ក្រុមហ៊ុន Volkswagen បានចេញលក់រថយន្ត Arteon ស៊េរីឆ្នាំ២០២១ ជាផ្លូវការនៅក្នុងសហរដ្ឋអាមេរិក ជាមួយនឹងតម្លៃចាប់ពី ៣៦ ៩៩៥ដុល្លារ សម្រាប់ម៉ូដែល Arteon SE។
រថយន្ត Volkswagen Arteon បំពាក់ម៉ាស៊ីនសាំងចំណុះ ២,០លីត្រ TSI Turbocharged ទំហំ ៤ស៊ីឡាំង មានកម្លាំង ២៦៨សេះ ប្រើប្រអប់លេខអូតូ ៨វគ្គ និងប៉ុងមួយ FWD ខណៈប៉ុងពីរ 4Motion AWD ជា Option។ បន្ថែមពីនេះវាក៏បំពាក់ប្រព័ន្ធបូម DCC Adaptive Damping System និង XDS Cross-Differential Lock ផងដែរ។
ក្រៅពី Arteon SE វានៅមាន ២ ម៉ូដែលទៀត គឺ SEL R-Line តម្លៃចាប់ពី ៤១ ៥៩៥ដុល្លារ និង SEL Premium R-Line តម្លៃចាប់ពី ៤៦ ៩៩៥ដុល្លារ។
រថយន្ត Sedan នេះនឹងមានបំពាក់មកជាមួយនូវបច្ចេកវិទ្យាជំនួយការបើកបរ ដូចជា ACC, Lane Assist, Travel Assist, Emergency Assist, Dynamic Road Sign Display, Park Distance Control, Park Assist, Light Assist និង Area View ជាដើម៕
