ទីបំផុត ឡាន Corvette C8 ឆ្នាំ២០២០ ចូលរោងចក្រផលិត ហើយត្រៀមចេញលក់ឆាប់ៗ

February 4, 2020

កាលពីពេលថ្មីៗកន្លងទៅនេះ ក្រុមហ៊ុន Chevrolet បានប្រកាសចេញរថយន្តស្ព័រ Corvette C8 ស៊េរីឆ្នាំ២០២០ ហើយបានប្រកាសថាវានឹងចូលសង្វាក់ផលិតកម្ម នៅចុងឆ្នាំ២០១៩។

ផ្ទុយទៅវិញ សង្វាក់ផលិតកម្មនៃរថយន្ត Corvette C8 ត្រូវពន្យាដល់ ៣ខែ រហូតមកដល់ខែកុម្ភៈ ឆ្នាំ២០២០ នេះតែម្តង។ ឥឡូវនេះ រថយន្ត Corvette C8 ឆ្នាំ២០២០ មួយគ្រឿងដំបូងបង្អស់ បានចេញពីខ្សែសង្វាក់ផលិតកម្ម នៅក្នុងទីក្រុង Bowling Green នៃរដ្ឋ Kentucky សហរដ្ឋអាមេរិក ហើយ។

ទោះជាយ៉ាងណា រថយន្ត C8 មួយគ្រឿងដំបូងបង្អស់នេះ ត្រូវបានដេញថ្លៃទិញយកដោយ លោក Rick Hendrick ក្នុងតម្លៃរហូតដល់ទៅ ៣លានដុល្លារឯណោះ។

រថយន្តស្ព័រអាមេរិកដ៏ល្បីឈ្មោះខាងលើនេះ បំពាក់ម៉ាស៊ីនចំណុះ ៦,២លីត្រ LT2 ទំហំ ៨ស៊ីឡាំង មានកម្លាំង ៤៩៥សេះ ប្រើប្រអប់លេខអូតូ ៨វគ្គ ប្រភេទ dual-clutch អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹម ២,៩វិនាទីប៉ុណ្ណោះ ហើយមានល្បឿនអតិបរមាដល់ ១៩៥គីឡូម៉ែត្រក្នុងមួយម៉ោង។

គួរឲ្យដឹងថា រថយន្ត C8 ស៊េរីឆ្នាំ២០២០ នឹងមានតម្លៃចាប់ពី ៥៩ ៩៩៥ដុល្លារ សម្រាប់ទីផ្សារសហរដ្ឋអាមេរិក នៅពេលវាចេញលក់ជាផ្លូវការ៕

ផ្ទាំងផ្សាយពាណិជ្ជកម្ម

Jaguar ថានឹងមិនប្រើការឌីហ្សាញមុខយក្ស ដូចគូប្រជែងនោះឡើយ

February 3, 2020

អ្នកចាត់ការផ្នែកឌីហ្សាញថ្មីរបស់ Jaguar លោក Julian Thomson និយាយថាក្រុមហ៊ុនរបស់ខ្លួន នឹងមិនដើរតាមគូប្រជែងមួយចំនួន ក្នុងការឌីហ្សាញរថយន្តដែលមានផ្ទាំងប៉ាណាមុខធំនោះទេ។

និយាយជាមួយ Car Throttle ក្នុងការបញ្ចេញរថយន្ត Jaguar F-Type ឆ្នាំ ២០២០ កាលពីថ្មីៗនេះ លោក Thomson និយាយថា ក្រុមហ៊ុនផលិតរថយន្តមួយចំនួន ចាប់ផ្ដើមឌីហ្សាញរថយន្តថ្មីរបស់ខ្លួន ដោយផ្អែកតាមរសនិយមរបស់អតិថិជននៅចិន ហើយធ្វើបែបនេះមិនមែនឆ្លាតវៃនោះទេ។

Thomson ទទួលបញ្ជាក់ថា Jaguar នឹងមិនធ្វើការឌីហ្សាញបែបនេះឡើយ។ លោកបានទទួលស្គាល់ថាក្រុមហ៊ុនផលិតរថយន្តត្រូវមានការឌីហ្សាញប្លែកផ្ទាល់ខ្លួន ហើយ Jaguar នឹងចងចិត្តអតិថិជនចិនជាមួយស្ទីលដែលលេចធ្លោ៕

ផ្ទាំងផ្សាយពាណិជ្ជកម្ម

ចិនសម្រេចផលិតរថយន្តនេះលក់លើទីផ្សារ

February 3, 2020

កាលពីឆ្នាំមុន ក្នុងកម្មវិធីតាំងបង្ហាញរថយន្ត Frankfurt Auto Show ក្រុមហ៊ុនផលិតរថយន្តចិន Hongqi បានតាំងបង្ហាញរថយន្ត E115 SUV Concept ដែលធ្វើឲ្យពិភពលោកចាប់អារម្មណ៍ខ្លាំង ព្រោះមានការឌីហ្សាញរូបរាងប្លែក ដែលរូបរាងគឺឌីហ្សាញដោយអតីតអ្នកឌីហ្សាញជើងចាស់របស់ Rolls-Royce។

ការចុះផ្សាយរបស់ PC Auto បាបឲ្យដឹងថា Hongqi សម្រេចផលិតរថយន្ត E115 SUV Concept លក់ជាផ្លូវការលើទីផ្សារ ដែលរូបរាងនៃផលិតផលសម្រេចចុងក្រោយ ស្រដៀងគ្នាខ្លាំងនឹងប្រភេទ Concept នេះ។

E115 SUV Concept ជារថយន្តប្រើប្រាស់ថាមពលអគ្គិសនីសុទ្ធ ដែលអាចបើកបរបានចម្ងាយដល់ ៦០០ គ.ម ពេលសាកភ្លើងមួយពេញ និងអាចបង្កើនសន្ទុះពី ០ ដល់ ១០០ គ.ម/ម៉ ប្រើពេលក្រោម ៤ វិនាទី។

លក្ខណៈសម្បត្តិដទៃទៀតរបស់រថយន្តនៅមិនទាន់ច្បាស់នៅឡើយទេ ដោយគេរំពឹងថារថយន្ត SUV ថ្មីរបស់ Hongqi មួយនេះ នឹងបង្ហាញមុខមាត់ពិតជាផ្លូវការនៅចុងឆ្នាំ ២០២០៕

ផ្ទាំងផ្សាយពាណិជ្ជកម្ម

Acura MDX ប្រភេទ PMC Edition ឆ្នាំ២០២០ ដំឡើងដោយដៃ ថ្លៃជាងប្រភេទធម្មតាជិត២ម៉ឺនដុល្លារ

February 3, 2020

ក្រុមហ៊ុន Acura បានបង្ហាញតម្លៃនៃរថយន្ត MDX ប្រភេទ PMC Edition ស៊េរីឆ្នាំ២០២០ ដែលដំឡើងដោយដៃផ្ទាល់ នៅ Performance Manufacturing Center (PMC) ក្នុងទីក្រុង Marysville រដ្ឋ Ohio សហរដ្ឋអាមេរិក ដោយអ្នកជំនាញដែលដំឡើងរថយន្ត Acura NSX ដែរ។

រថយន្ត Acura MDX PMC Edition ស៊េរីថ្មី ដែលកំពុងដាក់លក់នៅទីផ្សារសហរដ្ឋអាមេរិក មានតម្លៃចាប់ពី ៦៣ ៧៤៥ដុល្លារ។ បើប្រៀបធៀបទៅ វាថ្លៃជាង Acura MDX ស៊េរីឆ្នាំ២០២០ធម្មតា ដល់ទៅ ១៨ ៣៥០ដុល្លារឯណោះ។

ទោះជាយ៉ាងណា MDX PMC Edition ដែលនឹងផលិតត្រឹម ៣៣០គ្រឿងនេះ បំពាក់ Option មកពេញបឹបតែម្តង ដោយមានទាំង Advance Package តម្លៃ ៦ ៧៥០ដុល្លារ និង A-Spec តម្លៃ ៣ ៥០០ដុល្លារ។

រថយន្ត SUV នេះបំពាក់ម៉ាស៊ីនចំណុះ ៣,៥លីត្រ Direct-injected iVTEC ទំហំ ៦ស៊ីឡាំង មានកម្លាំង ២៩០សេះ ប្រើប្រអប់លេខអូតូ ៩វគ្គ និងប្រព័ន្ធប៉ុងពីរ Super-Handling All-Wheel Drive (SH-AWD)៕

ផ្ទាំងផ្សាយពាណិជ្ជកម្ម

Ford ហៅឡាន F-150 ជិត១០ម៉ឺនគ្រឿងចូលវិញ ព្រោះបញ្ហាតូចមួយ

February 3, 2020

រថយន្តភីកអាប់ដ៏ល្បី និងពេញនិយមបំផុតរបស់អាមេរិក គឺ Ford F-150 ចាប់ពីស៊េរីឆ្នាំ២០១៥ ដល់ ២០១៨ នៅក្នុងប្រទេសកាណាដា ត្រូវបានក្រុមហ៊ុនហៅចូលមកវិញ ពាក់ព័ន្ធនឹងបញ្ហាតូចមួយ។

យោងតាមទិន្នន័យពីក្រុមហ៊ុនមេ Blue Oval បានបង្ហាញឲ្យឃើញ រថយន្ត Ford F-150 ទាំងនោះ ត្រូវបានបំពាក់ជាមួយនឹងគន្លឹះឃ្លុបក្រោយអេឡិចត្រូនិច ហើយទឹកអាចជ្រាបចូលបាន ដែលបណ្តាលឲ្យឆ្លង និងបើកដោយឯកឯង ហើយអាចបង្កជាគ្រោះថ្នាក់ជាយថាហេតុណាមួយ។

ទោះជាយ៉ាងណា មកទល់នឹងពេលនេះ Ford មិនទាន់បានឮអំពីគ្រោះថ្នាក់ ឬរបាយការណ៍នៃគ្រោះថ្នាក់ពាក់ព័ន្ធនឹងបញ្ហានេះឡើយទេ។

គួរឲ្យដឹងថា រថយន្ត Ford F-150 ដែលត្រូវហៅចូលនោះ មានសរុបចំនួន ៨៩ ៤៧២គ្រឿង ដែលត្រូវបានដំឡើងនៅចន្លោះថ្ងៃទី២៨ កក្កដា ឆ្នាំ២០១៤ ដល់ ២២ តុលា ឆ្នាំ២០១៨ នៅរោងចក្រនៃទីក្រុង Dearborn និងចន្លោះពីថ្ងៃទី១៩ កុម្ភៈ ឆ្នាំ២០១៥ ដល់ ០៤ វិច្ឆិកា ឆ្នាំ២០១៨ នៅទីក្រុង Kansas City៕

ផ្ទាំងផ្សាយពាណិជ្ជកម្ម

Aston Martin បានការបណ្ដាក់ទុន ៦៦០ដុល្លារ ពីមហាសេដ្ឋីមួយរូប

February 1, 2020

Aston Martin ទទួលបានការបណ្ដាក់ទុនប្រមាណ ២៤០ លានដុល្លារ ក្រោយពីបានលក់ភាគហ៊ុន ១៦,៧% ទៅឲ្យមហាសេដ្ឋីកាណាដាឈ្មោះ Lawrence Stroll។

ការជួញដូរនេះបានបញ្ជាក់តាមរយៈការចុះបញ្ជីជាមួយ London Stock Exchange ហើយក្នុងនោះក៏មានបន្ថែមនូវទឹកប្រាក់ប្រមាណ ៤១៧ លានដុល្លារបន្ថែមទៀតជាផ្នែកនៃការផ្ទេរសិទ្ធ ធ្វើឲ្យទឹកប្រាក់សរុបដែល Aston Martin ទទួលបានមានសរុបប្រមាណ ៦៥៧ លានដុល្លារ។

លោក Stroll ក៏មានកាន់កាប់ក្រុម Racing Point F1 ដែលក្រុមហ៊ុននេះនឹងត្រូវប្ដូរឈ្មោះជា Aston Martin F1 ចាប់ពីឆ្នាំ ២០២១ តទៅ។ ទឹកប្រាក់បណ្ដាក់ទុននេះ នឹងមានបញ្ចូលនូវទឹកប្រាក់ប្រមាណ ៧៣ លានដុល្លារ សម្រាប់បង្កើនសមត្ថភាពផលិតរថយន្ត DBX ដែលជា SUV ដំបូងរបស់ Aston Martin៕

ផ្ទាំងផ្សាយពាណិជ្ជកម្ម

ទាំងនេះជាពណ៌រថយន្ត ដែលគេពេញនិយមបំផុតប្រចាំឆ្នាំ ២០១៩ នៅអាមេរិក

February 1, 2020

iSeeCars បានធ្វើការសិក្សាមួយដើម្បីវិភាគអំពីពណ៌រថយន្តដែលពេញនិយមជាងគេ ដោយបានត្រួតពិនិត្យលើរថយន្ត ៩,៤ លានគ្រឿងបើកបរលើដងផ្លូវកាលពីឆ្នាំមុន មានចាប់ពីស៊េរីឆ្នាំ ២០១៤ ដល់ ២០១៨។

ការសិក្សាបានបង្ហាញថារថយន្តពណ៌សគឺបាននាំមុខ ជាមួយ ២៣,៩% និងតាមពីក្រោយយ៉ាងកៀកដោយរថយន្តពណ៌ខ្មៅ ជាមួយ ២៣,២%។ បន្តបន្ទាប់មកទៀតមានដូចជា ៖

ពណ៌ប្រផេះ ៖ ១៥,៥%
ពណ៌ប្រាក់ ៖ ១៤,៥%
ពណ៌ក្រហម ៖ ១០,៣%
ពណ៌ខៀវ ៖ ៩%
ពណ៌ត្នោត ៖ ១,៤%
ពណ៌បៃតង ៖ ០,៧%
ពណ៌ត្នោតខ្ចី ៖ ០,៤%
ពណ៌ទឹកក្រូច ៖ ០,៤%
ពណ៌មាស ៖ ០,៣%
ពណ៌លឿង ៖ ០,២%
ពណ៌ស្វាយ ៖ ០,១%

ផ្ទាំងផ្សាយពាណិជ្ជកម្ម

Hyundai រំពឹងក្លាយជាអ្នកផលិតឡានអគ្គិសនីធំបំផុតនៅអឺរ៉ុប ក្នុងឆ្នាំ២០២០នេះ

February 1, 2020

ក្រុមហ៊ុន Hyundai កំពុងស្ថិតនៅក្នុងដំណើរការមួយ ដើម្បីបង្កើនចំនួនលក់នៃរថយន្តអគ្គិសនីរបស់ខ្លួននៅអឺរ៉ុប។ គម្រោងរបស់ពួកគេ គឺកាត់បន្ថយពេលដឹករថយន្ត Kona EV ដែលនឹងចូលសង្វាក់ផលិតកម្មនៅក្នុងប្រទេសឆេក នាខែមីនាខាងមុខ ព្រមទាំងបង្កើនការផ្គត់ផ្គង់ពីរោងរបស់ខ្លួននៅក្នុងប្រទេសកូរ៉េខាងត្បូង។

ជាការពិតណាស់ រថយន្ត Kona EV កំពុងត្រូវប៉ាន់ខ្លាំងនៅអឺរ៉ុប ចាប់តាំងពីបង្ហាញខ្លួនក្នុងឆ្នាំ២០១៨ មក។ SUV ខ្នាតតូចនេះផ្តល់ជម្រើសអាគុយ ២ប្រភេទ គឺ កម្លាំង ៣៩គីឡូវ៉ាត់ម៉ោង អាចបើកបរបានចម្ងាយ ២៩០គីឡូម៉ែត្រ និង ៦៤គីឡូវ៉ាត់ម៉ោង អាចបើកបរបានចម្ងាយ ៤៥០គីឡូម៉ែត្រ។

នៅក្នុងឆ្នាំនេះ Hyundai មានបំណងចង់ផលិតរថយន្តអគ្គិសនីឲ្យបាន ៨០ ០០០គ្រឿង សម្រាប់អតិថិជននៅអឺរ៉ុប ដោយក្នុងនោះរួមមានទាំងម៉ូដែល Kona EV, Ioniq Evនិង Nexo ដែលដំណើរការដោយអ៊ីដ្រូហ្សែនផងដែរ។

ក្រុមហ៊ុនរថយន្តកូរ៉េខាងលើបានឲ្យដឹងថា ពួកគេស្តាប់តាមសម្តីរបស់អតិថិជន និងបានសម្រេចចិត្ត ដើម្បីឲ្យសមស្របទៅនឹងកំណើននៃតម្រូវការ លើរថយន្តអគ្គិសនីរបស់ពួកគេ៕

ផ្ទាំងផ្សាយពាណិជ្ជកម្ម

Volvo S60 ឆ្នាំ២០២០ ចេញលក់នៅថៃ តម្លៃខ្ទង់៧ម៉ឺនដុល្លារ

February 1, 2020

ក្រុមហ៊ុន Volvo Car Thailand បានដាក់លក់រថយន្ត Volvo S60 ស៊េរីថ្មីជាផ្លុវការ ដោយមានចំនួន ២ជម្រើស គឺ S60 Momentum និង S60 R-Design។

រថយន្តប្រភេទ Sedan ខ្នាតកណ្តាលនេះ បំពាក់ម៉ាស៊ីន Plug-in Hybrid ចំណុះ ២,០លីត្រ ទំហំ ៤ស៊ីឡាំង ដំណើរការជាមួយ មានកម្លាំងសរុប ៤០៧សេះ ហើយអាចបើកបរដោយថាមពលអគ្គិសនីសុទ្ធចម្ងាយ ៥០គីឡូម៉ែត្រ។ វាប្រើប្រអប់លេខអូតូ ៨វគ្គ និង ប្រព័ន្ធបើកបរប៉ុងពីរ AWD។

រថយន្ត Volvo S60 Momentum មានតម្លៃ ២,១៩លានបាត ស្មើនឹង ៧០ ២០០ដុល្លារ ខណៈ S60 R-Design ថ្លៃជាង ៤០០ ០០០បាត ស្មើនឹង ៨៣ ០០០ដុល្លារ។ រថយន្តនេះនឹងត្រូវដំឡើងនៅក្នុងប្រទេសម៉ាឡេស៊ី ហើយនាំចូលមកលក់ក្នុងប្រទេសថៃ។

គួរឲ្យដឹងថា រថយន្ត Volvo S60 គឺជាគូប្រជែងជាមួយ រថយន្ត Mercedes-Benz C300e និង BMW 330e៕

ផ្ទាំងផ្សាយពាណិជ្ជកម្ម

Hummer ល្បីកាល២០ឆ្នាំមុន បង្ហាញខ្លួនជាថ្មី តែលើកនេះអត់ប្រើសាំងទេ

January 31, 2020

ក្រោយពីលេចឮពាក្យចចាមអារ៉ាម និងការសង្ស័យជាច្រើនអស់រយៈពេលជាច្រើនខែរួចមក ឥឡូវនេះក្រុមហ៊ុន General Motors បានបញ្ជាក់យ៉ាងច្បាស់ថា រថយន្ត Hummer នឹងវិលត្រលប់មកវិញ ហើយកាន់តែពិសេស។

រថយន្ត Hummer ថ្មី នឹងប្រែជារថយន្តអគ្គិសនីជាមួយនឹងកម្លាំងរហូតដល់ទៅ ១ ០០០សេះ ហើយអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹមតែ ៣វិនាទីប៉ុណ្ណោះ។ វានឹងបង្ហាញខ្លួនជាផ្លូវការនៅថ្ងៃទី២០ មីនា ឆ្នាំ២០២០ ហើយប្រើឈ្មោះជាផ្លូវការហៅថា GMC Hummer EV។

នៅក្នុងពេលនេះ ក្រុមហ៊ុន General Motors ក៏បានបញ្ចេញវីដេអូ Teaser បង្ហាញឲ្យឃើញរូបរាងខ្លះៗរបស់ Hummer EV ដែរ។ វានឹងចេញលក់ជាផ្លូវការ នៅឆ្នាំ២០២១ ខាងមុខ៕

ចង់ដឹងយ៉ាងណា សូមទស្សនាវីដេអូខាងក្រោម៖