Mazda បង្ហាញគំរូឡាន RX-Vision GT3 កម្លាំងជាង ៥០០សេះ សម្រាប់ប្រើក្នុងហ្គេម

May 23, 2020

គំរូរថយន្ត Mazda RX-Vision Concept ត្រូវបានដាក់បង្ហាញកាលពីឆ្នាំ២០១៥ ដោយបានទាក់ទាញមនុស្សជាច្រើន ដោយសារតែការឌីហ្សាញដ៏ទាក់ទាញរបស់វា។ ឥឡូវ ក្រុមហ៊ុន Mazda ទើបតែបានបញ្ចេញគំរូរថយន្តជំនាន់ថ្មីរបស់វា ហៅថា RX-Vision GT3 Concept។

Mazda RX-Vision GT3 Concept ទទួលបានការឌីហ្សាញដើមពី RX-Vision និងបន្ថែមធាតុនៃរថយន្តប្រណាំចូល មើលទៅរឹតតែកាច។

រថយន្តស្ព័រនេះបំពាក់ម៉ាស៊ីនចំណុះ ២,៦លីត្រ SkyActiv-R មានកម្លាំងដល់ ៥៦២សេះ ហើយមានទម្ងន់ខ្លួនត្រឹមតែ ១២៥០គីឡូក្រាមប៉ុណ្ណោះ។ ទោះជាយ៉ាងណា រថយន្ត RX-Vision GT3 នេះ គឺសម្រាប់ប្រើនៅក្នុងវីដេអូហ្គេមប៉ុណ្ណោះ។

យ៉ាងណាក៏ដោយ គេជឿជាក់ថា Mazda អាចនឹងពិចារណាបញ្ចេញរថយន្តនេះលក់ពិតប្រាកដ នៅថ្ងៃណាមួយជាក់ជាមិនខាន៕

ផ្ទាំងផ្សាយពាណិជ្ជកម្ម

Nissan GT-R50 By Italdesign ឆ្នាំ២០២១ បង្ហាញខ្លួនជាផ្លូវការ

May 23, 2020

ក្រុមហ៊ុន Nissan និង Italdesign បានបង្ហាញរថយន្តស្ព័រ Nissan GT-R50 by Italdesign ស៊េរីឆ្នាំ២០២១ របស់ខ្លួនជាផ្លូវការ នៅក្នុងប្រទេសអ៊ីតាលី។

រថយន្ត Nissan GT-R50 by Italdesign ដែលត្រូវបានបង្ហាញខ្លួនដំបូងជាគំរូរថយន្តនៅក្នុងឆ្នាំ២០១៨ នេះ នឹងត្រូវផលិតត្រឹមតែ ៥០គ្រឿងប៉ុណ្ណោះ។

GT-R50 by Italdesign ថ្មីនេះត្រូវបានផលិតផ្អែកតាមម៉ូដែល GT-R Nismo ឆ្នាំ២០២០ ដោយបំពាក់ម៉ាស៊ីនចំណុះ ៣,៨លីត្រ twin-turbocharged V6 មានកម្លាំង ៧១០សេះ។

ម៉ាស៊ីននេះត្រូវបានផលិតឡើងដោយដៃផ្ទាល់តែម្តង។ វានឹងត្រូវដាក់លក់ថ្លៃជាងម៉ូដែល GT-R Nismo ដល់ទៅ ៥ដង ពោលគឺ ១,០៨លានដុល្លារឯណោះ៕

ផ្ទាំងផ្សាយពាណិជ្ជកម្ម

ប្លែកភ្នែក! ឡាន Bentley Bacalar មានទឹកថ្នាំ ៧ពណ៌

May 23, 2020

កាលពីថ្មីៗនេះក្រុមហ៊ុនរថយន្តអង់គ្លេស Bentley បានធ្វើការប្រកួតការឌីហ្សាញលើអនឡាញសម្រាប់បុគ្គលិក និងក្រុមគ្រួសាររបស់បុគ្គលិក ដោយឲ្យឌីហ្សាញរថយន្ត Bacalar ដែលពួកគេគិតថាល្អឥតខ្ចោះ។

ក្នុងការប្រកួតនេះ អ្នកឈ្នះគឺបានទៅលើរថយន្ត Bacalar ដែលមានទឹកថ្នាំ ៧ពណ៌ ដោយអ្នកឈ្នះនេះត្រូវបានជ្រើសរើសដោយអ្នកចាត់ការផ្នែកឌីហ្សាញរបស់ Bentley ឈ្មោះ Stefan Sielaff។ ទឹកថ្នាំ ៧ពណ៌ រាប់ពីលើចុះក្រោមរួមមាន Dragon Red II, Orange Flame, Yellow Flame, Apple Green, Jetstream II, Sequin Blue និង Azura Purple។

រថយន្ត Bentley Bacalar នេះនឹងមានផលិតត្រឹម ១២គ្រឿង ដែលរថយន្តនីមួយៗសុទ្ធតែមានម្ចាស់រួចហើយ ទោះបីជាវាមានតម្លៃដល់ប្រមាណ ២លានដុល្លារក្ដី។ រថយន្ត Bacalar ប្រើប្រាស់ម៉ាស៊ីន Twin-Turbo ចំណុះ ៦,០លីត្រ ១២ស៊ីឡាំង អាចបាញ់កម្លាំងចេញបាន ៦៥០សេះ ភ្ជាប់នឹងប្រអប់លេខ ៨ វគ្គ និងប្រើប្រព័ន្ធបើកបរវិលកង់ទាំងបួន៕

ផ្ទាំងផ្សាយពាណិជ្ជកម្ម

ឡាន Range Rover ដំបូង ផលិតឡើងក្រោមវិធានការគម្លាតសង្គម

May 23, 2020

កាលពីដើមសប្ដាហ៍នេះ រថយន្ត Range Rover ដំបូងដែលផលិតឡើងក្រោមវិធានការគម្លាតសង្គម បានបើកចេញពីសង្វាក់ផលិតកម្មនៃរោងចក្ររបស់ Jaguar Land Rover នៅក្រុង Solihull ប្រទេសអង់គ្លេស។

ក្រុមហ៊ុន JLR បានអនុវត្តន៍នូវវិធានការគម្លាតសង្គម, ការរស់នៅស្អាត និងការត្រួតពិនិត្យសុខភាពបុគ្គលិកសម្រាប់សង្វាក់ផលិតកម្មរបស់ខ្លួន តំបន់វិស្វកម្ម និងតំបន់ការិយាល័យយ៉ាងយកចិត្តទុកដាក់បំផុត ក្រោយពីមានការផ្អាកការផលិតបណ្ដោះអាសន្នព្រោះមានផ្ទុះជំងឺកូវីដ១៩។

វិធានការសុវត្ថិភាពដែល JLR បានអនុវត្តន៍រួមមានការត្រួតពិនិត្យកម្ដៅជាមួយកាមេរ៉ាវាស់កម្ដៅ, ការស្ថិតនៅឆ្ងាយពីគ្នាចម្ងាយ ២ម៉ែត្ររវាងបុគ្គលិកម្នាក់ៗតាមដែលអាចធ្វើទៅបាន, ប្រើឧបករណ៍ការពារអាចប្រើប្រាស់ឡើងវិញដូចជារបាំងការពារមុខផលិតដោយក្រុមហ៊ុន និងការណែនាំអំពីការលាងសម្អាតជាដើម៕

ផ្ទាំងផ្សាយពាណិជ្ជកម្ម

មានបញ្ហាភ្លើងខ្សោយ ពិបាកមើលផ្លូវពេលយប់មែនទេ?

May 22, 2020

ភ្លើងខ្សោយពិបាកមើលផ្លូវមែនទេ? ថ្ងៃនេះខេមបូអូតូ សូមធ្វើការណែនាំ អ្នកឯកទេសបំពាក់គ្រឿងរថយន្ត iCar ដែលអ្នកទាំងអស់គ្នា អាចធ្វើការបំពាក់ចង្កៀងគុជ ភ្លឺច្បាស់ល្អ មិនចាំងភ្នែកដល់អ្នកដទៃ ជាមួយជាងមានជំនាញ និងមានការធានាគុណភាពប្រើប្រាស់ ឬតម្លៃសមរម្យថែមទៀត។ នេះជាគំរូ រថយន្ត ដែលបានបំពាក់ឈុតអំពូលគុជ iRay ដែលមានលក្ខណះពិសេសដូចខាងក្រោម៖

កំណត់កំពស់ពន្លឺត្រឹមត្រូវ មិនចាំងដល់ភ្នែកអ្នកដទៃ
ភ្លើងភ្លឺពណ៍ថ្ងៃលេខកូដ ៥ ៥០០K កាត់ទឹកភ្លៀងបានល្អ
ដុំភ្លើងភ្លឺលឿន កំលាំង ៥៥ វ៉ាត់ ធន់នឹងការជ្រាបទឹក
កំរិតពន្លឺភ្លឺដិតច្បាស់ល្អ កាត់ជាបន្ទាត់ស្មើ
បាច់ពន្លឺមានទទឹងធំ ភ្លឺលាតពេញដងផ្លូវតែម្តង
បច្ចេកទេសដំឡើងដោយប្រើម៉ាស៊ីនបកចង្កៀង និងម៉ាស៊ីនចាក់កាវ ដែលទទួលបានប្រសិទ្ធភាពខ្ពស់

កុំភ្លេចប្រើបណ្ណបញ្ចុះតម្លៃដោយគ្រាន់តែបង្ហាញអត្ថបទនេះ ឬប្រាប់លេខកូដ CamboAutoFan ដើម្បីទទួលបានការបញ្ចុះតម្លៃ ១០ ដុល្លារ ភ្លាមៗ។

ខាងក្រោមនេះជាគំរូរថយន្តជាច្រើនដែលបានបំពាក់គុជចង្កៀងជាមួយ iCar ផងដែរ៖

សម្រាប់ពត័មានបន្ថែមសូមទាក់ទង ០៩២ ៩៦០ ០០០ / ០៩៦ ៥៩៦ ០០០០ / ០៩៧ ៥៩៦ ០០០០ ឬមកទីតាំង iCar ផ្ទាល់ផ្ទះលេខ២៧-២៨, ផ្លូវលេខ៦០៨, ខាងលិចរង្វង់មូលទួលគោក ១៥០ម៉ែត្រ ឬចុច ផែនទីនេះ!

ផ្ទាំងផ្សាយពាណិជ្ជកម្ម

Tesla ដំឡើងថ្លៃ Option បើកស្វ័យប្រវត្តិពេញទី ម្ដងទៀត

May 22, 2020

Tesla បានដំឡើងថ្លៃម្ដងទៀតសម្រាប់ Option “Full Self-Driving” (បើកបរស្វ័យប្រវត្តិពេញទី) នៃប្រព័ន្ធ Autopilot លើរថយន្តរបស់ខ្លួន ចាប់ពីថ្ងៃទី ១ ខែកក្កដា ដែលម្ដងនេះដំឡើងថ្លៃចំនួន ១ពាន់ដុល្លារ។

ដូចនេះអតិថិជន Tesla ដែលធ្វើការកុម្ម៉ង់រថយន្តចាប់ពីថ្ងៃទី ១ ខែកក្កដា នឹងត្រូវថែមលុយ ៨ពាន់ដុល្លារ ប្រសិនបើចង់បាន Option ពិសេសខាងលើ បំពាក់លើរថយន្តរបស់ខ្លួន។ លោក Elon Musk បានបញ្ជាក់ថា នេះមិនមែនជាការដំឡើងថ្លៃចុងក្រោយនោះ ដែលមានន័យថានៅថ្ងៃខាងមុខ Option នេះនឹងបន្តឡើងថ្លៃទៀត ដែលអាចឡើងថ្លៃលើសពី ១០ម៉ឺនដុល្លារក៏ថាបាន។

សារព័ត៌មាន The Verge បាននិយាយថា ហេតុផលមួយដែលលោក Elon Musk ឲ្យតម្លៃលើ “Full Self-Driving” ខ្ពស់បែបនេះ គឺដោយសារសមត្ថភាព “Robotaxi” ដែលនឹងមានលើប្រព័ន្ធនេះនាថ្ងៃខាងមុខ។ ពេលដែលការអភិវឌ្ឍន៍លើ “Full Self-Driving” បញ្ចប់រួចរាល់ អ្នកប្រើប្រាស់រថយន្ត Tesla នឹងអាចប្រើរថយន្តរបស់ខ្លួនធ្វើជាតាក់ស៊ីបើកបរដោយស្វ័យប្រវត្តិបាន។

ម្ចាស់ Tesla ធ្លាប់បាននិយាយពីមុនមកថា ម្ចាស់រថយន្ត Tesla នឹងអាចរកប្រាក់ចំណូលបានច្រើនបំផុតដល់ ៣ម៉ឺនដុល្លារក្នុងមួយឆ្នាំ ពេលដែលសេវាកម្ម Robotaxi ចាប់ផ្ដើមដំណើរការ៕

ផ្ទាំងផ្សាយពាណិជ្ជកម្ម

មើលចុះ! សូម្បីកូនឡានក៏ Rolls-Royce ធ្វើបានល្អឥតខ្ចោះដែរ

May 22, 2020

Rolls-Royce បានបង្ហាញចេញកូនរថយន្ត SUV ម៉ូដែល Cullinan មានមាត្រដ្ឋាន 1:8 ដែលក្រុមហ៊ុនបានផលិតយ៉ាងយកចិត្តទុកដាក់ ធ្វើឲ្យរថយន្តខ្នាតតូចមានរូបរាងពិសេសមិនចាញ់រថយន្តពិតឡើយ។

រថយន្ត Cullinan ខ្នាតតូចគឺធ្វើឡើងដោយដៃផ្ទាល់ ដែលមានប្រើប្រាស់គ្រឿងបង្គំជាង ១ពាន់បំណែកឯណោះ។ ដំណើរការផលិតវាគឺត្រូវប្រើពេលរហូតដល់ ៤៥០ ម៉ោង ស្មើនឹងជាងពាក់កណ្ដាលនៃពេលវេលាដែលប្រើសម្រាប់ផលិតរថយន្ត Cullinan ខ្នាតធំ។

អតិថិជនដែលចង់បានរថយន្តខ្នាតតូចបែបនេះ អាចធ្វើការជ្រើសរើសជម្រើសពណ៌ប្រមាណ ៤ម៉ឺនប្រភេទខុសៗគ្នា ឬអាចកុម្ម៉ង់ឲ្យគេធ្វើតាមរថយន្ត Rolls-Royce ប្រភេទ Bespoke របស់ខ្លួនបានផងដែរ។

Rolls-Royce មិនបានប្រាប់អំពីតម្លៃនៃកូនរថយន្តនេះឡើយ។ ខាងក្រោមជាវីដេអូបង្ហាញអំពីរូបរាងដ៏លម្អិតរបស់រថយន្ត Rolls-Royce Cullinan ខ្នាតតូច ៖

ផ្ទាំងផ្សាយពាណិជ្ជកម្ម

Hyundai Sonata Hybrid ឆ្នាំ២០២០ ចេញតម្លៃលក់ផ្លូវការ ត្រឹម ២៧ ០០០ដុល្លារ

May 22, 2020

ក្រុមហ៊ុន Hyundai បានប្រកាសតម្លៃនៃរថយន្ត Sonata Hybrid ស៊េរីឆ្នាំ២០២០ ជាផ្លូវការ គឺចាប់ពី ២៧ ៧៥០ដុល្លារ នៅលើទីផ្សារសហរដ្ឋអាមេរិក។

រថយន្ត Hyundai Sonata Hybrid ឆ្នាំ២០២០ បំពាក់ម៉ាស៊ីនសាំងចំណុះ ២,០លីត្រ មានកម្លាំង ១៥០សេះ និងម៉ូទ័រអគ្គិសនីកម្លាំង ៥២សេះ។ វាប្រើប្រអប់លេខអូតូ ៦វគ្គ ហើយមានកម្រិតស៊ីសាំងជាមធ្យម ៤,៧លីត្រ/ក្នុងក្រុង ៤,៣លីត្រ/ក្រៅក្រុង និង ៤,៥លីត្រ/ជាមធ្យម ក្នុង១០០គីឡូម៉ែត្រ។

មិនតែប៉ុណ្ណោះ Sonata Hybrid បានបំពាក់ដំបូល Solar Roof System ដែលអាចសាកភ្លើង និងជួយឲ្យវាបើកបានចម្ងាយ ៣,២គីឡូម៉ែត្របន្ថែមទៀតផងក្នុងមួយថ្ងៃ។ រថយន្តនេះនឹងចេញលក់នៅសហរដ្ឋអាមេរិក ក្នុងខែមិថុនា៕

ផ្ទាំងផ្សាយពាណិជ្ជកម្ម

មកមើលតម្លៃ Jaguar F-Type ឆ្នាំ២០២០ ទើបចេញលក់នៅថៃក្តៅៗ!

May 22, 2020

ក្រុមហ៊ុន Inchcape Thailand បានប្រកាសដាក់លក់រថយន្ត Jaguar F-Type ស៊េរីឆ្នាំ២០២០ ដែលមានតួខ្លួនចំនួន ២ប្រភេទ គឺ Coupe និង Convertible (បើកដំបូល) ហើយមានតម្លៃចាប់ពី ៦,៤លានបាត ឬប្រហែល ២០០ ០០០ដុល្លារ សម្រាប់ប្រភេទ Base Model។

F-Type ថ្មី មានជម្រើសម៉ាស៊ីនចំនួន ២ប្រភេទ គឺ ម៉ាស៊ីនសាំងចំណុះ ២,០លីត្រ turbo ទំហំ ៤ស៊ីឡាំង មានកម្លាំង ៣០០សេះ និង ម៉ាស៊ីនចំណុះ ៥,០លីត្រ supercharged ទំហំ ៨ស៊ីឡាំង មានកម្លាំង ៥៧៥សេះ ប្រើប្រអប់លេខអូតូ ៨វគ្គ និងប៉ុងពីរ (ម៉ូដែលម៉ាស៊ីនធំ)។

សូមបញ្ជាក់ថា F-Type ក៏មានម៉ូដែល R-Dynamic ដែលមានតម្លៃចាប់ពី ៦,៩លានបាត ឬ ២១៦ ០០០ដុល្លារ សម្រាប់ប្រភេទ Coupe និង ៧,៦លានបាត ឬ ២៣៨ ០០០ដុល្លារ សម្រាប់ប្រភេទ Convertible។ ចំណែកឯម៉ូដែល R-Dynamic ប្រភេទម៉ាស៊ីនធំវិញ មានតម្លៃដល់ ១២លានបាត ឬ ៣៧៦ ០០០ដុល្លារឯណោះ៕

ផ្ទាំងផ្សាយពាណិជ្ជកម្ម

Mazda ចាប់ផ្ដើមផលិតរថយន្តអគ្គិសនីដំបូងរបស់ខ្លួន នៅរោងចក្រជប៉ុន

May 21, 2020

Mazda បានចាប់ផ្ដើមធ្វើការផលិតរថយន្តអគ្គិសនីដំបូងរបស់ខ្លួនគឺម៉ូដែល MX-30 កាលពីថ្ងៃទី ២០ ខែឧសភាកន្លងទៅ ដែលផលិតនៅរោងចក្រ Uhina លេខមួយ ក្នុងក្រុង Hiroshima ប្រទេសជប៉ុន។

រថយន្ត MX-30 ដែលផលិតនៅជប៉ុនត្រូវបានឌីហ្សាញឡើងសម្រាប់ទីផ្សារអឺរ៉ុប។ តម្លៃរបស់ MX-30 នៅអឺរ៉ុបគឺមានចាប់ពីប្រមាណ ៣៧ ៤៣០ ដុល្លារ។

Mazda MX-30 គឺមានបំពាក់ម៉ូទ័រអគ្គិសនីដែលផលិតកម្លាំងបាន ១៤៣សេះ ដែលវាបានថាមពលពីអាគុយលីចូមចំណុះ ៣៥,៥ គីឡូវ៉ាត់ម៉ោង។ តាមការធ្វើតេស្តរបស់ WLTP បានឲ្យដឹងថារថយន្តអគ្គិសនីនេះអាចជិះបានចម្ងាយ ២០០ គ.ម ពេលសាកភ្លើងពេញ ជារយៈចម្ងាយមួយដែល Mazda និយាយថាអាចបំពេញចិត្តអតិថិជននៅអឺរ៉ុបបាន។

អាគុយរបស់រថយន្ត MX-30 អាចសាកពី ០ ដល់ ៨០% ក្នុងពេលប្រហែល ៤០នាទី ដោយប្រើប្រាស់ឆ្នាំងសាក DC។ អតិថិជននៅអឺរ៉ុបអាចធ្វើការកុម្ម៉ង់រថយន្ត MX-30 ចាប់ពីពេលនេះ ដែលនឹងមានដាក់លក់ចាប់ពីត្រីមាសទី ៤ ឆ្នាំ ២០២០ នេះ៕

ផ្ទាំងផ្សាយពាណិជ្ជកម្ម