តាមការបញ្ជាក់របស់លោក Elon Musk នាយកប្រតិបត្តិ Tesla បានឲ្យដឹងថានាពេលនេះអតិថិជនៅសហរដ្ឋអាមេរិកអាចធ្វើការទិញរថយន្ត Tesla បានដោយប្រើប្រាស់ Bitcoin ដែលយកធ្លាប់បានសន្យាបែបនេះកាលពីដើមខែកុម្ភៈ។
ការប្រកាសនេះបានធ្វើឲ្យតម្លៃរបស់ Bitcoin មានការកើនឡើងជាង ៤% ដែលគិតត្រឹមបច្ចុប្បន្នក្នុងមួយឯកតា Bitcoin គឺស្មើនឹង ៥៦ ០៥៤ដុល្លារ។ រថយន្តរបស់ Tesla នឹងបន្តកំណត់តម្លៃលក់ជារូបិយប័ណ្ណដុល្លារ ហើយអតិថិជនអាចមានជម្រើសទូទាត់ការទិញតាមរយៈ Bitcoin ជាមួយតម្លៃស្មើគ្នា។
ផ្ទាំងផ្សាយពាណិជ្ជកម្ម
គួរដឹងថា Tesla បានបង្ហាញឲ្យដឹងកាលពីខែមុនថាពួកគេបានបណ្ដាក់ទុន ១,៥ពាន់លានដុល្លារលើ Bitcoin ដោយពេលនេះ Bitcoin នៅមានតម្លៃប្រមាណ ៣៣ ០០០ដុល្លារ។
ក្រុមហ៊ុនបច្ចេកវិទ្យាដទៃទៀតដែលទទួលយកការទូទាត់ដោយ Bitcoin មានដូចជា AT&T និង Microsoft ជាដើម៕
ផ្ទាំងផ្សាយពាណិជ្ជកម្ម
