រថយន្តអគ្គិសនី Deepal S05 នាំចូលដោយចូលដោយក្រុមហ៊ុន Changan Cambodia សាកថ្មមួយពេញអាចបើកបរបានចម្ងាយឆ្ងាយដល់ទៅ ៥០០គីឡូម៉ែត្រ។
សម្រាប់ការរចនាផ្នែកខាងក្រៅរបស់ Deepal S05 ត្រូវបានឲ្យឈ្មោះថា Interstellar Wing Design ដែលបំផុសគំនិតដោយស្លាបរបស់យានអវកាស ដោយមានប៉ាណាបិទជិត ចង្កៀងមុខ-ក្រោយ LED ក៏ដូចជាកញ្ចក់ចំហៀងអូតូ មានអំពូលស៊ីញូ LED រួមទាំងប្រព័ន្ធផ្តល់សញ្ញាគ្រោះថ្នាក់មកពីផ្នែកចំហៀង និងជម្រើសថាសកង់ស្ព័រទំហំ ២០អ៉ីញ។
ទាក់ទងនឹងផ្នែកម៉ាសុីនវិញ រថយន្តនេះ បំពាក់ម៉ូទ័រអគ្គិសនី ១ ប៉ុង ១ (RWD) អាចផលិតកម្លាំងបាន ២៣៨ សេះ និងកម្លាំងរមួល ៣២០ ញ៉ូតុនម៉ែត្រ បំពាក់មកជាមួយអាគុយទំហំ ៥៤.៧kwh សាកមួយពេញបើកបាន ៥០០គ.ម គិតតាមស្ដង់ដារវាស់ចម្ងាយ CLTC ។
ចំពោះនៅផ្នែកខាងក្នុង គឺត្រូវបានឌីស្សាញបែប Minimalistic មានអេក្រង់កំសាន្ត touchscreen ទំហំ ១៥,៤ អ៉ីញ ភ្ជាប់ប្រតិបត្តិការ Deepal OS 3.0 អាចប្រើមុខងារ Apple CarPlay និង Android Auto មានកន្លែងសាកថ្មឥតប្រើខ្សែ និងដំបូលកញ្ចក់ Panoramic sunroof ជាដើម៕
