[ទីផ្សារបរទេស] ក្រុមហ៊ុនផលិតរថយន្ត Honda បានធ្វើការដាក់បង្ហាញចេញនៅតម្លៃលក់ជាផ្លូវការរបស់រថយន្តអគ្គិសនីសុទ្ធ Honda Prologue ស៊េរីឆ្នាំ ២០២៤ ដែលមាន ៥ម៉ូដែល ជាមួយតម្លៃលក់ចាប់ពី ៤៨ ៧៩៥ ដុល្លារ នៅទីផ្សារសហរដ្ឋអាមេរិក ។
Honda Prologue ស៊េរីឆ្នាំ ២០២៤ ទទួលបានថាមពល ២ ជម្រើសដូចជា៖
ផ្ទាំងផ្សាយពាណិជ្ជកម្ម
- បំពាក់ជាមួយម៉ូទ័រអគ្គិសនីចំនួន ១ អាចផលិតកម្លាំងបាន ២១២ សេះ និងកម្លាំងរមួល ៣២០ ញ៉ូតុនម៉ែត្រ ផ្គួបជាមួយអាគុយទំហំ ៨៥គីឡូវ៉ាត់ម៉ោង អាចបើកបរបានចម្ងាយ ៤៧៦ គីឡូម៉ែត្រនៅពេលសាកថ្មពេញម្តង ប្រភេទបើកបរប៉ុង ១
- បំពាក់ជាមួយម៉ូទ័រអគ្គិសនីចំនួន ២ អាចផលិតកម្លាំងបាន ២៨៨ សេះ និងកម្លាំងរមួល ៤៥០ ញ៉ូតុនម៉ែត្រ ផ្គួបជាមួយអាគុយទំហំ ៨៥គីឡូវ៉ាត់ម៉ោង អាចបើកបរបានចម្ងាយ ៤៥២ គីឡូម៉ែត្រនៅពេលសាកថ្មពេញម្តង ប្រភេទបើកបរប៉ុង ២ ។ លើសពីនេះ ក្រុមហ៊ុន Honda នឹងផ្តល់ជូនអតិថិជននៅទូទាំងជម្រើសសាកថ្ម ៣ ផ្សេងគ្នានៅសហរដ្ឋអាមេរិក ។
សម្រាបរថយន្តនេះ ត្រូវបានភ្ជាប់មកជាមួយថាសកង់អាលុយមីញ៉ូមទំហំ ១៩អ៉ីញ, ប្រព័ន្ធប្រតិបត្តិការ Google built-in និងប្រព័ន្ធ Apple CarPlay និង Android Auto, កន្លែងសាកថ្មឥតប្រើខ្សែ, កៅអីមុខងារកំដៅ និងអាចលៃតម្រូវបាន ១០របៀបសម្រាប់អ្នកបើកបរ និងប្រព័ន្ធម៉ាស៊ីនត្រជាក់ដាច់ដោយឡែក ២ តំបន់៕
ផ្ទាំងផ្សាយពាណិជ្ជកម្ម
