GM ផ្អាកផលិតឡានភីកអាប់លក់ដាច់បំផុតរបស់ខ្លួន ដោយសារកូវីដ១៩

April 1, 2020

ឧស្សាហកម្មយានយន្ត បានទទួលរងផលប៉ះពាល់យ៉ាងខ្លាំង ដោយសារតែជំងឺកូវីដ១៩ ដោយសង្វាក់ផលិតកម្មត្រូវផ្អាក, ចំនួនលក់បានដាំក្បាលចុះ ហើយកម្មវិធីបង្ហាញរថយន្តជាច្រើន ត្រូវផ្អាក ឬលុបចោលទៀតផង។

ជាមួយគ្នានេះ ក្រុមហ៊ុន GM បានផ្អាកការផលិតរថយន្តថ្មីៗជាច្រើនម៉ូដែល ដោយក្នុងនោះរួមមានទាំងរថយន្តភីកអាប់លក់ដាច់បំផុតរបស់ខ្លួន គឺ Chevrolet Silverado និង GMC Sierra ផងដែរ។

ក្រៅពីនោះ រថយន្តដែលទទួលរងផលប៉ះពាល់មានដូចជា Chevrolet Bolt, Chevrolet Corvette, Chevrolet Camaro និង Chevrolet Traverse រួមទាំង GMC Terrain ទៀតផង៕

ផ្ទាំងផ្សាយពាណិជ្ជកម្ម

ក្រុមហ៊ុនឡានបារាំង នឹងជួយផលិតឧបករណ៍ជំនួយផ្លូវដង្ហើម ៥ម៉ឺនគ្រឿង

April 1, 2020

PSA Group គឺជាក្រុមហ៊ុនរថយន្តចុងក្រោយបង្អស់មួយ ដែលនឹងជួយផលិតឧបករណ៍ជំនួយផ្លូវដង្ហើម ដើម្បីទប់ទល់នឹងជំងឺកូវីដ១៩ ស្របពេលដែលប្រទេសជុំវិញពិភពលោក កំពុងតស៊ូដើម្បីលុបបំបាត់វា។

យោងតាមប្រភពព័ត៌មានឲ្យដឹងថា ក្រុមហ៊ុនរថយន្តបារាំងខាងលើនឹងសហការណ៍ជាមួយ ក្រុមហ៊ុនផលិតឧបករណ៍ជំនួយផ្លូវដង្ហើម Air Liquide Medical Systems, Schneider Electric និង Valeo ដើម្បីផលិតឧបករណ៍ជំនួយផ្លូវដង្ហើមឲ្យ ១០ ០០០គ្រឿងសិន ត្រឹមពាក់កណ្តាលខែឧសភា។

ក្រុមហ៊ុន PSA បានបង្កើតរោងជាងមួយរួចជាស្រេច នៅក្នុងរោងចក្រនៃស្រុក Poissy របស់ខ្លួន ដោយក្នុងនោះមានបុគ្គលិកស្ម័គ្រចិត្តជាង ៥០នាក់ ដើម្បីផលិតផ្នែក ឬគ្រឿង សម្រាប់ផលិតឧបករណ៍ជំនួយផ្លូវដង្ហើមនេះ។ ការដំឡើងចុងក្រោយបង្អស់ នឹងត្រូវធ្វើឡើងនៅក្នុងរោងចក្ររបស់ក្រុមហ៊ុន Air Liquide ស្ថិតនៅក្នុងស្រុក Antony ប្រទេសបារាំង៕

ផ្ទាំងផ្សាយពាណិជ្ជកម្ម

កាដូខែថ្មី ពីរដ្ឋាភិបាល! ប្រេងសាំងទូទាំងប្រទេសតម្លៃត្រឹមតែ ជាង ២ពាន់រៀល ក្នុង ១លីត្រ

April 1, 2020

យោងតាមសេចក្តីប្រកាសនៅលើទំព័រហ្វេកប៊ុកផ្លូវការរបស់ក្រសួង ពាណិជ្ជកម្មបានអោយដឹងថា ដើម្បីជួយសម្រួលដល់ជីវភាពរបស់ប្រជាជន និងដោយមានការរួមចំណែកពីក្រុមហ៊ុនចែកចាយប្រេងឥន្ធនៈនៅកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានសម្រេចបញ្ចុះតម្លៃលក់រាយប្រេងឥន្ធនៈនៅកម្ពុជាចំនួន ៤សេនដុល្លារ ក្នុង ១លីត្រ។ ដូច្នេះចាប់ពីថ្ងៃទី១ ខែមេសា ដល់ថ្ងៃទី១៥ មេសា ឆ្នាំ២០២០ នេះ ប្រេងសាំងធម្មតាមានតម្លៃ ២.៣៥០ រៀល និងប្រេងម៉ាស៊ូតតម្លៃ ២.៤៥០ រៀល ក្នុង ១លីត្រ តែប៉ុណ្ណោះ។

ខាងក្រោមនេះជាសេចក្តីប្រកាសលម្អិត៖

ផ្ទាំងផ្សាយពាណិជ្ជកម្ម

ឡានឆ្នាំ២០២០ ដែលនឹងក្លាយជាឡាន Classic នាពេលអនាគត

March 31, 2020

និយមន័យនៃអ្វីដែលធ្វើឲ្យរថយន្តមួយក្លាយជារថយន្ត Classic គឺមានលក្ខណៈខុសៗគ្នា។ នៅសហរដ្ឋអាមេរិក ក្លឹបរថយន្ត Classic Car Club of America មានបញ្ជីឈ្មោះរថយន្តដែលពួកគេចាត់ទុកជា រថយន្ត Classic ដោយរថយន្តទាំងនោះត្រូវបានផលិតនៅចន្លោះឆ្នាំ១៩១៥ និង ១៩៤៨។

នៅប្រទេសកាណាដា ពាក្យថារថយន្ត Classic ត្រូវបានអនុវត្តចំពោះរថយន្តដែលមានអាយុលើសពី ២៥ឆ្នាំ។ នៅចក្រភពអង់គ្លេស ភាគច្រើនជារថយន្តដែលមានអាយុកាលលើសពី ៤០ឆ្នាំ ឬរថយន្តដែលមានអាយុកាលច្រើនឆ្នាំ ហើយមានតម្លៃលើសពី ១៥ ០០០ផោន។

ដោយឡែក ខាងក្រោមនេះគឺជារថយន្តស៊េរីឆ្នាំ២០២០ ជាច្រើនម៉ូដែល ដែលគេគិតទុករួចជាមុនថា នឹងក្លាយជារថយន្តប្រភេទ Classic នាពេលអនាគត ដោយក្នុងនោះរួមមានដូចជា៖

១) Toyota Supra

២) Mazda MX-5

៣) Nissan GT-R

៤) Chevrolet Corvette C8 Stingray

៥) Bentley Flying Spur

៦) Ford Mustang Shelby GT500

៧) Mini Cooper SE

៨) Porsche 911 Carrera S

៩) Porsche Taycan

១០) Dodge Charger SRT Hellcat Widebody

ផ្ទាំងផ្សាយពាណិជ្ជកម្ម

ទិញឡាន BMW ថ្មី តែកុម្ម៉ង់ទឹកថ្នាំឡាន Audi លទ្ធផលគួរឲ្យភ្ញាក់ផ្អើល (មានវីដេអូ)

March 31, 2020

មុនពេល BMW បង្ហាញរថយន្ត M3 ជំនាន់ថ្មីនៅចុងឆ្នាំនេះ BMW M340i គឺជារថយន្តកម្លាំងខ្លាំងបំផុតមួយរបស់ត្រកូល 3-Series (G20)។

BMW M340i ស៊េរីឆ្នាំ២០២០ ថ្មីនេះ បំពាក់ម៉ាស៊ីនចំណុះ ៣,០លីត្រ TwinPower Turbo ទំហំ ៦ស៊ីឡាំង មានកម្លាំង ៣៨២សេះ ប្រើប្រព័ន្ធប៉ុងពីរ xDrive AWD មានតម្លៃចាប់ពី ៥៦ ០០០ដុល្លារ នៅលើទីផ្សារសហរដ្ឋអាមេរិក។

ដោយឡែក ថ្មីៗនេះ YouTuber ម្នាក់មានឈ្មោះថា Joe Achilles បានទិញរថយន្តនេះ ប៉ុន្តែបែរជ្រើសរើសពណ៌តួខ្លួនរថយន្តខាងក្រៅ ហៅថា Nardo Grey ដែលជាពណ៌ប្រផេះ ហើយគេដឹងថាជាពណ៌របស់រថយន្ត Audi។

BMW បានឲ្យដឹងថា ការជ្រើសរើសពណ៌ផ្សេងក្រៅពីពណ៌ស្តង់ដារបែបនេះ គឺតម្រូវឲ្យរង់ចាំរយៈពេល ៦ ទៅ ៨សប្តាហ៍បន្ថែមទៀត។ ទោះជាយ៉ាងណា ការរង់ចាំរបស់ Joe ពិតជាមិនខកបំណងឡើយ នៅពេលបានឃើញរថយន្ត BMW M340i ពណ៌ Nardo Grey របស់ខ្លួន៕

សូមទស្សនាវីដេអូខាងក្រោម៖

ផ្ទាំងផ្សាយពាណិជ្ជកម្ម

ប្រៀបធៀប Genesis G80 ស៊េរី ២០២១ ជាមួយស៊េរីមុនខុសគ្នាដាច់ស្រឡះ

March 31, 2020

Genesis បានបង្ហាញចេញរថយន្តម៉ូដែល G80 នាឆ្នាំ ២០១៦ ដែលវាគឺជារថយន្ត Sedan ធន់កណ្ដាលប្រណីត សម្រាប់ប្រកួតប្រជែងជាមួយរថយន្ត BMW 5-Series, Mecedes-Benz E-Class និង Audi A6 ជាដើម។

ពេលនេះ Genesis បានបង្ហាញចេញរថយន្ត G80 ជំនាន់ថ្មីជាស៊េរីឆ្នាំ ២០២១ ដែលការវិលត្រឡប់លើកនេះកាន់តែខ្លាំងក្លាជាងមុនអាចឲ្យក្រុមហ៊ុនរថយន្តអាល្លឺម៉ង់ដែលគូប្រជែងខ្លាចរអា។ ការឌីហ្សាញថ្មីពិតជាទាក់ទាញសម្បើម គួបផ្សំនឹងការបន្ថែមនូវបច្ចេកវិទ្យាទំនើបជាច្រើន។ តទៅនេះជាការប្រៀបធៀបរវាង G80 ជំនាន់ថ្មី និងជំនាន់មុន ដើម្បីមើលថាមានការផ្លាស់ប្ដូរកម្រិតណាខ្លះ ៖

ផ្ទាំងផ្សាយពាណិជ្ជកម្ម

ក្រុមហ៊ុនរថយន្តមួយកាត់បន្ថយប្រាក់ខែ CEO ដល់ ៥០%

March 31, 2020

ក្រុមហ៊ុន Fiat Chrysler Automobiles នឹងជំពាក់ប្រាក់ខែបុគ្គលិកនៅជុំវិញពិភពលោករហូតដល់ ២០% ក្នុងរយៈពេល ៣ ខែខាងមុខ ដើម្បីជៀសផុតពីការកាត់បន្ថយបុគ្គលិកដោយសារការរាតត្បាតនៃជំងឺកូវីដ១៩។ នេះបើតាមការផ្សាយរបស់ The Detroit News។

នាយកប្រតិបត្តិនៃក្រុមហ៊ុន លោក Mike Manley បានបង្ហាញក្នុងលិខិតដែលផ្ញើជូនបុគ្គលិករបស់ខ្លួនថាការកាត់បន្ថយនឹងធ្វើឡើងចាប់ពីថ្ងៃទី ១ ខែមេសា ហើយអាចមានរយៈពេលរហូតដល់ ៣ ខែ។ ក្រុមហ៊ុននឹងសងប្រាក់ខែ ២០% នៃរយៈពេល ៣ខែនេះវិញ ដោយមិនឲ្យលើសថ្ងៃទី ១៥ ខែមីនាឆ្នាំ ២០២១ នោះទេ។

លោក Manley បានបន្ថែមដែរថាចាប់ពីថ្ងៃទី ១ ខែមេសា រូបលោកនឹងទទួលយកប្រាក់ខែពាក់កណ្ដាលនៃប្រាក់ខែធម្មតា រយៈពេល ៣ ខែបន្ទាប់។ បន្ថែមពីនេះសមាជិកនៃក្រុមប្រឹក្សាជាន់ខ្ពស់របស់ FCA ចំនួន ១៩ រូប ក៏នឹងត្រូវកាត់បន្ថយប្រាក់ខែ ៣០% ក្នុងអំឡុងពេលដូចគ្នា។ ចំណែកប្រធាន FCA លោក John Eklann និងសមាជិកនៃក្រុមប្រឹក្សាភិបាលដទៃទៀតនឹងមិនទទួលបានភាគលាភរយៈពេលមួយឆ្នាំពេញ។

ការសម្រេចចិត្តរបស់ FCA គឺស្រដៀងនឹងអ្វីដែលក្រុមហ៊ុនរថយន្ត General Motors ប្រកាសកាលពីសប្ដាហ៍មុនដែរ។ ក្រុមហ៊ុន GM នឹងកាត់បន្ថយប្រាក់ខែនៃបុគ្គលិកប្រមាណ ៦៩០០០ នាក់របស់ខ្លួនជាបណ្ដោះអាសន្នចំនួន ២០% ហើយនឹងសងពួកគេវិញឲ្យបានមុនថ្ងៃទី ១៥ ខែមីនា ឆ្នាំ ២០២១៕

ផ្ទាំងផ្សាយពាណិជ្ជកម្ម

ក្រុមហ៊ុន តូយ៉ូតា (ខេមបូឌា) ផ្ដល់អំណោយជារថយន្ត ជូនក្រសួងសុខាភិបាលដើម្បីរួមចំណែកប្រយុទ្ធប្រឆាំង វីរុសកូវីដ១៩

March 31, 2020

នារសៀលថ្ងៃទី៣០ ខែមីនា ឆ្នាំ២០២០ កន្លងទៅនេះ លោក ឧកញ៉ា គង់ នួន ប្រធានក្រុមហ៊ុន តូយ៉ូតា (ខេមបូឌា) ព្រមទាំងថ្នាក់ដឹកនាំជាន់ខ្ពស់របស់ក្រុមហ៊ុន បានសម្រេចឧបត្ថម្ភ រថយន្តម៉ាក HIACE ១៦កៅអី ស៊េរីឆ្នាំ២០២០មួយគ្រឿង ដែលមានតម្លៃ ៦១.៩០០ដុល្លារសហរដ្ឋអាមេរិក ជូនដល់ក្រសួង សុខាភិបាល តាមរយៈ ឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្រ្តី ក្រសួង សុខាភិបាល ដើម្បីចូលរួមចំណែកក្នុងការទប់ស្កាត់ និងរីករាលដាលនៃវីរុសកូវីដ១៩(COVID-19) ដែលការប្រគល់ នេះ ត្រូវបានប្រារព្ធធ្វើឡើង នៅទីស្នាក់ការកណ្តាលក្រុមហ៊ុនតូយ៉ូតា ដែលមានទីតាំងស្ថិតនៅលើមហាវិថី សហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ រាជធានីភ្នំពេញ។ ដូចដែលយើងទាំងអស់បានជ្រាប ច្បាស់ហើយថា នៅក្នុងពេលបច្ចុប្បន្ននេះ ប្រទេសកម្ពុជាកំពុងតែជួបប្រទះនូវមេរោគរាតត្បាត ជាសកល (COVID-19) ដែលរាជរដ្ឋាភិបាលកំពុងតែចាត់វិធានការយ៉ាងតឹងរឹង ដើម្បីទប់ទល់នឹងវីរុសដ៏កាចសាហាវមួយនេះ តាមប្រសាសន៍អំពាវនាវដ៏ខ្ពង់ខ្ពស់របស់ សម្ដេចអគ្គមហាសានាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ។

ក្រុមហ៊ុនតូយ៉ូតា (ខេមបូឌា) សូមថ្លែងអំណរគុណយ៉ាងជ្រាលជ្រៅជាទីបំផុត ដល់ថ្នាក់ដឹកនាំ មន្រ្តី បុគ្គលិកសុខាភិបាល និងក្រុមគ្រូពេទ្យទាំងអស់នៅទូទាំងប្រទេស ដែលបានយកចិត្តទុកដាក់ និងលះបង់ កម្លាំងកាយចិត្ត ក្នុងការព្យាបាលអ្នកជម្ងឺ នាពេលកន្លងមក។ លើសពីនេះទៅទៀត ក្រុមហ៊ុន ក៏សូមអរគុណដល់បណ្តាស្ថាប័ន និងអាជ្ញាធរពាក់ព័ន្ធទាំងអស់ ទាំងថ្នាក់ជាតិនិងថ្នាក់ក្រោមជាតិ អង្គការ សុខាភិបាលពិភពលោក មជ្ឈមណ្ឌលប្រយុទ្ធប្រឆាំង នឹងជំងឺឆ្លងសហរដ្ឋអាមេរិក និងវិទ្យាស្ថាន ប៉ាស្ទ័រកម្ពុជា ដែលបានខិតខំបំពេញភារកិច្ចបានល្អប្រសើរបំផុត ក្នុងការជួយពិនិត្យសុខភាព និងស្រាវជ្រាវ រក ករណីកូវីដ១៩ ព្រមទាំងអ្នកប៉ះពាល់ទាំងអស់កន្លងមក រួមទាំងការដាក់វិធានការនានា ដើម្បី ទប់ស្កាត់ការចម្លង និងការរីករាលដាលវីរុសកូវីដ១៩ នៅទូទាំងប្រទេសកម្ពុជា។

ក្រុមហ៊ុនតូយ៉ូតា (ខេមបូឌា) សង្ឈឹមយ៉ាងមុតមាំថា រថយន្តដែលបានឧបត្ថម្ភជូននៅពេលនេះ នឹងអាចចូលរួមចំណែក យ៉ាងសំខាន់មួយ ក្នុងការជួយសម្រួលដល់ការធ្វើដំណើរ ក៏ដូចជាប្រតិបត្តិការផ្សេងៗ ដើម្បីជួយសង្រ្គោះ ប្រជាពលរដ្ឋ ឲ្យរួចផុតពីមេរោគដ៏កាចសាហាវមួយនេះ។

ផ្ទាំងផ្សាយពាណិជ្ជកម្ម

ក្រុមហ៊ុនរថយន្ត ឈានមុខគេនៅខ្មែរ ផ្តល់ជូនរថយន្ត១គ្រឿង ដើម្បីប្រឆាំងនឹងកូវីដ១៩

March 30, 2020

(ភ្នំពេញ) ថ្ងៃទី៣០ ខែមីនា ឆ្នាំ២០២០៖ ពិតជាមិនសរសើរមិនបាន និងសមជាក្រុមហ៊ុនជប៉ុន ដែលពោរពេញដោយបេះដូងមនុស្សធម៌ពិតៗ ដោយក្រុមហ៊ុនតូយ៉ូតា (កម្ពុជា) បានឧបត្ថមរថយន្តតូយ៉ូតា Hiace ១៦កៅអី ឆ្នាំ២០២០ ចំនួន ១គ្រឿង ដល់ក្រសួងសុខាភិបាលនៃព្រះរាជាណាចក្រកម្ពុជា ដែលមានវត្តមានរបស់ លោក ឧកញ៉ា គង់ នួន លោក ហ៊ីរ៉ូយូគី អីតុ ថ្នាក់ដឹកនាំក្រុមហ៊ុនតូយ៉ូតា (ខេមបូឌា) និង ឯកឧត្តមវេជ្ជបណ្ឌិត ម៉ម ប៊ុនហេង រដ្ឋមន្រ្តីក្រសួងសុខាភិបាល នៅឯទីស្នាក់ការកណ្តាលរបស់តូយ៉ូតា។

យោងតាមព័ត៍មានរបស់ក្រសួងសុខាភិបាល គិតត្រឹមថ្ងៃទី៣០ ខែមីនា ឆ្នាំ២០២០ វេលាម៉ោង ៧ព្រឹក កម្ពុជាបានធ្វើការព្យាបាលអ្នកជំងឺកូវីដ១៩ អោយជាសះស្បើយចំនួន ២៣នាក់រួចមកហើយ។ ក្នុងនាម ខ្ញុំជាខ្មែរម្នាក់ ពិតជាមានមោទនៈភាព និងសម្តែងនូវការអរគុណយ៉ាងក្រៃលែង សម្រាប់ការយកចិត្តទុកដាក់នេះ ហើយសង្ឃឹមថាកម្ពុជានឹងអាចគ្រប់គ្រងស្ថានការណ៌នេះបាន។

ផ្ទាំងផ្សាយពាណិជ្ជកម្ម

Land Rover Discovery Sport ឆ្នាំ២០២០ មានលក់នៅថៃហើយ នេះតម្លៃវា!

March 30, 2020

ក្រុមហ៊ុន Inchcape Thailand បានដាក់លក់រថយន្ត Land Rover Discovery Sport ស៊េរីឆ្នាំ២០២០ ជាផ្លូវការ នៅក្នុងប្រទេសថៃ។

រថយន្ត Land Rover Discovery Sport ថ្មីនេះ មានជម្រើសម៉ាស៊ីន ២ប្រភេទ សម្រាប់ទីផ្សារប្រទេសថៃ គឺ ប្រភេទ Plug-Hybrid ប្រើម៉ាស៊ីនសាំងចំណុះ ១,៥លីត្រ Turbo ទំហំ ៣ស៊ីឡាំង និងប្រព័ន្ធអគ្គិសនី មានកម្លាំងសរុប ៣០០សេះ និង ប្រភេទម៉ាស៊ីនម៉ាស៊ូត ចំណុះ ២,០លីត្រ Turbo កម្លាំង ១៨០សេះ។

Discovery Sport ថ្មីខាងលើ ឥឡូវនេះបំពាក់អេក្រង់ធំរហូតដល់ទៅ ១០អ៊ីង ព្រមទាំងប្រព័ន្ធសំឡេង Meridian ដល់ទៅ ១៩គ្រាប់ឯណោះ។ Discovery Sport ម៉ូដែល D180 ប្រើម៉ាស៊ីនម៉ាស៊ូត ត្រូវបានដាក់លក់ក្នុងតម្លៃ ៤,៤លានបាត ឬប្រហែល ១៣៤ ០០០ដុល្លារ ខណៈប្រភេទ Plug-Hybrid មានតម្លៃ ៣,៨លានបាត ឬប្រហែល ១១៦ ០០០ដុល្លារ។