រថយន្ត Tesla Model 3 ផលិតនៅចិនដំបូង នឹងត្រូវដឹកឲ្យបុគ្គលិក Tesla ប្រើ

Tesla នឹង​ចាប់​ផ្ដើម​ធ្វើ​ការ​ដឹក​ជញ្ជូន​ជា​លើក​ដំបូង​នូវ​រថយន្ត Model 3 ដែល​ផលិត​នៅ​រោងចក្រ​​ថ្មី​នា​ទីក្រុង​សៀងហៃ​ប្រទេស​ចិន នៅ​ថ្ងៃ​ទី ៣០ ខែ​ធ្នូ​នេះ។

អ្នក​​នាំ​ពាក្យ​របស់​ក្រុមហ៊ុន​បាន​បញ្ជាក់​​អំពី​ដំណឹង​នេះ ហើយ​បាន​បន្ថែម​ថា​អតិថិជន​ ១៥ នាក់​ដំបូង​ដែល​ទទួល​បាន​រថយន្ត​នេះ​នៅ​ថ្ងៃ​ទី ៣០ ខែ​ធ្នូ នឹង​ជា​បុគ្គលិក​របស់​ Tesla។

ពាណិជ្ជកម្ម

Tesla បាន​ចាប់​ផ្ដើម​សាង​សង់​រោងចក្រ​នៅ​សៀងហៃ​កាល​ពី​ខែ​មករា ​​ជា​រោងចក្រ​ទី​មួយ​របស់​ក្រុមហ៊ុន​ដែល​ទីតាំង​នៅ​ក្រៅ​សហរដ្ឋអាមេរិក ហើយ​ក៏​ជា​រោងចក្រ​នៅ​ចិន​ដំបូង​ដែល​គ្រប់គ្រង​ដោយ​បរទេស​ទាំង​ស្រុង​ផង​ដែរ។

ការ​ដឹក​ជញ្ជូន​ដំបូង​នៅ​ថ្ងៃ​ទី ៣០ ធ្នូ​នេះ មាន​ន័យ​ថា Tesla ចំណាយ​ពេល​ត្រឹម​តែ ៣៥៧ ថ្ងៃ​ប៉ុណ្ណោះ ក្នុង​ការ​បញ្ចប់​ការ​សាង​សង់ និង​ចាប់​ផ្ដើម​ការ​ផលិត។ រោងចក្រ​ថ្មី​នេះ​បាន​ដាក់​គោលដៅ​ថា​ផលិត​រថយន្ត​ឲ្យ​បាន ២៥០ ០០០ គ្រឿង​ក្នុង​មួយ​ឆ្នាំ៕​​

Sponsored