រយៈពេលមិនបានប៉ុន្មានម៉ោងផង ក្រោយការប្រកាសចេញនៃរថយន្ត Ford Bronco ស៊េរីឆ្នាំ២០២១ គេហទំព័រផ្លូវការរបស់ Ford ដែលបើកឲ្យកុម្ម៉ង់ទិញរថយន្តផលិតមានចំនួនកំណត់នេះ បានប្រកាសថាលក់ដាច់អស់បាត់ទៅហើយ។
គេហទំព័រខាងលើបានបង្ហាញរូបភាពនៃរថយន្ត Bronco First Edition ជាមួយនឹងសារសរសេរថា “Reservations Full” ដែលបញ្ជាក់ថា រថយន្តនេះត្រូវគេកក់អស់បាត់ទៅហើយ។
ផ្ទាំងផ្សាយពាណិជ្ជកម្ម
គួរឲ្យដឹងថា រថយន្ត Ford Bronco First Edition នេះ មានតម្លៃចាប់ពី ៥៩ ៣០៥ដុល្លារ។ Ford អះអាងថា នឹងផលិតរថយន្តនេះត្រឹម ៣ ៥០០គ្រឿងប៉ុណ្ណោះ។
Ford ក៏បានបញ្ជាក់ឲ្យដឹងដែរថា រថយន្ត Bronco នឹងខ្លាំងខ្លា រឹងមាំដូចប្រភេទ F-Series ហើយឆើតឆាយដូច Mustang។ Bronco បំពាក់ជម្រើសម៉ាស៊ីន ៤ និង ៦ Turbocharger ជាមួយជម្រើស អគ្គីសនី និងម៉ាស៊ូត៕
ផ្ទាំងផ្សាយពាណិជ្ជកម្ម
