Toyota អបអរការផលិតម៉ាស៊ីន Twin-Turbo V6 របស់ឡាន Tundra ស៊េរីឆ្នាំ២០២២

Toyota បានរៀបចំកម្មវិធីមួយនៅរោងចក្រក្នុងរដ្ឋ Alabama សហរដ្ឋអាមេរិកដើម្បីអបអរសាទរ​ការផលិតម៉ាស៊ីន Twin-Turbo V6 ថ្មី ដែលនឹងមានបំពាក់លើរថយន្តភីកអាប់ Tundra ជំនាន់ថ្មីទាំងអស់។

ម៉ាស៊ីនថ្មីនេះ នឹងមានចែកចេញជាពីរប្រភេទ ដោយមានជាប្រភេទ Hybrid និងប្រភេទធម្មតា ហើយ​ដើម្បី​បង្កើត​សែ​សង្វា​ក់​ផលិតម៉ាស៊ីនថ្មីនេះ Toyota បានធ្វើការវិនិយោគជាទឹកប្រាក់សរុប ២៨៨លានដុល្លារ ដែលវាបានបន្ថែមការថ្មីចំនួន ៤៥០ការងារផងដែរ។

ពាណិជ្ជកម្ម

ទីតាំងផលិតម៉ាស៊ីន Twin-Turbo V6 ថ្មីនេះគឺជាទីតាំងតែមួយគត់ដែលនឹងផលិតម៉ាស៊ីនសម្រាប់រថយន្ត Tundra ស៊េរីឆ្នាំ២០២២ នៅអាមេរិកខាងជើង ដែលទីតាំងនេះមានសមត្ថភាពផលិតម៉ាស៊ីនបានចំនួនមួយនៅរៀងរាល់ ៥៨វិនាទី។

គួរដឹងថាម៉ាស៊ីន Twin-Turbo V6 ចំណុះ ៣,៥លីត្រ ដែលប្រើលើរថយន្ត Tundra អាចផលិតកម្លាំងបានសរុប ៣៨៩សេះ ខណៈដែល Twin-Turbo V6 ប្រភេទ Hybrid អាចផលិតកម្លាំងបានសរុប ៤៣៧សេះ ដែលជាម៉ាស៊ីនកម្លាំងជាងគេក្នុងចំណោមរថយន្ត Toyota៕

Sponsored