រថយន្តតូយ៉ូតាស៊េរី២០២០ ចុះសាហាវណាស់ក្រោម៣ម៉ឺនទៀត!ទិញលើកនេះដឹងតែចំណេញច្រើន! តោះទិញមួយទុកជិះចូលឆ្នាំ!ប្រយត្ន័ទិញអត់ទាន់គេ!

March 7, 2020

ថ្មីៗនេះក្រុមហ៊ុនតូយ៉ូតា(ខេមបូឌា)បានធ្វើការប្រកាសនៅលើទំពរ័ Facebook របស់ខ្លួនក្នុងការបញ្ចុះតំលៃសាហាវមិនដែលមានពីមុនមកហើយសុទ្ធតែស៊េរីឆ្នាំ២០២០ទៀត។ បងប្អូនកម្ពុជាយើង ពិតជាស្គាល់ច្បាស់ណាស់ពីគុណភាពរថយន្តតូយ៉ូតា ព្រោះជិះតកូនតចៅ ស្រលាញ់ត្រង់ធន់ ស៊ីប្រេងសាំងតិច ងាយស្រួលជួសជុល សម្បូរគ្រឿងបន្លាស់ ហើយស្រួលលក់ចេញបានតំលៃថ្លៃទៀតបើប្រៀបធៀបជាមួយម៉ាកដទៃ។ តោះមកមើលរថយន្តតូយ៉ូតាណាខ្លះចុះថ្លៃ?

ទិញលើកនេះដឹងតែចំណេញច្រើនហើយ ព្រោះតូយ៉ូតាមិនដែលចុះថ្លៃម្លឹងៗទេ! ក្រុមហ៊ុនមានផ្តល់ជូនការធានា3ឆ្នាំឬ10ម៉ឺនគីឡូ ហើយអតិថិជន ចង់បង់រំលស់ក៏បាន ដូរឡានចាស់យកឡានថ្មីក៏បានក្រុមហ៊ុនទិញចូលទាំងអស់ម៉ាកអីក៏ដោយ។

ក្រុមហ៊ុនថាតំលៃនេះមិនមានស្តុកច្រើនទេ បើអស់ស្តុកហើយ ក្រុមហ៊ុនឈប់លក់តំលៃនេះទៀតហើយ! តោះស្រូតឡើងទាន់ក្រុមហ៊ុនចុះថ្លៃ ទិញទុកជិះចូលឆ្នាំ!

បើចាប់អារម្មណ៍អាចទាក់ទងក្រុមហ៊ុនបាន ០១៧ ៣៣៣ ៥០៣ / ០៨៦ ៣៣៣ ៥០៣ ឬទំពរ័ Facebook: Toyota Cambodia

សូមពិនិត្យរូបភាព ជាមួយតម្លៃខាងក្រោម៖

ផ្ទាំងផ្សាយពាណិជ្ជកម្ម

រថយន្តកម្លាំង ២០០០ សេះ លក់ដាច់អស់ហើយសម្រាប់ការផលិតឆ្នាំនេះ

March 7, 2020

Lotus Evija គឺជារថយន្តមានកម្លាំងខ្លាំងផុតលេខមួយ ហើយមើលទៅក្រុមហ៊ុនរថយន្តអង់គ្លេសហាក់ដូចជាមិនមានបញ្ហាក្នុងការស្វែងរកអតិថិជនសម្រាប់រថយន្តតម្លៃ ២,៦ លានដុល្លារនេះឡើយ។

ពេលជួបនិយាយជាមួយ Autocars ក្រុមហ៊ុន Lotus បានបញ្ជាក់ថារថយន្ត Evija ទាំងអស់ ដែលខ្លួនគ្រោងផលិតសម្រាប់ឆ្នាំ ២០២០ នេះ គឺរកម្ចាស់បានអស់ហើយ។ យ៉ាងណាក្ដីក្រុមហ៊ុនមិនបានបញ្ជាក់ថាលក់ចេញបានប៉ុន្មានគ្រឿងនោះឡើយ ក្នុងចំណោមរថយន្តទាំង ១៣០ គ្រឿងដែលក្រុមហ៊ុនគ្រោងផលិត។

Lotus Evija នឹងផលិតឡើងនៅរោងចក្រថ្មីនៅទីស្នាក់ការនៅតំបន់ Norfolk របស់ក្រុមហ៊ុន ខណៈដែលការបង្កើតរោងចក្រនេះគឺជិតរួចរាល់ហើយ។

រថយន្ត Evija មានបំពាក់អាគុយទំហំ ៧០ គីឡូវ៉ាត់ម៉ោង ដែលមានភ្ជាប់នឹងប្រព័ន្ធសាកថ្មកម្លាំង ៨០០ គីឡូវ៉ាត់ម៉ោង។ វាមានបំពាក់នូវម៉ូទ័រអគ្គិសនីចំនួនបួនដែលបង្កើតកម្លាំងសរុបបាន ១៩៧២ សេះ ធ្វើឲ្យវាក្លាយជារថយន្តផលិតលក់លើទីផ្សារមួយដែលមានកម្លាំងខ្លាំងជាងគេ៕

ផ្ទាំងផ្សាយពាណិជ្ជកម្ម

អ្នកដែលបានឃើញផ្ទាល់ភ្នែក ប្រាប់អំពីរូបរាង Ford F-150 ប្រភេទអគ្គិសនី

March 7, 2020

ក្រុមការងារ F150 Gen 14 បានបង្កើតរូបភាព Render ថ្មីៗជាច្រើនដែលបង្ហាញនូវរូបរាងរថយន្ត Ford F-150 ប្រភេទអគ្គិសនី ដែលរូបភាពនេះបង្កើតឡើងផ្អែកតាមប្រភពផ្ទៃក្នុងដែលបានឃើញរូបរាងរថយន្តនេះច្បាស់ៗ។

រូបភាពបានបង្ហាញថានៅផ្ទាំងប៉ាណាខាងមុខរបស់រថយន្តមានជាលក្ខណៈបិទជិត មិនមានការឌីហ្សាញបែបសំណាញ់នោះឡើយ ដែលការឌីហ្សាញនេះគឺស្រដៀងគ្នានឹងរថយន្ត Mustang Mach-E ដែលជារថយន្តអគ្គិសនីមួយដែររបស់ Ford។

Ford និយាយថារថយន្តភីកអាប់អគ្គិសនី F-150 នឹងចេញលក់លើទីផ្សារនៅអំឡុងឆ្នាំ ២០២១។ ព័ត៌មានអំពីវាមិនមានច្រើននោះទេ ប៉ុន្តែ Ford ធ្លាប់បង្ហាញអំពីសមត្ថភាពរថយន្តអគ្គិសនីនេះដែលអាចអូសសណ្ដោងទម្ងន់បាន ៥០០ តោន និងអះអាងថាវាអាចជិះបានចម្ងាយបាន ៤៨២ គ.ម ពេលសាកពេញ៕

ផ្ទាំងផ្សាយពាណិជ្ជកម្ម

កំពូលឡានថ្មីរបស់ Koenigsegg អាចរត់ដល់ ៥៣២ គ.ម/ម៉

March 6, 2020

នៅពេលដែលរថយន្ត Jesko Absolut បង្ហាញមុខជាផ្លូវការកាលពីដើមសប្ដាហ៍ ក្រុមហ៊ុន Koenigsegg មិនបានបញ្ជាក់អំពីល្បឿនអតិបរមារបស់រថយន្តនេះឡើយ។ ក្រុមហ៊ុនរថយន្តស៊ុយអែតនេះបានត្រឹមនិយាយថារថយន្តនេះ នឹងចូលជាប្រវត្តិសាស្ត្រជារថយន្តល្បឿនលឿនបំផុតរបស់ក្រុមហ៊ុន។

យ៉ាងណាក្ដីក្រុមការងារនៃវិបសាយ Road and Track អាចដឹងអំពីល្បឿនកំពូលរបស់រថយន្តថ្មីនេះបាន ពេលជួបនិយាយជាមួយលោក Christian von Koenigsegg ជានាយកប្រតិបត្តិរបស់ក្រុមហ៊ុន។ ការធ្វើតេស្តតាមកុំព្យូទ័របង្ហាញថារថយន្ត Absolut អាចរត់ដល់ល្បឿន ៥៣២ គ.ម/ម៉ ឯណោះ។

យ៉ាងណាក្ដីដើម្បីរត់ដល់ល្បឿននេះក្នុងស្ថានភាពជាក់ស្ដែងនោះ ក្រុមហ៊ុននឹងត្រូវការផ្លូវធ្វើតេស្តដែលមានរយៈឆ្ងាយបំផុត ដែលបច្ចុប្បន្ននេះនៅមិនទាន់មាននៅឡើយទេ។ សម្រាប់ផ្លូវនៅ Johnny Bohmer Proving Grounds មានប្រវែងវែងគួរសមដែរ ប៉ុន្តែវាអាចឲ្យរថយន្តរត់បានត្រឹម ៤៥១ គ.ម/ម៉ ប៉ុណ្ណោះ។ នេះបើតាមការបញ្ជាក់របស់លោក Keonigsegg។

រថយន្ត Jesko Absolut គឺមានបំពាក់ដោយម៉ាស៊ីន Twin-Turbo ចំណុះ ៥,០ លីត្រ ៨ ស៊ីឡាំង ដែលអាចបង្កើតកម្លាំងបានរហូតដល់ ១៦០០ សេះ៕

ផ្ទាំងផ្សាយពាណិជ្ជកម្ម

ឃើញតម្លៃឡាន SUV ប្រណីតរបស់កូរ៉េ ក្រុមហ៊ុនអាល្លឺម៉ង់អាចភ័យ

March 6, 2020

GV80 គឺជារថយន្ត SUV ដំបូងរបស់ម៉ាករថយន្តប្រណីតរបស់កូរ៉េខាងត្បូង Genesis ហើយពេលនេះតម្លៃលក់របស់វានៅអាមេរិកចាប់ផ្ដើមលេចចេញ មុនការចេញលក់ជាផ្លូវការនៅអំឡុងត្រីមាសទី ៣ ឆ្នាំ ២០២០ នេះ។

តម្លៃរបស់ GV80 គឺមានចាប់ពី ៤៨ ៩០០ ដុល្លារ ដែលតម្លៃនេះគឺធូរថ្លៃជាងរថយន្តដែលជាគូប្រជែង មានដូចជា BMW X5 ធូរថ្លៃជាងដល់ទៅ ១ ម៉ឺនដុល្លារ និងធូរជាង Mercedes-Benz GLE-Class រាប់ពាន់ដុល្លារផងដែរ។

ទោះបីជាធូរថ្លៃជាងមែន ប៉ុន្តែប្រភេទ Base Option នៃរថយន្ត GV80 មានបំពាក់គ្រឿងបរិក្ខារទំនើបៗជាច្រើន ដូចជាមានដំបូលកញ្ចក់ថ្លា, មានកៅអីកម្ដៅ, មានអេក្រង់កម្សាន្តទំហំ ១៤,៥ អ៊ីញ, មានកៅអីស្រោបដោយស្បែកដេរដោយថ្នេរអំបោះ, មានអំពូលភ្លើង LED សុទ្ធ, មានពោងសុវត្ថិភាព ១០ និងមុខងារសុវត្ថិភាពពិសេសៗជាច្រើនទៀត។

រថយន្ត GV80 ប្រភេទ Base គឺមានប្រើប្រាស់ម៉ាស៊ីន ២,៥ លីត្រ ប្រើប្រាស់ប្រព័ន្ធបើកបរ RWD។ វាក៏មានផងដែរនូវជម្រើសម៉ាស៊ីនធំ ៦ ស៊ីឡាំង ចំណុះ ៣,៥ លីត្រ ប្រើប្រអប់លេខស្វ័យប្រវត្តិ ៨ វគ្គ និងប្រព័ន្ធបើកបរ AWD៕

ផ្ទាំងផ្សាយពាណិជ្ជកម្ម

ត្រៀមលុយទៅ! នេះតម្លៃឡាន Audi SQ8 ២០២០ សិស្សប្អូន Lamborghini Urus

March 6, 2020

រថយន្ត Audi SQ8 នឹងចេញលក់នៅលើទីផ្សារសហរដ្ឋអាមេរិក នាប៉ុន្មានខែខាងមុខទៀត ជាមួយនឹងតម្លៃផ្លូវការចាប់ពី ៨៩ ០០០ដុល្លារ។

ស្ថិតនៅចន្លោះម៉ូដែល Q8 និង RS Q8 រថយន្ត Audi SQ8 នេះបំពាក់ម៉ាស៊ីនចំណុះ ៤,០លីត្រ twin-turbo ទំហំ ៨ស៊ីឡាំង មានកម្លាំង ៥០០សេះ។ វាប្រើប្រអប់លេខអូតូ ៨វគ្គ អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៤,៣វិនាទី។ បន្ថែមពីនេះ វាក៏បំពាក់ប្រព័ន្ធប៉ុងពីរ quattro AWD និង ប្រព័ន្ធចង្កូតវិលកង់ទាំងបួន All-wheel steering ផងដែរ។

ដោយឡែក ផ្នែកខាងក្នុងកាប៊ីនវិញ រថយន្ត Audi SQ8 បានរៀបចំ និងរចនាឡើងយ៉ាងប្រណីត ព្រមទាំងទំនើប ជាមួយនឹង ដៃចង្កូត និងពូកស្បែក, ប្រព័ន្ធភ្លើង Ambient Lighting, ដំបូល Panoramic Sunroof, កន្លែងសាកថ្មទូរសព្ទមិនបាច់ប្រើខ្សែ, ប្រព័ន្ធសំឡេង Bang & Olufsen, កុងទ័រឌីជីថលទំហំ ១២,៣អ៊ីង និងអេក្រង់បង្ហាញព័ត៌មានទំហំ ១០,១អ៊ីង ព្រមទាំងអេក្រង់បញ្ជាមុខងារទំហំ ៨,៦អ៊ីងទៀតផង។

លើសពីនេះ SQ8 ក៏បំពាក់ប្រព័ន្ធជំនួយការបើកបរ និងប្រព័ន្ធសុវត្ថិភាពជាច្រើនផងដែរ។ ក្រៅពី SQ8 ធម្មតា (ប្រភេទ Base Model) ក្រុមហ៊ុន Audi ក៏ជម្រើសមួយម៉ូដែលទៀត គឺ SQ8 Prestige ដែលមានតម្លៃចាប់ពី ៩៤ ៥០០ដុល្លារ៕

ផ្ទាំងផ្សាយពាណិជ្ជកម្ម

Audi ចេញឡាន A3 Sportback ស៊េរីឆ្នាំ២០២០ រាងរឹតតែអេម

March 6, 2020

Audi A3 Sportback — Static photo, Colour: Atoll blue

ក្រុមហ៊ុន Audi បានបញ្ចេញរថយន្តខ្នាតតូចម៉ូដែល A3 Sportback ស៊េរីឆ្នាំ២០២០ របស់ខ្លួនជាផ្លូវការ ដោយបានផ្លាស់ប្តូររូបរាងថ្មីទាំងស្រុង។

A3 Sportback ជំនាន់ទី៣ នេះ មានប្រវែងវែងជាងមុន ៣០មីល្លីម៉ែត្រ ខណៈប្រវែងពីកង់មុខទៅកង់ក្រោយនៅដដែល ពោលគឺ ២,៦មីល្លីម៉ែត្រ។

រថយន្តអាល្លឺម៉ង់នេះបំពាក់ម៉ាស៊ីនសាំងចំណុះ ១,៥លីត្រ turbo មានកម្លាំង ១១៦សេះ និងជម្រើសម៉ាស៊ីនម៉ាស៊ូតចំណុះ ២,០លីត្រ turbo មានកម្លាំង ១៥០សេះ។ ពួកវាបំពាក់ប្រអប់លេខអូតូ ៧វគ្គ ប្រភេទ dual-clutch និងប្រព័ន្ធប៉ុងមួយវិលកង់មុខដូចគ្នា។

Audi ក៏នឹងបញ្ចេញរថយន្ត A3 Sportback ប្រភេទ High-performance ដែលនឹងត្រូវហៅថា S3 ដោយបំពាក់ម៉ាស៊ីនចំណុះ ២,០លីត្រ មានកម្លាំងច្រើនជាង ៣០០សេះ និង RS3 មានកម្លាំងខ្ទង់ ៤០០សេះ ផងដែរ៕

ផ្ទាំងផ្សាយពាណិជ្ជកម្ម

GM សន្យាផលិតឡានអគ្គិសនីផ្តួល Tesla ដើម្បីស្រង់ដើមវិញ

March 6, 2020

កាលពីថ្ងៃពុធកន្លងទៅនេះ ក្រុមហ៊ុន General Motors Co បានបង្ហាញពីគម្រោងផលិតរថយន្តអគ្គិសនី សម្រាប់ម៉ាកនិមួយៗរបស់ខ្លួន ចាប់ផ្តើមពីឆ្នាំ២០២០ នេះតទៅ ហើយសន្យាថានឹងផ្តួល Tesla ដើម្បីស្រង់ដើមមកវិញ។

រថយន្តអគ្គិសនីដំបូងបង្អស់របស់ GM គឺ Cadillac Lyriq ដែលនឹងបង្ហាញខ្លួននៅខែមេសា និង Chevrolet Bolt បង្ហាញខ្លួននៅចុងឆ្នាំនេះ។ ជាមួយគ្នានេះ រថយន្ត Chevrolet Bolt ដែលប្រើកញ្ចប់អាគុយធំ ក៏នឹងបង្ហាញខ្លួនផងដែរ នៅឆ្នាំ២០២១ តាមពីក្រោយដោយ GMC Hummer។

កញ្ចប់អាគុយដែលនឹងត្រូវប្រើលើរថយន្តអគ្គិសនីរបស់ GM គឺម៉ាក Ultium ដែលអាចឲ្យរថយន្តបើកបរបានចម្ងាយដល់ ៤០០ម៉ាយ៍ (៦៤០គីឡូម៉ែត្រ) ច្រើនជាង Tesla Model S ដែលត្រឹម ៣៩០ម៉ាយ៍ (៦២៥គីឡូម៉ែត្រ)៕

ផ្ទាំងផ្សាយពាណិជ្ជកម្ម

Mazda CX-30 ឆ្នាំ២០២០ ចេញលក់នៅថៃ តែ៣ម៉ឺនស្តើង

March 6, 2020

ក្រុមហ៊ុន Mazda Sales Thailand បានចេញលក់រថយន្ត SUV ខ្នាតតូចម៉ូដែល CX-30 ស៊េរីឆ្នាំ២០២០ ជាផ្លូវការ នៅក្នុងប្រទេសថៃ។

បើនិយាយពីទំហំ រថយន្ត Mazda CX-30 នេះស្ថិតនៅចន្លោះរថយន្ត CX-3 និង CX-5 ដោយមានប្រវែង ៤,៤ម៉ែត្រ និងប្រវែងពីកង់មុខទៅកង់ក្រោយ ២,៦ម៉ែត្រ។ វាប្រើគ្រោងឆ្អឹង, ម៉ាស៊ីន និងប្រអប់លេខ ដូចទៅនឹងរថយន្ត Mazda 3 ដែរ។

CX-30 បំពាក់ម៉ាស៊ីនចំណុះ ២,០លីត្រ ទំហំ ៤ស៊ីឡាំង មានកម្លាំង ១៦៥សេះ ប្រើប្រអប់លេខអូតូ ៦វគ្គ។ មិនតែប៉ុណ្ណោះ វាមានបំពាក់មុខងារច្រើនជាងគូប្រជែង ដូចជា Honda HR-V, Toyota C-HR និង Nissan Kicks ជាដើម។

ចំពោះតម្លៃវិញ គឺចាប់ពី ៩៨៩ ០០០បាត (៣១ ៣០០ដុល្លារ) សម្រាប់ម៉ូដែល CX-30 C , ១,១លានបាត (៣៥ ០០០ដុល្លារ) សម្រាប់ម៉ូដែល CX-30 S និង ១,២លានបាត (៣៨ ០០០ដុល្លារ) សម្រាប់ម៉ូដែល CX-30 SP៕

ផ្ទាំងផ្សាយពាណិជ្ជកម្ម

ឡានជប៉ុននឹងត្រូវប្រកួតនឹងឡានកូរ៉េ ដើម្បីឈ្នះពានឡានពិភពលោកប្រចាំឆ្នាំ ២០២០

March 5, 2020

អ្នកសារព័ត៌មានផ្នែកយានយន្តចំនួន ៨៦ រូប បានធ្វើការជម្រុះចោលបេក្ខភាពដែលត្រូវប្រកួតដណ្ដើមយកពាន “រថយន្តពិភពលោកប្រចាំឆ្នាំ ២០២០” ដោយពេលនេះរកឃើញបេក្ខភាពចុងក្រោយចំនួន ៣។

សង្គ្រាមដណ្ដើមយកពាន “រថយន្តពិភពលោកប្រចាំឆ្នាំ” នឹងឃើញការប្រកួតគ្នារវាងរថយន្ត Mazda ចំនួនពីរ គឺ Mazda3 និង Mazda CX-30 ជាមួយនឹងរថយន្ត Kia Telluride របស់កូរ៉េខាងត្បូង។

រថយន្តដែលមិនអាចមានឈ្មោះទៅកាន់ជុំផ្ដាច់ព្រ័ត្រមាន Hyundai Sonata, Kia Soul EV, Range Rover Evoque, Mercedes-Benz CLA, Mercedes-Benz GLB, and Volkswagen Golf និង Volkswagen T-Cross។

គួរដឹងឈ្មោះអ្នកឈ្នះនឹងត្រូវប្រកាសអំឡុងពេលនៃការបើកកម្មវិធីតាំងបង្ហាញរថយន្ត New York Auto Show នាពេលខាងមុខនេះ៕

ផ្ទាំងផ្សាយពាណិជ្ជកម្ម