រថយន្ត Hyundai Tucson ស៊េរីថ្មីឆ្នាំ ២០២២ បានបង្ហាញវត្តមាននៅលើទីផ្សារអាមេរិក ជាមួយម៉ូឌែលថ្មីអោយឈ្មោះថា RTX ដែលមានរូបរាងនៃការរចនាកាន់តែហំនិងអំណាច។
គ្រប់ម៉ូដែល Tucson XRT ទាំងអស់គឺត្រូវបានបង្កើតឡើងផ្អែកលើម៉ូឌែល SEL ដែលភ្ជាប់មកជាមួយកញ្ចប់ Convenience Package ដែលភ្ជាប់ជាមួយគ្រឿងបរិក្ខាបន្ថែមជាច្រើន។
Hyundai បានផ្តល់អោយម៉ូដែល XRT ជាមួយគំរបភក់ កាងជំហៀង កញ្ចក់ជំហៀង និងថាសកង់ទំហំ ១៩អ៊ីញពណ៌ខ្មៅ ដែលស័ក្តិសមទៅនឹងរថយន្តប្រភេទ Off-road។ បន្ថែមជាមួយកញ្ចក់ចំហៀងទាំងសងខាងពណ៌ខ្មៅ កៅអីស្បែកខាងក្នុងពណ៌ខ្មៅ និងកាងសម្រាប់ដាក់ឥវាន់លើដំបូលជាដើម។
ចំណែកកញ្ចប់ Convenience Package ក្រុមហ៊ុន Hyundai បានផ្តល់អោយ ការបើកទ្វាខាងក្រោយដោយអូតូ, Hyundai Digital Key, កន្លែងសាកថ្មឥតខ្សែ, ភ្លើងបំភ្លឺខាងក្នុង, កញ្ចក់មើលក្រោយកាត់បន្ថយពន្លឺដោយស្វ័យប្រវត្តិ, ចង្កូតដៃស្រោបដោយស្បែក, ការគ្រប់គ្រងសីតុណ្ហភាពដោយស្វ័យប្រវិត្ត និងកៅអីអ្នកបើកបរមានមុខងារ ៨បែប។
Tucson XRT ឆ្នាំ២០២២ ប្រើជាមួយម៉ាស៊ីន ៤ស៊ីឡាំង ចំណុះ ២.៥លីត្រ មានកម្លាំង ១៨៧ សេះ និងកម្លាំងរមួល ២៤១ ញ៉ូតុនម៉ែត្រ។ សម្រាប់តម្លៃរបស់ រថយន្តប្រភេទ SUV ថ្មីនេះមានចាប់ពី ៣២,៦២៥ ដុល្លារ សម្រាប់ប្រភេទFWD និង ៣៤,១២៥ ដុល្លារ សម្រាប់ ADW៕
