ថតបានច្បាស់ៗរូបរាងរថយន្ត SUV ដំបូងរបស់ Aston Martin

Aston Martin នឹង​បង្ហាញ​ចេញ​រថយន្ត SUV ដំបូង​របស់​ខ្លួន នៅ​អំឡុង​ខែ​ធ្នូ​ខាង​មុខ​ ដោយ​ត្រៀម​ចេញ​លក់​លើ​ទីផ្សារ​នៅ​ឆ្នាំ ២០២០។ ដ្បិត​ថា​រូបរាង​​មិន​ទាន់​បង្ហាញ​ចេញ​ជា​ផ្លូវ​ការ ប៉ុន្តែ​រូបរាង​របស់​វា​ត្រូវ​បាន​គេ​ថត​បាន​ នៅ​ពេល​បើកបរ​សាក​ល្បង​លើ​ដង​ផ្លូវ។

​​រូបភាព​ដែល​គេ​ថត​បាន អាច​បញ្ជាក់​ឲ្យ​ដឹង​ច្បាស់​ថា​រថយន្ត SUV ម៉ូដែល DBX មាន​រចនាបថ​រន្ធ​ខ្យល់​ខាង​មុខ​ដូច​ជា​រថយន្ត Aston Martin ​​ម៉ូដែល​ផ្សេង​ទៀត​ដែរ។ រថយន្ត​នេះ​ប្រើ​ប្រាស់​ដៃ​ទ្វារ​ដែល​​លឹប​ចូល​ក្នុង​ដោយ​ស្វ័យប្រវត្តិ។ ផ្នែក​ខាង​ក្រោយ​មាន​ការ​បំពាក់​បំពង់​ស៊ីមាំង​លាន​ចេញ​កណ្ដាល​វាល​តែ​ម្ដង។

ពាណិជ្ជកម្ម

រថយន្ត​នេះ​រំពឹង​ថា​នឹង​ប្រើ​ប្រាស់​ម៉ាស៊ីន AMG Twin Turbo ចំណុះ ៤,០ លីត្រ ៨ ស៊ីឡាំង​​ពេល​ចេញ​លក់​លើក​ដំបូង បន្ទាប់​មក​ទើប​មាន​បន្ថែម​ជម្រើស​ម៉ាស៊ីន ៥,២ លីត្រ ១២ ស៊ីឡាំង Twin Turbo ដែល​​ផលិត​ដោយ Aston Martin ផ្ទាល់៕

Sponsored