បន្ទាប់ពីការបញ្ចូលខ្លួនក្នុងរដ្ឋាភិបាលត្រាំ, លោក Elon Musk បានជួបនឹងភាពវឹកវរ និងការបាត់បង់ការងាររាប់ពាន់នាក់។ ក្នុងនោះ លោក Elon Musk ត្រូវបានគេរាយការណ៏ថា កំពុងតែមានផែនការចាកចេញពីតួនាទីរបស់គាត់។
គួរបញ្ជាក់ថា ទោះបីជាការចាកចេញនេះមិនទាន់ត្រូវបានកំណត់ពេលក៏ដោយ ក៏ប្រភពពី Politico បានរាយការណ៍ថា លោក Trump បានប្រាប់សមាជិករដ្ឋបាលរបស់គាត់ថា លោក Elon Musk នឹងចាកចេញពីតួនាទីនៅក្នុងរយៈពេលប៉ុន្មានសប្តាហ៍ខាងមុខទៀតនេះ។ ម្យ៉ាងវិញទៀត ក៏មានសញ្ញាផងដែរថា គាត់ប្រហែលជានឹងកាន់តួនាទីជាសមាជិកក្នុងតួនាទីជាទីប្រឹក្សាវិញ។
ខណៈការចាកចេញនេះ អាចមានទំនាក់ទំនងជាមួយបញ្ហាជាច្រើនដែល Tesla កំពុងប្រឈមជាមួយនឹងកាបដិសេធមិនទិញរថយន្ត Tesla ពីប្រជាជនអាមេរិក ដោយសារតែអាកប្បកិរិយា និងការសកម្មរបស់លោក Elon Musk ក្នុងវិស័យនយោបាយ។ ទន្ទឹមនឹងនេះ ភាគហ៊ុនរបស់ Tesla ក៏បានធ្លាក់ចុះរហូតដល់ ២៦ភាគរយ ផងដែរ ចាប់តាំងពីដើមឆ្នាំ ២០២៥ មក៕
