មានពាក្យចចារា៉មថារថយន្ត Toyota Prius ជំនាន់ទី ៥ថ្មី នឹងធ្វើការអភិវឌ្ឍន៍ថ្មីទាំងស្រុង ប៉ុន្តែរក្សាម៉ាស៊ីន Hybrid នៅដដែល។ ចាប់តាំងពីឆ្នាំ ១៩៩៧ ការចេញលក់រថយន្ត Prius ជំនាន់ទី ១ របស់ក្រុមហ៊ុន Toyota បានធ្វើបច្ចុប្បន្នភាពរថយន្តនេះរៀងរាល់ ៦ ឆ្នាំម្តង ដែលមានន័យថា ឆ្នាំ២០២២ គឺជាពេលវេលាដ៏ត្រឹមត្រូវបំផុត សម្រាប់ការបង្ហាញចេញនូវមុខមាត់ថ្មីនៃរថយន្តជំនាន់ទី ៥។

យោងតាមរបាយការណ៍ពីគេហទំព័រ​ Autocar បានបញ្ជាក់ថារថយន្ត Prius ថ្មីនឹងត្រូវផលិតឡើងដោយប្រើប្រាស់ជាមួយគ្រោងឆ្អឹង E3 ដែលរួមបញ្ចូលគ្នារវាងគ្រោងឆ្អឹង GA-C និងគ្រោងឆ្អឹង bZ។ ការហាមឃាត់មិនឱ្យលក់ម៉ាស៊ីនពីស្តុងនៅអឺរ៉ុប និងអង់គ្លេស នឹងមិនអាចកើតទ្បើងមុនឆ្នាំ ២០៣០ទេ ដែលវាជាពេលវេលាមួយគ្រប់គ្រាន់សម្រាប់រថយន្ត Prius ជំនាន់ថ្មី។

លោក Andrea Carlucci នាយកផ្នែកទីផ្សារ និងអភិវឌ្ឍន៍ផលិតផលនៅ Toyota Motor Europe បាននិយាយថារថយន្ត Prius គឺជានិមិត្តរូបតំណាងឱ្យម៉ាកយីហោ។ រថយន្តនេះត្រូវតែរក្សាតួនាទីរបស់ខ្លួនក្នុងការក្លាយជាអ្នកនាំមុខគេជាមួយនឹងបច្ចេកវិទ្យាប្រភេទហាយប្រ៊ីដ។ ពិសេសជាងនេះ លោកបន្ថែមទៀតថា“រថយន្ត Prius នៅតែលេចធ្លោ និងតំណាងឱ្យអ្វីដែលជាយើង គឺHybrid និងជាអ្នកនាំមុខផ្នែកអគ្គិសនី”។

យ៉ាងណាមិញសម្រាប់យុទ្ធសាស្ត្រនាពេលអនាគតរបស់ Toyota មន្ត្រីជាន់ខ្ពស់រូបនេះបាននិយាយថា Hybird នៅតែជា “ចំណុចសំខាន់” សម្រាប់ម៉ាកយីហោដែលគ្រោងនឹងផ្តល់ជូននូវជម្រើសជាច្រើនសម្រាប់ BEVs រួមមាន៖ Hybrid, Plug-in Hybrids និងរថយន្តប្រើអ៊ីដ្រូហ្សែន ជំនួយឲ្យរថយន្តប្រើថាមពលអគ្គិសនីសុទ្ធផងដែរ។

ជាមួយគ្នានេះ សម្រាប់ម៉ូឌែលថ្មីនេះគេរំពឹងវានឹងប្រើប្រាស់ជាមួយអាគុយ Bipolar (Bipolar nickel-metal hydride battery) ដែលបានបង្ហាញនៅប្រទេសជប៉ុននាពេលកន្លង ដែលជួយបង្កើននូវប្រសិទ្ធភាពនៃប្រព័ន្ធហាយប្រ៊ីដ។ លើសពីនេះម៉ាស៊ីនកូនកាត់ដែលត្រៀមមកដល់នាឆ្នាំ២០២២នេះ វាទំនងជាប្រភេទនៃការអភិវឌ្ឍន៍ថ្មីនៃម៉ាស៊ីន​ ១.៨លីត្របច្ចុប្បន្នផងដែរ៕

ផ្ទាំងផ្សាយពាណិជ្ជកម្ម

រថយន្ត UX 300e បច្ចុប្បន្នគឺជារថយន្តអគ្គិសនីសុទ្ធតែមួយរបស់ Lexus ដែលរថយន្តនេះរំពឹងថានឹងចេញលក់លើទីផ្សារប្រទេសម៉ាឡេស៊ីនាដើមឆ្នាំក្រោយ បន្ទាប់ពីបានចេញលក់នៅឥណ្ឌូណេស៊ី និងប្រទេសថៃរួចមក។

UX 300e មានបំពាក់ដោយម៉ូទ័រអគ្គិសនីមួយ ដែលអាចផលិតកម្លាំងបាន ២០៤សេះ ហើយវាមានប្រអប់លេខពីរវគ្គ និងប្រើប្រព័ន្ធបើកបរវិលកង់មុខ (ប៉ុងមួយ)។ ផ្អែកតាមក្រុមហ៊ុន រថយន្តនេះអាចស្ទុះពី ០ ដល់ ១០០គ.ម/ម៉ ក្នុងពេល ៧,៥វិនាទី និងមានល្បឿនអតិបរមា ១៦០គ.ម/ម៉។

អាគុយចំណុះ ៥៤,៣kWh របស់រថយន្តអាចបើកបរបានចម្ងាយប្រមាណ ៣០០គីឡូម៉ែត្រ ដែលវាចំណាយពេលសាកប្រមាណ ៥ ទៅ ៦ម៉ោង ប្រសិនបើសាកជាមួយដុំសាកស្តង់ដារ ប៉ុន្តែបើសាកជាមួយដុំសាកល្បឿនលឿនចំណាយពេល ៥០នាទី អាចសាកពី ០ ឡើងដល់ ៨០%។

នៅឥណ្ឌូណេស៊ី Lexus UX 300e មានដាក់លក់តម្លៃប្រមាណ ៨៦ ០០០ដុល្លារ ខណៈដែលនៅប្រទេសថៃវិញមានតម្លៃប្រមាណ ១០២ ០០០ដុល្លារ។ ចំពោះនៅម៉ាឡេស៊ីនៅមិនទាន់ដឹងតម្លៃនៅឡើយទេ៕

ផ្ទាំងផ្សាយពាណិជ្ជកម្ម

ក្នុងពិពណ៌រថយន្ត Moto Expo ឆ្នាំ២០២១ ក្រុមហ៊ុន Mitsubishi បានបង្ហាញនូវរថយន្តម៉ូឌែលពិសេស Xpander Special Edition ស៊េរីឆ្នាំ ២០២២ សម្រាប់ទីផ្សារក្នុងប្រទេសថៃ ជាមួយតួរខ្លួន ៣ពណ៍ Spirit Red, Jet Black Mica និង Quartz White Pearl។

សម្រាប់ម៉ូឌែលពិសេសថ្មីតម្លៃ ២៥ ៩៩០ដុល្លារនេះ បានលេងខ្លួនជាមួយពណ៌ខ្មៅកាន់តែស្ព័រជាងមុន លើប៉ាណាខាងមុខ, ​ស៊ុមកញ្ចក់សងខាង, របាំងការពារខាងក្រោម, ថាសកង់ទំហំ ១៦អ៊ីញ និងតែមឡូហ្គូ Black Edition នៅខាងក្រោយ។

ចំពោះការឌីហ្សាញខាងក្នុងរថយន្ត Mitsubishi Xpander Special Edition វិញវាក៏បានបំពាក់នូវប្រព័ន្ធសាកថ្មទូរសព្ទឥតខ្សែរ, ប្រព័ន្ធកម្សាន្តភ្ជាប់មុខងារ Apple CarPlay និង Android Auto ប្រភេទ Touch screen ទំហំ ៧អ៊ីង។

បន្ថែមពីនេះប្រព័ន្ធសុវត្ថិភាព Mitsubishi Xpander Special Edition រួមមាន៖  Stability Control ASC, TCL Traction Control, ប្រព័ន្ធជំនួយពេលទ្បើងចំណោត, ប្រព័ន្ធការពារមិនអោយជាប់ហ្វាំ្រ, ប្រព័ន្ធបែងចែកកម្លាំងហ្វាំ្រលើកង់ និងប្រព័ន្ធផ្តល់ដំណឹងពេលជាន់ហ្វាំ្របន្ទាន់ ផងដែរ។

រថយន្ត Mitsubishi Xpander Special Edition ប្រើប្រាស់ម៉ាស៊ីនសាំងចំណុះ ១.៥លីត្រ  ទំហំ ៤ ស៊ីទ្បាំង ផលិតកម្លាំងបាន ១០៥សេះ និងកម្លាំងរមួល ១៤១ញ៉ូតុនម៉ែត្រ ភ្ជាប់ជាមួយនឹងប្រអប់លេខ ៤វគ្គ ឬ អូតូ ៥វគ្គ៕

ផ្ទាំងផ្សាយពាណិជ្ជកម្ម