Toyota ទើបតែបានបង្ហាញតម្លៃរថយន្ត Camry TRD ស៊េរីឆ្នាំ ២០២០ ដែលកំពុងដាក់លក់លើទីផ្សារសហរដ្ឋអាមេរិក។
Camry TRD ឆ្នាំ ២០២០ ប្រើម៉ាស៊ីនសាំងចំណុះ ៣,៥ លីត្រ Naturally-aspirated ទំហំ ៦ ស៊ីឡាំង កម្លាំង ៣០១ សេះ ដំណើរការជាមួយប្រអប់លេខអូតូ ដោយមានតម្លៃចាប់ពី ៣១ ៩៩៥ ដុល្លារ។
ផ្ទាំងផ្សាយពាណិជ្ជកម្ម
Camry TRD ត្រូវបានផលិតផ្អែកលើម៉ូដែល SE ដោយគ្មានពូកស្បែក , ផែនទី ឬ ប្រព័ន្ធជំនួយការបើកបរមួយចំនួនឡើយ ព្រោះវាផ្តោតខ្លាំងលើដំណើរការ។
Camry TRD បានបំពាក់ប្រព័ន្ធបូមរឹង និងទាបជាងមុន, ពង្រីកបង្គោលទប់ការពារក្រឡាប់, បន្ថែមដែករណប, សម្បកកង់ស្អិតជាងមុន និង ហ្វ្រាំងមុខធំជាងមុនជាដើម។ មិនតែប៉ុណ្ណោះ វាក៏បំពាក់ប្រព័ន្ធបំពង់ស៊ីម៉ាំង TRD, រូបរាងខាងក្រៅរឹតតែស្ព័រ និងផ្នែកខាងក្នុងរំលេចដោយពណ៌ក្រហម៕
ផ្ទាំងផ្សាយពាណិជ្ជកម្ម
