Volkswagen Golf ប្រហែលជាមិនចេញជំនាន់ថ្មីឡើយ

[ទីផ្សារបរទេស] រថយន្ត Volkswagen Golf ដែល​ជារថយន្តខ្នាតតូចដ៏ពេញនិយមបំផុតមួយក្នុងលោក​ ប្រហែលជា​មិន​ចេញ​ជំនាន់​ថ្មី​នោះទេ ដោយ​សារការកើនឡើងតម្លៃលើការអភិវឌ្ឍរថយន្តម៉ាស៊ីនពីស្តុង និង​ការរឹតបន្ដឹង​លើ​ច្បាប់​ផ្សែង​ពុល​ផង​ដែរ។

តាមការចុះផ្សាយរបស់សារព័ត៌មានអាល្លឺម៉ង់ Welt កាលពីខែកន្លងទៅ បាន​សន្និដ្ឋានថារថយន្ត VW Golf ជំនាន់​ទី​ប្រាំ អាច​ជា​ជំនាន់​ចុង​ក្រោយ។ លោក Thomas Schäfer ជានាយកប្រតិបត្តិរបស់ VW បាន​លើក​ឡើងថា ៖ “យើង​នឹងត្រូវ​រង់ចាំ​មើល​ថា​ការ​អភិវឌ្ឍ​រថយន្តថ្មីដែលមិនមានអាយុ​ដល់ ៧ ឬ ៨ឆ្នាំ គឺ​ជា​រឿង​ត្រឹមត្រូវឬយ៉ាងណា។” ​លោក​បាន​បន្ថែមថាការ​អភិវឌ្ឍ​រថយន្ត​​ប្រភេទ​នេះ​គឺ​ចំណាយ​ប្រាក់ច្រើន។

ពាណិជ្ជកម្ម

នាយកប្រតិបត្តិខាងលើបានទទួលស្គាល់ថាបច្ចុប្បន្នក្រុមហ៊ុនកំពុងតែផលិតរថយន្ត Golf ប្រភេទ Facelift ប៉ុន្តែ​ជោគវាសនា​របស់​រថយន្តនេះ​អាចនឹងត្រូវសម្រេចនៅក្នុងពេល១២ខែបន្ទាប់ទៀត។

រថយន្ត VW Golf ជំនាន់បច្ចុប្បន្ននេះបានប្រកាសចេញដំបូងកាលពីឆ្នាំ២០១៩ ដែលមានន័យថាប្រភេទ Facelift ដែល​អាច​ចេញ​ក្នុងឆ្នាំ២០២៣ ឬឆ្នាំ២០២៤ នឹងបន្តអាយុកាល​​រហូតដល់​ឆ្នាំ២០២៨ ខាងមុខ។ រហូតដល់ពេលនោះ រថយន្តអគ្គិសនីទំនង​ជា​​ចំណាយ​អស់​តិចជាងមុនលើការផលិត ដោយសារអាគុយដែលមានតម្លៃធូរ ហើយអាចនឹងធ្វើឲ្យរថយន្តពីស្តុងត្រូវហួសសម័យ៕

Sponsored