[ទីផ្សារបរទេស] ក្រុមហ៊ុន Toyota បានធ្វើការបញ្ចេញនូវរថយន្តម៉ូឌែល Corolla Altis GR Sport ស៊េរីឆ្នាំ២០២២ ជាមួយនឹងរូបរាងបែបស្ព័រ ដែលទទួលបានពី Gazoo Racing សម្រាប់ទីផ្សារក្នុងប្រទេសថៃ។

សម្រាប់ការឌីហ្សាញនៃរថយន្ត Corolla Altis GR Sport ត្រូវបានអភិវឌ្ឍន៍ថ្មីទៅលើប៉ាណាខាងមុខ, អំពូលកាត់អ័ព្ទ, ថាសកង់ស្ព័រទំហំ ១៧អ៊ីង, កាងខាងក្រោយ និងឡូហ្គូ GR Sport នៅខាងក្រោយរថយន្តជាដើម។

ខណៈដែលកាប៊ីនត្រូវបានឌីហ្សាញទ្បើងជាមួយនឹងកុងទ័របង្ហាញលើកញ្ចក់ HUD, រន្ធសាក USB Type C, កៅអីខាងមុខដែលអាចលៃតម្រូវបានដោយអគ្គិសនី, Paddle Shift, ផ្លឹតទឹកអូតូ, កញ្ចក់ការពារពន្លឺថ្ងៃ និងប្រព័ន្ធវាស់សម្ពាធកង់រថយន្ត TPMS។ បន្ថែមពីនេះ GR Sport ក៏បានបំពាក់មកនូវប្រព័ន្ធសុវត្ថិភាពស្តង់ដា Toyota Safety Sense ផងដែរ។

រថយន្ត GR Sport ប្រើប្រាស់ជាមួយជម្រើសម៉ាស៊ីន ២ប្រភេទដោយរួមមាន៖ ម៉ាស៊ីនសាំងចំណុះ ១,៨លីត្រ ផលិតកម្លាំង ១៤០ សេះ និងកម្លាំងរមួល ១៧៧ ញ៉ូតុនម៉ែត្រ ភ្ជាប់ជាមួយនឹងប្រអប់លេខអូតូ ៧ វគ្គ CVT-i និងជម្រើសម៉ាស៊ីន Hybrid អាចផលិតកម្លាំង ១២២ សេះ ភ្ជាប់ជាមួយនឹងប្រអប់លេខអូតូ E-CTV និងបើកបរចម្ងាយ ១០០គ.ម ស៊ីសាំង ៤,២លីត្រ។

យ៉ាងណាមិញចំពោះរថយន្ត Toyota Corolla Altis GR Sport មាននូវជម្រើសពណ៌តួរខ្លួនដួូចជា៖ Red Mica Metallic, Platinum White Pearl និង Attitude Black Mica និងមានតម្លៃ ៣២ ១៦០ ដុល្លារ សម្រាប់ 1.8 GR Sport និង ៣៣ ៨៣០ ដុល្លារ សម្រាប់ HEV GR Sport៕

 ប្រភព៖ Sanook 

ផ្ទាំងផ្សាយពាណិជ្ជកម្ម

[ទីផ្សារបរទេស] ក្រុមហ៊ុន OPPO ត្រូវបានគេស្គាល់ថាជាក្រុមហ៊ុនស្មាតហ្វូនដ៏ល្បីល្បាញពីប្រទេសចិន។ ប៉ុន្តែឥទ្បូវនេះមានព័ត៌មានថ្មីៗពីប្រទេសឥណ្ឌាបានបង្ហាញថា OPPO ក៏កំពុងឈានខ្លួនចូលក្នុងវិស័យផលិតរថយន្តអគ្គិសនីផងដែរ។

ជាពិសេស ដូចដែលបានបង្ហាញដោយ Ruslane ដែលជាគេហទំព័រព័ត៌មានពីប្រទេសឥណ្ឌា OPPO បានដាក់សំណើសុំចុះបញ្ជីផលិតយានយន្ត រួមមានកង់ ម៉ូតូ និងរថយន្តអគ្គិសនីជាដើម។ ទោះបីជាពាក្យសុំនេះចាស់ក៏ដោយ ប៉ុន្តែសុពលភាពស្របច្បាប់របស់វានឹងមានរយៈពេលរហូតដល់ឆ្នាំ ២០៣១។

យោងតាមអ្នកជំនាញ រថយន្តអគ្គិសនី OPPO ដំបូងបង្អស់នឹងត្រូវបង្ហាញនៅឆ្នាំ ២០២៣ ឬ ២០២៤។ ហើយជាមួយនឹងធនធានដែលមាន ក៏ដូចជាកម្លាំងពលកម្មដ៏ច្រើនសន្ធឹកសន្ធាប់ រថយន្តអគ្គិសនី OPPO ដែលផលិតនៅក្នុងប្រទេសចិននឹងមានតម្លៃប្រកួតប្រជែងជាមួយនឹងម៉ាកផ្សេងៗទៀត។

កន្លងមកក៏មានសេចក្តីរាយការណ៍ថា OPPO ក៏ធ្លាប់បានទាក់ទងជាមួយក្រុមហ៊ុនផលិតរថយន្តអគ្គិសនីឈានមុខគេ និងគ្រឿងបន្លាស់រថយន្តអគ្គិសនី រួមទាំងក្រុមហ៊ុន Tesla ផងដែរ ដើម្បីមានកិច្ចសហប្រតិបត្តិការផលិតរថយន្តអគ្គិសនីរបស់ OPPO ។

យ៉ាងណាមិញចំពោះ OPPO មិនមែនជាក្រុមហ៊ុនផលិតដែលមានមហ្ឆិតាឈានជើងតែមួយគត់ដែលលើរថយន្តអគ្គិសនីនោះទេ ហើយក៏មានគម្រោងផលិតយានយន្តអគ្គិសនីផងដែរ។ សូម្បីតែម៉ាកយីហោរង Realme ក៏មានម៉ាកយីហោរថយន្តអគ្គិសនីរបស់ខ្លួនថាជា Realme TechLife និង TL Device ៕

ប្រភព៖ 24h 

ផ្ទាំងផ្សាយពាណិជ្ជកម្ម

[ទីផ្សារបរទេស] យោងតាមប្រភពព័ត៌មាន reuters បញ្ជាក់ថាក្រុមហ៊ុនផលិតរថយន្តជប៉ុន Honda បានចុះហត្ថលេខាលើកិច្ចព្រមព្រៀងអភិវឌ្ឍន៍រួមគ្នា ជាមួយនឹងក្រុមហ៊ុន SSE លើការស្រាវជ្រាវ និងអភិវឌ្ឍន៍អាគុយ lithium-metal។

សម្រាប់សេចក្តីថ្លៃងការណ៍របស់ក្រុមហ៊ុន Honda បាននិយាយថា​ SES គ្រោងនឹងចុះបញ្ជីនៅផ្សារហ៊ុនញូវយ៉ក តាមរយៈប្រតិបត្តិការក្រុមហ៊ុនទិញយកពិសេស (SPAC) ហើយក្រុមហ៊ុនផលិតរថយន្តជប៉ុនគ្រោងនឹងទិញប្រហែល ២% នៃក្រុមហ៊ុនចុះបញ្ជី SES AI Corporation ។

សូមបញ្ជាក់ថាអាគុយ lithium-metal ត្រូវបានគេរំពឹងថានឹងសម្រេចបាននូវដង់ស៊ីតេថាមពលខ្ពស់ជាងអាគុយលីចូម-អ៊ីយ៉ុង ដែលត្រូវបានប្រើនៅក្នុងរថយន្តអគ្គិសនីភាគច្រើននាពេលបច្ចុប្បន្ននេះ៕

ប្រភព៖ reuters

ផ្ទាំងផ្សាយពាណិជ្ជកម្ម