រថយន្ត Aston Martin DBX ដែលជារថយន្ត SUV ដំបូងរបស់ក្រុមហ៊ុន នាពេលនេះបានក្លាយជារថយន្តល្បីជាងគេរបស់ក្រុមហ៊ុន ដោយចំនួនលក់របស់វាគឺមានចំណែកជាង ៥០% នៃចំនួនលក់សរុបរបស់ Aston Martin ទាំងមូលតែម្ដង។

ចាប់តាំងពីខែមករា Aston Martin លក់ចេញរថយន្តបានសរុប ៤ ២៥០គ្រឿង ដែលក្នុងនោះមាន ២ ១៨៦គ្រឿងគឺជារថយន្តម៉ូដែល DBX។ វាជាដំណឹងដ៏អស្ចារ្យមួយ ស្របពេលដែលរថយន្ត DBX ត្រូវបានសម្រេចថានឹងបន្ថែមជម្រើសច្រើនប្រភេទទៀត ដើម្បី​ផ្ដល់ជម្រើសកាន់តែសម្បូរបែបជូនដល់អតិថិជន និងដើម្បីពង្រឹងចំនួនលក់ផងដែរ។

Aston Martin ប៉ាន់ស្មានថាខ្លួននឹងអាចលក់រថយន្តបានប្រមាណ ៦ពាន់គ្រឿងនៅមុនបំណាច់ឆ្នាំនេះ។ គួរដឹងថានៅឆ្នាំ២០២១នេះ ប្រាក់ចំណូលរបស់ក្រុមហ៊ុនបានកើនឡើងជិត៣ដងបើធៀបនឹងរយៈពេលដូចគ្នាកាលពីឆ្នាំ២០២០ ដែលប្រាក់ចំណូល​បច្ចុប្បន្នគឺមានជិត ១ពាន់លានដុល្លារ។

ត្រឹមឆ្នាំ២០២៤ និងឆ្នាំ២០២៥ ក្រុមហ៊ុននេះរំពឹងថានឹងឃើញចំនួនលក់ប្រចាំឆ្នាំប្រមាណ ១ម៉ឺនគ្រឿង ដែលមានន័យថាប្រាក់ចំណូលរបស់ក្រុមហ៊ុនអាចនឹងមានប្រមាណ ២,៧ពាន់លានដុល្លារ និងប្រាក់ចំណេញប្រមាណជាង ៦៧៨លានដុល្លារផងដែរ៕

ផ្ទាំងផ្សាយពាណិជ្ជកម្ម

ចំនួនលក់នៃរថយន្ត Ford Maverick បានវ៉ាដាច់រថយន្ត Hyundai Santa Cruz ជាផ្លូវការហើយ ដោយកាលពីខែតុលារថយន្តរបស់ Ford អាចលក់ចេញបានច្រើនជាងរថយន្ត Hyundai មួយគុណនឹងពីរ ដែលជាចំនួនលក់លើទីផ្សារអាមេរិក។

កាលពីខែតុលា Ford Maverick ស៊េរីឆ្នាំ២០២២ អាចលក់ចេញរថយន្តបានសរុប ៤ ១៤០គ្រឿង ដែលវាជាខែដំបូងដែលរថយន្តនេះ​ដាក់​លក់​ជា​សាធារណៈ​គ្រប់ពេញមួយខែតែម្ដង។ ក្រឡេកទៅមើល Santa Cruz ដែលជាគូប្រជែង អាចលក់រថយន្តបានចំនួន ១ ៨៤៨គ្រឿង កាលពីខែតុលា ដែលជាខែលក់ដាច់ជាងគេសម្រាប់រថយន្តម៉ូដែលនេះ។

សរុបពេញមួយឆ្នាំ២០២១នេះ រថយន្ត Hyundai Santa Cruz លក់ចេញបានសរុប ៤ ៨៤១គ្រឿង ក្នុងអំឡុងពេលចេញលក់ប្រមាណជា៣ខែជាង ខណៈដែល Ford Maverick មានចំនួនលក់សរុប ៤ ៦៤៦គ្រឿង អំឡុងពេលចេញលក់បានជាងមួយខែប៉ុណ្ណោះ។

Ford បាននិយាយថាអតិថិជនដែលទិញរថយន្ត Maverick គឺមិនធ្លាប់ពិចារណាទិញរថយន្តភីកអាប់ពីមុនមកទេ ហើយភាគច្រើនពួកគេមាន​វ័យចន្លោះពី ១៨ ទៅ ៣៥ឆ្នាំ ដែលនេះបង្ហាញថារថយន្តភីកអាប់ខ្នាតតូចរបស់ Ford អាចទាក់ទាញអតិថិជនក្មេងៗបានយ៉ាងច្រើន៕

ផ្ទាំងផ្សាយពាណិជ្ជកម្ម

Kia Rio ត្រូវបានជាប់ឈ្មោះជារថយន្តថ្មី ដែលមានតម្លៃថោកបំផុត នៅពេលដែលវាបានចេញលក់ ក្នុងឆ្នាំ១៩៩៩។ ថ្មីៗនេះ ក្រុមហ៊ុន Kia បានប្រកាសពីតម្លៃនៃរថយន្ត Rio ឆ្នាំ២០២២ ហើយវានៅតែរក្សាតំណែងរបស់ខ្លួនដដែល។

រថយន្ត Kia Rio ឆ្នាំ២០២២ ផ្តល់ជម្រើស ២ ម៉ូដែល គឺ LX មានតម្លៃចាប់ពី ១៦ ១៥០ដុល្លារ នៅលើទីផ្សារសហរដ្ឋអាមេរិក និង S មានតម្លៃ ១៦ ៧៩០ដុល្លារ។ ពួកវាប្រើម៉ាស៊ីនសាំងចំណុះ ១,៦លីត្រ naturally-aspirated មានកម្លាំង ១២០សេះ ហើយមានកម្រិតស៊ីសាំងជាមធ្យម ៥,៧លីត្រ/១០០គីឡូម៉ែត្រ។

Kia Rio S ថ្មី ផ្តល់នូវ Option មុខងារសុវត្ថិភាពជាច្រើន រួមទាំង driver attention warning, forward collision avoidance, pedestrian detection, high beam assist, lane-keep assist, lane departure warning និង rear occupant alert ផងដែរ។ មិនតែប៉ុណ្ណោះ Kia ក៏មានម៉ូដែល Rio S 5-door ដែលមានតម្លៃ ១៧ ០៩០ដុល្លារ ប្រើម៉ាស៊ីនចំណុះ ១,៦លីត្រ ដូចគ្នា។

គួរឲ្យដឹងថា ចំនួនលក់នៃរថយន្ត Kia Rio បានធ្លាក់ចុះជាបន្តបន្ទាប់ ក្នុងរយៈពេលប៉ុន្មានឆ្នាំចុងក្រោយនេះ ដោយកាលពីឆ្នាំមុន ក្រុមហ៊ុន Kia លក់រថយន្ត Rio បានតែ ២៣ ៩២៧គ្រឿងប៉ុណ្ណោះ៕

ផ្ទាំងផ្សាយពាណិជ្ជកម្ម

ក្នុងពិភពរថយន្តអគ្គិសនី អតិថិជនក្នុងប្រទេសដែលមានប្រជាជនច្រើនជាងគេលើលោក ភាគច្រើនបានជ្រើសរើសយកម៉ាករថយន្ត BYD ជាម៉ាករថយន្តអគ្គិសនីដែលពួកគេពេញចិត្ត។

ផ្អែកតាមការស្ទង់មតិដែលធ្វើឡើងដោយក្រុមហ៊ុន Berstein ដែលជាក្រុមហ៊ុនស្រាវជ្រាវមួយរបស់ក្រុមហ៊ុនអាមេរិក AllianceBernstein បាន​ឲ្យដឹងថា​ម៉ាករថយន្ត BYD គឺជាម៉ាកដែលអតិថិជនចិនពេញចិត្តជាងគេ ដែលតាមពីក្រោយដោយម៉ាក Tesla របស់អាមេរិក និងម៉ាក Volkswagen របស់អាល្លឺម៉ង់។

បើប្រៀបនឹង Tesla ម៉ាក BYD គឺមានគុណសម្បត្តិពិសេសជាងត្រង់ថាក្រុមហ៊ុននេះផលិតអាគុយ និងបន្ទះឈីបដោយខ្លួនឯង ដែលមានន័យថាក្រុមហ៊ុនមានសមត្ថភាពក្នុងការការពារពីបញ្ហា​នានា ដូចជាវិបត្តិឈីបសកល​ដែលបានកើតឡើងកាលពីថ្មីៗនេះជាដើម។

គួរដឹងថាលទ្ធផលខាងលើនេះគឺទទួលបានមកពីការស្ទង់មតិក្នុងត្រីមាសទីបីនៃឆ្នាំនីមួយៗ ដែល​ស្ទង់មតិលើមនុស្សចំនួន ១ ៦០០នាក់។ ភាគច្រើននៃអ្នកចូលរួមគឺរស់នៅក្នុងទីក្រុងធំរបស់ប្រទេសចិន ដែលមានអាយុជាមធ្យម ៣២ឆ្នាំ និងកម្រិតប្រាក់ចំណូលជាមធ្យម ២ ៩៧០ដុល្លារ។

ក្នុងចំណោមអ្នកចូលរួមជិតពាក់កណ្ដាលបាននិយាយថាពួកគេអាចនឹងពិចារណាទិញរថយន្តអគ្គិសនី ពេលដែលផ្លាស់ប្ដូររថយន្តថ្មី ហើយ​អាថ៌ទិភាព​សំខាន់​បំផុតរបស់ពួកគេគឺ​ការចំណាយទាបក្នុងការប្រើប្រាស់ប្រចាំថ្ងៃ, បទពិសោធន៍នៃការបើកបរដែលល្អប្រសើរ និង​ការការពារបរិស្ថានផងដែរ៕

ផ្ទាំងផ្សាយពាណិជ្ជកម្ម

Toyota Raize ដែលជារថយន្តនាំចូលពីប្រទេសឥណ្ឌូណេស៊ី បានដាក់លក់ជាផ្លូវការនៅលើទីផ្សារប្រទេសវៀតណាម ដោយមានតែជម្រើសម៉ាស៊ីន Turbo ចំណុះ១,០លីត្រ និងប្រអប់លេខ CVT មួយតែប៉ុណ្ណោះ។

រថយន្ត Raize ដែលលក់នៅវៀតណាម មានប្រើម៉ាស៊ីនដែលអាចផលិតកម្លាំងបាន ៩៨សេះ ជាមួយ​កម្លាំងបង្វិល ១៤០ញ៉ូតុនម៉ែត្រ និងប្រអប់លេខ CVT។ ងាកទៅមើលគូប្រជែងដែលជាម៉ូដែល Kia Sonet មានប្រើម៉ាស៊ីន ១,៥លីត្រ ដែលអាចផលិតកម្លាំងបាន ១១៣សេះ។

នៅប្រទេសវៀតណាម រថយន្ត Toyota Raize នេះមានតម្លៃចាប់ពីប្រមាណ ២៣ ៣០០ដុល្លារ ជាតម្លៃសម្រាប់ពណ៌ក្រហម និងពណ៌ខ្មៅ ខណៈដែល​ពណ៌​ស និងប្រភេទពីរពណ៌លាយគ្នា គឺមានតម្លៃប្រមាណ ២៣ ៦០០ដុល្លារ ដែលថ្លៃជាងប្រមាណ ៣០០ដុល្លារ៕

ផ្ទាំងផ្សាយពាណិជ្ជកម្ម