Gemera ជារថយន្តតម្លៃថោកជាងគេបំផុតរបស់ Koenigsegg

March 5, 2020

ក្រុមហ៊ុន Koenigsegg បានបង្ហាញចេញរថយន្តថ្មីចំនួនពីរម៉ូដែលគឺ Jesko Absolut និង Gemera ត្បិតថាកម្មវិធីតាំងបង្ហាញរថយន្ត Geneva Motor Show ឆ្នាំ ២០២០ បានរំសាយក៏ដោយក្ដី។

ចំពោះម៉ូដែល Gemera គឺមានតម្លៃលក់ ១,៧ លានដុល្លារ ដែលជាម៉ូដែលថោកជាងគេបំផុតហើយបើប្រៀបធៀបនឹងបងប្អូនរបស់វា ដែលមាន Regera តម្លៃ ២ លានដុល្លារ, Agera RS មានតម្លៃ ២,៥ លានដុល្លារ និង Jesko តម្លៃ ២,៨ លានដុល្លារ។ រថយន្តនេះក៏ផលិតមានចំនួនកំណត់ដូចបងប្អូនរបស់វាដែរ ដោយផលិតត្រឹម ៨០ គ្រឿងប៉ុណ្ណោះ ហើយសម្រាប់ម៉ូដែល Jesko ផលិតត្រឹម ១២៥ គ្រឿង។

រថយន្ត Gemera មានដំណើរការដោយម៉ូទ័រអគ្គិសនីចំនួនបី ដែលផលិតកម្លាំងបានសរុប ១១០០ សេះ និងមានម៉ាស៊ីនសាំងចំណុះ ២,០ លីត្រ ៣ ស៊ីឡាំង ជាប្រភេទ Twin-Turbo បង្កើតកម្លាំងបាន ៦០០ សេះ។ សរុបបញ្ចូលគ្នាទៅគឺមានកម្លាំងរហូតដល់ ១៧២៧ សេះ អាចឲ្យរថយន្ត Gemera ស្ទុះពី ០-១០០ គ.ម/ម៉ ក្នុងពេលត្រឹម ១,៩ វិនាទី និងមានល្បឿនអតិបរមា ៤០០ គ.ម/ម៉៕

ផ្ទាំងផ្សាយពាណិជ្ជកម្ម

ក្តៅៗ! ចង់ទិញឡានថ្មីទុកជិៈចូលឆ្នាំ មើលនេះសិន ចំនេញលុយច្រើនខ្លាំង

March 4, 2020

នៅលើទំព័រផ្លូវការរបស់ក្រុមហ៊ុនតូយ៉ូតាបានធ្វើការប្រកាសថ្ងៃនេះ នូវការផ្តល់ជូនតំលៃមហាពិសេសមិនធ្លាប់មានពីមុនមក សម្រាប់បងប្អូនដែលមានបំណងចង់ទិញរថយន្តសម្រាប់ពិធីបុណ្យចូលឆ្នាំប្រពៃណីជាតិខ្មែរខាងមុខនេះ។ សំខាន់ទិញចុះថ្លៃហើយ ឈ្លាតបានកាដូរបន្ថែមទៀត នេះបានថាចំនេញលើគោកម៉ង។

តម្លៃទាំងនោះរួមមាន៖

តម្លៃខាងលើនេះបានមកពីទំព័រផ្លូវការរបស់តូយ៉ូតា (ខេមបូឌា)

គេលក់មានចំនួនកំណត់ទេណាបងប្អូន ចឹងបើមានចម្លល់ ឬខ្លាចទិញមិនទាន់គេអី អាចទាក់ទង 017 333 503/ 086 333 503

ផ្ទាំងផ្សាយពាណិជ្ជកម្ម

BMW បង្ហាញរាងឡានអគ្គិសនីថ្មី ម៉ូដែល i4 ត្រៀមចេញលក់ឆ្នាំ២០២១

March 4, 2020

ក្រុមហ៊ុន BMW បានបង្ហាញរថយន្តអគ្គិសនីហៅថា Concept i4 ដែលយករូបរាងពីម៉ូដែល 4 Series Gran Coupe នាថ្ងៃអនាគត។ ប៉ាណាផ្នែកខាងមុខដ៏ធំសម្បើមរបស់វា នឹងត្រូវប្រើលើម៉ូដែល i4 នេះ ក៏ដូចជារថយន្តអគ្គិសនីផ្សេងទៀតរបស់ BMW នាថ្ងៃអនាគត។

ក្រុមហ៊ុន BMW អះអាងថា i4 នឹងចូលសង្វាក់ផលិតកម្មនៅឆ្នាំក្រោយ។ វានឹងបំពាក់អាគុយអគ្គិសនីដែលមានកម្លាំងដល់ ៥៣០សេះ អាចបើកបរបានចម្ងាយ ៦០០គីឡូម៉ែត្រ ហើយប្រើពេលត្រឹមតែ ៤,០វិនាទីប៉ុណ្ណោះ សម្រាប់ការជាន់ពីកុងទ័រ ០-១០០គីឡូម៉ែត្រ។

BMW i4 នឹងក្លាយជាគូប្រជែងរបស់រថយន្ត Tesla Model S និង Audi E-Tron GT ជាដើម។ ទោះជាយ៉ាងណា ក្រុមហ៊ុន BMW មិនទាន់បានបង្ហាញពីតម្លៃរបស់វានៅឡើយទេ៕

ផ្ទាំងផ្សាយពាណិជ្ជកម្ម

McLaren ចេញឡានថ្មីម៉ូដែល 765LT កម្លាំង៧៦៥សេះ

March 4, 2020

បន្ទាប់ពីបញ្ចេញម៉ូដែល 720S ជាត្រកូលចុងក្រោយនៃសែស្រឡាយ Super Series របស់ខ្លួនរួចមក ឥឡូវនេះ McLaren បានបញ្ចេញរថយន្តស្ព័រទម្ងន់ស្រាលមួយម៉ូដែលទៀត ហៅថា 765LT (LT មកពីពាក្យកាត់ថា Longtail)។

រថយន្ត McLaren 765LT នេះ នឹងជំនួសម៉ូដែល 675LT ដោយអាប់ដេតលើដំណើរការផងដែរ។ វាបំពាក់ម៉ាស៊ីនចំណុះ ៤,០លីត្រ twin-turbo ទំហំ ៨ស៊ីឡាំង មានកម្លាំង ៧៦៥សេះ ខ្លាំងជាងម៉ូដែល 675LT ដែលប្រើម៉ាស៊ីនចំណុះ ៣,៨លីត្រ មានកម្លាំងត្រឹម ៦៧៥សេះ។

ដើម្បីធ្វើឲ្យ 765LT មានទម្ងន់ស្រាល McLaren បានប្រើប្រព័ន្ធបំពង់ស៊ីម៉ាំងប្រភេទ Titanium, កញ្ចក់ស្តើងជាងមុន និង កៅអី Carbon Fiber ជាដើម។ វាមានទម្ងន់សរុបត្រឹមតែ ១ ៣៣៩គីឡូក្រាមប៉ុណ្ណោះ ពោលគឺស្រាលជាងម៉ូដែល 720S ដល់ទៅ ៧០គីឡូក្រាម។

រថយន្តស្ព័ររបស់ចក្រភពអង់គ្លេសនេះ អាចរត់ពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹម ២,៨វិនាទីប៉ុណ្ណោះ។ ចំពោះតម្លៃវិញ ក្រុមហ៊ុននឹងប្រកាសនៅពេលក្រោយ៕

ផ្ទាំងផ្សាយពាណិជ្ជកម្ម

Bentley បង្ហាញចេញរថយន្តថ្មីតម្លៃ ២លានដុល្លារ មានផលិតត្រឹម ១២គ្រឿង

March 4, 2020

ទោះបីជាកម្មវិធីតាំងបង្ហាញរថយន្ត Geneva Motor Show បានរំសាយចោលមែន ប៉ុន្តែ Bentley នៅបន្តការបង្ហាញចេញរថយន្តថ្មីរបស់ខ្លួនតាមរយៈការផ្សាយផ្ទាល់តាមអ៊ីនធឺណិត ជាមួយម៉ូដែល Mulliner Bacalar ជាម៉ូដែលផលិតមានចំនួនកំណត់។

ចំណុចពិសេសនៃរថយន្តនេះគឺមានការប្រើប្រាស់ឈើអាយុកាលជាង ៥ ពាន់ឆ្នាំមកពីតំបន់ Riverwood នៃចក្រភពអង់គ្លេស មកព័ន្ធជុំវិញតាប្លូនៃរថយន្ត អមដោយកៅអីអង្គុយដែលដេរដោយសរសៃអំបោះ ១៤៨ ១៩៩ សរសៃ ធ្វើឲ្យរថយន្តនេះកាន់តែពិសេស។

រថយន្ត Bacalar នេះដែរ ដំណើរការដោយម៉ាស៊ីន ៦,០ លីត្រ Twin-Turbo មាន ១២ ស៊ីឡាំង ភ្ជាប់នឹងប្រអប់លេខស្វ័យប្រវត្តិ ៨ វគ្គ និងប្រើប្រព័ន្ធបើកបរវិលកង់ទាំងបួន។ ម៉ាស៊ីនវាអាចបង្កើតកម្លាំងបាន ៦៥០ សេះ ដែលខ្លាំងលើសម៉ាស៊ីនលើ Continental GT ចំនួន ២៤ សេះ។

ការផលិតរថយន្ត Bacalar នេះគឺមានកំណត់ត្រឹម ១២ គ្រឿងប៉ុណ្ណោះ ដោយរថយន្តនីមួយៗគឺសុទ្ធតែមានម្ចាស់រួចហើយ ត្បិតថាមួយគ្រឿងៗមានតម្លៃថ្លៃដល់ខ្ទង់ ២ លានដុល្លារក្ដី៕

ផ្ទាំងផ្សាយពាណិជ្ជកម្ម

Toyota ពន្យារពេលបង្ហាញចេញកូនរថយន្ត SUV ថ្មី

March 4, 2020

ក្រុមហ៊ុនផលិតរថយន្តភាគច្រើនបានសម្រេចចិត្តបង្ហាញចេញរថយន្តថ្មីៗតាមកាលវិភាគដែលខ្លួនបានកំណត់ ទោះបីជាកម្មវិធីតាំងបង្ហាញរថយន្ត Geneva Motor Show ត្រូវបានរំសាយចោលក៏ដោយក្ដី។

យ៉ាងណាក្ដី Toyota មានការផ្លាស់ប្ដូរចិត្តភ្លាមៗ ដោយបានពន្យារពេលបង្ហាញចេញរថយន្ត SUV ខ្នាតតូចថ្មីរបស់ខ្លួន ដោយពន្យារពេលរាប់សប្ដាហ៍ ឬដល់រាប់ខែឯណោះ។ នេះបើតាមការចុះផ្សាយរបស់ Autonews Europe ដែលបានដំណឹងពីប្រភពមួយជិតស្និទ្ធនឹង Toyota។

តាមផែនការ ក្រុមហ៊ុនជប៉ុនត្រូវបង្ហាញមុខរថយន្ត SUV ខ្នាតតូចរបស់ខ្លួនក្នុងកម្មវិធី Geneva Motor Show ប៉ុន្តែបានផ្លាស់ប្ដូរចិត្តវិញ ហើយសូម្បីការបង្ហាញចេញតាមអនឡាញក៏មិនមានដែរ។ វាខុសពីក្រុមហ៊ុនរថយន្តដទៃទៀតភាគច្រើន ដែលបង្ហាញចេញរថយន្តថ្មីរបស់ខ្លួនតាមរយៈការផ្សាយបន្តផ្ទាល់លើអនឡាញ នាថ្ងៃអង្គារ៕

ផ្ទាំងផ្សាយពាណិជ្ជកម្ម

Bugatti ចេញរថយន្តថ្មី ផលិតត្រឹម ១៦ គ្រឿង មួយតម្លៃ ៣,៥៥ លានដុល្លារ

March 3, 2020

រថយន្ត Bugatti ម៉ូដែលថ្មីបានបង្ហាញមុខមាត់ជាផ្លូវការដែលវាជាសែស្រឡាយជាមួយម៉ូដែល Chiron មានឈ្មោះថា Bugatti Chiron Pur Sport។

រថយន្តថ្មីនេះមិនមានការផ្លាស់ប្ដូររូបរាងខ្លាំងឡើយ ប៉ុន្តែគេបានកែសម្រួលលក្ខណៈសម្បត្តិនៃម៉ាស៊ីនចំណុះ ៨,០ លីត្រ ១៦ ស៊ីឡាំង អាចផលិតកម្លាំងបាន ១៤៧៩ សេះ ឲ្យមានល្បឿនរង្វិលជុំដល់ ៦៩០០ ជុំក្នុងមួយនាទី ដែលខ្ពស់ជាងមុន ២០០ ជុំក្នុងមួយនាទី។

ចំពោះផ្នែកហ្វ្រាំងក៏មានការប្រែប្រួលខ្លះដែរ ដោយ Bugatti បានងាយមកប្រើស្បែកហ្វ្រាំងប្រភេទទីតាញ៉ូមថ្មី ធ្វើឲ្យរថយន្ត Chiron Pur Sport នេះ មានទម្ងន់ស្រាលជាង Chiron ធម្មតាប្រមាណ ១៩ គីឡូក្រាម។

គួរដឹងថា Bugatti នឹងផលិតរថយន្ត Chiron Pur Sport នេះត្រឹម ១៦ គ្រឿងប៉ុណ្ណោះ ដែលនឹងចាប់ផ្ដើមផលិតពីពាក់កណ្ដាលឆ្នាំ ២០២០ នេះ ហើយមួយគ្រឿងនឹងមានតម្លៃប្រមាណ ៣,៥៥ លានដុល្លារ មិនទាន់គិតបញ្ចូលអត្រាពន្ធ៕

ផ្ទាំងផ្សាយពាណិជ្ជកម្ម

សាហាវ! Volvo លេងបន្តុបឡាន ៤ ពីលើគ្នា (មានវីដេអូ)

March 3, 2020

សម្រាប់ការប្រកាសចេញរថយន្តដឹកទំនិញថ្មីបួនម៉ូដែលក្នុងពេលដំណាលគ្នានោះ ក្រុមហ៊ុនរថយន្ត Volvo បានរិះរកនូវគំនិតពិសេសមួយក្នុងការផ្សព្វផ្សាយរថយន្តទាំង ៤ ក្នុងវីដេអូតែមួយ។

ក្នុងវីដេអូពាណិជ្ជកម្មថ្មី Volvo បានដាក់បន្តុបរថយន្តដឹកទំនិញថ្មីទាំងបួននៅពីលើគ្នា ហើយបើកបរនៅលើដងផ្លូវដែលមានអមដោយធាតុអាកាសមានផ្គររន្ទះបាញ់។ វីដេអូដែលមានចំណងជើងថា “The Tower” គេឃើញរថយន្តទាំងបួនផ្គុំចូលគ្នាក្លាយជាបង្គោលកម្ពស់ ១៥ ម៉ែត្រ និងមានទម្ងន់សរុប ៥៨ តោន។

ទស្សនាវីដេអូដូចខាងក្រោម ៖

ផ្ទាំងផ្សាយពាណិជ្ជកម្ម

BMW នឹងផលិតឡានគ្រឿងទី៥លាន នៅក្នុងសហរដ្ឋអាមេរិក

March 3, 2020

BMW គឺជាក្រុមហ៊ុននាំចេញរថយន្តច្រើនបំផុតនៅសហរដ្ឋអាមេរិក អស់រយៈពេល ៦ឆ្នាំជាប់ៗគ្នាមកហើយ។ នៅក្នុងឆ្នាំ២០១៩ រោងចក្រ BMW នៅក្នុងទីក្រុង Spartanburg រដ្ឋ South Carolina បាននាំចេញរថយន្តជិត ១៩៥ ០០០គ្រឿង ក្នុងនោះរួមមានម៉ូដែល X3, X4, X5, X6 និង X7 ស្មើនឹងតម្លៃ ៩,៦ពាន់លានដុល្លារ។

SUV ទាំងនោះត្រូវបាននាំចេញតាមរយៈកំពង់ផែចំនួន ៦ នៅក្នុងសហរដ្ឋអាមេរិក។ បន្ថែមពីលើនេះ រថយន្តប្រមាណ ១៨ ០០០គ្រឿងទៀត ត្រូវបាននាំចេញតាមរយៈខ្សែរថភ្លើងទៀតផង ធ្វើឲ្យ BMW លក់ដាច់រថយន្តច្រើនជាង Mercedes-Benz ទៅទៀតនៅសហរដ្ឋអាមេរិក។

គួរឲ្យដឹងថា រោងចក្រ Spartanburg របស់ BMW បានផលិតរថយន្តត្រកូល X សរុប ៤១១ ៦២០គ្រឿងនៅក្នុងឆ្នាំ២០១៩ ហើយចំនួននេះនឹងបន្តើកើនឡើងទៀត ជាមួយនឹងការផលិតរថយន្ត BMW X5 xDrive45e, BMW X3 xDrive30e, BMW X5 M និង BMW X6 M ដែលទើបចេញថ្មី។

លើសពីនេះ រោងចក្រ Spartanburg បានបន្ថែមបុគ្គលិកចំនួន ១១ ០០០នាក់ ដើម្បីផលិតរថយន្តចំនួន ១ ៥០០គ្រឿងជារៀងរាល់ថ្ងៃ ហើយនៅក្នុងឆ្នាំ២០២០ នេះ BMW នឹងសម្រេចបាននូវគ្រឿងទី ៥លាន របស់ខ្លួននៅក្នុងទឹកដីសហរដ្ឋអាមេរិកតែម្តង៕

ផ្ទាំងផ្សាយពាណិជ្ជកម្ម

Mercedes-AMG CLA ឆ្នាំ២០២០ ចេញលក់នៅថៃហើយ នេះតម្លៃវា!

March 3, 2020

នៅទីបំផុត ក្រុមហ៊ុន Mercedes-Benz Thailand បានប្រកាសតម្លៃលក់នៃរថយន្ត AMG CLA ជំនាន់ចុងក្រោយបង្អស់របស់ខ្លួន ស៊េរីឆ្នាំ២០២០ ហើយ ដោយចែកចេញជា ២ម៉ូដែល គឺ CLA35 និង CLA45 S។

រថយន្ត AMG CLA45 S បំពាក់ម៉ាស៊ីនចំណុះ ២,០លីត្រ turbo ទំហំ ៤ស៊ីឡាំង មានកម្លាំង ៤២១សេះ ប្រើប្រព័ន្ធប៉ុងពីរ AWD ហើយប្រើប្រអប់លេខអូតូ ៧វគ្គ មានតម្លៃ ៤,៩លានបាត ឬប្រហែល ១៥៨ ០០០ដុល្លារ។