Tesla Model 3 លក់ដាច់ខ្លាំង ដល់ថ្នាក់ BMW បូកចំនួនលក់រថយន្ត ៨ម៉ូដែលចូលគ្នា នៅមិនស្មើទៀត!

December 18, 2019

ការប្រៀបធៀបចំនួនលក់នៃរថយន្ត Tesla Model 3 ជាមួយរថយន្តដទៃទៀត តែងតែនាំមកនូវភាពភ្ញាក់ផ្អើល និងអាចឲ្យយើងដឹងថារថយន្តអគ្គិសនី កំពុងពេញនិយមខ្លាំងយ៉ាងណានាពេលបច្ចុប្បន្ននេះ។

យោងតាមរបាយការណ៍ថ្មីមួយបានឲ្យដឹងថា Tesla បានលក់ដាច់រថយន្ត Model 3 ចំនួន ១២៧ ៨៣៦គ្រឿងក្នុងសហរដ្ឋអាមេរិក នៅចន្លោះខែមករា និងវិច្ឆិកា ឆ្នាំ២០១៩ ធ្វើឲ្យវាក្លាយជារថយន្តលក់ដាច់បំផុតលំដាប់លេខ៩។

ចំនួនលក់នេះពិតជាគួរឲ្យភ្ញាក់ផ្អើលខ្លាំងណាស់ ប៉ុន្តែបើយកវាទៅប្រៀបធៀបជាមួយរថយន្តដទៃទៀត រឹតតែធ្វើឲ្យអ្នកភ្លឺភ្នែក។ ជាក់ស្តែង ក្រុមហ៊ុន BMW បានលក់រថយន្តម៉ូដែល 2 Series, 3 Series, 4 Series, 5 Series, 6 Series, 7 Series និង 8 Series សរុបត្រឹម ១១៦ ០៧៣គ្រឿងប៉ុណ្ណោះ នៅចន្លោះពេលដូចគ្នានោះ៕

ផ្ទាំងផ្សាយពាណិជ្ជកម្ម

រថយន្តប្រើអគ្គិសនីសុទ្ធរបស់ Ferrari អាចនឹងកើតក្រោយឆ្នាំ ២០២៥

December 17, 2019

និយាយទៅកាន់អ្នកកាសែតកាលពីថ្មីៗនេះ លោក Louis Camilleri ជានាយកប្រតិបត្តិ Ferrari បានបង្ហើបឲ្យដឹងអំពីគោលដៅបញ្ចេញរថយន្តប្រើប្រាស់ថាមពលអគ្គិសនីសុទ្ធនៅក្រោយឆ្នាំ ២០២៥។

លោក Louis បាននិយាយដូចនេះថា ៖ “ញាណខ្ញុំប្រាប់ថា រថយន្តអគ្គិសនីអាចនឹងចេញមុខនៅក្រោយឆ្នាំ ២០២៥។”

ហេតុផលចម្បងដែលនាំឲ្យម៉ាករថយន្តនេះអូសបន្លាយការផលិតរថយន្តអគ្គិសនីសុទ្ធ ដោយសារតែបច្ចេកវិទ្យានៃអាគុយមិនទាន់ដល់ចំណុចដែលក្រុមហ៊ុនទាមទារនៅឡើយ។ មានន័យថាបញ្ហាទាក់ទងនឹងការសាកថ្មយឺតយ៉ាវនៃរថយន្តអគ្គិសនីបច្ចុប្បន្ន។

លោកនាយកប្រតិបត្តិបានបញ្ជាក់ថា ក្រុមហ៊ុនគឺកំពុងតែសិក្សាលើរថយន្តស្ព័រប្រើប្រាស់ថាមពលអគ្គិសនីសុទ្ធ។

សម្រាប់ពេលដ៏ខ្លីខាងមុខនេះ Ferrari នឹងបន្តអភិវឌ្ឍន៍រថយន្តប្រើប្រាស់ប្រព័ន្ធ Hybrid ដដែល។ ក្រុមហ៊ុនបានកំណត់គោលដៅថានៅត្រឹមឆ្នាំ ២០២២ ក្នុងចំណោមចំនួនរថយន្តដែលលក់ចេញសរុប មាន ៦០% នឹងជារថយន្ត Hybrid (ប្រើប្រព័ន្ធម៉ាស៊ីន បូកនឹងម៉ូទ័រអគ្គិសនី)៕

ផ្ទាំងផ្សាយពាណិជ្ជកម្ម

ប្រទះឃើញឡូហ្គោថ្មីរបស់ Kia ក្នុងលិខិតចុះបញ្ជីកម្មសិទ្ធិបញ្ញា

December 17, 2019

វិបសាយរថយន្ត Motor1 បានប្រទះឃើញពាក្យចុះបញ្ជីកម្មសិទ្ធិបញ្ញាសម្រាប់ឡូហ្គោថ្មី ដែល Kia បានដាក់ជូនទៅកាន់សេវាកម្មព័ត៌មានកម្មសិទ្ធិបញ្ញាកូរ៉េខាងត្បូង។

នេះមិនមែនជាលើកទីមួយនោះទេ ដែលគេបានឃើញឡូហ្គោថ្មីរបស់ Kia។ គេបានឃើញវាម្ដងរួចមកហើយ នៅលើរថយន្ត Concept ដែល Kia បានបង្ហាញក្នុងកម្មវិធីតាំងបង្ហាញរថយន្ត Geneva Motor Show កាលពីខែមីនា។ ប៉ុន្តែវាមានលក្ខណៈខុសគ្នាបន្តិចបន្តួច។

ឡូហ្គោដែលបង្ហាញក្នុងពាក្យស្នើសុំ គឺមានដកចេញនូវសញ្ញាដកឃ្លា ហើយអក្សរ K, I និង A គឺមានផ្សារភ្ជាប់គ្នាតែម្ដង។ ចំណែកលើរថយន្ត Concept គឺមានអក្សរដែលឃ្លាតចេញពីគ្នា។ ពេលនេះគេមិនទាន់ច្បាស់នៅឡើយទេ ថាឡូហ្គោថ្មីនឹងចាប់ផ្ដើមប្រើប្រាស់ពេលណា៕

ផ្ទាំងផ្សាយពាណិជ្ជកម្ម

Honda Fit ឆ្នាំ២០២០ ទើបចេញលក់ថ្មី តម្លៃតែ ១,៧ម៉ឺនដុល្លារ

December 17, 2019

Honda បានចេញលក់រថយន្តខ្នាតតូចម៉ូដែល Fit ស៊េរីឆ្នាំ២០២០ ជាផ្លូវការ នៅលើទីផ្សារសហរដ្ឋអាមេរិក។

រថយន្ត Honda Fit ឆ្នាំ២០២០ ចែកចេញជា ៤ម៉ូដែល គឺ Fit LX មានតម្លៃចាប់ពី ១៧ ១២០ដុល្លារ, Fit EX មានតម្លៃចាប់ពី ១៩ ៩០០ដុល្លារ, Fit Sport មានតម្លៃចាប់ពី ១៨ ៥៣០ដុល្លារ និង Fit EX-L មានតម្លៃចាប់ពី ២១ ៥៥០ដុល្លារ។

រថយន្ត Fit ថ្មីបំពាក់លក្ខណៈពិសេសមកស្តង់ដារជាច្រើន រួមទាំង កាមេរ៉ាមើលក្រោយ, ចង្កៀងអូតូ LED, Bluetooth, កុងទ័រឌីជីថល Multi-function Center Console, អេក្រង់បង្ហាញព័ត៌មានទំហំ ៧អ៊ីង, មុខងារ Apple CarPlay និង Android Auto ជាដើម។

ក្រៅពីនោះ វាក៏បំពាក់បច្ចេកវិទ្យាជំនួយការបើកបរ Honda’s Sensing មកស្តង់ដារ ដោយក្នុងនោះរួមមានមុខងារ ដូចជា Collision Mitigation Braking System with Forward Collision Warning and pedestrian detection, Adaptive Cruise Control, Lane Keeping Assist System និង Road Departure Mitigation with Lane Departure Warning។

រថយន្ត Honda Fit បំពាក់ម៉ាស៊ីនសាំងចំណុះ ១,៥លីត្រ Naturally Aspirated i-VTEC ទំហំ ៤ស៊ីឡាំង មានកម្លាំង ១៣០សេះ ហើយមានកម្រិតស៊ីសាំងជាមធ្យមត្រឹមតែ ៦លីត្រប៉ុណ្ណោះ សម្រាប់ការបើកបរចម្ងាយ ១០០គីឡូម៉ែត្រ៕

ផ្ទាំងផ្សាយពាណិជ្ជកម្ម

Nissan Sentra ឆ្នាំ២០២០ ដូររាងថ្មីទាំងស្រុង ចេញតម្លៃលក់ផ្លូវការ

December 17, 2019

Nissan បានប្រកាសតម្លៃលក់ជាផ្លូវការនៃរថយន្ត Sedan ខ្នាតមធ្យមរបស់ខ្លួនម៉ូដែល Sentra ស៊េរីឆ្នាំ២០២០ នៅលើទីផ្សារសហរដ្ឋអាមេរិក ដែលបានផ្លាស់ប្តូររូបរាងថ្មីទាំងស្រុង។

រថយន្ត Nissan Sentra ចែកចេញជា ៣ម៉ូដែល គឺ Sentra S មានតម្លៃចាប់ពី ១៩ ០៩០ដុល្លារ, Sentra SV មានតម្លៃចាប់ពី ២០ ២៧០ដុល្លារ និង Sentra SR មានតម្លៃចាប់ពី ២១ ៤៣០ដុល្លារ។

រថយន្ត Sedan របស់ប្រទេសជប៉ុននេះមានបំពាក់បច្ចេកវិទ្យាជំនួយការបើកបរ Nissan Safety Shield 360 មកស្តង់ដារ ដោយក្នុងនោះរួមមានមុខងារជាច្រើន ដូចជា Automatic Emergency Braking with Pedestrian Detection, Lane Departure Warning, Rear Cross Traffic Alert, Blind Spot Warning, Rear Automatic Braking and High Beam Assist, Intelligent Driver Alertness និង Rear Door Alert។

Nissan Sentra ឆ្នាំ២០២០ បំពាក់ម៉ាស៊ីនសាំងចំណុះ ២,០លីត្រ ទំហំ ៤ស៊ីឡាំង មានកម្លាំង ១៤៩សេះ។ វាបំពាក់ប្រព័ន្ធបូមថ្មី ហៅថា Independent Rear Suspension, ប្រព័ន្ធចង្កូតប្រើភ្លើងថ្មី Dual-pinion Rack Electric Power Steering System និងបច្ចេកវិទ្យា Nissan Intelligent Control ផងដែរ៕

ផ្ទាំងផ្សាយពាណិជ្ជកម្ម

BMW i3 នឹងបន្តរស់ដល់ឆ្នាំ ២០២៤

December 16, 2019

ជីវិតរបស់ BMW i3 ហាក់មិនទៀងទាត់សោះឡើយ។ ដំបូង មានការបញ្ជាក់ថា BMW នឹងមិនបង្កើតចំនួនផលិតរថយន្តអគ្គិសនីនេះរហូតដល់ឆ្នាំ ២០២០ ហើយក៏មានការប្រកាសថានឹងមិនមានរថយន្តស្នងតំណែង i3 នេះឡើយ។

នៅពេលនេះនាយកប្រតិបត្តិ BMW ថ្មីឈ្មោះ Oliver Zipse បានបញ្ជាក់ថា i3 នឹងបន្តរស់ ហើយក៏នឹងទទួលបានការកែសម្រួលឲ្យកាន់តែល្អប្រសើរផងដែរ។ បន្ថែមពីនេះអ្នកតំណាង BMW បាននិយាយថា i3 នេះនឹងត្រូវបន្តផលិតរហូតដល់ឆ្នាំ ២០២៤។ មានន័យថាជីវិតរបស់រថយន្តអគ្គិសនីខ្នាតតូចនេះគឺនៅសល់យូរគួរសមដែរ។

ចំពោះការកែសម្រួលបន្ថែមលើម៉ូដែល BMW i3 ចាប់ពីចន្លោះពេលនេះ ដល់ឆ្នាំ ២០២៤ អាចនឹងមានការបន្ថែមទំហំអាគុយធំជាងមុន ដែលវាអាចនឹងធំជាងអាគុយនៃម៉ូដែលបច្ចុប្បន្នដែលមានទំហំ ៤២,២ គីឡូវ៉ាត់ម៉ោង៕

ផ្ទាំងផ្សាយពាណិជ្ជកម្ម

វៀតណាមចង់យករថយន្តរបស់ខ្លួន ដាក់លក់នៅអាមេរិក

December 16, 2019

លោក Phan Nhat Vuong ដែលជាម្ចាស់សម្ព័ន្ធ Vingroup ដែលជាក្រុមហ៊ុនមេរបស់ក្រុមហ៊ុនរថយន្តវៀតណាម Vinfast បានបង្ហាញមហិច្ឆតាដ៏ខ្ពស់មួយ គឺចង់យករថយន្ត Vinfast លក់លើទីផ្សារសហរដ្ឋអាមេរិកនៅត្រឹមឆ្នាំ ២០២១។

យោងតាមការចុះផ្សាយរបស់ Bloomberg មហាសេដ្ឋីដែលមានទ្រព្យសម្បត្តិជាង ៩ ពាន់លានដុល្លាររូបនេះ នឹងចំណាយលុយផ្ទាល់ខ្លួនជាង ២ ពាន់លានដុល្លារ ដើម្បីធ្វើឲ្យ Vinfast ជោគជ័យលើទឹកដីសហរដ្ឋអាមេរិក។

លោក Vuong បានលើកឡើងដូចនេះថា ៖ “គោលដៅធំរបស់យើងគឺបង្កើតម៉ាកសញ្ញាអន្តរជាតិមួយឡើង។ វាគឺជាដំណើរដ៏ពិបាក ហើយយើងនឹងត្រូវចំណាយកម្លាំងច្រើន។ ប៉ុន្តែមានផ្លូវតែមួយប៉ុណ្ណោះ។”

លោក Vuong បានយកអាមេរិកជាគោលដៅ ទាំងដែលក្រុមហ៊ុនមិនធ្លាប់មានទីតាំងនៅសហរដ្ឋអាមេរិកសោះ ហើយណាមួយក្រុមហ៊ុន Vinfast មិនរំពឹងថានឹងរកប្រាក់ចំណេញបាននោះឡើយក្នុងជំនួញរយៈពេល ៥ ឆ្នាំ។ គួរដឹងថា Vinfast កំពុងលក់រថយន្តក្នុងតម្លៃទាបជាងការចំណាយផលិត ហើយ Vingroup ត្រូវចំណាយប្រចាំឆ្នាំប្រមាណ ៧៧៧ លានដុល្លារ/មួយឆ្នាំ ក្នុងរយៈពេលប៉ុន្មានឆ្នាំខាងមុខ ដើម្បីប៉ះប៉ូវការខាតបង់សម្រាប់ Vinfast៕

ផ្ទាំងផ្សាយពាណិជ្ជកម្ម

មកមើលតម្លៃឡានភីកអាប់ Honda Ridgeline ឆ្នាំ២០២០ ទើបប្រកាសចេញលក់

December 16, 2019

រថយន្តភីកអាប់ Honda Ridgeline ស៊េរីឆ្នាំ២០២០ បានចេញលក់ជាផ្លូវការ នៅថ្ងៃទី១៦ ធ្នូ ២០១៩ នេះ លើទីផ្សារសហរដ្ឋអាមេរិក ដោយអាប់ដេតលក្ខណៈពិសេសជាច្រើន ថែមទាំអផ្លាស់ប្តូរម៉ាស៊ីនថ្មីទៀតផង។

ឥឡូវនេះ រថយន្ត Honda Ridgeline ឆ្នាំ២០២០ បំពាក់ម៉ាស៊ីនសាំងចំណុះ ៣,៥លីត្រ i-VTEC ទំហំ ៦ស៊ីឡាំង ជាមួយមុខងារ Variable Cylinder Management មានកម្លាំង ២៨០សេះ ប្រើប្រអប់លេខអូតូ ៩វគ្គថ្មី និងប៉ុងពីរ AWD។

រឹតតែពិសេស វាបានបំពាក់បច្ចេកវិទ្យា Honda Sensing មកស្តង់ដារ ដោយក្នុងនោះរួមមានមុខងារដូចជា Collision Mitigation Braking System with Forward Collision Warning, Lane Keeping Assist System, Road Departure Mitigation with Lane Departure Warning និង Adaptive Cruise Control។

ក្រៅពីនេះ វាបំពាក់អេក្រង់ Display Audio ៨អ៊ីង អាចភ្ជាប់មុខងារ Android Auto និង Apple CarPlay, ចង្កៀង LED, កៅអីចុចអាចសារ៉េបាន ៨ទិស និងប្រព័ន្ធភ្លើង Ambient Lighting ជាដើម។

សូមបញ្ជាក់ថា រថយន្ត Ridgeline ថ្មី ចែកចេញជា ៤ម៉ូដែល គឺ Ridgeline Sport តម្លៃចាប់ពី ៣៣ ៩០០ដុល្លារ, Ridgeline RTL តម្លៃចាប់ពី ៣៦ ៦៧០ដុល្លារ, Ridgeline RTL-E តម្លៃចាប់ពី ៤២ ០២០ដុល្លារ និង Ridgeline Black Edition តម្លៃចាប់ពី ៤៣ ៥២០ដុល្លារ៕

ផ្ទាំងផ្សាយពាណិជ្ជកម្ម

Nissan Kicks ឆ្នាំ២០២០ កាន់តែសុវត្ថិភាពជាងមុន តម្លៃត្រឹមខ្ទង់ ២ម៉ឺនដុល្លារ

December 16, 2019

ក្រុមហ៊ុន Nissan បានចេញលក់រថយន្ត SUV ខ្នាតតូចម៉ូដែល Kicks ស៊េរីឆ្នាំ២០២០ ជាផ្លូវការនៅលើទីផ្សារសហរដ្ឋអាមេរិក ដោយបន្ថែមបច្ចេកវិទ្យាកាន់តែទំនើប និងសុវត្ថិភាពជាងមុន។

ឥឡូវនេះ រថយន្ត Nissan Kicks ស៊េរីឆ្នាំ២០២០ បានបំពាក់បច្ចេកវិទ្យា Safety Shield 360 ដោយក្នុងនោះរួមមានមុខងារដូចជា Automatic Emergency Braking with Pedestrian Detection, Rear Automatic Braking, Lane Departure Warning, Blind Spot Warning, Rear Cross Traffic Alert និង High Beam Assist មកស្តង់ដារតែម្តង។

Nissan Kicks ចែកចេញជា ៣ម៉ូដែល គឺ Kicks S មានតម្លៃចាប់ពី ១៨ ៨៧០ដុល្លារ, Kicks SV មានតម្លៃចាប់ពី ២០ ៥០០ដុល្លារ និង Kicks SR មានតម្លៃចាប់ពី ២១ ១២០ដុល្លារ។

វាបំពាក់ម៉ាស៊ីនសាំងចំណុះ ១,៦លីត្រ Naturally Asporated ទំហំ ៤ស៊ីឡាំង មានកម្លាំង ១២២សេះ ហើយប្រើប្រអប់លេខអូតូ Xtronic CVT និងប្រព័ន្ធប៉ុងមួយវិលកង់មុខ។ ជាមធ្យមរថយន្តនេះមានកម្រិតស៊ីសាំងត្រឹមតែ ៧លីត្រប៉ុណ្ណោះ សម្រាប់ការបើកបរចម្ងាយ ១០០គីឡូម៉ែត្រ៕

ផ្ទាំងផ្សាយពាណិជ្ជកម្ម

រថយន្តអគ្គិសនី Fisker Ocean សាកភ្លើង ៣០នាទី ជិះបាន ៣២០ គីឡូម៉ែត្រ

December 14, 2019

រថយន្តអគ្គិសនី Fisker Ocean ដែលគេទន្ទឹងរង់ចាំជាយូរនោះ នឹងបង្ហាញមុខនៅក្នុងកម្មវិធី Consumer Electronics Show នាខែមករាឆ្នាំ ២០២០ ខាងមុខ។

គេបានដឹងថារថយន្ត Ocean នេះនឹងមានបំពាក់អាគុយដែលអាចផ្ទុកថាមពលបាន ៨០ គីឡូវ៉ាត់ម៉ោង ហើយអាចជិះបានចម្ងាយពី ៤០០ ទៅ ៤៨០ គីឡូម៉ែត្រ។ ដំណឹងល្អនោះគឺ Ocean នឹងអាចជិះបានចម្ងាយជាង ៣២០ គីឡូម៉ែត្រ ដោយគ្រាន់តែសាកភ្លើង ៣០ នាទីប៉ុណ្ណោះ។

គេដឹងទៀតថារថយន្តនេះនឹងមានបំពាក់នូវដំបូលសូឡារ ដែលជួយសន្សំសំចៃថាមពលបានកាន់តែខ្លាំង។ ជាក់ស្ដែងទៅ Fisker បានប៉ាន់ស្មានថាដំបូលសូឡារនេះ អាចផ្ដល់នូវរយៈចម្ងាយបើកបរបន្ថែម ១ ៦១០ គីឡូម៉ែត្រ ក្នុងមួយឆ្នាំ៕

ផ្ទាំងផ្សាយពាណិជ្ជកម្ម