Ferrari គ្រោងចេញរថយន្ត Purosangue ប្រភេទ SUV ដំបូងបង្អស់នៅចុងឆ្នាំ ២០២២

[ទីផ្សារបរទេស] ក្រុមហ៊ុន Ferrari បានធ្វើការប្រកាសថាខ្លួននឹងគ្រោងផលិតមនូវរថយន្ត Purosangue ប្រភេទ SUV ដំបូងបង្អស់នៅចុងឆ្នាំ ២០២២ ។

ទោះបីជារថយន្ត SUV នេះមានព័ត៌មានតាំងពីឆ្នាំ ២០១៨ ក៏ដោយមុនពេលរូបភាពបានបែកធ្លាយពេលកំពុងដំណើរការសាកល្បង ប៉ុន្តែ Ferrari មិន​ដែល​បញ្ចេញ​ព័ត៌មាន​ណា​មួយ​ឡើយពាក់ព័ន្ធនឹងរថយន្តនេះសូម្បីតែបន្តិច។

ផ្ទាំងផ្សាយពាណិជ្ជកម្ម

ដោយទ្បែកមានប្រព័ន្ធផ្សព្វផ្សាយជាច្រើនបានរំពឹងថារថយន្ត Purosangue នឹងប្រើប្រាស់ម៉ាស៊ីន V8 plug-in hybrid ដូច SF90 Stradale ផងដែរ។ ប៉ុន្តែវាអាចទៅរួចដែលវានឹងត្រូវបានបំពាក់ដោយ V12 ឬ V6 hybrid ដូចគ្នាទៅនឹង 296 GTB ជាជម្រើសមួយផ្សេងទៀតផងដែរ។

ទោះជាយ៉ាងណាក៏ដោយ Purosangue ទំនងភ្ជាប់មកជាមួយម៉ូទ័រអគ្គិសនីដើម្បីជំរុញវា ខណៈពេលតែ Ferrari ធ្លាប់បានប្រកាសថា 812 Competizione នឹងក្លាយជាម៉ូឌែលចុងក្រោយដែលប្រើម៉ាស៊ីនចំហេះសុទ្ធ។

សម្រាប់ទីផ្សាររថយន្តប្រភេទ SUV ដែលមានសមត្ថភាពខ្ពស់ គឺជាផ្នែកមួយដែលមានសក្តានុពលខ្លាំងដែលជាគូប្រជែង Lamborghini Urus មានចំនួន ៦០% នៃការលក់សរុបរបស់ Lamborghini។ ខណៈពេលដែលរថយន្ត Aston Martin DBX បានជួយជំរុញការលក់របស់ Aston Martin កើនឡើង ៨២% កាលពីឆ្នាំមុន។ ដូច្នេះវាមិនមែនជារឿងគួរឱ្យភ្ញាក់ផ្អើលទេដែល Ferrari កំពុងព្យាយាមប្រកួតប្រជែងដើម្បីចំណែកទីផ្សារនៅក្នុងក្រុមនេះផងដែរ។

យ៉ាងណាមិញ Purosangue ក៏​ជា​ផ្នែក​មួយ​នៃ​គម្រោង​របស់ Ferrari ក្នុង​ការ​ចេញ​លក់​ម៉ូឌែលថ្មី​ចំនួន ១៥ គ្រឿង​នៅ​ឆ្នាំ ២០២២ ដូចជា៖ 812 GTS និង F8 Tributo/Spider, Roma, Monza SP1/SP2 ហើយ​បញ្ជាក់​ថា​នឹងភ្ជាប់មកជាមួយម៉ូទ័រ​អគ្គិសនី​ទៅលើ ៦០% នៃរថយន្តទាំងអស់ដែលបានដាក់លក់៕

ផ្ទាំងផ្សាយពាណិជ្ជកម្ម