[ទីផ្សារបរទេស] ក្រុមហ៊ុន HONDA និយាយថា ឆ្នាំនេះនឹងក្លាយជាឆ្នាំនៃការចេញលក់រថយន្ត SUV ឬប្រភេទ Crossover ដែលកើនឡើងទ្វេដង ។ ក្នុងរយៈពេលប៉ុន្មានឆ្នាំចុងក្រោយនេះ ក្រុមហ៊ុន Honda បាននិងកំពុងយកចិត្តទុកដាក់កាន់តែខ្លាំងចំពោះការដាក់បង្ហាញរថយន្ត SUV អគ្គិសនី។ ថ្មីៗនេះ ពួកគេទើបតែបញ្ចេញរូបភាពនៃរថយន្ត Honda Prologue SUV ស៊េរីថ្មី ដែលនឹងបង្ហាញខ្លួននៅចុងឆ្នាំនេះ។
ក្នុងនោះ លោក Nee អ្នកគ្រប់គ្រងជាន់ខ្ពស់ផ្នែកទំនាក់ទំនងសាធារណៈរបស់ក្រុមហ៊ុន American Honda បាននិយាយក្នុងអំឡុងពេលធ្វើបទបង្ហាញនេះបើយោងតាម Motor1 ថា យើងកំពុងដាក់បញ្ចេញទ្វេដងនៅឆ្នាំ ២០២២ ជាមួយនឹងអ្វីដែលយើងហៅថា Year of the SUV ដែលយើងនឹងដាក់បង្ហាញនៅរថយន្ត HR-V, CR-V PHEV, CR-V Hybrid and Pilot ថ្មីនៅឆ្នាំនេះ” ។
ខណៈ ម៉ូឌែលខ្ពស់បំផុតរបស់ HONDA HR-V ត្រូវបានបង្ហាញទាំងខាងក្រៅ និងខាងក្នុង ជាមួយនឹងការរចនាថ្មីទាំងស្រុង។ បើនិយាយពីរូបរាង និងប្រភេទផ្សេងៗទៀត បំពាក់ដោយម៉ាស៊ីនសាំងចំណុះ ២,០ លីត្រ និងទំហំ ៤ស៊ីឡាំង។
ជាមួយគ្នានេះ រថយន្ត CR-V ថ្មី នៅមិនមានព័ត៌មានច្រើនទេ។ ផ្ទុយទៅវិញ រថយន្តនេះនឹងភ្ជាប់មកជាមួយនៅម៉ាស៊ីនជាច្រើនប្រភេទ និងការរចនាថ្មីដែលទើបទទួលបានប៉ាតង់នៅក្នុងប្រទេសចិន។ លើសពីនេះ HONDA CR-V ថ្មីនេះ ភ្ជាប់មកជាមួយនៅម៉ាស៊ីន Plug-in Hybrid Version បានដំឡើងនៅលើម៉ាស៊ីនចំណុះ ១,៥ លីត្រ និងម៉ូទ័រអគ្គិសនី។
លើសពីនេះ រថយន្ត HONDA ZR-V ប្រភេទ Crossover ថ្មី ត្រូវបានដាក់បញ្ចេញដែលបង្កើតឡើងដោយផ្អែកលើ HR-V ហើយក៏មានការធ្វើតេស្តសាកល្បងនៅប្រព័ន្ធ Honda Pilot ជំនាន់ថ្មីនៅសហរដ្ឋអាមេរិក ដែលគេរំពឹងថានឹងចេញលក់នៅចុងឆ្នាំនេះ។
គួរឲ្យដឹងថា ទាំងអស់នេះគ្រាន់តែជាការចាប់ផ្តើមប៉ុណ្ណោះ នៅតែមានរថយន្តជាច្រើន រង់ចាំការចេញលក់នៅឆ្នាំនេះ និងឆ្នាំក្រោយ ក្រុមហ៊ុន Honda កំពុងពង្រីកផលិតផលអគ្គិសនីរបស់ខ្លួន ក្រោមការសាកល្បង Honda e:N Series នៅក្នុងប្រទេសចិន និងត្រៀមចេញលក់នៅក្រៅប្រទេសឆាប់ៗនេះ៕
