[ទីផ្សារបរទេស] រថយន្ត Ford Bronco ថ្មី គឺជារថយន្តប្រភេទ SUV ដ៏ពេញនិយមបំផុតមួយ ក្នុងទសវត្សរ៍នេះ។ តាមពិតទៅ Blue Oval ត្រូវបង្កើនគោលដៅផលិតកម្ម និងកែតម្រូវទៅតាមតម្រូវការដ៏ច្រើននេះ។ អតិថិជនចង់បាន Bronco យ៉ាងខ្លាំងដែលកាលពីខែមុន។ នោះមានន័យថា ម៉ូដែលថ្មីនេះនឹងធ្វើដំណើរទៅកាន់អ្នកចែកចាយយ៉ាងច្រើនក្នុងរយៈពេលមួយសប្តាហ៍មុនពេលត្រូវបានទិញ។
ឥឡូវនេះរថយន្ត Bronco មានជម្រើសម៉ាស៊ីនចំនួន២ ដែលអាចផលិតកម្លាំងបានប្រហែល ៣៣០ សេះ ដែលមានកម្លាំងតិចជាងអ្វីដែល Jeep ផ្តល់ជូននៅក្នុង Wrangler392 ដែលមានកម្លាំង ៤៧០សេះ និងសំឡេងកាន់តែមានន័យ។
ដើម្បីប្រកួតប្រជែងនឹង 392 ក្រុមហ៊ុន Ford កំពុងធ្វើការលើរថយន្ត Bronco Raptor ហើយថ្ងៃនេះ យើងទទួលបានរូបថតថ្មីនៃរថយន្ត SUV ដ៏ពេញនិយមពីនៅ Ranger6g.com ។ នៅក្នុងពួកគេ យើងមិនត្រឹមតែឃើញ Bronco Raptor ប៉ុណ្ណោះទេ ប៉ុន្តែអ្វីដែលភ្ងាក់ផ្អើលទៀតនោះគឺមាន Ranger Raptors ផងដែរ។ ខណៈពេល F-150 Raptor មានម៉ូឌែលអភិវឌ្ឍន៍ថ្មីចំនួនពីរប្រភេទបន្ថែមទៀត ដែលចូលរួមក្នុងត្រកូល។
រូបថតទាំងនេះត្រូវបានថតនៅរដ្ឋ Arizona រវាង Congress និង Yarnell ។ នោះជាការបើកសាកល្បងសម្រាប់ចម្ងាយ ១៦គីឡូម៉ែត្រ ដោយពីចំណុចមួយទៅចំណុច។ តាមអ្វីដែលយើងឃើញនៅក្នុងរូបភាព ដោយមើលទៅហាក់ដូចជារថយន្តទាំង២នេះ មានរចនាបទដ៏រឹងមាំជាងប្រភេទធម្មតារបស់ខ្លួនផងដែរ។
បើតាមអ្នកថតរូបដែលបានចាប់យករូបភាពទាំងនេះ រថយន្តទាំងនោះត្រូវបានសាកល្បងលើផ្លូវភ្នំដែលមានខ្យល់បក់ខ្លាំង។ ភាពកខ្វក់នៅលើរថយន្ត ជាក់ស្តែងនៅលើសំបកកង់ខាងមុខរបស់ Bronco Raptor។
ក្រៅពីការកែសម្រួលទៅលើតួខ្លួន ច្បាស់ណាស់ដែលឃើញថា Raptors ទាំង២ មានកម្ពស់ខ្ពស់គួរឱ្យកត់សម្គាល់ជាងប្រភេទផ្សេងទៀតក្នុងត្រកូលរបស់ពួកគេ។ អ្នកថតរូបក៏បានកត់សម្គាល់ផងដែរថារថយន្តទាំង ៣ត្រូវបានបំពាក់ដោយម៉ាស៊ីន ៦ស៊ីឡាំង ដែលហាក់ដូចជាបង្ហាញពីរបាយការណ៍មុនសម្រាប់ Ranger និង Bronco ផងដែរ៕
