[ទីផ្សារបរទេស] ទិន្នន័យថ្មីពីសហគមន៍ក្រុមហ៊ុនរថយន្តនៅអង់គ្លេសហៅកាត់ថា SMMT បានបង្ហាញថាមានរថយន្តដោតភ្លើង (រថយន្តអគ្គិសនី និងរថយន្ត PHEV)ចំនួន ៣០៥ ០០០គ្រឿងបានលក់ចេញនៅអង់គ្លេសកាលពីឆ្នាំមុន ដែលមានចំណែក ១៨,៦% នៃទីផ្សាររថយន្តសុរប។

បើសិនរាប់បញ្ចូលទាំងរថយន្ត Hybrid ធម្មតា គេឃើញថាទីផ្សាររថយន្តដែលមានប្រើថាមពលអគ្គិសនីមានសរុប ២៧,៥% ខណៈដែលកាលពីឆ្នាំ២០២០ ទីផ្សាររថយន្តប្រភេទនេះមានត្រឹម ១៨% ប៉ុណ្ណោះ។

នៅឆ្នាំ២០២១កន្លងទៅនេះដែរ រថយន្តអគ្គិសនីសុទ្ធ​មាន​ចំណែក ១១,៦% នៃទីផ្សារ ដែលស្មើនឹង ១៩០ ៧២៧គ្រឿង ដែលមានន័យថារថយន្តអគ្គិសនីដែលបានលក់ចេញនៅអង់គ្លេសឆ្នាំមុន គឺច្រើនជាងចំនួនលក់កាលពី៥ឆ្នាំមុនបូកបញ្ចូលគ្នាទៅទៀត។

យ៉ាងណាក្ដីទីផ្សាររថយន្តជារួម ហាក់មិនមានការផ្លាស់ប្ដូរខ្លាំងឡើយ ដោយមានកំណើនត្រឹម ១% ធៀបនឹងឆ្នាំ២០២០ ជាមួយចំនួនលក់សរុប ១,៦៥លានគ្រឿងនៅឆ្នាំ២០២១ ធៀបនឹងចំនួនលក់ ១,៦៣លានគ្រឿងនៅឆ្នាំ២០២០។

ខណៈដែលចំនួនលក់រថយន្តដោតភ្លើងបានកើនឡើងជាលំដាប់ រថយន្តប្រើថាមពលប្រេងសាំងនៅតែពេញនិយមជាងគេជាមួយចំណែកទីផ្សារ ៥៨,៥% ហើយរថយន្តម៉ាស៊ូតមានចំណែក ១៦% នៅពេញជាងរថយន្តអគ្គិសនីសុទ្ធនៅឡើយ៕

ផ្ទាំងផ្សាយពាណិជ្ជកម្ម

[ទីផ្សារបរទេស] ម៉ូតូ Honda Wave 125i បានបង្ហាញខ្លួនជាផ្លូវការ ជាមួយភាពសន្សំសំចៃសាំងចាក់ ១លីត្រ អាចជិះបានចម្ងាយ ៧១ គីទ្បម៉ែត្រ។

សម្រាប់ម៉ូតូ Honda Wave 125i បំពាក់នូវចង្កៀងមុខ LED, កុងទ័រសម្រាប់មើលល្បឿន, ប្រព័ន្ធចាក់សោរ សុវត្ថិភាព និងប្រអប់ផ្ទុកឥវ៉ាន់នៅក្រោមកៅអីទំហំ XL ដែលមានចំណុះរហូតដល់ ១៧ លីត្រ ជាមួយនឹងធុងសាំង ៥,៤លីត្រ។

ម៉ូតូ Honda Wave 125i បានប្រើប្រាស់ម៉ាស៊ីន 4-stroke ចំណុះ ១២៥ សេសេដែលផ្តល់នូវដំណើរការល្អ និងបង្កើនល្បឿនកាន់តែលឿន។ ជាពិសេស ម៉ាស៊ីនរបស់ Wave 125i ថ្មីនេះ ស៊ីសាំងតិច ជាមួយនឹងការប្រើប្រាស់ជាមធ្យមត្រឹមតែ ៧១,៤គីឡូម៉ែត្រក្នុង ១ លីត្រ។ លើសពីនេះវា​ក៏​បាន​បំពាក់​ដោយ​ហ្រ្វាំង​ឌីស​ផង​ដែរ ដើម្បី​ជួយ​ឱ្យ​ការ​បើកបរ​កាន់​តែ​មាន​ទំនុក​ចិត្ត។

យ៉ាងណាមិញចំពោះតម្លៃម៉ូតូ Honda Wave 125i មាន ២ ជម្រើស សម្រាប់ទីផ្សារក្នុងប្រទេសថៃ ដោយរួមមាន៖

• Honda Wave 125i cast rim version តម្លៃ ១ ៥៩៩ ដុល្លារ 
• Honda Wave 125i  spokes version តម្លៃ ១ ៦៦៥ ដុល្លារ៕

ប្រភព៖ greatbiker

ផ្ទាំងផ្សាយពាណិជ្ជកម្ម

[ទីផ្សារបរទេស] ថ្មីៗនេះក្រុមហ៊ុន Kymoco បានបញ្ចេញនូវម៉ូតូ Like 125 ប្រើប្រាសអគ្គិសនី ជាមួយនឹងការសាកថ្មត្រឹម ១ ម៉ោង​ អាចរត់បានចម្ងាយ ១៩៩ គ.ម តម្លៃ ១ ៣៣៨ ដុល្លារ។

សម្រាប់ម៉ូតូអគ្គិសនី Kymoco Like 125 ប្រើប្រាស់ម៉ូទ័រអគ្គិសនី ៣ ២០០ វ៉ាត់ ផលិតកម្លាំង ៤,៣សេះ និងកន្លែងសម្រាប់ផ្ទុកអាគុយចំនួន ៥ គ្រាប់ ។ បន្ថែមពីនេះវាប្រើប្រាស់អាគុយប្រភេទ Ionex ដោយការសាកថ្មត្រឹមតែ ១ ម៉ោង អាចរត់បានចម្ងាយ ១៩៩ គីទ្បូម៉ែត្រ។

បន្ថែមពីនេះ ម៉ូតូអគ្គិសនី Kymoco Like 125 ក៏បានបំពាក់នូវកុងទ័រឌីជីថល អាច​ភ្ជាប់​ទៅ​កាន់​ស្មា​ត​ហ្វូ​ន​តាម​រយៈ​កម្មវិធី​ដើម្បី​ទទួលបាននូវ​ព័ត៌មាន​អំពីល្បឿន និង​ស្ថានភាពអាគុយ។

យ៉ាងណាមិញចំពោះតម្លៃម៉ូតូអគ្គិសនី Kymco Like 125 ដែលលក់នៅអឺរ៉ុបគឺ វា​នឹង​មាន​តម្លៃ​ប្រហែល ១ ៣៣៨ ដុល្លារ ប៉ុណ្ណោះ។

ប្រភព៖ greatbiker

ផ្ទាំងផ្សាយពាណិជ្ជកម្ម