ត្រៀមស្វាគមន៍ឡាន McLaren ប្រើម៉ាស៊ីន Plug-In Hybrid ថ្មីឆាប់ៗ

April 3, 2020

ក្រុមហ៊ុន McLaren បានដឹងយ៉ាងច្បាស់អំពីការផលិតរថយន្ត Supercar ប្រើម៉ាស៊ីន Hybrid បន្ទាប់ពីបានផលិតម៉ូដែល P1, P1 GTR និង Speedtail។

ឥឡូវនេះ ពួកគេបានចាប់អារម្មណ៍ចង់ពង្រីកត្រកូលរថយន្ត Sports Series របស់ខ្លួន ជាមួយនឹងការប្រើប្រាស់ម៉ាស៊ីន Plug-in Hybrid ថ្មី។

រថយន្ត McLaren ប្រើម៉ាស៊ីន Plug-in Hybrid នេះ នឹងចូលរួមជាមួយម៉ូដែល 540C, 570GT, 570S និង 600LT ហើយអាចនឹងបង្ហាញខ្លួននារដូវក្តៅឆ្នាំនេះ ព្រមទាំងចេញលក់នៅចុងឆ្នាំនេះតែម្តង។

ទោះជាយ៉ាងណា McLaren មិនបានបង្ហាញព័ត៌មានលម្អិតណាមួយពីរថយន្តថ្មីរបស់ខ្លួនឡើយ ប៉ុន្តែគេជឿជាក់ថា វានឹងបំបាក់ម៉ាស៊ីន Twin-turbo V6 ប្រភេទ Plug-in Hybrid ដែលមានសមត្ថភាពអាចបើកបរដោយថាមពលអគ្គិសនីសុទ្ធចម្ងាយ ៣០គីឡូម៉ែត្រ នៅពេលសាកភ្លើងពេញ៕

ផ្ទាំងផ្សាយពាណិជ្ជកម្ម

Jaguar Land Rover ចង់ប្រើម៉ាស៊ីនព្រីន 3D ផលិតរបាំងការពារមុខឲ្យបាន ៥ពាន់/សប្តាហ៍

April 3, 2020

ក្រុមហ៊ុនរថយន្ត Jaguar Land Rover នឹងប្រើម៉ាស៊ីនព្រីន 3D នៅក្នុងរោងចក្ររបស់ខ្លួន ដើម្បីផលិតរបាំងប្លាស្ទិចការពារមុខ សម្រាប់បុគ្គលិកសំខាន់ៗរបស់ខ្លួន។

ការឌីហ្សាញនៃរបាំងការពារមុខនោះត្រូវបានបង្កើតឡើងរួចទៅហើយ ជាមួយនឹងក្រុមអ្នកជំនាញផ្នែកថែទាំសុខភាពមកពី NHS ខណៈរបាំងការពារមុខនោះទៀតសោធ អាចលាងសម្អាត និងប្រើឡើងវិញបានផងដែរ។

គួរឲ្យដឹងថា ក្រុមហ៊ុនរថយន្តអង់គ្លេសខាងលើ គ្រោងផលិតរបាំងការពារមុខនេះឲ្យបាន ៥ ០០០គ្រឿងក្នុងមួយសប្តាហ៍ សម្រាប់បុគ្គលិកសេវាសុខភាពជាតិ NHS ផងដែរ នៅទូទាំងចក្រភពអង់គ្លេស។

ការសាកល្បងផលិតត្រូវបានធ្វើឡើងរួចទៅហើយ នៅរោងចក្ររបស់ក្រុមហ៊ុន Jaguar Land Rover ក្នុងតំបន់ Warwickshire កាលពីថ្ងៃទី៣១ ខែមីនា កន្លងទៅនេះ៕

ផ្ទាំងផ្សាយពាណិជ្ជកម្ម

Tesla បង្កើតបានកំណត់ត្រាលក់ និងផលិតមិនធ្លាប់មាននៅ ៣ខែដំបូងឆ្នាំ ២០២០

April 3, 2020

Tesla ទើបបញ្ចេញរបាយការណ៍អំពីចំនួនផលិត និងចំនួនលក់នៃរថយន្តរបស់ខ្លួន ប្រចាំត្រីមាសទី ១ ឆ្នាំ ២០២០ ដែលវាជាកំណត់ត្រាថ្មីអស្ចារ្យសម្រាប់ក្រុមហ៊ុនផលិតរថយន្តអគ្គិសនីសុទ្ធនេះ។

នៅត្រីមាសដំបូងនេះ Tesla អាចផលិតរថយន្តបានជិត ១០៣ ០០០ គ្រឿង និងដឹកជញ្ជូនរថយន្តឲ្យអតិថិជនបានប្រហែល ៨៨ ៤០០ គ្រឿង។ រថយន្ត Model 3 និង Model Y មានចំនួនដឹកជញ្ជូនសរុបបញ្ចូលគ្នា ៧៦ ២០០ គ្រឿង ចំណែក Model S និង Model X មានចំនួនសរុបបញ្ចូលគ្នា ១២ ២០០ គ្រឿង។

Tesla បានបញ្ជាក់ថាតួលេខនៃប្រាក់ចំណេញ និងប្រាក់ចំណូល នឹងត្រូវប្រកាសទន្ទឹមគ្នាជាមួយរបាយការណ៍ហិរញ្ញវត្ថុផ្សេងទៀតនាពេលឆាប់ៗខាងមុខនេះ៕

ផ្ទាំងផ្សាយពាណិជ្ជកម្ម

Toyota នៅតែដាក់លក់ Land Cruiser ស៊េរីចាស់នៅអារ៉ាប់

April 3, 2020

Toyota នៅបន្តដាក់លក់រថយន្ត Land Cruiser ស៊េរីចាស់នៅសហភាពអារ៉ាប់រួម ដែលជា Toyota Land Cruiser 70 ចាប់ផ្ដើមផលិតតាំងពី ១៩៨៤ រហូតដល់បច្ចុប្បន្ន។

Toyota Land Cruiser 70 ដែលលក់នៅអារ៉ាប់មានជាប្រភេទ SUV ទ្វារបី ដែលមានតម្លៃចាប់ពីប្រហែលប្រមាណ ៣៨ ៥៩០ ដុល្លារ។ ក្រៅពីនេះក៏មានជា Land Cruiser ប្រភេទភីកអាប់ផងដែរ ដែលមានបំពាក់ម៉ាស៊ីន ៤,០ លីត្រ កម្លាំង ២២៨ សេះ ភ្ជាប់នឹងប្រអប់លេខដៃ ៥ វគ្គ។

រថយន្តស៊េរីចាស់មួយម៉ូដែលទៀតដែលនៅមានលក់ជាប្រភេទថ្មីនោះគឺ FJ Cruiser ដែលវាមានតម្លៃចាប់ពីប្រមាណ ៤០ ០២០ ដុល្លារ មានបំពាក់ម៉ាស៊ីន ៤,០ លីត្រ V6 កម្លាំង ២៧០ សេះ ភ្ជាប់នឹងប្រអប់លេខស្វ័យប្រវត្តិ ៥ វគ្គ៕

ផ្ទាំងផ្សាយពាណិជ្ជកម្ម

Toyota Supra 3JZ កម្លាំង១០០០សេះ ត្រៀមចេញមកសម្លាប់ C8 Corvette

April 2, 2020

កាលពីពេលថ្មីៗនេះ Toyota បានបង្ហាញរថយន្ត Supra ស៊េរីឆ្នាំ២០២១ ដែលប្រើម៉ាស៊ីនទំហំ ៦ស៊ីឡាំងដដែល តែមានកម្លាំងខ្លាំងជាងមុន ព្រមទាំងប្រភេទម៉ាស៊ីនតូចទំហំ ៤ស៊ីឡាំងផងដែរ។

បន្ទាប់ពីលុបចោលនូវការធ្វើតេស្តបើកបរសម្រាប់អ្នកកាសែត ចំពោះរថយន្ត Toyota Supra ឆ្នាំ២០២១ ដោយសារតែជំងឺកូវីដ១៩ ក្រុមហ៊ុន Toyota បានសម្រេចចិត្តប្រកាសត្រកូល Supra របស់ខ្លួនផ្សេងទៀត តាមរយៈបណ្តាញអនឡាញជំនួសវិញ។ ក្នុងនោះ Toyota បានប្រកាសពីរថយន្ត Supra 3JZ Edition ដែលរំពឹងថានឹងបង្ហាញខ្លួនឆ្នាំ២០២២ ដើម្បីសម្លាប់គូប្រជែង C8 Corvette។

Supra 3JZ នឹងប្រើម៉ាស៊ីនទំហំ ៨ស៊ីឡាំង Twin-turbo ចំណុះ ៤,០លីត្រ មានកម្លាំងដល់ទៅ ១ ០០០សេះ ហើយប្តូរពីការប្រើប៉ុងមួយវិលកង់ក្រោយ FWD មកប៉ុងពីរ AWD វិញ។ ជាលទ្ធផល វានឹងអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ២,៥វិនាទី។

យ៉ាងណាក៏ដោយ តម្លៃនៃ Supra 3JZ ថ្មីមិនទាន់ត្រូវបានបង្ហាញឡើយ ប៉ុន្តែគេរំពឹងរួចមកហើយថា វានឹងថ្លៃលើស ១០០ ០០០ដុល្លារ សម្រាប់ទីផ្សារបរទេស៕

ផ្ទាំងផ្សាយពាណិជ្ជកម្ម

Toyota ចុះប៉ាតង់ឈ្មោះថ្មីសម្រាប់ឡាន GR Corolla និង C-HR GR-Sport

April 2, 2020

ក្រុមហ៊ុន Toyota បានចុះប៉ាតង់ឈ្មោះថ្មីសម្រាប់រថយន្តត្រកូល GR របស់ខ្លួនចំនួន ២ម៉ូដែល គឺ GR Corolla និង C-HR GR-Sport នៅក្នុងប្រទេសអូស្ត្រាលី។

ឈ្មោះ GR ថ្មីចំនួន៣ គឺ GR Corolla, C-HR GR-Sport និង C-HR GR-S ត្រូវបានចុះនៅថ្ងៃទី១៧ ខែមីនា ឆ្នាំ២០២០ ទៅកាន់ការិយាល័យប៉ាតង់អូស្ត្រាលី IP Australia។

ទោះជាយ៉ាងណា ការចុះប៉ាតង់ឈ្មោះថ្មីនេះ ក៏មិនប្រាកដថា Toyota នឹងផលិតរថយន្តទាំង២ ខាងលើដែរ ខណៈការធ្វើដូច្នេះគឺដើម្បីកុំឲ្យក្រុមហ៊ុនផ្សេង យកឈ្មោះនេះទៅប្រើប៉ុណ្ណោះ។

យ៉ាងណាក៏ដោយ Toyota មានភាគរយច្រើនណាស់ ក្នុងការផលិតរថយន្តត្រកូល GR ជាក់ស្តែងដូចជា GR Supra និង GR Yaris ជាដើម៕

ផ្ទាំងផ្សាយពាណិជ្ជកម្ម

លេចធ្លាយប្រភេទម៉ាស៊ីនរថយន្ត F-150 ឆ្នាំ ២០២១ មានប្រភេទ Hybrid V6

April 2, 2020

Ford កំពុងតែសំងំបញ្ចប់ការបង្កើតរថយន្ត F-150 ស៊េរីថ្មីឆ្នាំ ២០២១ ដែលមានការប្ដូររូបរាងថ្មី ហើយជាមួយឯកសារថ្មីទើបលេចធ្លាយបានបង្ហាញឲ្យដឹងអំពីប្រភេទម៉ាស៊ីនដែលនឹងមានលើ F-150 ស៊េរីថ្មី។

តាមរយៈឯកសារបានបង្ហាញថាប្រភេទម៉ាស៊ីនជាច្រើនគឺដូចគ្នានឹងប្រភេទម៉ាស៊ីនដែលមានលើស៊េរីបច្ចុប្បន្នដែរ។ ជម្រើសម៉ាស៊ីនមានដូចជា ៖

ម៉ាស៊ីន V6 ៣,៣ លីត្រ កម្លាំង ២៩០ សេះ
ម៉ាស៊ីន EcoBoost V6 ២,៧ លីត្រ កម្លាំង ៣២៥ សេះ
ម៉ាស៊ីន EcoBoost V6 ៣,៥ លីត្រ កម្លាំង ៣៧៥ សេះ
ម៉ាស៊ីន V8 ចំណុះ ៥,០ លីត្រ កម្លាំង ៣៩៥ សេះ
ម៉ាស៊ីន V6 ចំណុះ ៣,៥ លីត្រ សម្រាប់ F-150 Raptor ដែលមិនបានប្រាប់ពីកម្លាំង (នៅលើម៉ូដែលឆ្នាំ ២០២០ វាមានកម្លាំង ៤៥០ សេះ)
ម៉ាស៊ីនម៉ាស៊ូត V6 ៣,០ លីត្រ មិនបានបញ្ជាក់អំពីកម្លាំង
ម៉ាស៊ីន V6 ៣,៥ លីត្រ ភ្ជាប់នឹងម៉ូទ័រអគ្គិសនី មិនបានបញ្ជាក់អំពីកម្លាំង

តាមពាក្យចចាមអារ៉ាមកន្លងមកបានឲ្យដឹងថា Ford F-150 ជំនាន់ថ្មី នឹងបង្ហាញមុខជាផ្លូវការនាថ្ងៃទី ២៩ ខែមេសាខាងមុខ៕

ផ្ទាំងផ្សាយពាណិជ្ជកម្ម

កូវីដ១៩ ធ្វើឲ្យ Bentley Mulsanne រស់បានយូរជាងមុនបន្តិច

April 2, 2020

Bentley គឺដូចជាក្រុមហ៊ុនផលិតរថយន្តនៅអឺរ៉ុបដទៃទៀតដែរ ដែលត្រូវបង្ខំចិត្តបិទរោងចក្រផលិតរថយន្តដោយសារការផ្ទុះនូវជំងឺកូវីដ១៩។ ខណៈពេលបិទនេះច្បាស់ណាស់ថានឹងធ្វើឲ្យប៉ះពាល់ដល់ផ្នែកហិរញ្ញវត្ថុ និងការពន្យារពេលនៃការចេញ Flying Spur ស៊េរីថ្មី ហើយវាក៏អូសបន្លាយពេលនៃការបញ្ចប់ការផលិតរថយន្ត Bentley Mulsanne ផងដែរ។

គួរដឹងថាក្រោយពីបានបញ្ចេញម៉ូដែលពិសេសមួយឈ្មោះ Mulsanne 6.75 Edition រួចមក Bentley បានប្រកាសអំពីការបញ្ឈប់ការផលិតរថយន្ត Sedan ប្រណីតនេះ ដោយជំនួសវាដោយរថយន្ត Flying Spur វិញ។

ការផលិតរថយន្ត Mulsanne បានកំណត់ថានឹងចប់ត្រឹមខែមេសា ឆ្នាំ ២០២០ ប៉ុន្តែដោយសារការបិទរោងចក្រ ធ្វើឲ្យកាលបរិច្ឆេទនៃការបញ្ចប់ត្រូវលើកទៅពេលក្រោយដែលមិនទាន់ច្បាស់លាស់នៅឡើយ។ រថយន្ត Mulsanne ម៉ូដែលចុងក្រោយគេបង្អស់ នឹងផលិតឡើងដោយដៃ នៅពេលដែលបុគ្គលិក Bentley វិលចូលធ្វើការនៅរោងចក្រ Crewe វិញ៕

ផ្ទាំងផ្សាយពាណិជ្ជកម្ម

Lamborghini យករោងចក្រផលិតឡានស្ព័រ ទៅផលិតម៉ាស់មុខ

April 1, 2020

កាលពីជាង ២ សប្ដាហ៍មុន Lamborghini បានប្រកាសថានឹងបិទរោងចក្រផលិតរថយន្តរបស់ខ្លួនរហូតដល់ថ្ងៃទី ២៥ ខែមីនា ដោយការផ្ទុះនៃជំងឺកូវីដ១៩។ ពេលនេះរោងចក្រផលិតរថយន្តនៅតំបន់ Sant’Agata Bolognese ប្រទេសអ៊ីតាលីរបស់ Lamborghini បានបើកដំណើរការវិញហើយ។

សម្រាប់ការបើកដំណើរការឡើងវិញនេះ Lamborghini នឹងប្រើប្រាស់រោងចក្រផលិតរថយន្តស្ព័ររបស់ខ្លួន ទៅផលិតម៉ាស់វេជ្ជសាស្ត្រ និងឧបករណ៍ការពារមុខ។ Lamborghini និយាយថាម៉ាស់ និងឧបករណ៍ការពារនឹងត្រូវបរិច្ចាគដល់មន្ទីរពេទ្យ Sant’Orsola-Malpighi នៅទីក្រុង Bologna ប្រទេសអ៊ីតាលី ដើម្បីជួយក្រុមគ្រូពេទ្យជំនាញក្នុងការប្រយុទ្ធនឹងជំងឺកូវីដ១៩។

ម៉ាស់ទាំងអស់នឹងត្រូវផលិតឡើងដោយបុគ្គលិក Lamborghini ដែលពីមុនមកកាន់ការងារខាងផ្នែកបរិក្ខារខាងក្នុងរថយន្ត និងផ្នែកតុបតែងរថយន្ត។ Lamborghini និយាយថាខ្លួននឹងអាចផលិតម៉ាស់មុខបាន ១ ពាន់ក្នុងមួយថ្ងៃ។ ចំណែកឯឧបករណ៍ការពារនឹងផលិតដោយប្រើប្រាស់ឧបករណ៍ព្រីន 3D របស់ Lamborghini ដែលស្ថិតនៅសង្វាក់ផលិតកម្មសរសៃកាបូន និងនៅផ្នែកស្រាវជ្រាវ និងអភិវឌ្ឍន៍៕

ផ្ទាំងផ្សាយពាណិជ្ជកម្ម

បង្ហាញវិធីថតឡាន Bugatti Chiron រត់នៅល្បឿន ៤០០គ.ម/ម៉

April 1, 2020

កាលពីឆ្នាំ ២០១៧ ក្រុមហ៊ុនរថយន្ត Bugatti បានបង្កើតកំណត់ត្រាពិសេសមួយលើរថយន្ត Bugatti Chiron ដែលការជាន់ស្ទុះពី ០ ដល់ ៤០០ គ.ម/ម៉ និងធ្លាក់ចុះមក ០ វិញ (0-400-0) គឺប្រើពេលត្រឹមតែ ៤១,៩៦ វិនាទី។ Bugatti ថែមបានបង្ហាញវីដេអូបង្ហាញអំពីសមត្ថភាពដ៏អស្ចារ្យរបស់ Chiron ពេលបង្កើតកំណត់ត្រានេះទៀតផង។

ពេលនោះ Bugatti បានបញ្ជាក់ថាដើម្បីតាមថតរថយន្ត Chiron នៅល្បឿន ៤០០ គ.ម/ម៉ គឺគេបានប្រើប្រាស់រថយន្ត Chiron មួយម៉ូដែលទៀតដែលវាមានពណ៌ស។ ចូលដល់ឆ្នាំ ២០២០ នេះ បុរសដែលបានជួយផលិតវីដេអូនៃការបង្កើតកំណត់ត្រានេះ បានបង្ហាញឈុតក្រោយឆាកដ៏អស្ចារ្យនៃការថត។ ចង់ដឹងពិសេសយ៉ាងណាទស្សនាវីដេអូខាងក្រោម ៖