រថយន្ត Hyundai Santa Cruz ត្រូវបានប្រទះឃើញនៅទីសាធារណៈជាលើកដំបូងនៅលើទឹកដីសហរដ្ឋអាមេរិក ខណៈដែលរថយន្តនឹងចាប់ផ្ដើមបញ្ចេញលក់នៅអំឡុងចុងឆ្នាំ២០២១នេះ។
រថយន្តភីកអាប់ Santa Cruz នេះធ្លាប់បានបង្ហាញរូបរាងដំបូងក្នុងនាមជារថយន្ត Concept កាលពីឆ្នាំ២០១៥ ដែលកន្លងទៅវាទទួលបានការចាប់អារម្មណ៍គួរសមដោយតែរូបរាងតូច ជាមួយនឹងរចនាបថដ៏ទាក់ទាញរបស់វា។ រថយន្ត Santa Cruz នេះមានទំហំប្រវែង ៤៩៧០ម.ម ធ្វើឲ្យវាក្លាយជារថយន្តភីកអាប់ដ៏តូចបំផុតមួយនៅលើទីផ្សារសហរដ្ឋអាមេរិក។
ផ្ទាំងផ្សាយពាណិជ្ជកម្ម
រថយន្ត Santa Cruz ដែលលក់នៅសហរដ្ឋអាមេរិកនឹងមានជម្រើសម៉ាស៊ីនពីរប្រភេទរួមមានប្រភេទចំណុះ ២,៥លីត្រ ៤ស៊ីឡាំង ដែលផលិតកម្លាំងបាន ១៩០សេះ និងមួយទៀតប្រើម៉ាស៊ីនប្រភេទ Turbo ដែលអាចផលិតកម្លាំងបាន ២៧៥សេះ ហើយវាទាំងពីរប្រភេទមានប្រើប្រាស់ប្រព័ន្ធបើកបរ HTRAC ប៉ុងពីររបស់ Hyundai ដូចគ្នា៕
ផ្ទាំងផ្សាយពាណិជ្ជកម្ម
