Toyota RAV4 អាប់ដេតថ្មី ធ្វើតេស្តបួងចង្កូតដោយជោគជ័យ (វីដេអូ)

January 31, 2020

ក្រោយពីរថយន្ត Toyota RAV4 ជំនាន់ទី ៥ បរាជ័យនឹងការធ្វើតេស្តការបួងចង្កូតរបស់សារព័ត៌មានស៊ុយអែត Teknikens Varld ក្រុមហ៊ុនរថយន្តជប៉ុនបានអាប់ដេត Software រថយន្ត ដែលធ្វើឲ្យសមត្ថភាពកាន់តែប្រសើរ។

Teknikens Varld បានទៅកាន់ប្រទេសអេស្ប៉ាញជាមួយ Toyota និងរថយន្ត RAV4 ដែលអាប់ដេតថ្មី ដើម្បីធ្វើការតេស្តការបួងចង្កូតជាថ្មីផងទៀត។ ការធ្វើតេស្តថ្មីលើរថយន្ត RAV4 ដែលអាប់ដេតថ្មី ឃើញថាវាអាចបួងចង្កូតនៅល្បឿន ៧២ គ.ម/ម៉ បានដោយខ្លួនបញ្ហានោះឡើយ។ ទស្សនាវីដេអូខាងក្រោម ៖

ផ្ទាំងផ្សាយពាណិជ្ជកម្ម

Jeep បញ្ចុះតម្លៃឡានភីកអាប់ Gladiator ដល់ ២ពាន់ដុល្លារ

January 30, 2020

វិបសាយ Cars Direct បានចុះផ្សាយអំពីការបញ្ចុះតម្លៃ ២ ពាន់ដុល្លារ ពី Jeep សម្រាប់រថយន្ត Gladiator ស៊េរីឆ្នាំ ២០២០ គ្រប់ប្រភេទទាំងអស់ សម្រាប់ទូទាំងសហរដ្ឋអាមេរិក។

២ ពាន់ដុល្លារនេះគឺច្រើនគួរសម ប៉ុន្តែតាមការសង្កេតមើលរបស់ Cars Direct គេឃើញហាងលក់រថយន្តមួយចំនួន បញ្ចុះតម្លៃច្រើនជាងនេះទៅទៀត។ ជាក់ស្ដែងហាងមួយកន្លែងនៅភាគខាងជើងរដ្ឋ California បានផ្សព្វផ្សាយពីការបញ្ចុះតម្លៃ ៧ ពាន់ដុល្លារ បន្ថែមពីការបញ្ចុះតម្លៃ ២ ពាន់ដុល្លារ ដែលការបញ្ចុះសរុបរហូតដល់ ៩ ពាន់ដុល្លារ។

ការបញ្ចុះតម្លៃបន្ថែមនេះអាចខុសគ្នាពីហាងមួយទៅហាងមួយ។ ចំណែកការបញ្ចុះតម្លៃ ២ពាន់ដុល្លារ ពេញសហរដ្ឋអាមេរិក នឹងត្រូវផុតកំណត់ថ្ងៃទី ៧ ខែកុម្ភៈ។ គួរដឹងថានៅអាមេរិករថយន្ត Jeep Gladiator មានតម្លៃដើមចាប់ពី ៣៣ ៥៤៥ ដុល្លារ៕

ផ្ទាំងផ្សាយពាណិជ្ជកម្ម

ឡានរថក្រោះ នឹងដាក់តាំងនៅកន្លែងមួយ ឲ្យគ្រប់គ្នាបានឃើញ

January 30, 2020

រថយន្ត Rezvani Tank ស៊េរីឆ្នាំ ២០២០ បានលេចមុខនៅកម្ពុជានាថ្ងៃនេះ តាមរយៈការនាំចូលរយៈលោកឧកញ៉ា ស្រី ចាន់ថន ដែលជារថយន្តមួយគ្រឿងដំបូងគេនៅកម្ពុជា ដែលនឹងត្រូវដាក់តាំងបង្ហាញនៅ Jet’s Garden Park លើទឹកដី ស្កាយលែន វិហារសួគ៌។

រថយន្តនេះបានបង្ហាញវត្តមានជាផ្លូវការកាលពីអំឡុងខែសីហា ឆ្នាំ ២០១៩ នៅសហរដ្ឋអាមេរិក ដែលវាមានចែកចេញជា ៣ ប្រភេទ គឺ Rezvani Tank ធម្មតា, Rezavani Tank Military Edition និង Rezvani Tank X ដោយមានតម្លៃចាប់ពី ១៥៥ ០០០ ដុល្លារ, ២៩៥ ០០០ ដុល្លារ និង ៣៤៩ ០០០ ដុល្លារ នៅទីផ្សារបរទេស។

មួយគ្រឿងដំបូងនៅកម្ពុជានេះ ទំនងជាប្រភេទ Rezvani Tank ធម្មតា ដែលមានប្រើម៉ាស៊ីន ៣,៦ លីត្រ ៦ ស៊ីឡាំង កម្លាំង ២៨៥ សេះ ហើយវាក៏មានជម្រើសម៉ាស៊ីន ៦,៤ លីត្រ ៨ ស៊ីឡាំង និងម៉ាស៊ីនម៉ាស៊ូត ៣,០ លីត្រ ៦ ស៊ីឡាំង ផងដែរ។ ប្រភេទធម្មតាមិនមានសមត្ថភាពធន់នឹងការពារគ្រាប់ ដូចពីរប្រភេទទៀតនោះទេ៕

ផ្ទាំងផ្សាយពាណិជ្ជកម្ម

ឡាន SUV កូរ៉េទំនើបបំផុត Genesis GV80 ឆ្នាំ២០២១ នឹងប្រើម៉ាស៊ីន២ជម្រើស

January 30, 2020

ក្រុមហ៊ុនរថយន្តប្រណីតរបស់ប្រទេសកូរ៉េខាងត្បូង Genesis (ក្រុមហ៊ុនមែកធាងរបស់ Hyundai) បានបង្ហាញ SUV ដ៏ទំនើបផុតលេងរបស់ខ្លួន គឺ GV80 ស៊េរីឆ្នាំ២០២១ ជាផ្លូវការ ហើយនឹងមានលក់នៅលើទីផ្សារសហរដ្ឋអាមេរិកផងដែរ។

រថយន្ត Genesis GV80 នឹងផ្តល់ម៉ាស៊ីនចំនួន ២ជម្រើស សម្រាប់ទីផ្សារសហរដ្ឋអាមេរិក។ ថ្វីបើក្រុមហ៊ុនបានមិនបញ្ជាក់លម្អិត ប៉ុន្តែបានបង្ហើបឲ្យដឹងថា នឹងមានម៉ាស៊ីន Turbocharged ចំណុះ ២,៥លីត្រ ទំហំ ៤ស៊ីឡាំង មានកម្លាំង ៣០០សេះ និង ម៉ាស៊ីន Twin-turbo ចំណុះ ៣,៥លីត្រ កម្លាំង ៣៧០សេះ។

SUV ខ្នាតធំ មាន Option កៅអី ៣ជួរនេះ នឹងផ្តល់លក្ខណៈពិសេសជាច្រើន ដូចជា មុខងារកម្តៅ-បញ្ចេញខ្យល់-កាច់ទៅមុខថយក្រោយ សម្រាប់កៅអីជួរទី២ ក៏ដូចជា មុខងារ Remote Smart Park Assist ផងដែរ។

ក្រៅពីនោះក៏នៅមាន អេក្រង់ទំហំ ១៤,៥អ៊ីង, Smart Cruise Control with Machine Learning, Forward Collision-Avoidance Assist, Blind-Spot Collision Avoidance Assist និង Rear Cross-Traffic Collision-Avoidance Assist ជាដើម។

យ៉ាងណាក៏ដោយ ក្រុមហ៊ុន Genesis មិនទាន់បានបញ្ជាក់ពីតម្លៃនៃរថយន្ត GV80 នេះនៅឡើយទេ៕

ផ្ទាំងផ្សាយពាណិជ្ជកម្ម

ឡានអគ្គិសនី Ford Mustang Mach-E មិនទាន់ចេញលក់ផង មានគេកក់ជាង ៣ម៉ឺនគ្រឿងបាត់

January 30, 2020

Ford បានដាក់បង្ហាញរថយន្តអគ្គិសនីដំបូងបង្អស់របស់ខ្លួន មានឈ្មោះថា Mustang Mach-E ក្នុងកម្មវិធី 2019 LA Auto Show កាលពីជាង ២ខែមុន។

គិតរហូតមកទល់ពេលនេះ Ford ទទួលបានការកក់ពីអតិថិជនប្រមាណជា ៣២ ០០០នាក់មកហើយ សម្រាប់រថយន្ត SUV អគ្គិសនីខាងលើ។

ជាមួយគ្នានេះ Ford បានបង្ហាញឲ្យដឹងថា ខ្លួនមានបំណងផលិតរថយន្ត Mustang Mach-E ប្រមាណ ៥០ ០០០គ្រឿង នៅក្នុងឆ្នាំដំបូង ដូច្នេះមានន័យថា ប្រសិនបើ Ford ទទួលបានការកក់តែជាង ២ម៉ឺនគ្រឿងទៀត នោះ Mustang Mach-E នឹងត្រូវលក់អស់ ទាំងមិនទាន់ចេញលក់ជាផ្លូវការ។

ទោះជាយ៉ាងណា ការកក់មិនដូចការទិញផ្ទាល់ឡើយ ព្រោះវានៅតែអាចមានករណីអតិថិជនលុបចោលការកក់វិញ។ រថយន្ត Ford Mustang Mach-E មានតម្លៃចាប់ពី ៤៣ ៨៩៥ដុល្លារនៅលើទីផ្សារសហរដ្ឋអាមេរិក សម្រាប់ Base Model និងឡើងដល់ ៦០ ៥០០ដុល្លារ សម្រាប់ម៉ូដែល Mach-E GT៕

ផ្ទាំងផ្សាយពាណិជ្ជកម្ម

ជិះ២នាក់បានហើយ! ឡានស្ព័រ Mazda MX-5 ឆ្នាំ២០២០ ចេញតម្លៃលក់ ខ្ទង់២ម៉ឺនដុល្លារ

January 29, 2020

រថយន្ត Mazda MX-5 ស៊េរីឆ្នាំ២០២០ នឹងមានលក់នៅលើទីផ្សារសហរដ្ឋអាមេរិក នាខែកុម្ភៈខាងមុខនេះ ជាមួយនឹងតម្លៃចាប់ពី ២៧ ៥០០ដុល្លារ។

MX-5 ស៊េរីថ្មី បានបន្ថែមពណ៌ថ្មី ក៏ដូចជាប្រព័ន្ធសុវត្ថិភាពជាច្រើនមកស្តង់ដារតែម្តង សម្រាប់ម៉ូដែល Sport ដែលជាប្រភេទ Base Model។

គ្រប់ម៉ូដែលនៃរថយន្ត Mazda MX-5 ទាំងអស់ សុទ្ធតែបំពាក់ម៉ាស៊ីន Naturally Aspirated ចំណុះ ២,០លីត្រ ទំហំ ៤ស៊ីឡាំង ប្រភេទ Skyactiv-G មានកម្លាំង ១៨១សេះ។ វាផ្តល់នូវជម្រើសប្រអប់លេខដៃ ៦វគ្គ និង អូតូជាមួយលេខដៃនៅលើចង្កូត ៦វគ្គផងដែរ។

ក្នុងនោះ រថយន្តស្ព័រអាចបើកដំបូលបានខាងលើ បំពាក់មុខងារសុវត្ថិភាពកាន់តែច្រើន នៅក្នុងប្រព័ន្ធ i-Activsense របស់ខ្លួន ក្នុងនោះរួមមាន Blind Spot Monitoring with Rear Cross-Traffic Alert, Smart City Brake Support និង Lane Departure Warning System មកស្តង់ដារតែម្តង។

ក្រៅពីនោះ វាបំពាក់ដំបូលបើក-ទន់-ពណ៌ខ្មៅ, យ៉ាន់ពណ៌ខ្មៅទំហំ ១៦អ៊ីង, ចង្កៀងមុខ-ក្រោយ LED, អេក្រង់ Mazda Connect ទំហំ ៧អ៊ីង និងមុខងារជាច្រើនផ្សេងទៀត៕

ផ្ទាំងផ្សាយពាណិជ្ជកម្ម

ឡាន Toyota ដូរដាក់ម៉ាស៊ីនអគ្គិសនីពី Nissan ប្លែកមិនធ្លាប់មាន

January 29, 2020

ថ្មីៗនេះ រថយន្តស្ព័រ Toyota 86 មួយគ្រឿង ត្រូវបានគេយកទៅកែច្នៃ ដោយផ្លាស់ប្តូរម៉ាស៊ីនសាំងដើមចេញ ជំនួសវិញដោយម៉ាស៊ីនអគ្គិសនីរបស់រថយន្ត Nissan ប្លែកមិនធ្លាប់មានតែម្តង។

រថយន្ត Toyota 86 ខាងលើ បានប្រើម៉ាស៊ីនអគ្គិសនីពីរថយន្ត Nissan Leaf ស៊េរីឆ្នាំ២០១៤ ដែលជាជំនាន់ទី១ មានកម្លាំងសរុប ២០០សេះ។

គួរឲ្យដឹងថា ម៉ាស៊ីនអគ្គិសនីរបស់ Nissan Leaf ជំនាន់ទី១ មិនសូវជាខ្លាំងប៉ុន្មានទេ ដោយអាចបើកបរបានចម្ងាយត្រឹមតែ ១៣៥គីឡូម៉ែត្រប៉ុណ្ណោះ នៅពេលសាកភ្លើងពេញម្តង៕

សូមទស្សនាវីដេអូខាងក្រោម៖

ផ្ទាំងផ្សាយពាណិជ្ជកម្ម

Hyundai Ioniq អគ្គិសនីឆ្នាំ ២០២០ ជិះបានឆ្ងាយជាងមុន ៧០គ.ម ប៉ុន្តែថ្លៃលើសមុនជិត ៣ពាន់ដុល្លារ

January 29, 2020

Hyundai បានបង្ហាញរថយន្ត Ioniq អគ្គិសនីស៊េរីឆ្នាំ ២០២០ ក្នុងកម្មវិធី Los Angeles Auto Show ហើយពេលនេះក្រុមហ៊ុនបានប្រកាសអំពីតម្លៃដែលនឹងចាប់ផ្ដើមពី ៣៣ ០៤៥ ដុល្លារ។

តម្លៃនេះគឺឡើងលើសពីតម្លៃស៊េរីមុន ដែលមានចាប់ពី ៣០ ៣១៥ ដុល្លារ ប៉ុន្តែរថយន្ត Ioniq ប្រភេទអគ្គិសនីឆ្នាំ ២០២០ គឺមានបំពាក់អាគុយទំហំ ៣៨,៣ គីឡូវ៉ាត់ម៉ោង។ ដូចនេះរយៈចម្ងាយបើកបររបស់វាកើនពី ២០០ គីឡូម៉ែត្រ ទៅ ២៧៤ គីឡូម៉ែត្រ ពេលសាកមួយពេញ។

មិនទាន់អស់ទេ ម៉ូទ័រអគ្គិសនីលើរថយន្តស៊េរីថ្មី អាចបង្កើតកម្លាំងបាន ១៣៤ សេះ ដែលកើនឡើងលើសមុខ ១៦ សេះ។ ចំពោះការសាកថ្មក៏លឿនជាងមុនដែរ ដោយចំណាយពេលប្រហែល ៦ ម៉ោង និង ៥ នាទី អាចសាកបានពេញ ដែលប្រើប្រាស់ឆ្នាំងសាក ២៤០វ៉ុល៕

ផ្ទាំងផ្សាយពាណិជ្ជកម្ម

ប្រទះឃើញ Mitsubishi Outlander ឆ្នាំ ២០២១ នៅអឺរ៉ុប រូបរាងថ្មីប្លែក

January 29, 2020

Prototype (ផលិតផលគំរូ) នៃរថយន្ត Mitsubishi Outlander ស៊េរីឆ្នាំ ២០២១ ត្រូវបានប្រទះឃើញបើកបរសាកល្បងនៅអឺរ៉ុប ដោយវាមានរចនាបថលាយបញ្ចូលនឹងរថយន្ត Concept ជាមួយនឹងគ្រោងឆ្អឹងថ្មីផងដែរ។

រូបរាងរបស់ Mitsubishi Outlander ថ្មីនេះទំនងជាទទួលបានគំនិតពីរថយន្ត Concept Engelberg ដែលក្រុមហ៊ុនបានបង្ហាញក្នុងកម្មវិធី Geneva Motor Show កាលពីឆ្នាំទៅ។ ជាក់ស្ដែងផ្នែកខាងគឺមានផ្ទាំងប៉ាណាទំហំធំ និងមានអំពូល LED រាងស្ដើងដូចជារថយន្ត Concept។

ទ្រង់ទ្រាយរបស់ Outlander ឆ្នាំ ២០២១ នេះដែរ គឺខុសគ្នាដាច់ពីម៉ូដែលដែលកំពុងលក់បច្ចុប្បន្ន មានន័យថាវានឹងជារថយន្តជំនាន់ថ្មី ដែលផ្លាស់ប្ដូររចនាបថថ្មី។ រថយន្តជំនាន់ថ្មីនេះរំពឹងថានឹងបង្ហាញមុខក្នុងកម្មវិធី Paris Auto Show នាដើមខែតុលាឆ្នាំនេះ៕

ផ្ទាំងផ្សាយពាណិជ្ជកម្ម

Chevrolet Corvette Stingray ឆ្នាំ២០២០ ចាក់ប្រេងមួយពេញ ជិះបាន៨០០គ.ម៉

January 28, 2020

Auto review: 2020 Corvette isn't just super-fast; it's luxury-car quiet and smooth — 2020 Chevrolet Corvette Stingray. (Mark Phelan/Detroit Free Press/TNS)

ទីភ្នាក់ងារ EPA បានបង្ហាញកម្រិតស៊ីប្រេងរបស់រថយន្ត Chevrolet Corvette Stingray ស៊េរីឆ្នាំ២០២០ ថ្មី គឺប្រហែល ១៥,៦លីត្រក្នុងក្រុង និង ៨,៧លីត្រក្រៅក្រុង សម្រាប់ការបើកបរចម្ងាយ ១០០គីឡូម៉ែត្រ។

រថយន្ត Chevrolet Corvette Stingray នេះបំពាក់ម៉ាស៊ីនចំណុះ ៦,២លីត្រ Naturally-aspirated ទំហំ ៨ស៊ីឡាំង ប្រើប្រអប់លេខអូតូ ៨វគ្គ ប្រភេទ Tremec dual-clutch។

ក្រុមហ៊ុន Chevrolet អះអាងថា រថយន្ត Corvette នេះ អាចរត់ដល់ចម្ងាយ ៧៨៨គីឡូម៉ែត្រ នៅពេលចាក់ប្រេងមួយពេញ ប្រមាណ ៧០លីត្រ។

គួរឲ្យដឹងថា រថយន្តស្ព័រអាមេរិក Chevrolet Corvette Stingray ថ្មីនេះ មានតម្លៃចាប់ពី ៥៨ ៩០០ដុល្លារសម្រាប់ប្រភេទ Coupe និង ៦៦ ៤០០ដុល្លារសម្រាប់ប្រភេទបើកដំបូល៕

ផ្ទាំងផ្សាយពាណិជ្ជកម្ម