(REVIEW+) រថយន្ត Ford ម៉ូឌែល ២០២១ មួយនេះពិតជាទំនើបខ្លាំងនឹងមានវត្តមាននៅកម្ពុជាឆាប់ៗនេះ…

(REVIEW+)៖ ថ្ងៃនេះ ខ្ញុំចង់បង្ហាញអ្នកទាំងអស់គ្នាអោយបានដឹងពីរថយន្តលក្ខណៈគ្រួសារដ៏ទំនើបមួយ ដែលខ្ញុំបានឃើញនៅលើទំព័រហ្វេសប៊ុកផ្លូវការរបស់ក្រុមហ៊ុន Ford Cambodia។ ក្នុងនោះក្រុមហ៊ុនបានធ្វើការប្រកាសនៅរថយន្តស៊េរីថ្មី ២០២១របស់ខ្លួន ម៉ូឌែល The All-New FORD TERRITORY ដើម្បីអោយអតិថិជនធ្វើការកក់ទុកជាមុន ជាមួយតម្លៃពិសេស ៤៩ ៩០០ ដុល្លារ។ រថយន្តនេះបំពាក់ជាមួយម៉ាស៊ីនសាំង ១,៥លីត្រ Ecoboost កម្លាំង ១៤៣ps (ប្រហែល ១៤០ សេះ) កម្លាំងរមួល ២២៥ញូតុនម៉ែត្រ ប្រើប្រាស់ ៤ស៊ីឡាំង ភ្ជាប់ដោយប្រអប់លេខអូតូ ៨វគ្គ។

ផ្ទាំងផ្សាយពាណិជ្ជកម្ម

ផ្នែកខាងមុខរចនាយ៉ាងទាក់ទាញ រំលេចដោយប៉ាណាបែបស្ព័រ អមដោយចង្កៀងមុខ LED មានមុខងារបិទ/បើកដោយស្វ័យប្រវត្តិ ផ្តល់នៅពន្លឺយ៉ាងច្បាស់ល្អ និងចង្កៀងក្រោយជាប្រភេទLED រាងឆ្នូតទាន់សម័យ។ កាន់តែពិសេសជាមួយ សេនស័រជំនួយចូលចតមុខ ក្រោយ មានចំនួនរហូតដល់ទៅ ១២គ្រាប់ ចឹងវាផ្តល់នូវសុវត្ថិភាពយ៉ាងខ្ពស់សម្រាប់អ្នកទាំងអស់គ្នា។

បន្ថែមនៅការចាប់អារម្មណ៌ និងភាពទំនើបនៃរថយន្តនេះ ផ្នែកខាងក្នុងរបស់វាបំពាក់មកនូវ កុងទ័រប្រភេទឌីជីថល ទំហំ១០អុីញ ផ្តល់នូវពណ៌ត្រជាក់ភ្នែក បង្ហាញព័ត៌មានយ៉ាងសំបូរបែប។ ប្រព័ន្ធកំសាន្ត Touch Screen ទំហំ ១០អុីញ ភ្ជាប់ជាមួយមុខងារ Apple CarPlay / Android Auto អមដោយឧបករណ៌បំពងសម្លេង ៦ចំណុច ផ្តល់សម្លេងកាន់តែពិរោះរណ្តំ និងរីករាយរាល់ដំណើរកំសាន្ត។ ចង់ស្រូបយកខ្យល់អាកាស ឬបរិកាសដ៏បរិសុទ្ធយើងក៏អាចធ្វើការបើកដំបូលខាងលើបានយ៉ាងធំ ដែលជាប្រភេទ Panoramic Moonroof ។

បើនិយាយពីមុខងារបច្ចេកវិទ្យាសំខាន់ៗវិញ សឹងតែមិនបាច់និយាយទេដែលមានដូចជា៖

  • ប្រព័ន្ធផ្តល់សញ្ញាគ្រោះថ្នាក់ពេលមានឧបសគ្គ និងប្រព័ន្ធចាប់ហ្វ្រាំងបន្ទាន់ដោយស្វ័យប្រវត្តិ
  • ប្រព័ន្ធកំណត់ល្បឿន និងរក្សាគំលាតសុវត្ថិភាពដោយឈប់ និងទៅមុខដោយស្វ័យប្រវត្តិ
  • ប្រព័ន្ធជំនួយលើចង្កូត និងរំលឹកអ្នកបើកបរបើកក្នុងគន្លងត្រឹមត្រូវ
  • ប្រព័ន្ធជំនួយចូលចតដោយស្វ័យប្រវត្តិ (ចូលចតបែបអក្សរP និងបែបអក្សរT)
  • ប្រព័ន្ធផ្តល់ដំណឹងគ្រោះថ្នាក់ផ្នែកចំហៀងសងខាងរថយន្ត
  • ប្រព័ន្ធទប់លំនឹងរថយន្តពេលបើកបរលើផ្លូវកោង រអិលនិង បញ្ជៀសការក្រឡាប់
  • ប្រព័ន្ធទប់រថយន្តកុំអោយរអិលថយក្រោយពេលឡើងចំណោត
  • ប្រព័ន្ធវាស់សម្ពាធកង់
  • កាមេរ៉ាសុវត្ថិភាព360 អាចមើលបានជុំវិញរថយន្ត
  • ប្រព័ន្ធសាកថ្មឥតខ្សែ (Wireless Charging)
  • ប្រព័ន្ធហ្វ្រាំងដៃអេឡិចត្រូនិក
  • ប្រព័ន្ធគ្រប់គ្រងសីតុណ្ហភាពដោយស្វ័យប្រវត្តិ

អ្វីដែលខ្ញុំចាប់អារម្មណ៌ក្រុមហ៊ុន Ford Cambodia ជាងគេក្រៅតែពីបច្ចេកវិទ្យាទំនើប និងគុណភាពហើយនោះគឺក្រុមហ៊ុនមានផ្តល់ជូន សេវាថែទាំឥតគិតថ្លៃពីក្រុមហ៊ុន ១ ឆ្នាំ ឬ ២០ ០០០ គ.ម៉ ហើយការធានាមានដូចក្រុមហ៊ុនដ៏ទៃដែរគឺ ៣ឆ្នាំ ឬ ១០ម៉ឺន គ.ម៉។ សម្រាប់ព័ត៌មានបន្ថែមសូមទាក់ទងផ្នែកលក់ ០៧៨ ៣៣៣ ៧៤៨ | ០១៦ ៣៣៣ ៧៨៥។

ជាចុងក្រោយ ប្រសិនបើមានឱកាស ក្រុមការងាររបស់ខេមបូអូតូ នឹងធ្វើបទបង្ហាញជាលក្ខណៈវីដេអូ សម្រាប់អ្នកទាំងអស់គ្នាជាពិសេសតែម្តង។ ខ្ញុំ រក្សា ពីអត្ថបទ REVIEW+ សូមអរគុណ និងជម្រាបលា។

ផ្ទាំងផ្សាយពាណិជ្ជកម្ម