តូចតែខ្លឹម! Mini John Cooper Works GP ឆ្នាំ២០២០ ចេញលក់នៅថៃ តម្លៃញាក់សាច់

April 24, 2020

បន្ទាប់ពីបានចេញលក់រថយន្តដំណើរការដោយថាមពលអគ្គិសនី នៅក្នុងប្រទេសថៃជាលើកដំបូងរួចមក ឥឡូវនេះក្រុមហ៊ុន Mini បានបង្ហាញរថយន្តដែលមានល្បឿនលឿនបំផុតរបស់ខ្លួន គឺ Mini John Cooper Works GP។

រថយន្ត Mini John Cooper Works GP ស៊េរីឆ្នាំ២០២០ ដែលមានរូបរាងដូចរថយន្តប្រណាំងនេះ បានឌីហ្សាញចេញមកបែបស្ព័រ និងមើលទៅកាចតែម្តង។

វាបំពាក់ម៉ាស៊ីនចំណុះ ២,០លីត្រ Turbo ទំហំ ៤ស៊ីឡាំង មានកម្លាំង ៣០៦សេះ ប្រើប្រអប់លេខអូតូ ៨វគ្គ អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹម ៥,២វិនាទី ហើយមានល្បឿនអតិបរមាដល់ ២៦៥គីឡូម៉ែត្រក្នុងមួយម៉ោង។

រថយន្តស្ព័រខ្នាតតូចតែកម្លាំងខ្លាំងនេះ ត្រូវបានដាក់លក់តម្លៃ ៤,២លានបាត ឬប្រហែលខ្ទង់ ១២៩ ៥០០ដុល្លារ នៅក្នុងប្រទេសថៃ៕

ផ្ទាំងផ្សាយពាណិជ្ជកម្ម

Mercedes-Benz ឈប់ផលិតរថយន្តមួយ ដែលមនុស្សភាគច្រើនមិនស្គាល់

April 24, 2020

Mercedes-Benz បានប្រកាសថានឹងបញ្ឈប់ការអភិវឌ្ឍន៍បច្ចេកវិទ្យាឧស្ម័នអ៊ីដ្រូហ្សែនសម្រាប់រថយន្ត ហើយក្នុងនោះគឺមានការបញ្ឈប់ការផលិតនូវរថយន្ត Mercedes-Benz GLC-Class ដើរដោយថាមពលអ៊ីដ្រូហ្សែន ដែលរថយន្តនេះត្រូវបានគេឲ្យឈ្មោះថា GLC F-Cell។

បច្ចេកវិទ្យាឧស្ម័នអ៊ីដ្រូហ្សែនគឺជាអ្វីដែលក្រុមហ៊ុនអាល្លឺម៉ង់នេះ ចំណាយពេលលើវាអស់ជាង ៣០ឆ្នាំមកហើយ។ ប៉ុន្តែក្រោយ ៣០ ឆ្នាំ ក្រុមហ៊ុនសម្រេចថាការចំណាយលើរថយន្តដែលប្រើថាមពលអ៊ីដ្រូហ្សែន (FCV) គឺច្រើនពេក ដែលម៉ូដែលនីមួយៗស្ទើរចំណាយថ្លៃផលិតស្ទើរតែស្មើពីរដងនៃរថយន្តដើរដោយអាគុយ។

រថយន្ត GLC F-Cell គឺមានដាក់លក់នៅអឺរ៉ុបចាប់ពីឆ្នាំ ២០១៣ ដែលជាការសហការបង្កើតរវាង Mercedes-Benz ជាមួយ Nissan និង Ford៕

ផ្ទាំងផ្សាយពាណិជ្ជកម្ម

Mini បង្ខំចិត្តប្ដូរឈ្មោះយ៉ាន់រថយន្ត Cooper SE ព្រោះកូវីដ១៩

April 24, 2020

ក្រុមហ៊ុនរថយន្ត Mini បានផ្លាស់ប្ដូរឈ្មោះយ៉ាន់កង់រថយន្តសម្រាប់បំពាក់លើរថយន្ត Cooper SE ប្រភេទអគ្គិសនី ដែលប្ដូរពីឈ្មោះ “Corona Spoke” មកជា “Power Spoke” ក៏ដោយសារមានឈ្មោះស្រដៀងនឹងជំងឺកូវីដ១៩ ដែលកំពុងផ្ទុះទូទាំងពិភពលោក។

សកម្មភាពរបស់ Mini បានបង្ហាញឲ្យឃើញថាជំងឺកូវីដ១៩ បានប៉ះពាល់ដល់ឧស្សាហកម្មយានយន្តជាខ្លាំង។ មិនត្រឹមតែត្រូវបិទរោងចក្រ ហើយចំនួនលក់រថយន្តធ្លាក់ចុះនោះទេ ពេលនេះក្រុមហ៊ុនថែមទាំងត្រូវប្ដូរឈ្មោះផលិតផលរបស់ខ្លួន ដើម្បីជៀសវាងពីបញ្ហានានា។

ឈ្មោះយ៉ាន់សម្រាប់ Cooper SE ស៊េរីខ្ពស់ជាងគេនេះគឺបានដាក់តាំងពីមុនពេលជំងឺកូវីដ១៩ផ្ទះមកម្ល៉េះ។ ការប្ដូរឈ្មោះនេះដែរគឺក្រោយពី Mini ដឹកជញ្ជូនរថយន្ត Cooper SE ដល់អតិថិជននៅអាមេរិកបានត្រឹម ១ ខែប៉ុណ្ណោះ៕

ផ្ទាំងផ្សាយពាណិជ្ជកម្ម

Lexus ចេញលក់ NX ប្រើប៉ុងមួយថ្មី ស៊ីសាំងតិចជាងមុន

April 23, 2020

Lexus កំពុងបញ្ចេញលក់រថយន្ត NX ប្រភេទប៉ុងមួយថ្មី នៅលើទីផ្សារចក្រភពអង់គ្លេស ដែលវានឹងមានតម្លៃថោកជាងមុន ហើយក៏ស៊ីសាំងតិចជាងមុនផងដែរ។

រថយន្ត Lexus NX 300h ថ្មី នឹងត្រូវដាក់លក់ក្នុងតម្លៃចាប់ពី ៤៤ ២៥០ដុល្លារ ថោកជាងប្រភេទប៉ុងពីរដល់ទៅ ១ ៥៥០ដុល្លារឯណោះ។

NX 300h បំពាក់ម៉ាស៊ីនប្រភេទ Hybrid ចំណុះ ២,៥លីត្រ និងម៉ូទ័រអគ្គិសនីមួយ មានកម្លាំងសរុប ១៩៥សេះ អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៩,២វិនាទី ហើយមានល្បឿនអតិបរមាដល់ ១៨០គីឡូម៉ែត្រក្នុងមួយម៉ោង។ SUV ខ្នាតតូចនេះមានកម្រិតស៊ីសាំងជាមធ្យមត្រឹម ៧លីត្រប៉ុណ្ណោះ សម្រាប់ការបើកបរចម្ងាយ ១០០គីឡូម៉ែត្រ។

រថយន្ត NX 300h ថ្មីក៏បានបំពាក់ប្រព័ន្ធសុវត្ថិភាព Lexus Safety Sense មកស្តង់ដារ ដោយក្នុងនោះរួមមានមុខងារសំខាន់ៗ ដូចជា Traffic Sign Recognition, Lane Keep Assist, Pre-Collison Safety និង Adaptive Cruise Control ជាដើម៕

ផ្ទាំងផ្សាយពាណិជ្ជកម្ម

Toyota ចេញ SUV ថ្មីមួយទៀត រាងស្រដៀង RAV4

April 23, 2020

ក្រុមហ៊ុន Toyota បានបញ្ចេញរថយន្ត SUV ថ្មីមួយម៉ូដែលទៀត ដែលផលិតឡើងសផ្អែកតាម រថយន្តខ្នាតតូចម៉ូដែល Yaris ហៅថា Yaris Cross។

ថ្វីបើ Toyota ព្យាយាមធ្វើឲ្យ Yaris Cross មានរូបរាងខុសពីម៉ូដែល C-HR ប៉ុន្តែវាមានរាងស្រដៀងខ្លាំងទៅនឹងម៉ូដែល RAV4 វិញ ទាំងផ្នែកខាងមុខ ផ្នែកចំហៀង និងខាងក្រោយ។

Yaris Cross បំពាក់ម៉ាស៊ីនប្រភេទ Hybrid ចំណុះ ១,៥លីត្រ ទំហំ ៣ស៊ីឡាំង ជាមួយនឹងម៉ូទ័រអគ្គិសនីមួយ មានកម្លាំងសរុប ១១៤សេះ ហើយមានទាំងជម្រើសប៉ុងមួយ និងប៉ុងពីរ។

គួរឲ្យដឹងថា SUV ខ្នាតតូចនេះនឹងចេញលក់នៅឆ្នាំ២០២១ ខាងមុខ ខណៈតម្លៃរបស់វានឹងត្រូវប្រកាសនៅពេលក្រោយ៕

ផ្ទាំងផ្សាយពាណិជ្ជកម្ម

រូបភាពដំបូង បង្ហាញផ្នែកខាងក្នុង Maybach S-Class ស៊េរីឆ្នាំ ២០២១

April 23, 2020

ការអភិវឌ្ឍរថយន្ត Mercedes S-Class ស៊េរីឆ្នាំ ២០២១ គឺកំពុងតែប្រព្រឹត្តទៅយ៉ាងញាប់ដៃជើង ហើយពេលនេះគេអាចមើលឃើញផ្នែកខាងក្នុងនៃ S-Class ប្រភេទ Maybach។

រូបភាពដែលមានតែមួយសន្លឹកបានបង្ហាញថាផ្នែកខាងក្នុងរបស់ Maybach S-Class គឺមានបំពាក់ដោយអេក្រង់ទំហំធំចំនួនពីរ ដែលមានអេក្រង់មួយប្រើជាកុងទ័របង្ហាញព័ត៌មានស្ថិតនៅពីក្រោយចង្កូតរថយន្ត និងមួយទៀតជាអេក្រង់សម្រាប់ប្រព័ន្ធកម្សាន្ត។

រថយន្ត Maybach S-Class នឹងមានតួខ្លួនវែងជាង S-Class ធម្មតា ហើយរូបរាងក៏មានផ្លាស់ប្ដូរខ្លះៗដែរ ដើម្បីឲ្យខុសពី S-Class ធម្មតា។ វាអាចមានផ្លាស់ប្ដូរការឌីហ្សាញកាងក្រោយ, មានក្រូម៉េលើផ្នែកជាច្រើន, មានជម្រើសពណ៌ខាងក្រៅពីរពណ៌លាយគ្នា និងមានរន្ធខ្យល់រលោងជាដើម។

ដំណឹងចុងក្រោយបំផុតដែលគេឮពី Mercedes គឺក្រុមហ៊ុនមានគម្រោងការបង្ហាញចេញ S-Class ស៊េរីថ្មីនៅចុងឆ្នាំ ២០២០ ហើយ Maybach S-Class នឹងបញ្ចេញតាមក្រោយអាចនៅដើមឆ្នាំ ២០២១៕

ផ្ទាំងផ្សាយពាណិជ្ជកម្ម

Bugatti បកស្រាយមូលហេតុដែល Chiron មួយម៉ូដែលនេះ ជាន់បានត្រឹម ៣៥០គ.ម/ម៉

April 23, 2020

បើប្រៀបធៀបនឹងរថយន្តដទៃទៀតភាគច្រើន ល្បឿនអតិបរមា ៣៥០ គ.ម/ម៉ របស់ Bugatti Chiron Pur Sport អាចនិយាយបានថាលឿនខ្លាំង។ ប៉ុន្តែបើប្រៀបនឹង Chiron ធម្មតាដែលមានល្បឿនអតិបរមា ៤២០ គ.ម/ម៉ ឬ Chiron Super Sport 300+ ដែលមានល្បឿន ៤៩០ គ.ម/ម៉ ទើបឃើញថាល្បឿនរបស់ Chiron Pur Sport គឺយឺត។

ពេលជួបសម្ភាសន៍ជាមួយ Motor Trend ប្រធានផ្នែកស្រាវជ្រាវ និងអភិវឌ្ឍន៍របស់ Bugatti ឈ្មោះ Stafan Ellrott បានបកស្រាយថា Chiron Pur Sport គឺជាការបញ្ជាក់ថាល្បឿនកំពូលល្បឿន មិនមែនជាចំណុចសំខាន់ដាច់គេសម្រាប់ពពួក Hypercar នោះទេ។

Chiron Pur Sport ដែលមានផលិតត្រឹម ៦០គ្រឿង និងមួយគ្រឿងៗមានតម្លៃ ៣,៥៥ លានដុល្លារ គឺត្រូវបានឌីហ្សាញឡើងឲ្យក្លាយជារថយន្តដែលរហ័សរហួនបំផុត។ ត្បិតថាល្បឿនអតិបរមារបស់វាទាបជាង Chiron ដទៃទៀត ប៉ុន្តែវាមានសមត្ថភាពខ្លាំងក្នុងការបង្កើនសន្ទុះ អាចស្ទុះពី ០-៩៦ គ.ម/ម៉ ក្នុងពេលក្រោម ២,៣វិនាទី, ស្ទុះពី ០-២០០ គ.ម/ម៉ ក្នុងពេល ៥,៩វិនាទី និងស្ទុះពី ០-៣០០ គ.ម/ម៉ ប្រើពេលត្រឹម ១២,៤ វិនាទី ដែលស្ទុះលឿនជាង Chiron ធម្មតា។

កម្លាំងរបស់ Chiron Pur Sport នៅតែបានពីម៉ាស៊ីន Quad-Turbocharged ចំណុះ ៨,០លីត្រ ១៦ស៊ីឡាំង ផលិតកម្លាំងបាន ១៥០០ សេះ និងភ្ជាប់ជាមួយប្រព័ន្ធប្រអប់លេខ ៧វគ្គ កែសម្រួលថ្មី។ ប្រអប់លេខថ្មីអាចឲ្យ Chiron Pur Sport បង្កើនសន្ទុះបានលឿនជាង Chiron ធម្មតា៕

ផ្ទាំងផ្សាយពាណិជ្ជកម្ម

ឡាន ១០ម៉ូដែល លក់ដាច់បានច្រើនជាងគេនៅដើមឆ្នាំនេះ

April 22, 2020

ក្រុមហ៊ុនស្រាវជ្រាវទិន្នន័យទីផ្សាររថយន្តសកលលោក Focus2Move បានបង្ហាញចេញតួលេខនៃរថយន្ត ១០ ម៉ូដែលដែលលក់ដាច់បានច្រើនជាងគេប្រចាំ ២ ខែដំបូងនាឆ្នាំ ២០២០ នេះ ពោលនៅអំឡុងខែមករា ដល់ខែកុម្ភៈ។

១. Toyota Corolla ៖ ១៨៣ ៦២៩ គ្រឿង (កើន ២,២%)

២. Ford F-Series ៖ ១៤៩ ២០០ គ្រឿង (ថយ ០,៧%)

៣. Toyota RAV4 ៖ ១៣៤ ៨៦៩ គ្រឿង (កើន ១៣,៧%)

៤. Honda CR-V ៖ ១០៥ ៤៤៦ គ្រឿង (ថយ ៧,៣%)

៥. Honda Civic ៖ ៩៤ ៥៤៤ គ្រឿង (ថយ ២១,៣%)

៦. Toyota Camry ៖ ៨៩ ៩៧៨ គ្រឿង (ថយ ៩,៣%)

៧. Ram Pickup ៖ ៨៦ ៩៤៦ គ្រឿង (ថយ ០,១%)

៨. Toyota Hilux ៖ ៨៥ ២៣២ គ្រឿង (ថយ ៤,៤%)

៩. Chevrolet Silverado ៖ ៨៤ ៤៩៧ គ្រឿង (កើន ០,៨%)

១០. Volkswagen Tiguan ៖ ៨១ ២៨៦ គ្រឿង (ថយ ២១,៤%)

ផ្ទាំងផ្សាយពាណិជ្ជកម្ម

Land Rover បញ្ចេញឡាន Evoque អាចសាកភ្លើងបាន សាកពេញជិះបាន ៦៦គ.ម

April 22, 2020

ក្រុមហ៊ុន Jaguar Land Rover ទើបប្រកាសចេញនូវប្រព័ន្ធ PHEV (Plug-in Hybrid) ថ្មី ហើយប្រព័ន្ធនេះនឹងប្រើប្រាស់ជាលើកដំបូងគេលើម៉ូដែល Range Rover Evoque និង Land Rover Discovery Sport។

សម្រាប់ Range Rover Evoque គឺមានបំពាក់ដោយម៉ាស៊ីន ១,៥ លីត្រ ៣ស៊ីឡាំង ដែលផលិតកម្លាំងបាន ១៩៧ សេះ ផ្គួបជាមួយម៉ូទ័រអគ្គិសនីកម្លាំង ១០៧សេះ ដែលបានថាមពលពីអាគុយចំណុះ ១៥ គីឡូវ៉ាត់ម៉ោង។ សរុបទៅប្រព័ន្ធនេះអាចផលិតកម្លាំងបាន ៣០៤ សេះ។

Range Rover Evoque ប្រភេទ P300e អាចបង្កើនសន្ទុះដល់ ១០០ គ.ម/ម៉ ប្រើពេលត្រឹម ៦,៤ វិនាទី។ វាមានសមត្ថភាពសាកភ្លើងពី ០-៨០% ដោយចំណាយពេល ៣០នាទី ហើយពេលសាកភ្លើងពេញគឺវាអាចបើកបរដោយប្រើថាមពលអគ្គិសនីសុទ្ធបានចម្ងាយ ៦៦ គីឡូម៉ែត្រ។

រថយន្ត Evoque ប្រភេទថ្មីនេះដែរគឺមានកម្រិតស៊ីប្រេងជាមធ្យម ១,៤ លីត្រ សម្រាប់ការបើកបរចម្ងាយ ១០០ គីឡូម៉ែត្រ ពេលបើកបរដោយប្រើប្រាស់ប្រព័ន្ធ PHEV ហើយការបើកបរគឺគួបផ្សំជាមួយប្រអប់លេខស្វ័យប្រវត្តិ ៨វគ្គ។

គួរដឹងថា JLR មិនបានប្រកាសអំពីកាលបរិច្ឆេទនៃការដាក់លក់រថយន្ត Evoque និង Discovery Sport ប្រភេទថ្មីទាំងពីរនេះនៅឡើយទេ៕

ផ្ទាំងផ្សាយពាណិជ្ជកម្ម

Porsche នឹងចេញលក់ឡានអគ្គិសនីតម្លៃថោកបំផុត

April 22, 2020

រថយន្តអគ្គិសនី Porsche Taycan បានបង្ហាញខ្លួនអស់រយៈពេលប៉ុន្មានខែមកហើយ ដោយក្នុងនោះម៉ូដែល Taycan 4S មានតម្លៃថោកជាងគេ គឺចាប់ពី ១០៣ ៨០០ដុល្លារ។

ទោះជាយ៉ាងណា ក្រុមហ៊ុន Porsche នឹងចេញរថយន្ត Taycan ថ្មីមួយម៉ូដែលទៀត ដែលមានតម្លៃថោកបំផុត ដើម្បីប្រជែងនឹងរថយន្ត Tesla Model S។

រថយន្ត Porsche Taycan ថ្មី ដែលនឹងស្ថិតនៅក្រោមម៉ូដែល Taycan 4S, Turbo និង Turbo S ទៅទៀតនោះ នឹងប្រើកញ្ចប់អាគុយទំហំតូច ហើយប្រើប៉ុងមួយវិលកង់ក្រោយ។

ថ្វីបើមិនក្រុមហ៊ុនរថយន្តអាល្លឺម៉ង់ខាងលើ មិនទាន់បានបង្ហាញតម្លៃផ្លូវការរបស់វា ប៉ុន្តែគេអាចទស្សន៍ទាយថា វានឹងចាប់ផ្តើមនៅចន្លោះខ្ទង់ ៧៥ ០០០ដុល្លារ ទៅ ៨០ ០០០ដុល្លារ៕