Kia Seltos ឆ្នាំ២០២៣ កែកុនប្រព័ន្ធជំនួយការបើកបរ និងទប់សំឡេងរំខាន តម្លៃចាប់ពី ២២ ៨៩០ដុល្លារ

រថយន្ត Kia Seltos ស៊េរីឆ្នាំ២០២៣ បានបង្ហាញខ្លួនជាផ្លូវការ សម្រាប់ទីផ្សារសហរដ្ឋអាមេរិក ដោយទទួលបានការអាប់ដេតបន្តិចបន្តួច ជាពិសេសទៅលើការធ្វើឲ្យប្រសើរលើប្រព័ន្ធជំនួយការបើកបរ និង ការទប់សំឡេងរំខាន។

ក្នុងនោះ ម៉ូដែល Seltos S មានបំពាក់មុខងារ Blind-Spot Collision Avoidance-Rear និង Rear-Cross-Traffic Collision Avoidance មកស្តង់ដារតែម្តង។ ទោះបីជាយ៉ាងណាក៏ដោយ រថយន្ត Kia Seltos ឆ្នាំ២០២៣ មិនសូវជាឡើងថ្លៃជាងស៊េរីមុនឡើយ ពោលគឺចាប់ពី ២២ ៨៩០ដុល្លារ ថ្លៃជាងស៊េរីមុន ១០០ដុល្លារប៉ុណ្ណោះ។

ផ្ទាំងផ្សាយពាណិជ្ជកម្ម

ដោយឡែក ចំពោះម៉ូដែល Seltos LX AWD ឆ្នាំ២០២៣ មានតម្លៃចាប់ពី ២២ ៨៤០ដុល្លារ ថ្លៃជាងមុន ២៥០ដុល្លារ។ ម៉ូដែល Seltos S AWD ថ្លៃជាងមុន ១០០ដុល្លារ ដល់ ២៤ ៣៩០ដុល្លារ ខណៈម៉ូដែល EX AWD និង Nightfall Edition ថ្លៃជាងមុន ២៥០ដុល្លារ ដល់ ២៦ ១៤០ដុល្លារ និង ២៧ ០៤០ដុល្លារ។

ចុងក្រោយ និងជា Option ខ្ពស់បំផុតនោះគឺ Seltos SX AWD មានតម្លៃចាប់ពី ២៨ ៣៤០ដុល្លារ ថ្លៃជាងមុន ២៦០ដុល្លារ។

យ៉ាងណាមិញ ចំពោះផ្នែកមេកានិចវាមិនបានផ្លាស់ប្តូរអ្វីឡើយ ដោយនៅតែបន្តប្រើម៉ាស៊ីនសាំងចំណុះ ២,០លីត្រ ទំហំ ៤ស៊ីឡាំង មានកម្លាំង ១៤៦សេះ និងកម្លាំងរមួល ១៧៩ញ៉ូតុនម៉ែត្រ។ ចំពោះ Option ខ្ពស់ ប្រើម៉ាស៊ីនចំណុះ ១,៦លីត្រ turbocharged ទំហំ ៤ស៊ីឡាំង មានកម្លាំង ១៧៥សេះ និងកម្លាំងរមួល ២៦៤ញ៉ូតុនម៉ែត្រ៕

ផ្ទាំងផ្សាយពាណិជ្ជកម្ម