ការចំណាយលើការកែច្នៃរថយន្តការពារគ្រាប់ អាស្រ័យលើកត្តាមួយចំនួន ដូចជា កម្រិតនៃការការពារគ្រាប់ , ប្រភេទរថយន្ត និង ក្រុមហ៊ុនកែច្នៃ រួមទាំង ទីតាំងការពារលើរថយន្ត (គ្រប់កន្លែង ឬត្រឹមកន្លែងមួយចំនួន)។
១) កញ្ចក់ ៖ វាមានកម្រិតការពារចាប់ពី កម្រិតទី ២ ដល់ កម្រិតទី ៨
២) ផ្នែកចំហៀង និង ធុងសាំង
អ្នកអាចកែច្នៃវាឲ្យអាចការពារផ្នែកចំហៀងទាំងមូល ឬត្រឹមផ្នែកខ្លះ រួមទាំងធុងសាំងទៀតផង ហើយអ្នកក៏ត្រូវសម្រេចចិត្តលើកម្រិតនៃការការពាររបស់វាដែរ។
៣) សំបកកង់
វាមានជម្រើសផ្សេងគ្នា ដើម្បីការពារពីគ្រាប់កាំភ្លើង ឬបន្លាលួសដែលគេរាយនៅលើផ្លូវ។
៤) ម៉ាស៊ីន
ការការពារត្រង់ម៉ាស៊ីនរថយន្ត ពិតជាអាចជួយសង្គ្រោះជីវិតអ្នកបាន ទោះជាគេបាញ់តម្រង់មកម៉ាស៊ីនរថយន្តក៏ដោយ។
៥) បាតក្រោម
វាអាចការពារអ្នកពីគ្រាប់បែកបង្កប់ ឬគ្រាប់បែកដៃ នៅផ្នែកខាងក្រោមនៃរថយន្តបាន។
ប្រសិនបើអ្នកចង់យករថយន្តកែច្នៃឲ្យអាចការពារគ្រាប់បាន ត្រូវចំណាយលុយយ៉ាងតិចចាប់ពី ៤០ ០០០ ដុល្លារ ដល់ ១០០ ០០០ ដុល្លារអាស្រ័យលើជម្រើសរបស់អ្នក៕
