Ford ចេញលក់ឡានប្រភេទសាកភ្លើងថ្មី តម្លៃខ្ទង់ ៣ម៉ឺនដុល្លារ

December 26, 2019

Ford នឹងចាប់ផ្តើមបើកឲ្យបញ្ជាទិញរថយន្តសាកភ្លើងថ្មីម៉ូដែល Escape Plug-in Hybrid នៅឆ្នាំក្រោយ ជាមួយនឹងតម្លៃចាប់ពី ៣៤ ២៣៥ដុល្លារលើទីផ្សារសហរដ្ឋអាមេរិក សម្រាប់ប្រភេទ SE (Base Model)។

រថយន្ត Ford Escape Plug-in Hybrid មានបំពាក់លក្ខណៈពិសេសស្រដៀងទៅនឹងប្រភេទប្រើសាំង និង Hybrid ដែរ ដូចជា យ៉ាន់អាលុយមីញ៉ូម ១៨អ៊ីង, ចង្កៀងមុខក្រោយ LED, កញ្ចក់ក្រោយខ្មៅ, ប្រព័ន្ធកម្សាន្ត SYNC3 និងកៅអីមុខកម្តៅ ជាដើម។

ក្រៅពីប្រភេទ SE រថយន្ត Ford Escape សាកភ្លើងនេះ មាន ២ជម្រើសទៀត គឺ SEL តម្លៃចាប់ពី ៣៦ ៨១៥ដុល្លារ និង Titanium តម្លៃចាប់ពី ៤០ ០៣០ដុល្លារ។

ពួកវាមានបំពាក់ប្រព័ន្ធជំនួយការបើកបរមកស្តង់ដារជាច្រើន ដូចជា automatic emergency braking with pedestrian detection, blind spot warning and auto high beams, post-collision braking, pedestrian sound alert និង park assist ផងដែរ៕

ផ្ទាំងផ្សាយពាណិជ្ជកម្ម

ឡាន Bugatti Chiron មានតែមួយក្នុងលោក ពេលនេះផលិតរួចរាល់

December 25, 2019

ក្រោយពីបានបង្ហាញរូបភាពពេលស្ថិតនៅក្នុងរោងចក្រផលិតរួចមក នៅពេលនេះ Bugatti Chiron Hermès Edition បានបង្ហាញមុខដល់ពិភពលោកជាផ្លូវការហើយ។

រថយន្តពិសេសនេះ ត្រូវបានធ្វើការកុម្ម៉ង់ជាពិសេសដោយអ្នកប្រមូលទិញរថយន្តដ៏ល្បីឈ្មោះនៅអាមេរិក គឺ Manny Khoshbin ហើយឆាប់ៗខាងមុខវានឹងត្រូវដឹកជញ្ជូនទៅកាន់សហរដ្ឋអាមេរិក។ ការផលិតរថយន្តនេះចាប់ផ្ដើមតាំងពីឆ្នាំ ២០១៦ មកម្ល៉េះ ដោយឆ្លងកាត់ការជ្រើសរើសជាច្រើនលើក មុនមានការសម្រេចប្រើប្រាស់ពណ៌ Hermès Craie មួយនេះ។

រថយន្តនេះមានការសហការផលិតពីសំណាក់ម៉ាកសំលៀកបំពាក់ប្រណីត Hermès ហេតុនេះទើបលើរថយន្តមានរំលេចដោយស្លាកសញ្ញារូបសេះ ជាស្លាកសញ្ញាតំណាងឲ្យម៉ាកប្រណីតរបស់បារាំងនេះ។ ការឌីហ្សាញរថយន្តទាំងក្នុង និងក្រៅគឺសុទ្ធតែប្រើប្រាស់ពណ៌ Hermès Craie ជាពិសេស សូម្បីតែនៅកាងផ្នែកខាងក្រោយក្ដី។

គួរដឹងថាវាមិនមែនជារថយន្តតែមួយគត់របស់លោក Khoshbin ដែលមានរួមផលិតជាមួយ Hermès នោះទេ។ ប៉ុន្មានឆ្នាំមុន លោកបានបញ្ចុះបញ្ចូលឲ្យ Pagini និង Hermès សហការគ្នា ផលិតរថយន្ត Huayra មានតែមួយគ្រឿងក្នុងលោកឲ្យរូបលោក៕

ផ្ទាំងផ្សាយពាណិជ្ជកម្ម

Lamborghini ឲ្យឡានមែនទែន ទៅឪពុកកូនដែលនាំគ្នាព្រីន 3D ឡាន Lamborghini

December 25, 2019

កាលពីដើមឆ្នាំមានឪពុក និងកូនប្រុសម្នាក់រស់នៅទីក្រុង Erie រដ្ឋ Colorado បានធ្វើឲ្យអ្នកលេងអ៊ីនធឺណិតចាប់អារម្មណ៍ ដោយសារតែបានធ្វើព្រីន 3D នូវរថយន្ត Lamborghini Aventador SV ទំហំប៉ុនរថយន្តពិត។

ឪពុកឈ្មោះ Sterling Backus និងកូនប្រុសអាយុ ១២ ឆ្នាំរបស់ខ្លួន បានសំងំផលិតរថយន្ត Aventador SV នេះ អស់ជិត ២ ឆ្នាំមកហើយ។ រថយន្តដែលបង្កើតមកមិនត្រឹមតែមានរូបរាងស្រដៀងនោះទេ ប៉ុន្តែថែមទាំងអាចបើកទៅមុខបានទៀតផង។ នេះក៏ដោយសារមានបំពាក់ម៉ាស៊ីន ៥,៧ លីត្រ GM LS1 ពីរថយន្ត Chevrolet Corvette ស៊េរីឆ្នាំ ២០០៣។

ការប្រឹងប្រែងរបស់អ្នកពីរមិនអត់ប្រយោជន៍នោះទេ ដោយពេលនេះក្រុមហ៊ុន Lamborghini បានសម្រេចចិត្តផ្ដល់រង្វាន់ដ៏ធំ។ ក្រុមហ៊ុនបានធ្វើឲ្យកូនប្រុសអាយុ ១២ ឆ្នាំភ្ញាក់ផ្អើល ដោយក្រុមការងាររបស់ Lamborghini បានទៅដល់ផ្ទះរបស់ពួកគេកណ្ដាលយប់ និងបានជំនួសរថយន្ត Aventador SV ក្លែងក្លាយ ជាមួយរថយន្ត Aventador S Roadster ពិត។

យ៉ាងណាក្ដី Lamborghini ទុករថយន្ត Aventador S Roadster ពណ៌ខ្មៅឲ្យឪពុកកូន ជិះលេងក្នុងពេលត្រឹមតែ ២ សប្ដាហ៍ប៉ុណ្ណោះ មិនមែនឲ្យតែម្ដងនោះទេ៕

ផ្ទាំងផ្សាយពាណិជ្ជកម្ម

លុយបាតឡើងថ្លៃ Mazda ដកខ្លួនពីរោងចក្រថៃ ទៅផលិតនៅស្រុកកំណើតវិញ

December 25, 2019

ក្រុមហ៊ុន Mazda Motor Corp កំពុងផ្លាស់ប្តូរសង្វាក់ផលិតកម្មមួយចំនួនរបស់ខ្លួន សម្រាប់លក់លើទីផ្សារប្រទេសអូស្ត្រាលី ពីប្រទេសថៃ ទៅកាន់ប្រទេសជប៉ុនវិញ ដោយសារតែលុយបាតឡើងថ្លៃខ្លាំង។

សង្វាក់ផលិតកម្មនៃរថយន្ត Mazda CX-3 នៅក្នុងប្រទេសថៃ នឹងត្រូវផ្លាស់ទៅរោងចក្រ Yamaguchi ភាគខាងត្បូងប្រទេសជប៉ុនវិញ នៅឆ្នាំនេះតែម្តង។ គួរឲ្យដឹងថា Mazda អាចផលិតរថយន្តរហូតដល់ទៅ ១៣៥ ០០០គ្រឿងក្នុងមួយឆ្នាំនៅប្រទេសថៃ។

សូមបញ្ជាក់ថា លុយបាតបានឡើងថ្លៃជាង ៨% លើលុយដុល្លារ ក្នុងរយៈពេល១ឆ្នាំចុងក្រោយនេះ ធ្វើឲ្យប៉ះពាល់ចំពោះការនាំចេញមួយចំនួន៕

ផ្ទាំងផ្សាយពាណិជ្ជកម្ម

Aston Martin សង្ឃឹមលក់ SUV ដំបូងបង្អស់បាន ៤ ទៅ ៥ពាន់គ្រឿងក្នុង១ឆ្នាំ

December 25, 2019

ក្រុមហ៊ុនរថយន្តអង់គ្លេស Aston Martin មានការរំពឹងយ៉ាងមុតមាំពី SUV ដំបូងបង្អស់របស់ខ្លួន ក្នុងប្រវត្តិសាស្រ្តរយៈពេល ១០៦ឆ្នាំមកនេះ។

Aston Martin បានដាក់បង្ហាញ SUV ដំបូងបង្អស់ម៉ូដែល DBX កាលពីខែមុន ដោយទទួលបានការចាប់អារម្មណ៍យ៉ាងខ្លាំង។ CEO ក្រុមហ៊ុន លោក Andy Palmer បានរំពឹងថា ចំនួនលក់ DBX នឹងកើនឡើងពី ៤ ០០០ ទៅ ៥ ០០០គ្រឿងក្នុងមួយឆ្នាំ។ DBX នឹងនាំយកអតិថិជនថ្មី (ពីម៉ាកផ្សេង) ហើយភាគច្រើនពីប្រទេសចិន និងសហរដ្ឋអាមេរិក។

DBX មានការឌីហ្សាញខាងមុខ មិនចាកឆ្ងាយពីរថយន្តម៉ូដែលមុនៗរបស់ក្រុមហ៊ុន Aston Martin នោះទេ ជាពិសេសនៅត្រង់រន្ធខ្យល់ខាងមុខមានរាងដូចមាត់តែម្ដង។ រថយន្តនេះប្រើម៉ាស៊ីន AMG ប្រភេទ Twin-Turbo ចំណុះ ៤,០ លីត្រ ៨ ស៊ីឡាំង ដែលមានកម្លាំង ៥៤២ សេះ។ វាអាចបង្កើនសន្ទុះពី ០ ដល់ ១០០ គ.ម/ម៉ ដោយប្រើពេលតែ ៤,៥ វិនាទី និងអាចជិះដល់ល្បឿន ២៩១ គ.ម/ម៉។

អតិថិជននៅសហរដ្ឋអាមេរិកអាចទិញរថយន្ត Aston Martin DBX នេះ ដែលមានតម្លៃចាប់ពី ១៨៩ ០០០ ដុល្លារ ហើយនៅចក្រភពអង់គ្លេសមានតម្លៃចាប់ពីប្រមាណ ២០ ម៉ឺនដុល្លារ និងនៅអាល្លឺម៉ង់ចាប់ពីជាង ២១ ម៉ឺនដុល្លារ៕

ផ្ទាំងផ្សាយពាណិជ្ជកម្ម

Ferrari ថាផលិតស្ព័រសម្រាប់នារីៗអាចជាកំហុសឆ្គងមួយ

December 24, 2019

Ferrari បានប្រកែកថាការឌីហ្សាញរថយន្តស្ព័រសម្រាប់នារីៗអាចជាកំហុសឆ្គងមួយ ព្រោះថាអតិថិជនជានារីៗរបស់ខ្លួនមិនចង់បាន Ferrari ដែលមានភាពរម្យទមនោះទេ ប៉ុន្តែចង់ទទួលយកបទពិសោធន៍នៃកម្លាំង និងការឌីហ្សាញដ៏ទាក់ភ្នែកទៅវិញ។

លោក Enrico Galliera ប្រធានផ្នែកទីផ្សារនៃ Ferrari បានប្រាប់ Arabian Business ដូចនេះថា ៖ “យើងដឹងថាមាននារីច្រើនចង់បើករថយន្ត Ferrari។ អ្វីដែលសំខាន់នោះយើងដឹងថា ពួកគេមិនចង់បាន Ferrari ផលិតឡើងជាពិសេសសម្រាប់នារីនោះទេ។ នារីៗចង់បានរថយន្តស្ព័រ ចង់បើករថយន្តស្ព័រ…កំហុសដែលក្រុមហ៊ុនផលិតរថយន្តបានធ្វើ ហើយដែលយើងព្យាយាមមិនធ្វើនោះគឺឌីហ្សាញរថយន្តសម្រាប់នារីៗ។ ខ្ញុំឌីហ្សាញរថយន្តមួយដោយមានបញ្ចូលមនោសញ្ចេតនា ហេតុនេះទាំងបុរសនិងនារីមានតម្រូវការដូចគ្នា។”

លោកប្រធានរូបនេះក៏បានបង្ហាញក្ដីបារម្ភថា ការផលិតរថយន្តស្ព័រសម្រាប់ស្ត្រីអាចប៉ះពាល់មុខមាត់របស់ខ្លួន ជាមួយអតិថិជនបុរស ដែលអតិថិជនបុរសមានច្រើនជាងគេក្នុងចំណោមអតិថិជនសរុបរបស់ Ferrari៕

ផ្ទាំងផ្សាយពាណិជ្ជកម្ម

Toyota Yaris ឆ្នាំ ២០២០ តម្លៃចាប់ពី ១២ ៧៥០ ដុល្លារ

December 24, 2019

Toyota បានបង្ហាញព័ត៌មានបន្ថែមទៀតអំពីរថយន្ត Yaris ម៉ូដែលថ្មី សម្រាប់លក់នៅលើទីផ្សារប្រទេសជប៉ុន ដោយវានឹងត្រូវលក់ចាប់ពីថ្ងៃទី ១០ កុម្ភៈ ឆ្នាំ ២០២០ ខាងមុខនេះ។

Yaris ជំនាន់ថ្មីស៊េរីឆ្នាំ ២០២០ សន្សំសំចៃប្រេងឥន្ធនៈបានច្រើនបំផុត ដោយ ១០០ គីឡូម៉ែត្រស៊ីប្រេងប្រមាណ ២,៨ លីត្រ សម្រាប់ប្រភេទ Yaris Hybrid X FWD។ Yaris Hybrid មានម៉ាស៊ីនចំណុះ ១,៥ លីត្រ ដែលបង្កើតកម្លាំងបាន ៨៩ សេះ បូកនឹងម៉ូទ័រអគ្គិសនីមួយដែលមានកម្លាំង ៧៩ សេះ។

រថយន្តនេះក៏មានប្រភេទធម្មតាមិន Hybrid ផងដែរ ដែលវាមានម៉ាស៊ីន ១,៥ លីត្រ ភ្ជាប់នឹងប្រអប់លេខដៃ ៦ វគ្គ និងមានប្រព័ន្ធបើកបរប៉ុងមួយ ឬប្រើ Direct Shift-CVT ដែលមានប្រព័ន្ធបើកបរប៉ុងពីរនិងប៉ុងមួយ។ មានមួយទៀតគឺប្រភេទម៉ាស៊ីន ១,០ លីត្រ ដែលមានកម្លាំង ៦៨ សេះ ភ្ជាប់នឹង Super CVT-i និងប្រព័ន្ធបើកបរប៉ុងមួយ។

តម្លៃនៅជប៉ុនមានចាប់ពីប្រមាណ ១២ ៧៥០ ដុល្លារ សម្រាប់ប្រភេទ ១,០ លីត្រ និងថ្លៃបំផុតគឺប្រមាណ ២២ ៧៩០ ដុល្លារ សម្រាប់ប្រភេទ Hybrid Z៕

ផ្ទាំងផ្សាយពាណិជ្ជកម្ម

MG ZS ជាប់ជាកំពូលឡានទាំង១០ នៅថៃ ប្រចាំឆ្នាំ២០១៩

December 24, 2019

ថ្មីៗនេះ គេហទំព័រ bangkokpost បានចុះផ្សាយពីកំពូលរថយន្តទាំង១០ នៅក្នុងប្រទេសថៃ ប្រចាំឆ្នាំ២០១៩។ ក្នុងនោះគេសង្កេតឃើញថា រថយន្តម៉ាក MG របស់ប្រទេសអង់គ្លេស ក៏បានជាប់ក្នុងនោះផងដែរ ដោយមានរហូតដល់ទៅ ២ម៉ូដែលឯណោះ គឺ MG ZS និង MG HS។

១) Aston Martin Vantage

តម្លៃ៖ ១៦,៩ លានបាត (ខ្ទង់ ៥៦ម៉ឺនដុល្លារ)
កម្លាំងម៉ាស៊ីន៖ 510hp 4.0-litre petrol-turbo, 8-speed auto, RWD

២) BMW 320d

តម្លៃ៖ ២,២ លានបាត (ខ្ទង់ ៩,៧ម៉ឺនដុល្លារ)
កម្លាំងម៉ាស៊ីន៖ 190hp 2.0-litre diesel-turbo, RWD

៣) BMW M2 Competition

តម្លៃ៖ ៦,២ លានបាត (ខ្ទង់ ២០ម៉ឺនដុល្លារ)
កម្លាំងម៉ាស៊ីន៖ 410hp 3.0-litre petrol-turbo, 7-speed dual-clutch auto, RWD

៤) Honda Accord Turbo

តម្លៃ៖ ១,៤ លានបាត (ខ្ទង់ ៤,៨ម៉ឺនដុល្លារ)
កម្លាំងម៉ាស៊ីន៖ 190hp 1.5-litre petrol-turbo, CVT auto, FWD

៥) Jaguar I-Pace

តម្លៃ៖ ៦,៩ លានបាត (ខ្ទង់ ១៨ម៉ឺនដុល្លារ)
កម្លាំងម៉ាស៊ីន៖ 400hp battery-electric, 1-speed auto, AWD

៦) Mazda 3 2.0

តម្លៃ៖ ១,១ លានបាត (ខ្ទង់ ៤ម៉ឺនដុល្លារ)
កម្លាំងម៉ាស៊ីន៖ 165hp 2.0-litre petrol, 6-speed auto, FWD

៧) MG ZS EV

តម្លៃ៖ ១,១ លានបាត (ខ្ទង់ ៤ម៉ឺនដុល្លារ)
កម្លាំងម៉ាស៊ីន៖ 150hp battery-electric, 1-speed auto, FWD

៨) MG HS

តម្លៃ៖ ១,១ លានបាត (ខ្ទង់ ៤ម៉ឺនដុល្លារ)
កម្លាំងម៉ាស៊ីន៖ 162hp 1.5-litre petrol-turbo, 7-speed dual-clutch auto, FWD

៩) Toyota Corolla Altis Hybrid

តម្លៃ៖ ១,‌១ លានបាត (ខ្ទង់ ៤ម៉ឺនដុល្លារ)
កម្លាំងម៉ាស៊ីន៖ 122hp 1.8-litre petrol-electric, CVT auto, FWD

១០) Toyota GR Supra

តម្លៃ៖ ៤,៩ លានបាត (ខ្ទង់ ១៦ម៉ឺនដុល្លារ)
កម្លាំងម៉ាស៊ីន៖ 340hp 3.0-litre petrol-turbo, 8-speed auto, RWD

ផ្ទាំងផ្សាយពាណិជ្ជកម្ម

ញាក់សាច់! ឡាន McLaren Speedtail អាចរត់ដល់ល្បឿន ៤០៣គ.ម៉/ម៉

December 24, 2019

គំរូរថយន្ត McLaren Speedtail មួយគ្រឿង បើកបរដោយលោក Kenny Brack បានរត់ដល់ល្បឿនអតិបរមា នៅមជ្ឍមណ្ឌល Kennedy Space Center ក្នុងរដ្ឋ Florida សហរដ្ឋអាមេរិក។

គំរូរថយន្តស្ព័ររបស់ប្រទេសអង់គ្លេស McLaren Speedtail នេះ អាចរត់ដល់ល្បឿន ២៥០ម៉ាយ៍ក្នុងមួយម៉ោង (៤០៣គីឡូម៉ែត្រក្នុងមួយម៉ោង) ឯណោះ។

គួរឲ្យដឹងថា ក្រោយការធ្វើតេស្តរត់ផ្លូវលាតបានល្បឿនកប់រួចមក ផលិតកម្មនៃរថយន្ត Speedtails សរុបចំនួន ១០៦គ្រឿងក៏បានចាប់ផ្តើមតែម្តង នៅរោងចក្រ McLaren Production Center ក្នុងទីក្រុង Woking ប្រទេសអង់គ្លេស ហើយនឹងចេញលក់នៅខែកុម្ភៈ ឆ្នាំ២០២០។

គំរូរថយន្ត McLaren Speedtail បំពាក់ម៉ាស៊ីនសាំង-អគ្គិសនី-Hybrid លាយគ្នា ដែលមានកម្លាំងសរុប ១ ០៥៥សេះ។ វាត្រូវការពេលត្រឹមតែ ១៣វិនាទីប៉ុណ្ណោះដើម្បីរត់ដល់ល្បឿន ៣០០គីឡូម៉ែត្រក្នុងមួយម៉ោង៕

ផ្ទាំងផ្សាយពាណិជ្ជកម្ម

Ford បន្ថែម Option “Heritage Edition” ថ្មីលើ Shelby GT350 ឆ្នាំ២០២០ មើលទៅរឹតតែកាច

December 23, 2019

ក្រុមហ៊ុន Ford បានបញ្ចេញកញ្ចប់ Option ថ្មីមួយហៅថា “Heritage Edition” លើរថយន្ត Shelby GT350 ស៊េរីឆ្នាំ២០២០។

កញ្ចប់ Option ថ្មីនេះមានតម្លៃ ១៩៦៥ដុល្លារ សម្រាប់រថយន្ត GT350 (តម្លៃចាប់ពី ៦០ ៤៤០ដុល្លារ) និង GT350R (តម្លៃចាប់ពី ៧៣ ៤៣៥ដុល្លារ) ដែលនឹងចាប់ផ្តើមចេញលក់នៅដើមឆ្នាំ២០២០ ខាងមុខនេះតែម្តង។

កញ្ចប់ Option “Heritage Edition” នេះនឹងបន្ថែមលក្ខណៈពិសេសមួយចំនួនដូចជា ទឹកថ្នាំពណ៌ស Wimbledon White រំលេចដោយតែមពណ៌ខៀវ Guardsman Blue, ឡូហ្គូដ៏ពិសេសនៅផ្នែកខាងក្នុង និងពូកស្បែកពណ៌ខ្មៅមានថ្នេរដេរពណ៌ក្រហមជាដើម។