Jaecoo J8 ជារថយន្ដ SUV ប្រណិតរបស់ក្រុមហ៊ុន Chery បានប្រកាសពីតម្លៃដាក់លក់នៅទីផ្សារអូស្រ្ដាលី ជាមួយតម្លៃចាប់ពី ៤៩ ៩៩០ ដល់ ៥៤ ៩៩០ដុល្លារ។
សម្រាប់តម្លៃវិញ Jaecoo J8 Track 2WD (ប្រើប៉ុង១) មានតម្លៃ ៤៩ ៩៩០ដុល្លារ និង Jaecoo J8 Track 4WD (ប្រើប៉ុង២) មានតម្លៃ ៥៤ ៩៩០ដុល្លារ។ ចំពោះកម្រិតសុីសាំងវិញម៉ូែឌល Track 2WD (ប្រើប៉ុង១) សុីសាំង ៨.៣លីត្រ/១០០គ.ម និងម៉ូឌែល Track 4WD (ប្រើប៉ុង២) សុីសាំង ៨.៦លីត្រ/១០០គ.ម។
ចំពោះផ្នែកខាងក្នុងរថយន្ដបានបំពាក់មកជាមួយអេក្រង់កម្សាន្ដទំហំ ១២.៣ អុីញ, កុងទ័រឌីជីថលទំហំ ១២.៣អុីញ, ឧបករណ៍បំបងសំឡេងចំនួន ១៤គ្រាប់, កៅអីស្បែក មានមុងងារខ្យល់ក្ដៅខ្យល់ត្រជាក់និងម៉ាស្សា។ បន្ថែមពីរថយន្ដនេះក៏បំពាក់មកជាមួយពោងសុវត្ថិភាពចំនួន ៨គ្រាប់។
រថយន្ដ Jaecoo J8 បំពាក់មកជាមួយប្រព័ន្ធសុវត្ថិភាពននិងប្រព័ន្ធជំនួសដល់អ្នកបើកបរដូចជា៖
- ប្រព័ន្ធកំណត់ល្បឿនតាមរថយន្ដបើកខាងមុខ
- ប្រព័ន្ធចាប់ហ្វ្រាំងបន្ទាន់ដោយស្វ័យប្រវត្តិ
- ប្រព័ន្ធព្រមានពេលរថយន្ដបើកខុសគន្លងផ្លូវ
- ប្រព័ន្ធជំនួយរក្សាគន្លង
- ប្រព័ន្ធផ្ដល់ដំណឹងនៅកញ្ចក់ជំហៀង
- ប្រព័ន្ធដាស់តឿនអ្នកបើកបរពេលងងុយគេង
- កាមេរ៉ា ៣៦០ដឺក្រេ
- ប្រព័ន្ធចូលចតដោយស្វ័យប្រវត្តិ
