[ទីផ្សារបរទេស] ក្រុមហ៊ុនរថយន្តអគ្គិសនីរបស់អាមេរិកបានធ្វើការចេញនូវផលិតផលថ្មីមួយតម្លៃ ១៨៨ដុល្លារ សម្រាប់ទីផ្សារប្រទេសចិន ដែលមានឈ្មោះថា TeslaMic ដែលជាមីក្រូហ្វូនសម្រាប់ធ្វើការច្រៀងចម្រៀងនៅក្នុងរថយន្ត ដែលដំណើរការជាមួយវិធីមួយឈ្មោះថា Leishi KTV។
យោងតាមប្រភពព័ត៌មានរបស់ក្រុមហ៊ុន Tesla បានឱ្យដឹងថាមីក្រូហ្វូននឹងធ្វើការភ្ជាប់អូតូទៅប្រព័ន្ធកម្សាន្ត TeslaMic។ សម្រាប់ TeslaMic មានចំនួនពីរដើម ដែលអាចអោយមនុស្សពីរនាក់អាចច្រៀងចម្រៀងលេងក្នុងពេលតែមួយ។ ក្នុងនោះដែរអ្នកបើកបរក៏អាចចូលរួមបានប្រសិនបើរថយន្តចត។
យ៉ាងណាមិញការបង្ហោះនៅលើគណនីប្រព័ន្ធផ្សព្វផ្សាយសង្គម Weibo បង្ហាញថា TeslaMic និងប្រព័ន្ធខារ៉ាអូខេដែលបានដំណើរការក្នុងឆ្នាំ ២០១៩ មកម្ល៉េះ។ បន្ថែមពីនេះ Tesla ក៏បានបញ្ចេញនូវមុខងារថ្មីមួយឈ្មោះថា “Caraoke” ដែលអាចផ្ទុកនូវបទចម្រៀងជាមួយចំនួនកំណត់ និងភ្ជាប់មកជាមួយ lyric បង្ហាញនៅលើអេក្រង់កណ្តាលផងដែរ។
គេមិនច្បាស់ទេថាតើ Tesla នឹងលក់ TeslaMic នៅលើទីផ្សារផ្សេង ក្រៅពីប្រទេសចិន ខណៈបច្ចេកវិទ្យាដើម្បីបម្រើតម្រូវការនៃការច្រៀងក្នុងរថយន្ត ហាក់ដូចជាមានការពេញនិយមខ្លាំងណាស់ក្នុងការច្រៀងរួមគ្នានៅលើម៉ូឌែលរថយន្តថ្មីៗក្នុងពេលប៉ុន្មានឆ្នាំថ្មីនេះ៕
ប្រភព៖ vnexpress.net
