កាលពីខែមីនាកន្លងទៅ ក្រុមហ៊ុន Kia បានដាក់បង្ហាញគំរូរថយន្ត Imagine Concept ដែលជា SUV អគ្គិសនី មានរូបរាងទាក់ទាញខ្លាំង។
ឥឡូវនេះរបាយការណ៍ពី Automotive News Europe បានឲ្យដឹងថា គំរូរថយន្ត Kia Imagine នឹងក្លាយជារថយន្តផលិតច្រើនសម្បើម ក្នុងរយៈពេលមួយ ឬពីរឆ្នាំទៀត។
ផ្ទាំងផ្សាយពាណិជ្ជកម្ម
ប្រធាននាយកប្រតិបត្តិ ក្រុមហ៊ុន Kia European លោក Emilio Herrera បានឲ្យដឹងថា Kia Imagine នឹងប្រើគ្រោងឆ្អឹងរថយន្តអគ្គិសនី ហើយអាចបំពាក់ម៉ាស៊ីនអគ្គិសនី, Plug-in Hybrid និង Hybrid ផងដែរ។ មិនតែប៉ុណ្ណោះ Kia មានបំណងចង់បញ្ចេញរថយន្តប្រើអ៊ីដ្រូហ្សែន នៅឆ្នាំ២០២០ ឬដើមឆ្នាំ ២០២១ ទៀតផង។
យ៉ាងណាមិញ Kia Imagine នឹងក្លាយជារថយន្តដែលមានរូបរាងទាក់ទាញខ្លាំងបំផុតមួយ លើទីផ្សាររថយន្តបច្ចុប្បន្ន នៅពេលវាចូលជាសង្វាក់ផលិតកម្ម និងចេញលក់ជាផ្លូវការ នាពេលឆាប់ៗខាងមុខនេះ៕
ផ្ទាំងផ្សាយពាណិជ្ជកម្ម
