំណើន ៦៤,៣% ធៀបនឹងចំនួនលក់កាលពីឆ្នាំ២០២០ ឡើងដល់ ៥៣ ២៤៣គ្រឿង។

ទន្ទឹមនឹងនោះផងដែររថយន្តអគ្គិសនីសុទ្ធ Cooper SE មានកំណើនការលក់រហូតដល់ ៩៨,២% អាចលក់ចេញបានសរុប ៣៤ ៨៥១គ្រឿង។ រថយន្ត Mini Cooper SE Countryman ALL4 ជាប់ជារថយន្តប្រើថាមពលអគ្គិសនីលក់ដាច់លំដាប់ទីពីរជាមួយចំនួនលក់ ១៨ ៣៩២គ្រឿង ដែលមានកំណើន ២៤,២% ធៀបនឹងឆ្នាំចាស់។

អាល្លឺម៉ង់គឺជាទីផ្សារធំជាងគេសម្រាប់ Mini Cooper SE ជាមួយចំនួនលក់ជាង ១ម៉ឺនគ្រឿង ខណៈដែលប្រទេសអ៉ីស្លង់ឃើញមានកំណើនចំនួនលក់រថយន្តអគ្គិសនីរហូតដល់ ១០០% ដោយសារវាជាប្រទេសដំបូងគេដែល Mini ប្រើយុទ្ធសាស្ត្រលក់តែរថយន្តអគ្គិសនីសុទ្ធ៕

ផ្ទាំងផ្សាយពាណិជ្ជកម្ម

[ទីផ្សារបរទេស] កាលពីពេលថ្មីៗនេះ មានព័ត៌មានពីប្រទេសឥណ្ឌូនេស៊ី បាននិយាយថា Click 160 នឹងមានបំពាក់មកជាមួយហ្វ្រាំងឌីសបន្ថែមនៅខាងក្រោយ ដែលនេះមានន័យថា ម៉ូតូស្កូតឺនេះ នឹងមានហ្វ្រាំងឌីសទាំងខាងមុខ និងខាងក្រោយ។ ខណៈពេលម៉ូឌែលបច្ចុប្បន្ននេះបំពាក់តែហ្វ្រាំងឌីសខាងមុខប៉ុណ្ណោះ ដោយខាងក្រោយបំពាក់ហ្វ្រាំងតាំបួ។

ជាក់ស្តែងសម្រាប់ថាមពលម៉ាស៊ីននៃម៉ូតូ Click 160 នឹងត្រូវបានវំពឹងថាម៉ូតូនេះនឹងបំពាក់ដោយម៉ាស៊ីន eSP + ចំណុះ ១៥៧ សេសេ ដែលត្រូវបានអភិវឌ្ឍន៍ទៅលើកម្លាំង និងការសន្សំសំចៃប្រេង ដើម្បីជួយបំពេញតម្រូវការរបស់អ្នកប្រើប្រាស់។

ចំពោះការរចនាវិញ គេរំពឹងថា Click 160 នឹងនៅតែផ្អែកលើការរចនារបស់ Click 150 ស៊េរីឆ្នាំ២០២១ ជាមួយនឹងរូបរាងបែបស្ព័រ និងទំនើបដោយបំពាក់ដោយភ្លើង LED និងកុងទ័រឌីជីថល LCD ផងដែរ។

ទោះជាយ៉ាងណាក៏ដោយតួរគ្រោងដែលប្រើនៅលើ Click 160 នឹងក្លាយជាតួរគ្រោងប្រភេទថ្មីដែលក្រុមហ៊ុន Honda បានប្រើប្រាស់លើម៉ូដែលម៉ូតូស្កូតឺជាច្រើនដោយសារគុណសម្បត្តិនៃស្ថេរភាព និងទម្ងន់ស្រាលរបស់វា។

យ៉ាងណាមិញបច្ចុប្បន្ន Honda Click 160 កំពុង​ត្រូវ​បាន​ដាក់​លក់​ក្នុង​ទីផ្សារ​ប្រទេស​វៀតណាម​ជា​ម៉ូដែល​ដែល​នាំ​ចូល​ពី​ប្រទេស​ថៃ​ ​មានជម្រើស ២ ម៉ូឌែល Honda Click 125cc និង 150cc មានតម្លៃចាប់ពី ២,៧៣៦ ដុល្លារ និង ៣,៧៩៦ ដុល្លារសម្រាប់ទីផ្សារនៅវៀតណាម៕

ប្រភព៖ 24h

ផ្ទាំងផ្សាយពាណិជ្ជកម្ម

[ទីផ្សារបរទេស] ក្រុមហ៊ុនផលិតម៉ូតូតៃវ៉ាន់ SYM បានធ្វើការបញ្ចេញនូវម៉ូតូប្រភេទ Big Scooter ម៉ូឌែល Joyrdie 300 ស៊េរីឆ្នាំ២០២២ ដោយប្រើប្រាស់ម៉ាស៊ីនដូចទៅនឹងម៉ូតូ GPX Drone 300ផងដែរ។

សម្រាប់ម៉ូតូ SYM Joyride 300 ប្រើប្រាស់ម៉ាស៊ីនចំណុះ ២៨០ សេសេ ផលិតកម្លាំង ២៦ សេះ និងកម្លាំងរមួល ២៦ ញ៉ូតុនម៉ែត្រ ព្រមទាំងបំពាក់នូវកង់ខាងមុខទំហំ ១៥ អ៊ីង និងក្រោយទំហំ ១៤ អ៊ិញ។

បន្ថែមពីនេះ ម៉ូតូ SYM Joyride 300 បានបំពាក់នូវចង្កៀង LED, កុងទ័រឌីជីថល LCD ជាមួយនឹងប្រព័ន្ធតេលេបញ្ជាសោរពីចម្ងាយ។ លើសពីនេះវាក៏មានរន្ធ USB 2.0  និងប្រអប់ដាក់ឥវ៉ាន់ក្រោមកៅអីអាចដាក់មួកសុវត្ថិភាពបាន ២ ផងដែរ។

យ៉ាងណាមិញចំពោះតម្លៃនៃម៉ូតូ SYM Joyride 300 ស៊េរីឆ្នាំ២០២២ មិនទាន់បានបញ្ជាក់ជាផ្លូវការនៅទ្បើយទេ៕

ប្រភព៖ greatbiker

ផ្ទាំងផ្សាយពាណិជ្ជកម្ម

[ទីផ្សាបរទេស] ថ្មីៗនេះក្រុមហ៊ុន Toyota និង Daihatsu បានផ្អាកដំណើរការផលិតរថយន្តនៅរោងចក្រក្នុងស្រុកមួយចំនួនដោយសារមានបុគ្គលិកឆ្លងជំងឺវីរុសកូវីត១៩ បំលែងខ្លួនថ្មី SARS-CoV-2 ។ នេះបើតាមយោងការចុះផ្សាររបស់សារព័ត៌មាន response.jp នៅថ្ងៃទី២០ ខែមករា ឆ្នាំ២០២២ នេះ។

នៅរោងចក្រ Tsutsumi របស់ក្រុមហ៊ុន Toyota  ដែលផលិតរថយន្ត Corolla Sport និង Camry មានបុគ្គលិកប្រុសចំនួន ១៤ នាក់ត្រូវបានគេរកឃើញថាមានផ្ទុកមេរោគ។ ចាប់ពីថ្ងៃទី ១៩ ដល់ថ្ងៃទី ២២ ខែមករា សង្វាក់ផលិតកម្មទីពីររបស់រោងចក្រនឹងត្រូវផ្អាក។

នៅរោងចក្រទីពីររបស់ Daihatsu នៅ Shiga បុគ្គលិកជាង ៣០ នាក់បានឆ្លងមេរោគ។ សម្រាប់វេនយប់នៅរោងចក្រ Shiga ក្នុងខេត្ត Shiga ដែលផលិត Rocky, Rise, Tanto , Chiffon និង Move Canvas នឹងត្រូវលុបចោលចាប់ពីថ្ងៃទី ១៩ ដល់ថ្ងៃទី ២១ ខែមករា។

លើសពីនេះ រោងចក្រ Ikeda ដែលផលិត Thor/Roomy/Justy, Boon/Passo នឹងត្រូវប្តូរតៅធ្វើនៅវេនយប់វិញ ចាប់ពីថ្ងៃទី ១៨ និង ១៩ ខែមករា ដោយសារកង្វះខាតផ្នែកផ្គត់ផ្គង់ ដោយសារការរីករាលដាលនៃមេរោគថ្មីនេះ៕

ប្រភព៖ response.jp

ផ្ទាំងផ្សាយពាណិជ្ជកម្ម

[ទីផ្សារបរទេស] ក្រុមហ៊ុន Yamaha បានធ្វើការបញ្ចេញនូវម៉ូតូអគ្គិសនីប្រភេទ Scooter ម៉ូឌែល EMF ស៊េរីឆ្នាំ២០២២  ជាមួយនឹងការរចនាប្រកបដោយភាពទាក់ទាញបំផុត និងមានទម្ងន់សរុប ១១៤ គីទ្បូក្រោម។

សម្រាប់ម៉ូតូ Yamaha EMF បំពាក់នូវចង្កៀងមុខ-ក្រោយ LED, កុងទ័រឌីជីថល LCD អាចភ្ជាប់ជាមួយនឹងទូរស័ព្ទតាមរយៈកម្មវិធី Y-Connect និងអ្វីដែលជា គួរឱ្យចាប់អារម្មណ៍នោះគឺថាវាប្រើកាត NFC ជំនួសឱ្យសោពីចម្ងាយ។

បន្ថែមពីនេះម៉ូតូ Yamaha EMF ប្រើប្រាស់សំបកកង់ Gambot, ថាស់កង់ស្ព័រទំហំ ១០ អ៊ីញ ហ្វ្រាំងឌីសមុខ-ក្រោយ និងប្រព័ន្ធហ្វ្រាំង UBS។

ម៉ូតូ Yamaha EMF បំពាក់នូវម៉ូរទ័រអគ្គិសនី ដែលអាចផលិតកម្លាំងបាន ១០,៣សេះ និងកម្លាំងរមួល ២៦ ញ៉ូតុនម៉ែត្រ និងអាចបង្កើតល្បឿនពី ០ ដល់ ៥០ គីទ្បូម៉ែត្រក្នុង ១ ម៉ោង ត្រឹមតែ ៣,៥វិនាទីប៉ុណ្ណោះ។ សម្រាប់ព័ត៌មានបញ្ជាក់អំពីចម្ងាយការបើកបរក្នុងពេលសាកម្តងក្រុមហ៊ុនពុំទាន់បង្ហាញចេញនៅឡើយនោះទេ។

យ៉ាងណាមិញចំពោះម៉ូតូ Yamaha EMF ស៊េរីឆ្នាំ២០២២ មានតម្លៃប្រហែល ៣ ៦៤៤ ដុល្លារសម្រាប់ទីផ្សារនៅតៃវ៉ាន់៕

ប្រភព៖ greatbiker

ផ្ទាំងផ្សាយពាណិជ្ជកម្ម