Leapmotor C01 គឺជារថយន្តអគ្គិសនីចិន ដែលមានកម្លាំងខ្លាំង ចម្ងាយបើកបរឆ្ងាយ ប៉ុន្តែតម្លៃធូរថ្លៃ គួរឲ្យចាប់អារម្មណ៍បំផុត។
ក្រុមហ៊ុន Leapmotor បានអះអាងថា រថយន្ត Sedan អគ្គិសនីរបស់ខ្លួនអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹមតែ ៣វិនាទីប៉ុណ្ណោះ។ C01 មានបំពាក់កញ្ចប់អាគុយអគ្គិសនីកម្លាំង ៩០គីឡូវ៉ាត់ម៉ោង ផ្តល់នូវចម្ងាយបើកបរសរុប ៧១៧គីឡូម៉ែត្រ នៅពេលសាកភ្លើងពេញម្តង។
ផ្ទាំងផ្សាយពាណិជ្ជកម្ម
បើយោងទៅតាមក្រុមហ៊ុន Leapmotor បានឲ្យដឹងថា វានឹងផ្តល់ជម្រើសចំនួន ៥ ម៉ូដែលខុសៗគ្នា ដោយក្នុងនោះប្រភេទ Base Model នឹងមានចម្ងាយបើកបរយ៉ាងហោចណាស់ ៥០០គីឡូម៉ែត្រ នៅពេលសាកភ្លើងពេញម្តង។
ថ្វីបើរថយន្ត Leapmotor C01 មិនទាន់មានកាលបរិច្ឆេទចូលផលិតច្បាស់លាស់ ប៉ុន្តែក្រុមហ៊ុនកំពុងតែទទួលយកការកក់ ហើយបម្រុងនឹងចាប់ផ្តើមដំណើរការផលិត មុនបំណាច់ឆ្នាំ ២០២២ នេះតែម្តង៕
ផ្ទាំងផ្សាយពាណិជ្ជកម្ម
