គូប្រជែង Tesla Cybertruck ពន្យារពេលចេញលក់ដល់ឆ្នាំក្រោយ

ក្រុមហ៊ុន​រថយន្ត​អគ្គិសនី Rivian បាន​បញ្ជាក់​ថា​ពេល​វេលា​នៃ​ការ​ចេញ​លក់​រថយន្ត​ភីកអាប់​អគ្គិសនី R1T របស់​ខ្លួន នឹង​ត្រូវ​ពន្យារពេល​ចេញ​លក់​បន្តិច ដោយ​សារ​តែ​ការ​ផ្ទុះ​នូវ​ជំងឺ​កូវីដ​១៩។

រថយន្ត​ភីកអាប់​ដែល​គ្រោង​ថា​នឹង​ប្រកាស​ចេញ​លក់​នា​ឆ្នាំ ២០២០ នេះ នឹង​ត្រូវ​ផ្លាស់​ប្ដូរ​ដល់​អំឡុង​ឆ្នាំ ២០២១ ខាង​មុខ។ អំឡុង​ពេល​ជាក់​លាក់​ណា​មួយ​នៅ​ឆ្នាំ ២០២១ គឺ​អាស្រ័យ​លើ​កត្តា​ជា​ច្រើន​ រួម​មាន​រយៈពេល​ដែល​ត្រូវ​បិទ​ប្រទេស​ផង​​ដើម្បី​កាត់​បន្ថយ​ការ​ឆ្លង​ជំងឺ​កូវីដ​១៩​ផង​ដែរ។

ផ្ទាំងផ្សាយពាណិជ្ជកម្ម

ត្បិត​ថា​មិន​មាន​ការ​បញ្ជាក់​អំពី​ការ​ពន្យារពេល​ការ​ចេញ​លក់​រថយន្ត SUV អគ្គិសនី Rivian R1S ប៉ុន្តែ​វា​ទំនង​ជា​ត្រូវ​ពន្យារពេល​ចេញ​លក់​​បន្តិច​បន្តួច។ រថយន្ត​ R1S ធ្លាប់​បាន​កំណត់​ថា​នឹង​ចេញ​លក់​នៅ​​ដើម​ឆ្នាំ ២០២១៕​​

ផ្ទាំងផ្សាយពាណិជ្ជកម្ម